銀杏館-越老 (已結業)

如果行過，唔知是以聘請長者為員工的餐廳，只看見在舊舊長長的樓梯，仲向上望見到紅色的燈箱，一定不敢行上去的。餐廳內是有些懷舊、有些歐陸的設計，燈光偏暗，座位舒適。自助沙律吧：通粉沙律、薯仔沙律、青瓜、車厘茄，沙律菜等。種類不算多。湯：雪耳雪梨素湯，偏甜，似糖水多啲。主食有很多選擇，撈檬粉、湯粉、飯，素食餐點都有。每個主食的份量都頗大。赤烤豬肉撈檬，烤豬肉醃得入味，灑上炸蒜片，一起吃更香脆。蕃茄蟹膏雜錦湯河，勁多料，有豬紅、魚蛋、扎肉、蝦、豆卜，所以材料都很好味，而湯底是鮮甜海鮮湯。最後還有飲品添。

今次一行 6 人嚟呢度食越南菜，地點唔算好方便。我第一個到，原本想煲住劇等人，但叔叔喺度不停同我傾計，唔緊要啦，老人家都係想有人傾吓講吓，就同佢嗲吓，原來佢哋係喺饒宗頤嗰度搬過嚟嘅，仲有其他地方都有唔同菜式嘅分店，大家有興趣嘅可以去支持吓高齡就業。叔叔有提我哋佢哋碟頭大，唔需要叫 6 人餐，於是我哋就叫個 4 人餐再加啲小食。8 點前 Happy hour 買一送一仲可以加特價小食，我哋叫咗白酒，但唔知係咪少人叫放得耐，我覺得無乜酒味，小食叫咗金沙脆薯條，覺得唔係好夠咸蛋王，味道唔均勻，沾到金沙嘅係好好味。4 人餐的確大大份，大頭蝦好夠味，連放底嘅沙律菜都好好味，比我清晒，但個蟹肉煲同我哋諗嘅有出入，我哋以為乾身嘅，上檯見到有湯呆一呆 🤣🤣🤣餐廳都多人幫襯，有啲人簡簡單單叫碗粉，又有一大班人叫大餐，味道當然唔及正統越南餐廳，價錢唔算大貴，但當支持一班高齡哥哥姐姐，大家可以考慮吓吖 😀

無意中得知這間越南菜社企，位置亦正好便上來了。令我非常意外的是位處舊商業大廈1樓中的餐廳，竟有如此浪漫摩登的裝修。很快迎接我的當然是招牌老侍應先生!客人不多不少，空間充足，除了隨安排的位置冷氣有點過，期餘由就坐介紹點餐上餐都十份暢順!午餐都是半自助的，意思是包了任吃的沙律和湯配一項自選主菜，還有飲品呢!湯河質素自然到位，但提供大量而美味本地有機菜的沙律吧讓小妹更興奮，配料不多但於我已經十分充足了! 滿足極了!

越老係畀長者就業嘅社會餐廳，雖然係樓上舖，但lunch期間座無虛席。Lunch一律為semi-buffet，湯同沙律吧任添，仲包杯飲品，加上裝修有格調，座位寛闊，lunch $48起，幾抵食。Menu見到豬耳扎肉撈濛，以為係兩樣餸，豈料係將豬耳皮嘅部分混入豬肉製成扎肉，食落多咗分咬口，幾得意。濛粉份量多，紫洋葱、炸蒜等配料都好足，絕對物超所值！只係繁忙時間手腳可能慢少少，但服務絕對ok，保留單據（唔肯定有冇消費要求）下次用仲有九折～

越老二人拼盤 HKD 128扎肉米紙卷：扎肉佔餡料三分之一，且有軟骨，爽脆的軟骨夾雜著軟軟的米紙卷，口感豐富魚露雞翼：魚露味道不太突出，雞翼大大隻素春卷：「軟脆」的春卷，味道略微鹹了一點金薯蝦卷：外觀精緻，一圈圈的炸物吃下去很像童星公仔麵的味道，蝦肉新鮮有機蔬菜沙律：食店推廣有機蔬菜，蔬菜的確新鮮，完全沒有枯萎而變啡的部分，不得不提的是在上面點綴的醃蘿蔔絲，甜酸度剛好越式酥炸生蠔 HKD 108 （八件）初嚐越式酥炸生蠔，口感比較一層一層的，的確與平日吃的吉列蠔有點不一樣。酥炸和吉列的分別類近酥皮蛋撻撻底和牛油撻底的不同。每一隻表面都蘸著看得見的醬汁和淮鹽粉末，吃下去還嚐到看不見的檸檬酸汁。蕃茄蟹膏雜錦湯河 HKD 88蕃茄蟹膏湯：蟹膏已溶於湯中，湯中有很多蕃茄碎，另外還有半粒去皮原粒蕃茄，十分鮮甜唯一一隻蝦在雜錦中出類拔萃，脫穎而出，令我留下深刻的印象。蝦膏十分鮮甜，蝦殼簿，蝦肉緊實彈牙。配料芫荽、紫洋蔥、九層塔，再加上隨湯河送上的小碟的青檸和辣椒碎，將湯底的味道昇華。雖然湯河是一人分量，但河粉分量感覺比二人分量還要多，所以森森和林林兩人分享一碗已經腹滿了。此食店是社會企業，旨在「長

