銀龍粉麵茶餐廳 (已結業)

嚟到長假期嘅第一日,我同阿肥都決定全日留喺屋企好好休息,三步不出閏門,不停咁煲劇過渡上次去銀龍茶餐廳堂食拎咗佢哋張外賣紙番嚟,今晚一於試下叫外賣。打完電話之後,等咗大約15-20分鐘左右就有人噤門鐘喇~都算幾快喎我就叫咗個大蝦仁星洲炒貴刁($56蚊),再加一杯凍咖啡走甜($10蚊),唔知係咪心理作用,我覺得外賣嘅份量好似仲多過堂食咁,個食物盒好大,炒貴刁嘅份量都塞到滿哂,對我嚟講分兩餐食都可以。由於佢送過嚟嘅時間唔算長,所以打開盒蓋入面嘅食物溫度都仲保持夠熱,貴刁炒得並唔乾身,濕潤度適中,星洲口味微辣帶點咖哩的香氣,裡面仲有條狀嘅碎叉燒肉同埋芽菜,大蝦仁嘅份量亦都唔小。不過杯凍咖啡就失色咗小小,入口有啲澀同埋嚡...下次都係飲番熱飲好似好味啲。阿肥又食銀龍嘅福建炒飯($58蚊),睇嚟佢真係覺得勁好味,差唔多十次幫襯銀龍有八次都係食佢。另外阿肥仲叫咗碗羅宋湯($18蚊),原來湯品都可以單買,不過$18蚊一碗對我嚟講就好似貴咗小小,不過見阿肥都撈到幾多湯渣上嚟,又有西芹又有紅蘿蔔又有牛肉咁,都有啲料到,不過眼見就略嫌油咗啲啲。

銀龍嘅洋蔥煎豬扒意粉，一向係我同牛爸食過禁多間茶餐廳，感覺最啱口味，豬扒嘅肉質鬆軟得黎有彈性，調味啱啱好，雖然試過有一段時間佢嘅豬扒薄左，質素同份量都下降哂，唔知係咪換左廚師定競爭大左，今次試佢嘅下午茶餐，豬扒煙肉意粉（走汁，個人喜好）發覺又回復返以前嘅水準，豬扒肉厚而彈牙，份量又夠! 牛爸都再次話👍!

阿肥今日晏咗收工,番到嚟仲要睇《延禧攻略》喎,睇埋附近嘅食肆都差唔多收哂工喇......唯一最方便同好食嘅都係得番銀龍茶餐廳喇。其實最方便就應該係嗌外賣嘅,不過落吓街行吓都可以當拍吓拖嘅,係咪(?!)同埋用小啲外賣盒同膠袋都可以當係環保嘅一種舉動丫~今晚唔算好肚餓,所以我就冇叫飯,嗌咗個牛肚河就夠喇。$38蚊一碗雖然唔算好平,但係呢度呢碗牛肚都十分足料,數埋總共都差唔多有七/八舊咁多,食落仲好入味,又夠爽口今餐亦都唔理得咁多喇,怕肥都一於小理,河粉照食...呢度啲河粉都好滑,牛腩清湯底好正,估唔到喺茶餐廳食嘅粉麵水準都唔差啵阿肥今晚就叫咗個福建炒飯,$58蚊個都係略為貴咗小小,不過嚟到嘅時候堅大碟,份量十足,福建炒飯嘅汁配埋炒飯好濕潤,配料亦都唔小,除咗蝦之外仲有肉粒,魷魚,紅蘿蔔粒,草菇同翠肉瓜粒,一樣好好味,搞到我都忍唔住搶咗幾羮嚟食

