銀河美食屋

营业中

休息中

大部份人，黎銀河都係點佢果個超抵食嘅吉豬，其實佢地炒類都好食(申利公司外賣經常叫銀河嘅/隔離街嘅XX廚)，但係有樣大家可能冇為意，銀河一直有做小鍋米線，之前都有食過，不過堂食，今次外賣都冇走樣所以推介一下！ 我今次叫左個 小鍋酸辣炸醬腩肉 ，一開蓋好香嘅炸醬味，仲有香蔥味，腩肉肥瘦合適，酸辣到啱啱好，食完後尾枕都標標地汗，外賣的米線沒有“太發漲”，但相比起最少都$40起錶，$36嘅小鍋米線絕對物超所值，下次如果去銀河，大家試吓佢啦。

價廉物美，而家喺香港好難搵喇。外賣飯盒仲要係好食嘅都好難搵，呢間銀河掂呀，日式牛肉腸仔飯同窩蛋免牛飯，真係唔洗諗，外賣必叫，大大盒。最正係加$5有大大碗糖水，通常有綠豆沙，腐竹蛋或者雪耳木瓜。糖水唔會死甜，又多料，我似乎係為左碗糖水而叫外賣😂。

2人食個午餐,以前係附近返學,都有食過這間餐廳,當時冇食過吉烈豬扒,今次有機會試下。我們叫了兩個飯,一個吉豬飯,一個栗米班腩飯。吉豬飯遞左出黎之後就開始後悔叫左個栗米班腩飯,好大碟,一個人係食唔曬,叫1個吉豬+三文治應該好夠食。味道都不錯,脆口得黎入面肉又唔會好乾。茶記黎講都好大方,冇乜客人時任你簡位,叫栗米班腩時姐姐都會話貴小小wor,其實都係正常價錢,4x蚊一個飯加杯野飲。唯獨要彈係衛生可能差小小,其他都不錯,至少唔係伏。

這是一間無意發現的食店，名字叫銀河美食屋，做的是街方生意，位置不當眼，但勝在大件夾低食，粉麵飯丶咖哩鐡板、米線糖水都有，價錢仲好低添$28～$88不等，其中快餐超低，炒粉麵飯也不錯，午餐同下午茶係主力，密住有食客，下午茶就最低食~凍飲唔洗加＄我嗌左快餐，吉列豬扒配意粉咖喱汁，配埋凍飲都係＄40，好大塊炸豬扒，差不多成隻碟咁大塊睇下~唔止一塊豬扒嫁，而且又厚又淋，炸到脆卜卜，淨係食扒都好飽，不喜咖哩汁，可以揀其他汁，佢醬汁有七隻咁多，任君選擇小朋友最愛，炸雞亦薯條，都係好大份，熱辣辣的，個人喜歡佢快餐同小食，碟頭飯都👌，米線得兩款選擇，但不夠辣，但晚間小菜就麻麻～

喺得呢頭返工 當然要趁lunchtime 捐窿捐罅去搵啲又平又有質素嘅食物同大家分享啦 今日要介紹嘅餐廳雖然環境一般 食物賣相都唔算最好 服務正正常常咁啦 但價錢絕對令大家嘩然😮佢嘅食物有好多選擇 除咗炒粉麵飯之外 快餐嘅吉列豬扒 雞扒 牛扒嗰啲可以揀多樣餸 可以拼腸仔 火腿 餐肉或者煎蛋👍🏻 而汁方面可以轉茄汁 粟米汁 洋蔥汁 蒜茸汁 黑椒汁或者日式汁🐷 上次食過佢嘅吉列豬扒份量好多 今日唔想食太熱氣嘅吉豬 所以就同同事叫咗個咖哩牛腩飯 同咖哩肥牛飯 我地兩個都係配煎蛋🍳 坦白講賣相真係唔算吸引 但份量多 價錢合理 味道唔差 咖哩汁味道唔係好濃 但好好送飯😋 牛腩仲有牛筋添飲品方面 奶茶就比較澀 所以我地都係嗌咗普通嘅檸水😂 呢間茶記好抵食 難怪咁多人幫襯啦🐷

