銀龍粉麵茶餐廳 (已結業)

銀龍茶餐廳已經60週年, 早餐算是多款式決定一試河粉早餐❤️🍜豬肉丸拼黃金魚角河豬肉丸香口, 彈牙, 有豬味黃金魚角彈牙, 唔會有霉味, 食到系新鮮河粉算是彈牙, 都okay佢既金牌奶茶真系值得一試💓提提醒+$3 可轉凍檸茶/咖啡/奶茶外賣自取即享九折🫶🏻環境算多位, 但都有點逼夾所以都不太想坐太耐🫣🪙價錢$42🍜味道:3.9/5🔴🟠🟡🟢🔵🟣⚪️⚫️服務：4/5環境：3.8/5返食：3.9/5價錢：4/5🔴🟠🟡🟢🔵🟣⚪️⚫️👷🏻‍♀️利申：本網只代表個人感受與想法不代表全部🫡(本台暫試運當中, 全人手營運, 多多包涵)🪙今次全自費👷🏻‍♀️順帶一提落單可櫃面下單或電話外賣自取🫰🏻📍 銀龍粉麵茶餐廳 (油塘)油塘鯉魚門路80號鯉魚門廣場2樓202號🚈(油塘A1出口行5分鐘)

叫咗三個扒餐，每個扒餐都有配牛角酥，熱飲，熱湯，待應就俾一個牛角酥，有兩個冇俾到，我哋以為得一個牛扒餐先有配牛角酥，埋咗單先發覺原來三個扒餐都有牛角酥，係唔係冇貨都冇出句聲，雖然唔多錢，不過咁樣都係欺騙食客。

叫左炒麵同其他 佢呢間d野食俾起其他分店差好多 又油又咸 ，得杯野飲正常侍應先最離譜 態度同d嘴面差到 叫佢落單或者跟單 催左好多次先理你 黎呢間食野好似欠左你咁 同商場多好多其他餐廳選擇 奉勸各位唔好俾錢買難受

嚟一個疫情下午餐。51文價錢ok. 咸魚肉餅飯。不得不讚師傅工夫好。咁簿簿一片都整成肉餅。佩服佩服。一向都喜歡嚟尼到食野。估唔到而家變成咁。唉。我估疫情內唔會再嚟。

企企理理、舒舒服服，呢個唔單只係講環境仲係講食物。叫咗啲平凡茶餐廳食物：海南雞飯、炸醬撈麵、淨雲吞。餸菜上到嚟，企企理理、整整齊齊，食慾都會增加。呢間餐廳都好多人，喺座位全滿、外賣單排晒大隊嘅情況之下，出品有咁嘅企理，係好難得。

而家疫情😷期間，好多餐廳推出外賣推廣，今日去咗呢間茶餐廳買下午茶外賣，有九折優惠😁銀龍嘅豬扒🐷包一向都好好食，今日都唔例外，keep 到水準。豬扒大大塊，好香口，加埋沙律醬，好味喔。😋唯一美中不足嘅係，麵包同牛角包有少少淋，可能因為外賣關係啦😬講返碗沙爹牛肉通粉🍲，湯底唔錯，牛肉唔會韌。份量也是OK的。🤗但係杯檸茶☕️好澀，唔係咁好飲。😓

係油塘廣場2樓有間銀龍粉麵茶餐廳早餐～猪柳煙肉蛋牛角包 ＋ 咖啡外賣9折 37紋猪柳好食過麥當勞果塊，無咁鹹煙肉好食有肉味又唔會太鹹煎蛋好有蛋味，好香，師傅手勢很好牛角包細隻得來都好食但美中不足就係杯咖啡，唔香唔滑，啱合格lo小女子食早餐都係為著杯咖啡，所以就評分ok

同屋企人係油塘行街，諗住搵間茶餐廳食下。咁啱俾我見到呢間銀龍，見到佢menu都幾啱一家大細食。有中菜又有麵食，啱晒我地一家人，於是膽粗粗入黎試下。我地比較夜食，人唔係好多，唔需要等位。乾炒牛河$50仲附送一罐可樂。可惜乾炒牛河唔夠鑊氣，偏乾身。沙薑雞 $80左右沙薑雞幾夠味，好香，肉質鮮嫩好有咬口。菠蘿京都肉排$80酸酸甜甜，牛肉醃製得唔錯，咬落去都幾鬆軟，但又不失牛肉既韌度。酸辣雞翼米線 $45味道唔夠特別，酸度辣度都一般，如果可以揀都係食譚仔好d

