銀津點心茶餐廳

营业中

休息中

近排同女朋友行旺角，見到附近既一張流心奶皇西多士既poster，忍唔住入左去試😈。入到去先知原來係新開既點心鋪，而且仲好高質。-奶皇流沙西多士 $22依個價出去茶記食個普通西多都未必得，麵包炸得好鬆軟，蛋漿落得好足好重蛋香味。奶皇餡一切開個多士就爆曬出黎，奶皇餡質感造得岩岩好 唔會太過稀，奶皇味同咸蛋味亦都配合得恰到好處，超好食！另外仲有黑芝麻流沙揀，下次食我都會試下。🤓-蓮蓉西米焗布甸 $20依樣甜品真係好復古，記得好細個既時候都係跟屋企人去酒樓食過一次，依家亦都係得番某幾間酒樓會造，所以叫左個黎試下！啖啖都食到西米同蓮蓉，應該用左奶皇代替吉士餡。甜度岩岩好，表面亦都燒到焦糖化左，唯一可惜既係奶皇味遮蓋曬蓮蓉味，但如果未試過依款懷舊甜品既可以去依到平平地試下。-黃金流沙包 $22做到流沙既效果，奶皇餡都夠曬香，但包蒸得唔夠鬆軟。-銀津蝦餃王 $32蝦餃皮造得好薄好滑，內餡居然落左四粒蝦仁，好有誠意。-金蒜鮮蝦春卷 $20春卷炸得幾脆幾香，內餡都係好飽滿，唔係幾食到有蒜味，但整體黎講係幾好食。-韭黃鮮蝦腸 $32腸粉又係造到好薄好滑，好抵讚。但係長度就短左少少，可以大條番啲。蝦仁都係落

<旺角抵食好味點心>😃旺角呢間銀津點心 價錢相宜 有各式唔同點心外 仲會有樽仔奶茶同流心多士 都幾吸引😍入面環境唔大 但整齊光猛 經過 mk想食點心既朋友仔可以試下 ! 好味樽仔系列😍🍴樽仔奶茶 23 蚊☕由19 年奶茶王監製😍 茶香奶滑 甜度適中 正💪🏻🍴樽仔咖啡 21 蚊 ☕唔算好甜 咖啡味香濃 奶同甜度適中 比例好好 正💪🏻 🍴奶黃流沙西多士 22 蚊🥚🍞大大件西多士 外表香脆 一整開 d流沙爆哂出黎😈 流沙奶皇味香 帶 d沙沙口感 😃 夠香甜 西多 既皮其實 夠薄身 入面既流沙好多 口感豐富 正 🍴花旗參竹絲雞燉湯 48 蚊🐥🍲原盅上燉湯 入面既烏雞落足料 雞有雞味🐤 花旗參 個味幾出 😃 然後仲有 d瘦肉調味🐷好補 十分唔錯 🍴養顏紅棗糕 20 蚊🍡一籠三件既紅棗糕 外表靚好似鯉魚甘樣🐟 味道唔錯 口感煙靭 有 d似椰汁糕既口感 紅棗味出但又唔會好甜 正😀 🍴春風得意腸32 蚊 😃好有特色既點心 入面係充滿芹菜 同新鮮蝦肉 既香脆春卷🦐 🥬 出面用厚度適中既包皮包住 所以外面煙靭 入面香脆 點埋 gip汁都好味😃 🍴上湯魚翅灌湯餃 32 蚊🥟大大個灌湯

由於就快午夜12點仍未食飯，呢間近車站，又唔洗等位，入到去又坐光猛舒服，阿哥阿姐好好禮貌，3蚊位茶介，茶係好飲夠濃，求其點咗啲大路嘢，出事喇，好好食，即叫即蒸熱辣辣，蝦餃皮唔厚剛好，蟹籽燒賣冇肥肉，山竹牛肉球滑有馬蹄，人蔘湯鮮竹卷唔油仲飲晒啲湯，特別個牛肉腸粉，上枱亮晶晶，白裡透肉，啖啖肉，冇乜芫荽，配甜豉，滑滑皮，滑滑肉，好少會為一碟腸粉加咁多感想，同埋會為咗佢再返去幫襯。人家其實主打奶茶王，但次次都係食點心配中茶，個機會唔知等到幾時。