去葵芳食野，第一個選擇一定係葵廣掃街，全因價錢平、選擇多、人均唔洗一百已經飽到上心口，加上地點方便、又可以一邊行街一邊食野，所以每次去親葵芳都忍唔住先掃街~但今次有目標而來，所以跳過掃街，先去一間性價比高既茶餐廳----銀河美食屋雖然小店唔起眼，裝修同餐牌都彼為殘舊，但其實食物質素非常唔錯!! 我同朋友兩個人，點左呢度既兩款人氣餐加凍飲，人均都只係$37咋!!!凍檸茶呢度既凍檸茶甜度岩岩好，紅茶味好濃，濃得黎會有少少澀，但我個人幾中意太陽蛋吉列炸豬扒配咖哩汁 ($37+$2)呢個真係好驚喜，唔單止飯多，就連豬扒都有兩大塊!! 😮😯雖然唔係厚切，但勝在新鮮炸起，熱辣辣、脆卜卜、鬆軟有汁又唔韌；🤤唔辣既咖哩汁又係亮點之一，咖哩香濃，少少杰身，配上彈牙既白飯，三個字-----“無得輸”太陽蛋煎得岩岩好，蛋黃完全流心，蛋白又嫩滑，正呀!!吉列炸魚柳配薯條 ($32+2)平時只有下午茶時段先可以$3X呢個價錢食到炸魚薯條，而且炸魚係得薄薄一件…但呢度好豪氣，居然有三件厚魚柳件!! 😍全碟都係新鮮炸出黎，魚柳更炸至金黃，香脆可口；炸粉唔會太厚，但又唔會用叉一吉就散哂；入面既魚肉仍然保持到嫩滑口感，

最愛焗豬扒飯今日咁啱要係葵芳呢邊返工，咁唔得閒出去食就叫個外賣啦！平時係茶餐廳都鍾意叫焗豬扒飯架喇，一於試下呢間啦點知盒飯黎到，份量勁多，豬扒好多好大件，飯仲要係炒飯底喎，黎到仲熱辣辣架喎加上有蕃茄味配炒飯底，好食價錢唔算貴，再加份量唔少，值得再食

估唔到呢間山旮旯嘅茶餐廳，都有傳媒報道！事實上，佢嘅吉列豬扒真係好大塊，大塊過我塊面，可以配煎蛋、豉油、茄汁、咖喱汁，各適其適，一樣嘅係都係超級大塊！連凍飲都係＄40有找！今時今日，只有做自己鋪先至可以咁樣買大包！吉列豬扒最基本就係個吉列皮，真係脆到冇朋友！就算飯面加左咖喱汁，豬扒底嘅吉列皮都冇腍，仍然脆卜卜！豬扒肉身好鬆軟，似係鬆肉粉嘅功勞，都係茶記一般嘅做法；咖喱係港式咖喱汁，茶紀傳統味道！整體來講，絕對食得過！可以話係窮人恩物，劣食之中嘅好西！正呀喂！

大過塊面吉烈飯-去葵芳通常都去掃街，今次司令帶大家行遠少少食頹飯，話就話係茶餐廳頹飯，上到枱一啲都唔頹，啲吉烈野多到呢😍😍😍。司令試左吉烈豬扒飯（$37）同吉烈石斑飯（$42），豬扒一共兩大塊，石斑有六大條😮，個價仲要包埋凍飲，痴線洗唔洗咁多啊大佬😂！兩款炸物入面司令偏好吉烈石斑🐟，新鮮熱辣炸得好脆，而且夠厚所以入面好juicy！正！汁揀左咖喱汁，不過味道偏淡好一般。好在有大堆頭炸物同沙律醬，抵食到嘔！眼見多數係叔叔去食，所以佢飯底都勁多，女仔食記得要少飯啦😎。

之前都黎過呢度食飯，雖然環境就唔係咁四正，但係呢個價錢有咁大碟野食，無所謂啦所以今日再拉埋FD子去Encore，點知就出事…上次叫左飯食，今日見唔係好餓，見Lunch都有得叫沙律食，所以就決定試下個salad可能因為個沙律係即整，所以同行友人既野食到曬我都仲未有食其實本身都無乜所謂既，你D野食遲黎我咪遲D食完走囉！個炸魚沙律同叫飯一樣好大碟！一見到碟沙律梗係開心啦，有咁多魚柳！仲諗住餓左咁耐終於可以有野落格！點知先係食得個五分鐘，老闆娘已經過黎催我地走…佢見到同行友人食完飯飲緊野就過黎收錢，但係我碟沙律先啱啱到，邊有咁快食完呀！？咁即係擺明催我地走啫本身諗住俾完錢繼續食，但係佢已經放左出面D客入黎企係我地背脊等位，咁我都無得唔走啦！結果我碟沙律又食唔曬，杯奶茶又飲得兩啖，要行返過去葵廣買手卷…想turnover rate 高d既咪叫廚房出餐出快D囉，咁樣趕人走真係一肚氣以後Lunch 過去食都要諗下先

