銀津點心茶餐廳

营业中

休息中

難得放假相約爸媽去飲茶，我地一家比較喜歡到茶餐廳食點心，因為隨左點心外還有咖啡奶茶飲😋餐牌上點心比起一般酒樓多，還有優惠套餐👍竹炭流沙包-麵包外皮軟綿綿，有小小芝麻香味，咬開熱辣辣奶皇流出，正😋韮王鮮蝦腸-皮薄鮮蝦爽口，每啖都有蝦肉,配埋豉油一流😋瑤柱鮮蝦菜苗餃-即叫即蒸，師父手勢一流可以做到餃子皮好薄，菜苗嫩嫩綠綠，材料非常新鮮😋上湯魚翅灌湯餃-咬開餡料非常豐富，娃娃菜煮得好淋，浸入濃湯，好鮮甜入味👍牛肉球蒸到脹卜卜，牛肉非常新鮮彈牙😋

成日去酒樓飲茶飲到悶悶地，今次來試下一點心茶餐廳，銀津點心位置旺角先達廣場附近，黃大仙紅色小巴站那裡，十分方便餐廳內都有不少坐位和卡位，餐紙寫滿了各樣的點心，另外仲有免費WiFi，方便食客飲茶例牌蝦餃燒賣，不過今次點的是黑松露燒賣，黑松露配上香菇的鮮味令人回味無窮煎釀尖椒。釀的不是普通的凌魚肉，配上辣辣的尖椒，新鮮口感奶黃流沙西多士，這個真的要一試，一切開暖烘烘的奶黃流出，用多士沾上，香甜香口，建議襯熱吃了鮮蝦腐皮卷，比起平時吃的皮更簿，更脆更新鮮最後點了個上湯魚翅灌湯餃，習慣喝上兩口鮮甜的白菜湯，然後再加上醋來吃，兩種感受，過來旺角逛街的朋友可以來一試

同閨蜜約好收工傾心事。想食番一盅兩件，輕鬆談下心。她介紹我去了一間旺角大件抵食又好味的銀津點心食。蟹籽燒賣皇燒賣幾大粒，豬肉唔會太肥半肥瘦。蒸排骨半肥瘦的排骨好正，有小小肥好香但唔會好韌。奶油流沙西多士熱辣辣的西多士好多奶油流出黎，甜甜蜜蜜超邪惡！！黑椒牛仔骨牛仔骨的肉質唔會太老太Overdone，幾入味。蜂巢芋角蜂巢炸得好酥脆，芋角好香口。白灼唐生菜生菜好新鮮，煮得嫩綠而且幾脆口。我最中意食鮮蝦腐皮卷。出面嘅腐皮超香脆，入面的馬蹄勁爽口。

我好鐘意去食點心專門店原來旺角都有好多間環境好乾淨衛生一入到去已經有幾檯客了，估唔到咁早就有幾檯客人除左有傳統點心食之外，仲有新野食架.....流心多士苦惱緊要流心多士定要流心包最終還是要左「竹炭流心包」唯有下次先再食多士竹炭流心包熱辣辣食就最真係流心奶黃黎架特別香濃竹炭包都做得好好，完全唔會痴住啲牙的春風得意腸口感真的很得意裡面係脆卜卜既春卷銀津蝦餃皇鱆魚香菇肉餅飯啲飯完全唔油膩的蒸得好靚，平時係酒樓食大多數都會好油膩！不過如果肉餅份量多少少會更好北菇棉花雞呢個都一樣一啲油膩感都無感覺好健康，魚肚數量都唔少架養顏紅棗糕紅棗味都幾突出，口感煙煙韌韌的我鐘意，加左少少椰汁，但都好match

今晚去左旺角買figure，之前訂左一隻figure番左貨啦！去攞貨之前食個晚餐先！上網搵到一間主打點心的茶餐廳，晚市時間食下點心好過癮，過一過酒樓癮先！睇睇menu之後叫左蝦餃皇，粒粒皮薄，入口香軟蝦餃皮，有點煙韌，蝦肉大大隻加左豬肉餡料，好足料好爆滿，一口一隻好滿足！即叫即蒸夠哂熱啊！韮皇鮮蝦腸，腸粉皮薄米香重，中間蝦肉夠大隻好爽甜，加上薑片，滑溜腸粉我最愛呀！另外加點一個蒸飯，肉餅有肉粒好咬口，香軟夠油香，冬菇粒好香，飯粒夠咬口米香重！我叫多一杯阿華田。