大大份，食物質素ok, 點左二人餐，份量夠三個人！連碟菜都超大！好味抵食！長者服務都好殷勤，有禮貌，笑容滿面。仲有現場演唱中外名曲，氣氛熱鬧，令人坐得好舒服，香港餐廳少有的懷舊+cosy 感覺！家庭聚餐、朋友聚會、二人聚餐都啱食。Openrice 宜家迫人寫夠200字先可以評分，點解要咁呢，分分鐘宜家寫完都唔比出，迫我寫廢話，知唔知咩叫精簡，如果呢篇都唔登得咁我以後唔再寫慳返，都唔知邊個諗出黎，連字數都要規定，完全無意義！

地點在古老唐樓，沒想到店的裝潢具風格，地方整潔，夠大坐得舒服。食物整體很好味，每道菜都熱辣辣，份量足，一班朋友一直吃不停，加上價格合理，特別surprise 是越式甜品，少有在其他越南餐廳吃到。店員落力服務，又願意按客人需求製作食物，例如餐牌上沒有的熱飲柑桔特別做出來，很窩心。店內很多自製食品供購買，例如xo醬、咸柑桔，應該是長者們經驗+廚藝做出的傳統味道，真材實料，加上是社企，支持長者就業，更值得支持和encore！

幫襯下老人家工作嘅餐廳先，首先行一層樓梯上到黎，入到黎舖頭覺得裝修得唔錯，呢度午市係半自助沙律吧，最平兩個$48嘅午餐，沙律、餐湯任食任飲，蔬菜係有機我鍾意食青瓜同埋沙律菜再加越南酸汁，仲有薯仔沙律將、蕃茄仔、粟米仔同埋餐湯，大部份係中式菜湯，雖然沙律吧款式只有四五個選擇但係午市連埋主菜都已經好飽，仲要沙律吧可以任食。咖啡只係普通即沖咖啡不過冇糖，可以自己落糖，苦味比較重所以個人一般般。蕃茄入面真係有好多新鮮蕃茄，另外有蝦、魚卜同扎肉，配料豐富，河粉轉咗做檬粉，食落檬粉幼滑份量多，味道適中太鹹。呢度係有+1收費，所以留返張單下次幫襯，一個月內就可以唔使+1。環境寛躺舒適，侍應都係老人家，所以要俾啲包容同耐性，不過so far都OK。

雖然呢一間銀杏館位置比較偏僻，但係發覺都有好多朋友食過，今日放假就特登去試吓佢個半自助午餐，去到之後原來都有幾多人食個喎。佢個半自助午餐都幾多選擇，有飯有河粉有撈檬仲有越南法包。價錢仲好平， $48起。雖然佢個沙律吧比較細，不過呢個價錢真係唔好太高要求，個沙律都有幾款選擇，唔係cheap cheap西生菜，仲有埋糖水仲想點😂😂同埋佢嘅main course都幾好食，絕對唔會將貨就價，尤其是係個生牛河同越南嘅真係有得揮架👍🏿👍🏿👍🏿

Was out with family on holiday and in the MK area wanted to find something to eat near Temple street market. This place is a little hidden from the high street and entrance is through an old building and not much to look at. We were first pleasantly surprised by the roominess and decor of the interior of the restaurant, the style is somewhat like a lounge and canteen/diner style. On the shelves by the side of the wall are hand made food products like sauces and condiments. we did not have a res