這間新開的銀津點心，款式很多，價錢合理，所以同朋友入去一試，比自己多個選擇。蝦餃：外皮晶瑩剔透，而且很薄皮，裏面原隻爽口蝦肉，十分足料。鮮人參湯鮮竹卷：鮮竹卷味道不過不失，人參味比較淡。鵪鶉蛋燒賣：細個每次去酒樓必叫的點心，因為仲意食隻蛋。藥膳雞腳：酒味不算太濃，雞腳煮得都幾腍。小籠包：皮薄汁多，沒有肉腥味，湯鮮且甜。蝦角：比較細隻，炸得香脆，裏面粒粒蝦肉。上湯炸粉果：好耐無見過這個點心，炸粉果鬆脆，點上上湯，入口鬆化。奶黃流沙西多士：必食之一，西多士外觀不甚特別，但一切開即爆出流心奶黃，蛋香味濃郁且不會太甜。

難得平日放假，同阿媽去了行下街，順便食個午餐。這間在旺角新開不久的點心店，食物款式不比酒樓少，但價錢卻比較抵食。我們點了一個二人套餐，另外再加了一個燉湯。川弓百芷燉魚頭湯裏面有半邊魚頭，阿媽最鍾意食魚雲，味道鮮甜，但略嫌中藥味較淡。燒賣點心全都新鮮熱辣，即叫即蒸，燒賣裏面豬肉肥瘦均勻，有粒粒蝦肉。鮮蝦菜苗餃菜苗餃外皮不算太厚，裏面啖啖菜苗，還有些蝦仁。春風得意腸腸粉包著的春卷炸得香脆，一定是點完即做，春卷還冒著煙，裏面有些蝦肉粒。鳳爪排骨飯排骨不會太肥，肉質都很腍，飯粒爽口不腍。最後套餐還送上餐茶。整體食物質素不俗，比某連鎖酒樓更抵更好味。

 已經很久沒有茶樓喝茶了，今日經過 銀津點心茶餐廳就突然想去食點心。餐廳環境整潔!乾净企理而且裏面點心的選擇都有很多樣化！和去了茶樓一樣無咩分別，重要呢度只係收3蚊茶介，認真係良心小店。奶黃流沙西多士：一切開就有海量的奶黃湧出，奶黃香滑濃厚配上西多！簡直是人間美味。春風得意腸：見個名幾得意就叫左試下。原來嫩滑的腸粉皮裏面是包住脆皮，然後内餡係鮮味十足的蝦仁！呢個腸粉口感豐富又特別，認真不錯。鮮人篸湯鮮竹卷：湯鮮竹卷比起炸的鮮竹卷更為清淡和健康，而且食起身都無咁油膩。高湯沒有味精而且真係有條小人篸在裏面。鵪鶉蛋燒賣：而家鵪鶉蛋燒賣真係已經賣少見少，估唔到餐廳有的食！！原粒的家鵪鶉蛋加上燒賣童年的回憶立刻湧上心頭。香菇滑雞飯：雞件嫩滑又夠入味！蒸出来的冬菇滑鸡饭也特别香，熱騰騰的蒸饭配上醬油吃起來特別暖心也暖胃。

今日帶著兩老去食點心！家人一向喜歡中菜，對中菜都有好高要求的，今日行過旺角見到朋友曾經推介我食的點心舖！於是我地就入左去試下。呢度的點心價錢親民，選擇又夠多!茶介只是每人3蚊。韭皇鮮蝦腸：腸粉皮薄身剔透，可以見到裏面彈牙的蝦肉！内餡分量十足，蝦肉鮮美彈牙。京式小籠包：父親大人要求要點！點心上菜是還是熱辣辣的，即叫即蒸。小籠包湯汁豐富，肉餡嫩滑而且味道適中，一點都不膩口。熏上醋一齊食更是美味。黑芝麻流心多士：流心包就食得多，流心多士真係第一次食。多士一切開裏面的芝麻就逼不急待地流出來！絕對要打卡!黑芝麻味道香濃，不會很甜也不會太膩。金蒜鮮蝦春卷：呢個春卷真係不得了！！！春卷炸的很香脆，連家人進食時我都能聼到 “索索” 聲。内面更包住原隻鮮蝦，蝦味十足。上湯魚翅灌湯餃：灌湯餃的外皮很薄，喝了一口清甜的湯汁我便知道餐廳沒有加任何的味精！實屬難得。薄薄的外皮包着蝦 、 鮮 魷和切細 了的魚翅等，材料十分豐富，灌湯餃味道濃郁又鮮味。餐廳點心便宜又高質數，下次一定會再光顧。而且餐廳又不收加一服務費！如果我住附近一定會每天都去飲茶。