又多一間新點心兼茶餐廳，即叫即蒸，點心熱辣辣。餐廳位於旺角花園街地點方便。價錢非常親民，茶位HK$3/位，免加一，而且點心選擇極多。韭皇鮮蝦腸，腸粉皮薄身，口感爽滑，蝦爽口彈牙，餡料十足。上湯魚翅灌湯餃，湯與餃合為一體，上湯清甜，味道豐富。鵪鶉蛋燒賣，皮薄薄，春蛋晶瑩，燒賣肥美。瑤柱鮮蝦菜苗餃，皮呈半透明，鮮蝦加上菜苗味道相當配合。銀津上湯炸粉果，很香口，把炸好的粉果浸在上湯伴着吃 ，口感更豐富。竹炭流沙包，包皮厚薄恰到好處，奶皇香甜幼滑。養顏紅棗糕，充滿紅棗香味，十分煙韌。奶皇流心西多士，外脆內軟的西多士，配上流心奶皇，相當配襯。蓮蓉西米焗布甸，懷舊甜品，甜度適中，口感軟滑，蛋香味濃。樽仔奶茶及咖啡，奶茶口感香滑，咖啡咖啡味香濃。

發現長征路缐原來有一間食點心的茶餐廳。川弓白芷燉魚頭湯，$48。足料靚湯，魚肉又滑，湯濃很滋潤。近來喉痛又痕癢，喝一盅真的救我一命😍。銀津上湯炸粉果，$25。驚喜萬分！👍👍👍酥脆鬆化香口。記得浸上湯，好味的層次更達神級。醬皇金錢肚，$28。惹味有嚼勁，不過份量不多。蟹籽燒賣王，$31。大大粒，鮮蝦大大隻，豬肉餡又鮮，好有口感。竹炭流沙包，$23。麵包鬆軟，味道不差。可惜不流沙。普通茶餐廳格局，算光猛乾淨。早來可以坐卡座。看見餐牌有一人套餐，才$48，有飯有菜有飲料，超抵。長征後獨食又一好選擇。不過我鍾情靚湯和炸粉果，都係來個一盅兩件啱我心水。

而家茶餐廳，唔再只係食多士菠蘿飽，火腿通雪菜米。要走多元化路線，才能同其它食肆競爭，生存。呢間銀津點心茶餐廳，標明賣點心，但又有茶餐廳元素。你可以係到揾到西多士，咖啡，奶茶。呢度茶錢$6花旗參竹絲雞燉湯 $48一百分既靚湯好耐無飲過咁足料，咁入味既老火靚湯花旗參味剛剛好，沒有遮蓋了雞既鮮甜味蝦餃皇 $32四大粒，每粒入面有3隻蝦，真材實料外皮很薄，包不住三隻蝦既份量。菜心 $20鮮嫩清甜黑芝麻流心西多士 $25黑芝麻如泉水般湧出，淡淡黑芝麻味，甜度比糖醬低。西多士炸至金黃色，香脆可口，25蚊，平民價，抵食冰火雙槤 $33炸榴槤球就食過，一般般，外皮不算厚，但榴槤餡料較少。反之，白色既榴槤球有意外驚喜糯米皮煙煙韌韌，入面塞滿榴槤蓉，香味撲鼻，滿口榴槤味，超滿足仲想飲佢既奶茶，好似好吸引。不過夜晚晚，驚飲左瞓唔到，唯有等下次先了。

今日返工前同姐姐嚟咗呢度飲茶同姐姐都最鐘意食點心呢度好多選擇呀而且價錢相宜環境好乾淨仲好貼心有免費wifi比食客用兩姊妹點咗唔少嘢食必點嘅鳯爪、奶皇流沙包、流心奶皇西多士、鮮蝦腸等等鳳爪好入味、底下有d夠曬粉嘅芋頭索哂d汁好正鮮蝦腸蝦好大隻同彈牙個皮好滑奶皇西多士d流心奶皇餡超正好重蛋黃香、好邪悪好好味加埋個多士炸得金黃色剛剛好唔會乾曬章魚肉餅飯咸香味十足、飯夠乾身粒粒分明索咗d肉餅汁好香好好食燒賣大大隻蝦超級推薦雪山叉燒包包薄餡靚！成個包都熱辣辣！個包外層好香脆裡面d叉燒又唔太肥剛剛好同姐姐食到好飽超満足

