銀杏館 婆婆廚房

营业中

休息中

今日同舊同事去食晏，點了柑桔醬烤骨同埋亞麻籽蟲草花雲耳蒸雞。我第一次去，舊同事話呢度自助沙律吧、湯、粥同飯都係任食。沙律吧有兩款菜、一啲豆、青瓜、粟米同車厘茄，同兩款醬汁。沙律食落都新鮮。醬烤骨：啲排骨斬到好細粒，成碟有幾十粒，味道不過不失，都係柑桔醬嘅味蒸雞：啲雞有啲蒸過龍，所以鞋鞋地。同成碟嘢其實都無乜味。食完兩款菜，感覺食物嘅質素同味道係麻麻地，如果喺住家食還可接受。若果係餐廳度供應呢啲菜式，就未夠水準。可能係社企，又支持長者就業，就包容一下吧。衛生有待改善，可能附件係天台公園，佢地又打開兩邊門，一路食一路好多果蠅周圍飛，都幾煩擾。服務：有禮殷勤

昨天來吃過，覺得很好，今天再帶人來吃，叫了豉油雞，一來看見雞屁股，以為只是其中一塊不能吃，再吃，都是雞尾前面我皮和骨，還有雞頸，只得三塊雞翼是有肉的，非常失望，社企都要用良心辦事😞

午餐，小菜形式，叫了一個小菜，便可享用自動吧，自動吧有飯、素湯、糖水、咖啡、花茶及沙律菜。小菜一般價錢$58-$78，也有節令限定小菜(蛇羹及羊腩煲等)，當然會貴一點啦，亦有提拱素食食品。食物性價比高、加上幾位老人家侍應工作勤快，有禮的服務，用餐非當愉快。

同朋友都幫襯過銀杏館旗下嘅素食餐廳，對佢哋嘅出品都好高評價，但就係冇幫襯過油塘嘅婆婆廚房，今次早收工同朋友專誠來食晚飯，傾吓計。去到嘅時候都差唔多七點，由於天氣開始凍所以都開咗暖爐，如果我同朋友唔係怕凍都會選擇喺出邊食，好有風味！😂入去安頓好一切之後侍應就叫我哋可以去自助沙律吧拎沙律，獨愛銀杏館嘅千島醬😍，仲有種魔力令你一食再食，食過嘅人就明我講咩㗎啦！拎咗佢哋自家煲嘅素湯，同出邊嗰啲冇得比，因為冇味精所以飲好多碗都唔會口渴👍🏻叫咗個冰梅排骨份量唔少，肉排肥瘦適中，醬汁酸甜有層次😋，配埋出邊白飯任裝，幾乎係每台必叫菜式！我同朋友擔心唔夠飽所以帶咗個闊佬炒飯，上枱相當有鑊氣！炒飯粒粒分明軟糯適中，配搭蝦乾同鮮蝦兩種口感，令到平凡嘅炒飯變得不平凡。🦐🦐🦐雖然食完飯好飽但都要食埋佢哋嘅芝麻糊，甜而不膩，入口充滿黑芝麻油香，食得都係自家製並唔係買返嚟混水果款。喺鬧市中能夠既有尋找健康美味，又有社會良心嘅餐廳實屬難得，期待佢哋會繼續做好佢哋嘅出品，幫助更加多需要援助嘅人。👍🏻

去開油塘交收貨物順便搵間餐廳食下晚餐，上網搵附近餐廳搵到婆婆廚房，俾佢網上寫嘅理念吸引咗去幫襯。婆婆廚房嘅位置有啲難搵，但鄰近係空中花園空氣好好。一坐低，職員俾咗一張點餐紙叫我哋夠時間就可以寫自己想叫嘅嘢落去，同埋講解有啲乜嘢可以喺自助吧拎嚟食，服務好好。沙律吧嘅沙律非常新鮮，問返職員都係喺佢哋嘅有機農場提取，我都忍唔住攞咗幾份！叫咗一個闊老炒飯，上台非常震驚，因為係蝦炒飯！面鋪咗四隻鮮蝦非常入味，仲混埋蝦乾同鮮蝦仔，口感好豐富，而且佢仲要用蝦醬炒！愛蝦人士必點～地理位置雖然難搵，但餐廳嘅食物同埋服務都值得專登嚟食，下次都會同三五知己再嚟幫襯！