行完花墟，口淡淡想飲嘢，記得有朋友話先達附近有間外賣樽裝凍奶茶好創，結果我通菜街、花園街行來行去，終於見到間賣點心的有凍奶茶poster，一飲又真係幾香幾滑，不過就太甜，老闆說是自家製的，值得推介，原來這點心專門店仲有燉湯，下次行旺角又多一個選擇☺️

新開的點心店，看網上展示的點心圖片賣相吸引，便到此一試。銀津蝦餃皇($32)，這個蝦餃皇很合我心意，主要是具口感的皮包裹着滿滿的爽脆蝦肉，感覺很新鮮，較一般的蝦餃彈牙。沙律明蝦角($28)，這裏的蝦系列都做得很出色，歸功於其內餡蝦肉。蝦肉飽滿爽脆，不會偷工減料，外層很香脆。這個點心與跟銀津蝦餃皇是一脆一軟、一蒸一炸的組合，同時吃到以蝦肉為主的不同製法，在口感和味道上都因不同的烹煮方法和外層用料而有所分別。上湯魚趐灌湯餃($32)，內層有魚趐，外層也有少量魚趐。魚趐爽滑，灌湯餃皮扁盛滿上湯。聽說這個的湯多喝也不覺口渴。甫上桌時，便急不及待喝了數口，的確，其它人所說的確實無誤。香滑牛肉腸($22)，腸粉很滑，是每次吃點心時，我必點的點心。鮮蝦肉餅飯($30)，飯粒分明而帶飯香，不會過軟，口感如煲仔飯中層。鮮蝦肉餅上的豆角新鮮，如多數條更好。這個飯是一人份量，因點了些點心，便與友人分享吃。奶茶(熱)($16)，用上寫著「金茶王」的杯，奶茶倒是有點份量，不論熱、凍也能保持其柔滑。奶茶(凍)($18)，熱的奶茶滑，凍奶茶更覺柔滑，個人較喜歡凍奶茶。最後的奶黃流沙西多士($22)是榜首食物。從中間

呢間隱世小店，位於旺角小巴區。店鋪不算太大，但環境乾淨的，員工也很友善。當然梗係要注意這間店的食物。蝦餃 - 一籠四粒大大件，一啖成件食落口，差啲熱死。果然是新鮮煮成，蝦肉彈牙、豬肉美味。燒賣 - 一籠四粒又係大大件，食落口是新鮮蝦肉彈牙豬肉的餡料，上面加上蟹子點綴，非常美味。蝦腸、叉燒腸 - 腸粉皮薄又滑，蝦肉彈牙，义燒有咬口。整體上是美美的。雪山叉燒包 - 嗰包麵面上有啲似墨西哥包嘅樣，入邊一定係叉燒包餡。個包整體上非常好食。樽仔奶茶 - 冇乜特別與一般茶記的奶茶一樣味道。十款點心，260元！上大酒樓以呢個價錢一定唔得。而所有點心都熱辣辣出場，整體上非常好味。

今天去左旺角先達廣場，維修電話，順道逛逛，手提電話維修需時，正好出去食個lunch就近搵左間新開點心餐廳-銀津點心茶餐廳銀津蝦餃王蝦餃大隻，蝦肉雪白，新鮮，皮薄，爽囗彈牙，有口感川弓百芷燉魚頭湯天氣涼涼地，飲個燉湯滋補下一打開蓋子，藥材香味飄出，好吸引，呷一口湯，湯熱辣辣，川弓百芷味道濃郁，鮮甜，魚頭依然幼嫰，好滑懷舊馬拉糕馬拉糕唔甜，入囗鬆化養顏紅棗糕紅棗糕呈現魚形狀，賣相唔錯，紅棗味道唔太濃，入口煙煙靭靭，有囗感