今日與同事去太子見客肚仔發出強烈訊息，哇...原來2:00 係時候醫肚了！同事話附近有間好特別茶餐廳帶我去試下，就在隔離花園街，甫坐下來立即睇左點餐紙，認真有趣啊！點心是即叫即蒸，新鮮熱辣，有趣地方是點心不一定現普洱茶，你可以中西合璧配樽仔奶茶咖啡，西方代表有獨特的朱古力西多士，嘩😝呢個巧多士甜品控的朋友必試，我就減多四磅先黎挑戰！🤣🤣🥢銀津蝦餃皇 $32皮薄餡靚爽脆彈牙用來形容這籠蝦餃，絕對沒有誇張成份。🥢韭黃鮮蝦腸 $32腸粉痴的粉腸同事必叫鮮蝦腸粉，腸粉皮米香軟滑，鮮蝦不用形象二個字 「爽口」🤣🥢懷舊馬拉糕 $18軟綿鬆化馬拉油香氣剛好不會太搶鼻。🥢蜂巢芋角 $20呢家邪惡食物肥膩都要食，因為已買少見少好不容易遇上。🥢竹炭滋味流沙包 $23賣相已吸引了我，其流心的奶王大家睇睇唔講喇！🥢蓮蓉西米焗布甸 $20呢道甜品又是值得我為食他而跑步的，蓮蓉西米布甸，這古早味的甜點我豈可放過，西米包著香滑蓮蓉加雞蛋所焗出的布甸有點焦香實在美味！🥢最後當然唔少得香濃幼滑奶茶同醒神咖啡，咁就完全結束我這個超豐富一餐😋繼續努力開工 🕺🏻中西合璧點心簡潔光猛舒舒服服！

銀津點心茶餐廳喺先達廣場隔離嘅花園街，因為我係搭小巴去旺角，所以落車行幾步路就到，地鐵站出嚟都唔遠～係為咗佢個流心西多士嚟嘅，不過嚟到就順便喺茶餐廳setting下飲個茶啦☕️奶黃流沙西多士（$22）之前見人推介呢個，所以就嚟試下，果然冇令我失望🤤香港大學附近嘅「周記點心」整呢個都十分出色，而呢度嘅流沙西多士一啲都唔遜色！麵包炸得到金黃色，食落外脆內軟。一切開，啲奶黃流沙就流哂出嚟。食落甜甜地，而且咸蛋黃味香濃🤤蜜汁叉燒腸（$22）自己飲茶最鐘意就係點叉燒腸，嚟到呢到都要試下！叉燒份量幾足，唔會話淨係得皮，但得好少叉燒。腸粉皮滑度尚可美國花旗參湯鮮竹卷（$23）鮮竹卷都係我好鐘意嘅點心，而呢到嘅鮮竹卷係用花旗參湯煮。食落有花旗參味，幾特別！黑松露小籠包（$25）小籠包好少茶樓整得好味，試下呢到啦！皮唔算厚，但都唔夠薄。入面嘅豬肉味道都ok～不過略嫌湯唔夠！平時啲人最唔鍾意食粒的，因為最厚皮，但呢隻小籠包嘅精華就係喺正粒的到，唯有食埋啦！黑松露都幾香，都係幾特別嘅一款點心！蜂巢芋角（$20）見有人推介呢個都順便試埋啦～皮夾落比較硬，但食落係鬆脆嘅。餡好足料～有瘦肉、蝦肉、冬菇等等。不錯不錯

是日友人和我都一同放假，而友人又好中意飲茶，聽同事說這間茶餐廳的點心又平又好食，所以就去試試。餐廳在旺角先達對面，位置都易搵!我們大概11點幾去到，未算很多人，12點臨走前就開始多打工仔黎食啦!餐廳有卡位亦有普通枱，我們安排坐卡位，不會很迫，坐得舒適。點餐只需自行於點餐紙上寫好便可給予店員幫忙落單。金蒜鮮蝦春卷($25)，春卷應該是即叫即製，上枱時還是熱辣辣，外皮炸得很脆，內裡蝦肉彈牙!蜜汁叉燒腸($22)，腸粉唔會好厚，叉燒餡料都幾多，所以食落啖啖肉!山竹牛肉球($20)，一籠有3粒，跟出面酒樓的一樣，有腐皮在底，牛肉球唔會蒸到好淋，牛肉球入面還有爽口的粉葛，很有口感!名醬蒸鳳爪($20)，鳳爪份量不少，都蒸得幾淋，而且還有些芋頭一起蒸，味道惹味!醬皇金錢肚($28)，金錢肚唔會好韌，可以咬得開的，味道亦剛剛好！竹炭流沙包($23)，係茶仔可以食到呢款係酒樓賣得好貴既流沙包，而且真係有奶黃流沙，真係好正，仲要個包好軟熟！上湯魚翅罐湯餃($32)，呢到既罐湯餃比得上酒樓，餃子餡料很多，淨係蝦仁都已經有幾粒，而且爽口，加埋醋一齊食，味道更鮮！川弓百芷燉魚頭湯($48)，呢個燉湯真材實料，