兩口子冇買餸煮晚飯,落雨C濕又唔想去太遠,最好嘅選擇就係落去屋企附近嘅銀龍茶餐廳啦。以前喺旺角有一間超大間嘅銀龍,但係嗰時覺得佢好貴所以一次都冇幫襯過,但今時已經唔同往日喇,有番咁上下名氣嘅茶餐廳而家普遍都係差唔多嘅價錢,所以知道屋企附近開咗一間都覺得可以為外食帶嚟多一個選擇。油塘呢間分店光線都好充足,地方夠濶落,晚巿時間嚟都唔會太過多人,客人都係大約佔半數座位,職員大部份都幾勤力,唔會只係掛住睇電視或者吹水傾計,見到就算冇人點餐佢哋都好積極清潔地方同埋整理餐具,值得一讚 今晚想有啲米飯落肚,所以我就叫咗個西炒飯$52,阿肥就叫咗個鐵板珍寶雜扒餐$85~ 佢份鐵板餐睇落都幾抵食,跟餐湯(羅宋湯)同埋法國牛角酥,主食可以揀配茄汁意粉,另外再包埋嘢飲(凍檸茶少甜)。個鐵板有豬扒+牛扒+雞中翼+火腿片+香腸同埋煙肉,份量都算多男士真係啱哂喇一定唔會唔夠飽 而我個西炒飯亦都係超大碟,我食咗一半都夠哂皮喇,剩番嗰半都俾阿肥掃埋,個炒飯好足料,除咗蕃茄粒腸仔粒之外仲有蝦同埋翠肉瓜粒,米飯都炒得夠乾身粒粒分明所以口感唔錯,連阿肥都話啖啖放入口都有餸,冇渣流灘㗎另外我叫咗杯熱咖啡,都幾香同夠滑,唔錯。

今天外出在油塘工作。一朝早乘車到大本型商場，還未吃早餐。我覺得肚子餓了，打算找間食店品嚐美食後繼續行程。由於時間尚早商場內很多餐廳仍未營業，於是行過去鯉魚門廣場找，見有一間營業叫「銀龍粉麵茶餐廳」的早餐系列也不錯，決定試一試。餐廳的光線十分光猛，座位尚寛敝。侍應待客服務友善及有禮。整個餐上枱需時約五分鐘左右。我點了香煎豬扒公仔麵及熱奶茶。香煎豬扒公仔麵有香煎豬扒和公仔麵。豬扒是在熱鍋煎煮過，煎得金金黃黃。紋理幼細，肉質嫩滑。可惜，嚼起來有點粗嚡。肉味鮮甜。不過，稍為淡味，口感就一般。熱奶茶，熱辣辣的。紅茶和淡奶比例適中，紅茶味重，有少許苦澀味。總括而言，香煎豬扒公仔麵的豬扒薄了少少，味道可以，口感屬於一般。相反，奶茶的味道幾好。

中午又唔想煮，同屋企人搵間茶餐廳去醫肚，今日點了口水雞套餐，套餐有跟餐湯及飲品。口水雞黎到，跟左個雞肶位，肉質好嫩滑，又吾會太咸，好有麻油的香味，白飯軟硬度適中。

其實真係唔知由幾時開始， 感覺茶餐廳都係一個高消費， 最草根嘅嘢食，竟然動不動都要四五十蚊真係攞命。不過貴還貴，肚餓就要食嘢就係咁簡單， 我就去[ 銀龍粉麵茶餐廳 ] 食個lunch，叫咗個揚州炒飯來食，揚州炒飯好大碟，飯炒得唔夠乾身，炒得香口但係又好似冇乜料咁， 感覺就係或多或少有啲好似求其兜記兜就隊畀我咁 , 油就冇滴油，鹽又多個頭，感覺碟飯好頹咁樣。飯就唔係咁好食，不過杯奶茶就有啲料到，飲落口真係好香好濃好滑好夠茶味，茶餐廳嘅奶茶應該就係有番咁嘅水準。

今日打掃下屋企，整完都差唔多兩點，又未食lunch，就同屋企人落街食d野。去到銀龍見到有下午茶餐，我地揀左牛腩河同熱狗拼薯條，等左一陣就有得食喇。牛腩河份量適中，個湯都幾好味，牛腩都唔算好少，唔錯唔錯熱狗拼薯條，熱狗裡面有腸仔、煙肉、番茄，再配埋千島醬，好味最鐘意個麵包，好實淨，絕對唔係空心包，食落仲甜甜地，正薯條就林左d，如果可以脆返少少就好喇。整體黎講，食身質素都算唔錯，但係選擇就唔係好多，而且價錢都幾貴，粉麵都起碼$40以上，其他下午茶餐都$31至到$45不等，以下午茶時間黎講，我就覺得貴左少少喇。