成日經經過過油塘嘅銀龍茶餐廳，但都未試過，突然想食吓港式嘢，於是決定同屋企人去試吓，睇吓啲嘢食高唔高質。二人小菜套餐* 招牌沙薑雞 (廚師推介) * 份量一般，但味道幾好 * 雞肉都幾嫩滑，送飯一流* 牛仔柳 (廚師推介) * 醬汁酸酸甜甜，牛仔柳都幾大塊同埋好入味* 兩碗明火例湯 (涼瓜豬骨湯) * 湯水唔錯，幾足料，飲落幾清甜* 兩碗白飯* 一碟清炒時菜* 兩杯港式凍奶茶干炒牛河* 炒牛河好有驚喜、有鑊氣，同埋同其他茶餐廳比唔會太鹹，啱啱好* 仲送咗罐凍可樂酸辣雞中翼米線（小辣）* 米線份量都幾足，有三隻雞中翼* 一般般，有啲失望* 湯底偏淡，冇咩酸辣味，同埋小辣根本唔辣* 但雞中翼味道幾好，雞翼煎得幾香脆大概夾埋接近$300，不過不失，除咗米線，其他菜都好唔錯👍🏻

今日新年流流，已經好懶唔想出街，於是叫左去銀龍呢間野叫外賣自取。揀左滑蛋蝦仁飯。攞到番屋企，一打開 個樣已經一啲都唔吸引，邊有理由滑蛋係咁既樣架！根本係蛋花，邊度係滑蛋！你呃人都比少少誠意比多少少蛋呀！啲蝦更加唔洗講，全部都係雪藏味！我假假地比左$56呀大佬，你比啲咁既質素既飯盒我，真係連小學生飯盒都不如啦係咪呀！枉你呢間野開左咁多年，好日都無咩幫襯，諗住幫襯下姐，$56咁就嘥左！希望大家唔好中伏啦～

我唔知點解咁多人會去食依間，價錢又貴，d野食又唔好食，味精味又重，湯飯唔夠湯，熱飲唔夠熱，連裝湯飯既會都有清潔精味。地下隱約見到d死左既小飛蟲，座位又唔好座。可能依間特別差，其他分店好好多，但依間好差

公司既同事大多數幫襯銀龍食早餐，我返工幾個月第一次試。銀龍係香港出名既連鎖店，價錢唔平，我未食過。今日食了雪菜肉絲米加炒蛋，熱奶茶。我欣賞炒蛋，份量大，加入牛奶，比較滑；另外奶茶既茶和奶比例係我心水。雪菜肉絲米一般，同其他小店差不多。

銀龍茶餐廳係香港都算出名 係香港開左吾少連鎖店 因為想嘆個早餐 所以就入左銀龍試下😛今次我就叫左香煎豬扒公仔麵 配火腿炒蛋👅豬扒浸左係湯度 咬落d肉幾紮實 而且幾厚身 公仔麵軟硬適中 火腿味道正常無咩雪味 炒蛋都幾滑 切開都有蛋汁😋 奶茶略為澀左少少 無咩奶香😗😗整體味道正常 不過不失 呢個價位質素可以接受😚😚😚推薦:⭐️⭐️⭐️

如果 提起茶餐廳 銀龍 在香港都算 出名 的 連鎖式茶餐廳 起初以為銀行只係食粉麵為主但原來炒小菜炒粉麵飯都有唔少選擇 拿起了餐牌 點兩個套餐 京都肉排同牛雜麵 肉排 銀咗少少 牛雜太淋 冇後感 餐飲點咗汽水同奶茶紅豆冰 奶茶紅豆冰做得唔錯 但位置寬敞 服務員的態度都ok

放假都早起身食返個豐富早餐，過一個Good morning唔講唔知，而家食個早餐分分鐘貴個食lunch不過唔係成日食就算喇呢個早餐都幾豐富--1個沙嗲牛肉麵加炒蛋同牛角包炒蛋炒蛋幾香滑，牛角包就略嫌凍左d同唔脆身，不過重點當然係沙嗲牛肉麵對香港人來說，沙爹有另1種味道--茶記必備的<沙爹牛肉麵>1碗熱湯，1個即食麵，加上1勺充滿濃濃花生醬香味的沙爹牛肉，是早餐、常餐、茶餐的靈魂牛肉幾淋身，滿滿沙嗲香味，加即食麵食真係絕配但略嫌唔夠花生醬的濃郁餐牌⬇⬇總括黎講:環境坐得舒服，員工做野都快手，港式早餐好地方