這裡是在旺角區內近來頗具好評的點心茶記。差不多一面倒的笑臉好評，在這一旺區內的餐廳而且還是新開的情況倒是不常見的....今晚的胃口挺好，平常只會點一飯一菜的我，今次一口氣就來個一盅兩件，而且那"件"的份量是絕不可睇小....香菇雞飯一小盅，飯不多但炊得軟硬適中；雞肉挺滑而且入味；菇厚身但可惜只得一小隻。由於雞夠入味之關係，基本上飯都不用醮豉油，連料帶飯吃就已十分夠味....菜苗鮮蝦帶子餃算是一眾點心項目中較其一昂貴之選。皮很薄如透光，通常這一類餃皮都很容易弄得濕漉漉極易黏筷，但這兒做的卻沒有這問題，還乾爽的；饀內塞滿了料，大部份是菜和蝦肉，反而就不太找得到帶子肉的痕跡....最後是來一份近來在這一類點心茶廳甚流行的流沙西多....通常這一種流沙西多，饀大多是以奶黃為主。我今天食的這份亦不例外....用刀一𠝹開，流心奶黃馬上傾瀉而出，視覺效果已嬴晒。西多算是處理得不俗，入口起碼不會油淋淋的；奶黃的確是十分之甜，是甜得令我有點𠴱喉，一如所料的三個字 : "漏到爆"....說實在，我不喜歡太甜的東西的，不過好此道的話，也就當別論了....

我同老婆都好耐沒有坐底飲杯茶食個點心了，在旺角搭九龍城小巴果條街有間點心新開，見有套餐都幾抵，仲要比我地見到有"黑芝麻流心西多士"，無錯，黑芝麻不是好多地方都有得食，我見到雙眼發光，於事入去試下先。【花旗參竹絲雞燉湯】叫左個竹絲雞燉湯來試下，我太耐冇湯水補身，同不是好多地方有花旗參既湯水可以飲，一來到淡淡的花旗參香味衝出來，內裡都非常足料，一飲啖湯有非常濃郁花旗參香味仲帶點雞香味，不錯，極力推介!!【銀津蝦餃皇】蝦餃非常大粒，皮又不會過黏，內裡有啖啖爽口既蝦肉，不錯。【上湯魚翅灌湯餃】這個灌湯餃比我感覺好有懷舊味道，湯底非常清甜，配上魚翅灌湯餃，皮非常薄，肉裡包住蝦肉、冬菇等，仲有一梳娃娃菜，睇落非常飽滿，好耐都未試過灌湯餃。不錯。【醬皇金錢肚】味道非常濃郁，份量不小，金錢肚又不會過淋，口感適中。【黑芝麻流心西多士】流心西多終於來了，對我來說是一個甜品，熱辣辣既西多，黑芝麻已經爆流出來，切開之後仲流出濃濃既黑芝麻香，黑芝麻饀又不算太甜，假如鍾意食黑芝麻的朋友，這個極力推介!!

今日與同事傾談中，發現原來大家已經隔了好一段時間無吃點心，又開始心癢癢，而同事告知先達廣場附近原來有一間點心店，一放工當然我倆結伴一起去吃啦。店家舖位比較細，所以枱與枱之間空間比較窄，但地方乾淨舒服。點心紙選擇非常多，而且仲有些特式小吃。鮮蝦芝士炸雲吞雲吞皮新鮮酥脆，餡料蝦肉爽滑彈牙，芝士味不太濃。名醬蒸鳳爪醬汁香濃，鳳爪軟嫩入味，好吃！瑤柱鮮蝦菜苗餃外皮滑溜，餡料蝦肉菜苗鮮甜多汁，每粒都好飽滿。蟹籽燒賣皇豬肉與蝦肉比例均勻，入口爽彈鮮美。韭黃鮮蝦腸腸粉軟滑，鮮蝦鮮甜彈牙，加少少甜豉油超正！北菇棉花雞魚肚軟淋，吸收咗大量湯汁又juicy又鮮美，雞件嫩滑多汁，非常喜愛。