銀都冰室

营业中

休息中

平日放假入左華富邨感受下懷念嘅感覺，行行下見到間有d歷史感嘅冰室，表面平平無奇，但原來已經開業超過半世紀。係門口已經見到入面係舊時冰室/茶記嘅格局，諗都唔洗諗即刻入去體驗下🥰叫左炸脾紅豆冰同西多士配茶走炸脾紅豆冰，抵食之選。普通一隻炸脾，食落感覺似即叫即炸，而且夠大隻，可以用刀叉好優雅咁食。紅豆冰嘅紅豆接近係紅豆泥，唔係一粒粒完整嘅，所以飲落口感好好，唔會有顆粒要你咀嚼。金黃色嘅西多，淋上金黃色嘅糖漿。西多表面只係輕輕一炸，切落入面都仲係軟身嘅，唔怕熱氣。內藏一層厚薄適中嘅花生醬，整體而言就係一塊樸實無華嘅西多士🤤另外傳統糖漿壺都已經好少見，好多已經被獨立包裝嘅糖漿取代😢銀都冰室食到嘅唔止係食物，仲有嘅係人情味你會懷疑一個街外人，入到去點會食得出人情味。坐係冰室入面，聽住睇住店員同老顧客嘅交流，佢地真係睇住條邨D細路長大，大家都好熟絡。呢個就係我品嚐到嘅人情味

💥屋村冰室最地道📍銀都冰室｜華富📍人均消費 $ 3 X#CL香港仔 #CL四圍食 #CL港式 ⚪️⚪️⚪️⚪️⚪️⚪️⚪️⚪️⚪️⚪️而家出面好多茶餐廳都鐘意叫自己做冰室🧏🏻‍♀️呢間係貨真價實開左好耐既冰室呀💗店內裝修、店員同客人之間嘅熟稔都係人情味～呢日黎到叫左個早餐🥣梗係叫沙嗲牛通配炒多面包🥯沙嗲醬唔會過咸襯通粉都好夾，最緊要係杯茶走😝茶味香濃唔會澀同奶香互相呼應‼️必試啊🫶🏻🤟🏻不負責任點評好味道🌕🌕🌕🌕🌕🌕🌕🌕🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌕🌕🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

建議：華富邨有2️⃣間冰室，有時間可以一次過食哂，可以試哂唔同冰室既茶底。上回講到食完#華富冰室 不過實在係太飽，就係附近兜左一陣落左格再戰#銀都 再戰😋 一直想試銀都係因為佢地同#清漉 出左#樽仔奶茶 (有興趣可以睇番#fifthfloor_茶飲 298) 到底樽仔同實店飲到既係咪一樣呢⁉️今次試左：▫️港式西多 (HK$34)▪️茶走 (少甜少奶)下午茶食西多士食得多，通常麵包夾層都係花生醬🥜 有啲餐廳好似仲出過抹茶醬、紫薯。不過如果你話要有香港特色😂銀都既港式西多幫到你🍞 #港式西多 既夾層係火腿🐽配搭又真係有估唔到，加埋絕配既糖醬，咸甜味道岩岩好。終於黎到期待已久既－熱奶茶，味道真係同樽裝奶茶好似，至少有9️⃣成似。對比起其他茶走#試伏專員 覺得銀都既奶茶比較偏奶，茶底唔算濃。因為之前既樽仔奶茶口感，所以堂食突登叫左少奶，不過奶味仍然好出。如果您未必有時間入到華富，而又好想試#銀都奶茶 😌🤎可以考慮去#阿布泰 撞下手神，因為銀都既樽仔奶茶都唔係成日齊貨😂