今日天氣晴朗，係葵涌廣場行左陣都唔知食乜好，又貴又多人，於是就過左去馬路個邊揾食。結果就俾我揾到一間隱世小店本身係出面望入去覺得無乜特別，只係普普通通一間污污糟糟既茶餐廳，不過無計啦肚餓都照衝入去啦。入面既食客都係MK仔女，可能因為隔離有間YC 啦。望住個餐牌，好似返返去十年前咁，D 野食好平，大部分都唔過30蚊。見到在場人士好多人都叫吉列豬扒，好似幾吸引，於是我都唔執輸叫返個「黑椒汁吉列豬扒餐肉飯」。好快就有得食，佢一拎到上黎，真係忍唔住讚嘆左一聲！雖然好似有D 誇張，但係真係可以用驚為天人黎形容！！塊豬扒仲大過我塊臉呀！！一啖咬入去，原來塊豬扒仲要係即叫即炸，炸漿好薄、好鬆化同好香豬扒味！！仲有沙律醬點，好細心同行友人本來就想食咖哩牛腩既，不過個四眼仔哥哥話賣曬。十二點咋喎，咁快賣曬…？咁ＦＤ子就改為叫左個咖哩吉列魚柳飯，魚柳有成四舊咁多！！個味都正常無雪味！總括而言，味道正常，抵食夾大件，呢間野下次黎葵芳可以ENCORE

二零一三年十二月十日...星期二...我去左葵芳同蝦子餅食個 LUNCH...葵芳食得的地方好多...不過...我們選擇了快餐...打扮街坊...裝修超級平民化...如果要高級食材...SORRY...平民 POST 唔岩你口味啦...你可以先行離開...舖頭內外坐滿人...幸好...卡位剛剛有人埋單..我們有緣可以試一下...我見好多客人的飯大大碟...一定唔怕唔夠食...睇睇餐單...價錢一樣平民...早餐平過連鎖茶記呢...快餐配撘多多...吉列豬扒...雞扒...牛扒...豬扒...可拼配餐肉...火腿...腸仔同雞蛋...汁料選擇一樣多...可以日日唔同汁...我點了吉列豬扒拼餐肉配茄汁...特別 ORDER 少飯...怕食唔哂...不過...依然好大碟...唔知係唔係落單的人見我係女士...為我碎上吉列豬扒???我見其他人原塊上...一碟有一塊半...碟旁伴有沙律醬...蝦子餅點了雞扒炒公仔麵...雞扒好入味...火喉十足...麵食落乾身一點會較為好...以份量評價...真的無話可說...大大碟...大男人夠哂食...以價錢評價...依然無話可說...不用四十元一個餐...

葵芳舊墟食飯比較經濟，黎間餐廳食物既份量就比較多而又唔貴，快餐配熱飲只係需要$33, 今次就食快餐A，可以選兩個餸，加自選汁，我就叫左茄汁雞扒拼雞蛋再配熱奶茶。碟飯賣相就唔錯，有兩大塊煎過既雞扒，一隻有汁既煎蛋，仲有洋葱做配菜，不過雞扒就無咩味，其中有一塊有d鞋，好在有唔太酸既茄汁調下味，奶茶都算過得去，好香奶味！

經朋友介紹, 發現了這家隠世小店, 無論價錢, 食物質素, 都是超讚的. 不得不讚老板的落力經營, 加油.話說本人十分喜歡食焗豬扒飯, 所以身邊朋友每次發掘了好食的, 就會告知.正如這家一樣. 這已是我一個月內第二次到訪了.焗豬扒飯餐, 其實只係個飯加餐飲. 配熱飲, 只需$37 (今時今日, 在連鎖店吃個焗豬, 有質素的焗豬, 已經唔止呢個價了)餐湯並不是明文規定有的.但要碰碰運氣, 如果當天仍有紅湯/白湯/中湯未沽清, 老板娘就會自動波地送湯比你.今次由於我十分趕時間, 所以黎之前, 打個電話落柯打, 1客堂食, 1客外帶.冇估計錯誤, 由電話落柯打, 到我到逹及焗飯上枱, 足足25分鐘.絶對是慢工出細貨.說回焗飯的做法.飯底 -- 是有炒底的 (吃到尾聲, 都沒有油淋淋浸飯 )豬扒 -- 是有加蛋炸過的, 面積之大, 差不多夠蓋過飯面最後加個疏菜鮮茄汁, 再去焗, 簡直是天作之合.湯 -- 平時不太好紅湯的我, 這店的紅湯, 真的十分足料及味道好, 令我日後對紅湯完全改觀整個焗飯的份量十足, 自問不細食的我, 把半碗湯(唔係老板娘刻薄, 只是我有自知之明, 唔想浪費, 所以要求