以前都食過幾次堂食，都係同老人家一齊去，覺得都幾好，所以外賣都想幫襯，誰知道。。。。。。完全失敗：我叫左兩個單人套餐，包紅米飯一碗、話説無味精湯一客，主菜係『紅枣雲耳蒸雞』，每件雞都切得很細件，大概一隻手指公左右，但有一半係皮包骨，係冇咩肉嘅，雲耳冇味，整個餸係好似未入味咁另一個餸係『本土蒸梅菜扣肉』，只有大概四件 2cm x 2cm 咁大的扣肉，份量算少，最差劣係個味道，食落就知道係加水番煮的，不是淡味，係由濃味加水番煮的仲有個紅米飯，太乾、太硬，很難食個湯都偏淡大家試過就知道，不用我多説不明白為何外賣的質素較堂食差咁遠，是不同廚子做的，是嗎？有冇人可以話我知呵！？

我自己絕對相信相由心生，善良的心永遠都是最有光芒溫暖到身邊的人！最近行去露天花園旁邊有間餐廳🍴我真的很喜歡，這份窩心和感動，使我不期然想起社會上其實很需要更多愛！這餐廳《銀杏館》 婆婆廚房，它是一間社會企業為長者提供就業機會，當我入到去，長者店員很親善，介紹我們一定要飲他們的用心煲的靚湯，更有機自家有益飲品例如我手上的洛神洛神花茶🥰無論食物、人情味都有家🏠的感覺使我心很溫暖！午餐時段都包自助沙律🥗、湯品、飲品、咖啡☕️的，食物方面我自己特別愛「蔥油蒸黃花魚 」鮮味十足，黃花魚肉嫩新鮮，配合著薑蔥，啖啖都食唔停，以為自己變了做小貓了🐱不得不提餐館除了有室內，還有露天茶座的，晚上🌃在外邊品嚐美食應都好浪漫💕我一定一定要再嚟支持善心餐館，並希望再見這位微笑眼神的可愛婆婆🧓們！油塘店 - 銀杏館 婆婆廚房地址：油塘大本型廣場天台花園R01號

Ginko House is a social enterprise that supports employment of elderly in Hong Kong. I tried quite a number of their grocery items, which are pre-made frozen food and ready to eat upon reheating. They were all so tasty! And that’s why my friend and I would like to have a proper meal at their restaurant. There are several branches of Ginko House restaurants, each has its own signature cuisine. Grandma’s kitchen serves Chinese dishes.There was rain during the day, and we were blessed with a cleare

同朋友行完山，就嚟咗呢間度食午餐，坐室外嘅位置，感受住微風，睇住啲小朋友喺度玩，真係好寫意！呢度叫個午市套餐，就會包埋個沙律飲品湯自助吧，叫一個小菜，大概$60-80幾，就可以有埋個自助吧，食到飽飽😙。我哋叫咗幾個小菜，柚子排骨，排骨好有柚子味，酸酸甜甜，好開胃，朋友都食到讚不絕口。黎到我最鍾意食嘅XO醬爆茄子斑腩，煲仔菜上嚟嘅時候好香，好惹味，食落去好香嘅XO醬，班腩整得好滑，茄子入晒味，送飯一流，但呢個煲仔菜都有少少重口味，但係好食既。最後有南瓜肉鬆蒸水蛋，個蛋蒸得好滑，加埋南瓜，甜甜地，好開胃，反而肉鬆就唔係好食到，細都見唔到，配埋個豉油一齊食好味。整體來講，呢一個價錢，有個半自助餐，真心抵，加埋呢個環境，喺天台吹着風，傾住計，食住住家菜，連朋友都話好似返咗屋企食飯咁，真心推介！👍🏻👍🏻🍴銀杏館 婆婆廚房🚗 地址：油塘高超道38號大本型空中花園R01號舖 抵食指數：🌕🌕🌕🌕🌗Encore指數：🌕🌕🌕🌕🌗

想幫襯好耐，今日終於有機會到婆婆廚房食午餐。食物質數比預期好，我哋3人叫了2個小菜1個炒麵，炒麵蔬菜新鮮麵亦炒得好好味，翠塘豆腐因為即叫即蒸所以要等得耐啲，不過蝦鮮甜豆腐嫩滑，衷心推介。員工有禮，環境寧靜，下次一定再幫襯👍🏻