用 eatigo 訂位，weekend 的 peak hour 都有九折，想去食的話咪錯過。餐廳叫越老，位於油麻地老舊大廈，唔係有人帶路係唔會知道的。除了大廈老，原來因為佢D侍應個個都有返咁上下年紀，越老越有經驗餐廳裝修亦好有情調，有七八十年代的懷舊 feel 。四人行見有四人餐，想叫之際侍應伯伯叫我地諗清楚先..... 都幾多野食，好擠擁吓！原來eatigo 的九折不適用於套餐，加上俾佢嚇一嚇，都係散叫算了。赤燒豬肉撈檬 $78豬肉香口，多配料好惹味，加上魚露之後堅 good , 唯獨係檬粉唔夠多，餸多過粉。西貢原條海魚 $178幾特別的煮法，第一次咁食。魚似是海鱸，大條肉結實但冇乜魚味。赤燒汁是甜甜地的，我就一般啫，喜歡辣味多D。清湯蘿蔔腩 $138幾好味，湯底正，蘿蔔入味。牛腩夠淋唔韌，可惜數量少，唔多夠食。呢個價錢貴貴地⋯⋯蒜茸炒白菜仔 $68蔬菜好似標榜是有機的，除了食得放心之外，其實冇乜特別順化豬手煲 $98量多、入味、唔油膩又夠淋，有皮有肉有骨，咸咸地少少辣，送飯一流，呢煲就抵食啦。蒜蓉包 $28一客得三片，感覺與西餐廳餐湯送的蒜蓉包差不多...... 幾貴餐廳都幾好坐，

態度改變一切，做人做事，甚至連美食都係一樣😇 銀杏館鼓勵晚年再就業，店取名《越老》，其實越老都可以越可愛。店陳設，裝修都同油麻地既風塵味相反，平實裝潢，帶點陳舊，又有住法式情懷。餐廳燈光應該係刻意安排過：食飯桌面有射燈照耀，但其他區域用柔和暗光，令舖格調提升，既係美食場所，亦係過完勞碌一日既一個聊天室🤗上枱先黎有機柑桔手工啤酒，應該係獨家牌子🤩 伯伯服務員連埋凍杯上枱，開完後用嫻熟手倒左大半杯出黎上枱，親切態度，誠懇笑容，你真係feel到佢係鍾意份工，晚年再就業，重投社會，被需要，佢斟出黎既唔係啤酒，而係對生命同工成既熱愛😀😀 啤酒淡身，聞落去有柑桔味，係手工啤中算係獨特口味，夏天happy hour 做開胃飲一流🍻🍺咖喱包上枱，比平時泰菜既咖喱包略小，但牛肉一啲都唔姑寒，足料🐂 佢既咖喱無印度咖哩咁搶，亦唔似茶記個種椰奶味甜，少辣，入口香醇。咖哩沾埋麵包，令包質變軟香口，掘埋層麵包囊去沾汁，yummy😋😋😋有時美食真係唔駛貴，簡單都可以係天堂👍串燒，有啲個人回憶，記得細細個，元朗有檔車仔檔係元朗村附近，用炭爐燒，今晚個串燒就係呢種味。大火熟封豬雞肉既表面，咬穿後肉汁係包裹其中，都真係

約咗好耐無見的朋友食飯，當然想搵個可以坐耐d又食好d的地方啦！ 我都明，好多食肆要番枱先賺到錢。而今次朋友介絕呢間就啱我地要求，又得食又可以吹水。 7點幾去到，爬咗一條長樓梯，就見到一間格調看似不錯的餐廳。最初我以為去錯地方，我仲望咗好耐，明明話係銀杏館，點解搞到尖沙咀西餐裝修的款咁，入到去有點意外；還以為這類的店會比較傳統。有位老友記招呼我地，介紹咗厚切豬扒飯，又叫咗個素的米紙卷，加多個灼菜；簡簡單單就夠。老友記見我地係咁傾計，就係咁幫我地斟水，搞到我有少少唔好意思。老友記叫我地飲多d水，對身體好呀，又問我地食完個豬扒覺得點；係出面的話，應該俾人趕走咗。好食又有人情味

仲未諗到今晚食啲咩？十分推薦呢間以社企形式運作嘅越南餐廳🍴 唔好以為社企就野食就麻麻地😎食物食得出無味精 唔會好重口味 每道菜都有獨特風格😍聘用老友記做服務員的服務簡直200分❤️ 詳細介紹菜式之外仲好似屋企人咁關心你需要😂 環境又闊落 真係估佢唔到👍 特別推介：$28位任飲新鮮水果酒🍷 4個人埋單都係$600幾 抵丫

這間油麻地銀杏館，逢星期三晚上7:00起有民歌歌手獻唱，直至9:30左右，由3組歌手輪流每個星期三表演。今晚是第三次光顧，除了聽出耳油之外，食物質素也不錯！適逢同朋友慶祝生日，還可以點唱，要求歌手唱生日歌送予朋友，加上今晚歌手非常識做，乘勝追擊，把高興、熱鬧的氣氛延續下去，大家都玩得盡興而回！美味的食物與快樂時光的回憶交融在一起，令人回味無窮！朋友都盼望會再來光顧！多謝你們的用心經營，繼續努力吧！