一班同事鍾意上午博殺完，下午茶時間先出動搵食，拼博過後，就緊係想搵個坐得舒舒服服嘅地方食飯，順便睇吓電視，放空吓，因此銀龍就成為一眾同事嘅飯堂啦!話說銀龍下午茶餐牌會定期更新，最啱我呢啲鍾意試新嘢嘅人，今日見到餐牌有腰果星洲炒米，星洲炒米就食得多，加腰果嘅就未食過，一於叫嚟試試呢個組合得唔得先。碟炒米一嚟到就聞到陣陣咖哩香味，食落好有穫氣，有微微辣味，好香口惹味，腰果唔算多，但同星洲炒米都夾，最欣賞係食到碟底都無油，好乾身，整體唔錯。

工作咁辛苦,最緊要就係食忙到核爆既時候連食都無時間食就會燥底同同伴先搵位望下餐牌就叫D大件夾抵食,無計啦,餓呀先點左個照燒雞扒魚柳飯同美極干牛河跟住兩個朋友遲十幾分鐘黎到餓到連諗都冇力問我地叫左咩知道左之後就跟,要多兩個干牛河兩樣野都評下啦美極干牛河--唔算好油,其實食得炒河都預左會比較油比較肥因為唔多油好難炒牛肉都唔算鞋口,都唔會搵野拿到無味,都算唔錯,不過配料少左D如果可以加多一點洋蔥,蔥,芽菜就正D照燒雞扒魚柳飯--雞扒好乾,有少少過左時間,如果多肉汁D就比較好,魚柳冇咩特別碟飯多汁會易入口D,食到後尾冇汁都幾難搞

叫左兩個飯，焗豬變左雜扒飯，金姑肥牛炒烏冬變左炒一丁，打電話去，好清楚講明兩個飯都錯左，聽電話個呀姐野都未聽完就拿拿林cut左，之後再打黎，我再講多一次係2個飯都錯，最後再黎都係一個豬扒飯，送既都有講唔好意思，但係聽電話果個就不知所謂，另外野食麻麻，一丁非常乾。

上星期四晚同男朋友一齊食晚餐，其實唔係第一次幫襯銀龍，一直對銀龍的感覺都幾好，所以想寫篇食評。😉見到個套餐好抵食，＄150有飯有湯有兩個小菜，仲有兩杯茶飲同青菜。😆😆😆分別點咗兩個小菜，一個係薑蔥煎倉魚，另外一個係柑桔炆滑雞。預咗倉魚會比較多骨，但係味道幾好。至於個滑雞又真係幾滑喔，酸酸甜甜好好食，而且味道有幾香。👍🏻不過有啲美中不足嘅地方，就係有舊雞有少少沙。希望有所改善啦下次。每次食親銀龍，都會想再去試多一次嘅感覺。😋

Weekend訓晏左成11點，醒起銀龍早餐好似去到11點半，所以就拉埋男朋友落去食叫左個經典早餐，跟火腿通。個包黎到仲暖既岩岩好個炒蛋炒得好令好金黃，幾出色，又夠大份有下次！

一起身都差唔多十一點，但又想食早餐就落左去銀龍。其實都無咩選擇就叫左個火腿通粉配炒蛋餐包。蛋夠大份，但唔夠咸，通粉隻色好似都正常但都係有啲淡，唯一可以讚既就係餐包真係幾ok。

選錯了在星期六都下午3點幾去食TEA..間野多人得很...雖然我只是一個人...但呀哥仔都搵了好一陣子...先決定我要同4個人搭木台的命運呀哥...張木台已經好很細張...另外4個人....2對MOM & DAU同SON & MOM? 的配搭..係LEE個位坐底左已經有起身走人的感覺...好迫...於是我移了移張CHAIR...(吾識打個"登"字)點知原來張CHAIR是爛爛地的....夾到我中指....好很痛呀...成個人即刻醒曬....點餐先..其實之前已想試下個生炸雞比...但今天怕熱氣..所以亂點了黑松露炒蛋多士(明明不會吃黑松露.....叫什麼黑松露炒蛋...大確是..未訓醒)等了好一陣子..哥仔終於見到我要點餐的要求...又等了好一陣子..個厚多士終於到了...蛋算真的炒得好滑~~~但份量較少....黑松露方面, 我係真係吾識食..亦都食吾到有咩黑松露味.....個多士, 不過不失...快快手手食完就走人...因為...個環境真係令人好吾舒服...搭木台 + 多人 + 坐正係中間...