最近大家都好鍾意復古📰 呢種懷舊冰室就一定相當吸引啦！😜 呢間位於華富邨嘅冰室係我嘅愛店💕 基本上每個月都要食 之前一星期食一次🤣 佢地最出名嘅奶茶同埋咖啡 已經出左樽裝 🇹🇭 阿布泰出售!必食推薦🥇熱奶茶 有冇人都係覺得奶茶一定要飲熱？🤣 凍飲控請手下留情！呢到嘅奶茶係真·香港茶記奶茶 香濃嘅茶底配 好滑嘅奶 撞埋一齊嘅效果真係好正 我飲奶茶咖啡都唔會加糖 所以最飲得出好香嘅茶味 同埋回甘嘅味道💕西多士 $26真心 雖然之前食過流心西多士都好正 但好易會漏 但呢度嘅西多士 係會搶住食😜 佢個啲融化左嘅牛油🧈同埋糖漿混合埋一齊 真係好好好好好顛 入面係花生醬 麵包已經係浸滿左蛋 所以成個就係不能拒絕的邪惡之物🥲🤣 茄汁 🍅！ 係咪好出奇 居然會係茄汁🍅 同大家分享一個獨門食法 menu入面冇架！茄汁雞扒煎蛋飯 係我每次去銀都都必食嘅combo!佢地嘅茄汁係自己煮嘅 偏咸甜咸甜咁 會令到你想一啖接一啖食🤣Overall 其實好怕好多人入黎食 因為咁我就要排隊🤣🤣🤣 同埋推薦大家平日下午茶時間入黎食 食完再去睇埋日落+雞蛋仔景觀

華富邨 有歷史嘅屋邨，當然找吓有冇冰室，就見到1968年已開的 銀都冰室 👍🏻。入面冇冷氣好彩有風扇而果日天氣不太熱還可。下午茶餐選擇都唔少，我哋最後就叫咗三個餐，價錢都三宆幾蚊可以，嘢食方面係好新鮮熱辣辣，味道整體都可以👌🏻。3樣嘢唯有食物失望係雞脾，完全沒有餣過咁，不過另外2款都好味😋飲品 奶茶 竟然失望有點意外😅唔夠滑身，茶味都可以，紅豆冰大杯都正常。整體價錢合理而且選擇不少，以不太多餐廳選擇的村都不錯。

火腿奄列🍳🥓唔錯，奄列蛋味幾濃鮮牛公仔麵🍜 兩點鐘嚟到，沙嗲牛肉或者叉燒已經賣晒，唯有叫鮮牛肉，質素一般，牛肉有筋，公仔麵亦都係正常發揮，要靠落胡椒粉來吊味。鮮油菠蘿包🧈🍍🥖 由於唔係新鮮出爐，建議大家不要叫店家用微波爐翻熱，防止麵包變得太淋過濕。法蘭西多士 🧈 蛋味香濃，但係略嫌炸得太耐奶茶 🍼☕️呢度既奶茶果然係名不虛傳，我哋飲曬普通熱奶茶、茶走同凍奶茶，三種都好好飲，普通熱奶茶比較薄身，但茶味濃，還有突出嘅after taste，Good! 茶走就非常香滑，但較甜，有些少蓋過咗奶茶嘅茶味，但係都好飲。凍奶茶特登叫少甜，但都係幾甜，但茶味非常足夠，係一杯好飲嘅凍奶茶。好飲程度先後排名將會係：茶走->凍奶茶->熱奶茶

細細個係南區生活成日食，搬離左之後就少食左好多啦，今天放假番去回味下。今次2個人去食下午茶叫左:1. 鮮油菠蘿包/奶油脆朱配煎雙蛋/炒蛋-$31+熱奶茶今次叫左炒蛋，雙蛋好似抵食D. 下次叫煎雙蛋。菠蘿包唔知係咪自家製？不過係凍菠蘿包🤣有d 係出面麵包店買的感覺，如果熱d 先有Feel. 2.法蘭西多士-冰檸茶走甜西多夠厚👍花生醬夠料再加埋蜜糖甜甜地OK好食。賣相都吸引，都OK大件。仲有其他野食，都有好多款。下次試其他。

講到華富村，好多人唔陌生，今日特登走入華富村睇下，好喜歡呢種懷舊感覺。網上好多食評都話要試下呢間冰室，既然係附近行下，所以就試試。冰室餐牌都好懷舊，選擇都好多。叫咗沙嗲牛肉麵同秘製雞翼配沙律，雞翼可以配薯條，但因為中午已經食左飯，所以就叫沙律。沙嗲牛肉麵湯都不錯，麵不會太淋，配出名奶茶不錯。不過，怕甜既朋友就記得叫少甜，杯茶都幾甜。雞翼配薯條，不過不失。另外，見餐牌某d飲品好得意，就叫左凍奶水，飲落都好重奶味。試過一次，就好了😅地方懷舊，冰室愈見愈少啦，值得一去，下次可以再去試其他既野食，聽講豬扒都唔錯。野食好抵食👍