昨晚與朋友原本4人相約喺油塘食飯，唔知食乜嘢好，就用 openrice搜下，見到呢間社企餐廳嘅食評很高分， 就訂位試下， 我哋七點半到，坐低後嗰個waiter話九點鐘打烊， 我哋都覺得冇問題， 便點咗個四人餐， 個餐除咗主食之外， 仲有任飲任食嘅湯、沙律同埋甜品，當時覺得几抵食，而且又係阿伯做Waiter，招呼都好熱情，應該要支持社企。當我哋去裝啲湯嗰陣時，就開始覺得中伏，所謂嘅素汤，同清水加鹽差不多，淡而無味，再睇個沙律bar，原來只得A菜(火箭菜)，腰豆，粟米粒， 牙菜，車厘茄， 醬汁也只得黑醋同千島酱，還好有碟仔酸木瓜送，木瓜酸甜度洽當，算係唔錯嘅飯前小食。约15分鐘，主菜上枱：洋蔥牛柳，水煮魚，婆婆羊扒，炒番薯苗，小炒王。洋蔥牛柳：牛柳有異味，未變壞， 但絕對唔新鮮而且乸到牛柳完全冇曬肉味，超難吃，成碟牛柳我哋只係食咗几块，大半碟冇人吃。水煮魚：汤油底都算係調得几香，但啲魚就不敢恭維了，落 單前曾經問過waiter， 話魚肉係石斑， 但食落絕對唔係，反而似係凍肉舖賣十几蚊/pack嘅鲶魚块，全冇魚鮮味。婆婆羊扒： 好騷同有啲韌，好彩我唔多怕騷，但朋友就吃唔到了。又係佳x凍肉舖貨

知道呢度有間社企特登同爸媽去油塘食飯呢度有自助沙律前菜同自助飲品湯品甜品我地揀左個二人餐，另加一個小菜二人餐本已有兩小菜加一個菜蔬沙律正常有蕃茄仔粟米粒沙律菜紅腰豆等等可以沾黑醋或千島醬飲品就有洛神花茶同羅漢果茶感覺都足料，味道夠湯品同甜品各一當日係霸王花羅漢果湯湯品清潤，仲可以揀湯渣飲甜品就係蕃薯糖水蕃薯甘甜，夠粉薑蔥蝦三豉蒸斑塊炒有機蕃薯苗古法元蹄爸爸大讚連生菜都甜！小菜黎喇份量都足夠幾款餸都幾夠鑊氣爸媽都好滿足讚佢夠入味，有特色！雖然價錢唔算好平但味道都好唔錯比一般茶餐廳高質值得再黎幫襯！

今午來到油塘，要解決午餐問題，又想坐得舒服坐得耐，想到銀杏館，就在大本型頂層。有幾張户外枱，今天天氣不熱，坐户外最好不過。惠顧午餐都可到自助區，六款沙律。紅腰豆和粟米都是罐頭貨式，但罐頭都有高低之分，這裡用的是較好一種。另外有溫室豆苖，我嫌生食太青和九芽紅珊瑚菜。值得推薦的是小蕃茄，雖然連枝，但細嫩，一併吃也可，爆汁有茄味。還有芽菜沙律，煮熟再調味，清爽。自助飲品，咖啡，白飯溝了紅米，白粥，素湯。素湯清甜，應該下了粟米甘荀煲，我飲了兩碗，吃了兩碟沙律。小菜點了柑桔醬炒排骨。調味清新，排骨用一支排，首先料好，先炆淋再走油，炒醬而成，其次醬好，那會不好？古洞醬油雞。古洞從前有釀制醬油，也不知道現在還有幾間。醬油調得好，色水夠，層次豐富，味濃，雞也浸得好，脾滑胸嫩。稍嫌雞肥欠雞味，但香港食到的雞，多半如此。最不好是生鐵鍋上枱，鐵銹味溶到豉油中。整體而言，午餐146元，味道好又坐得舒服，環境又好，雖然不算大碟，但價錢相宜，又有自助區。服務員一般稍有年紀，但親切又好禮貌，從來覺得這才是社企之道。下次還會再來，希望天氣未熱吧。

之前已經食過銀杏館，突然發現喺大本營4樓有一間唔係好張揚嘅鋪頭，就和我媽媽去食咗個半buffet午餐。食店環境好好，有風景睇，如果坐出邊，啲空氣都好清新。店入邊啲夥計都上咗年紀，但服務都好殷勤。我帶咗個蔥爆牛肉同埋紅棗蒸雞， 10分好味，而且都冇味精。buffet有幾種蔬菜，又可以揀三色飯或粥，又有是日湯飲， 60幾蚊一個餐真係抵到不得了。當然，嘢飲都係任飲，仲係健康飲品菊花蜜柑桔物，成個餐都好健康。強力推介大家黎試吓支持下良心企業

呢一間餐廳位於商場嘅頂樓係一間社會企業開嘅佢係標榜左冇味精嘅餸菜而且係有一啲老人家煮嘅所以我同同事間唔中都會想去支持下而且佢有一啲好大嘅枱可以比好多人一齊去食㗎