今日禮拜日約咗幾個朋友去旺角飲茶,以我所知旺角多連鎖店嘅飲酒樓都十分多人，所以我日喺先達廣場附近揀左間新開嘅［銀津點心茶餐廳］間餐廳場內唔係好大，但座位勝在坐得舒服，我見到餐牌有好多套餐選擇，所以我揀咗C有黃金流沙包，蟹籽燒賣皇，金蒜鮮蝦春卷，蜜汁叉燒腸，呢個價錢$78,真是好抵，特別一讚係黃金流沙包一咬下去係爆汁，媲美一般酒樓。鳳凰煎糯米雞第一次食糯米雞用來煎的，味道不會太膩。蓮蓉西米焗布甸，朋友食過話味道好軟甜的。皮蛋瘦肉粥等等，由於太多食物，我不能盡食，下次真的可以再來食。

飲茶另一選擇來到這間新开張的點心餐廳，太耐無食點心，dinner 價錢也合宜就進來一試。點心紙選擇頗多，晚巿人也不太多。所以佔了個卡位。 老闆娘先上了壸熱辣辣的鐵觀音。在冬天的日子很暖胃。首先點了必試的銀津蝦餃皇， 鵪鶉蛋燒賣，韭黃鮮蝦腸， 名醬蒸鳳爪，皇家金錢肚，和黃金流沙包。全部都好味。比茶樓的尺寸更大， 蝦餃和燒賣入面蝦很大隻，很飽滿。鮮蝦腸皮稍嫌厚身，但入面的蝦很爽口。再叫了個魚湯，很足料很暖胃，最後叫了個王牌奶茶，飲咗啖，眼前一亮，好味過某茶餐廳的奶茶。遊客必選。

與朋友們做完運動，肚空空想找一些飽肚餐廳，經過發現先達廣場附近開了一間新的點心小店，即管試試！店面不大但十分整潔光猛，坐得舒適由於太肚餓，先點了每人一盅蒸飯。鳳爪排骨飯排骨甚多，肉質實淨，沒有蒸得溶溶爛爛感覺不錯煎蛋牛肉飯賣相不錯，牛肉蓋滿整個碗，加上煎蛋，平實的美味香菇滑雞飯雞肉很多，入口嫩滑，加上大大隻冬菇，$28實在十分抵食再叫了兩款點心，菜苗鮮蝦帶子餃皮薄但有彈口感覺，餡料很多，很好馬拉糕食落鬆軟香口，當甜品食很不錯另外點了盅湯，川芎百芷燉魚頭湯飲落火喉十足，有濃濃藥材味，冬日滋補一流！值得推介這間點心店！

飲茶不再是上酒樓的專利, 有很多不同的點心小店, 可以很方便的吃到靚點心, 在旺角就發現一間新店, 營業時間都幾夜, 比酒樓更有彈性。樽仔奶茶$23: 第一屆香港國際奶茶王出品的奶茶, 入口非常濃厚, 因為奶的比較頗多, 感覺奶比重高過茶, 所以順滑易入口, 但喜歡茶味的朋友可能覺得不夠滿足。鮮蝦腐皮卷$28: 外皮脆脆的, 裡面包著鮮蝦, 味道不錯但比較油。鮮人蔘湯鮮竹卷$20: 喝一口湯, 果然和別家的不同, 不油膩, 不味精感, 不過鹹, 似是真正的湯品, 淡淡的甘甜味道, 有人蔘清香, 是可以喝光的湯, 而鮮竹卷餡料亦豐富, 主要有爽口的馬蹄, 和鮮味的豬肉, 還有冬菇等, 有三件十分抵食。上湯魚翅灌湯餃$32: 這上湯亦不是普通的味精湯, 感覺這裡的湯都好用心, 清甜的湯, 配上大大隻魚翅灌湯餃, 薄薄的皮包著蝦肉、瑤柱、冬菇等, 還有一棵娃娃菜, 吸了湯的味道特別好吃。花旗蔘竹絲雞燉湯$48: 湯頭清徹, 味道卻很足, 把烏雞的精華都迫出來, 很新鮮、滋補的湯品, 特別適合冬天喝。我是很喜歡喝湯的人, 叫了幾款都有湯底, 而出奇地每一款都可以喝光, 平時太鹹太味精的湯我都不