今日嚟到位於港島南嘅華富邨尋找懷舊嘅味道。 時間大約下午三點三，又係下午茶時間啦，今日嚟到銀都冰室食返個懷舊下午茶。 入面格局大至上同平時懷舊冰室差唔多，位置唔會會話非常闊落，但加晒間板都食得安心，牆上仲有好多靚靚嘅華富邨剪影作品俾大家欣賞。 同friend一齊都叫咗雞髀沙律，雞髀size適中，炸到啱啱好皮脆肉嫩。雜果沙律份量豐富，再搭2片蕃茄係大滿足呀。除此以外一定要試試呢度嘅名物奶茶，除咗係堂食可以飲得到，佢亦都有樽裝可以外賣走。

銀都冰室-炸雞髀 配 紅豆冰 雞髀好有茶餐廳感覺 唔太油啲皮又脆 肉又嫩 唯一唔好就係隻髀可以大隻少少 會更好😋紅豆冰好大杯唔係大家樂個啲 紅豆又多又夠味 消暑一流👍🏼-蛋撻黎到見到唔係新鮮熱辣果下已經心知不妙😖 食落果然唔掂 好乾好凍同埋偏硬 而且個蛋漿一啲都唔滑 冇下次😤 -總結：舊式茶記 而且係黃店 食既係舊式情懷同埋良心😗

難得去到香港仔華富村工作，上OpenRice 一找便找了這間茶餐廳，由於我係Lunch time, 沒辦法試最出名的西多士，只好點了set lunch, 豬扒炒意粉加熱奶茶。意粉的橙色醬超懷念，現在很少地方找到了，大大塊豬扒，好juicy, 嗰醬料味道剛剛好，甜酸味不會太搶或太膩，意粉分量也剛剛好，不會太大分食唔晒浪費了。柸奶茶真係好好好好味，茶和奶分量剛剛好，上枱時還保持著熱度（這個非常重要），所以是必點項目，希望下次有機會吃西多士🤤🤤🤤

今日買完嘢見肚空空，回家前去食返個下午茶餐，這間良心小店好耐歷史了，點都要久不久支持下懷念裝修的冰室，用以前的掛扇好懷念，簡單環境唔取巧，實務性的冰室服務姐姐態度好友善，好多熟客仔好開心談論，話題唔重要，喜歡這種親切的感覺❤️下午茶餐抵食又款式唔少，今日點了沙嗲牛肉麵包餐1. 沙嗲牛肉麵包是熱狗長麵包，烤過的香口脆脆，有芝麻粒更香口；沙嗲牛肉的汁好香又唔會好咸，牛肉軟又易咬，好味2. 熱奶茶好喜歡冰室的奶茶，濃郁又香滑，好滿足又提神😍😍😍

上網search華富邨必食推介，一定會見到街坊力推銀都冰室😗十年都唔去港島一次～當然要試均哂佢地既招牌菜啦🙌🏻鐘意懷舊既裝潢☺️地板同牆身👍🏻秘製豬扒配薯條 $28 （凍飲加$2）- 豬扒超級多汁👍🏻肉質軟稔好好食💯- 薯條份量多啲就完美啦😂菠蘿包配煎雙蛋$28- 菠蘿包上到枱仲係熱架😍有誠意- 配埋煎蛋一齊食超好食😋鹹鹹甜甜咁仲有爆漿蛋汁！！法蘭西多士 $23不過不失啦🤪🤪純粹唔夠喉叫多樣跟餐檸茶&奶茶都好出色👍🏻茶濃又香

好似銀都冰室呢啲開業超過五十年嘅食肆居然係黃店，實在非常難得，大家一定要 save 低😆。說實話，嚟呢度幫襯，食嘅一定唔係味道，而係情懷同氣氛。畀廿零蚊食個下午茶餐，慢慢坐，同街坊打下牙骹，就係最佳嘅娛樂。嗰日本來想食佢哋最出名嘅麵包同蛋撻，但係由於臨近收舖已經賣哂，唯有叫個薯條雞翼餐配凍檸茶。薯條屬正常味道，雞翼則略嫌炸得稍為燶同乾；飲品方面，杯凍檸茶茶味好濃，飲得出好強嘅紅茶茶膽味，仲有少少澀，啱哂我呢啲日日飲茶當飲水嘅茶精😂。

很難得走進半山的華富村就走入了馳名的銀都冰室，外表看起來就已經很有舊式的風味。價錢尚算便宜，環境也很舒服，人流不多。店面上也保留以前的餐桌和排位，風扇和電燈也是舊式的，好有情調喔！假日的時候來休息一下也不失為好選擇。