鋿晶館

营业中

休息中

新一年新嘅開始，即使一個人食飯，都要食餐好嘅，今次就揀左間中菜黎食"鋿晶館" ，點解揀佢？因為之前食過第二間分店嘅點心好出色，如朋友所講佢地嘅點心係即嗌即整嘅手作點心，既然路過上環，又見到"鋿晶館" 就試下佢嘅分店，質素如何⭐燒肉皮香脆，鬆化，肥瘦嘅比例恰到好處，以瘦肉黎講，li個口感好好，食落唔會硬，以豬黎講應該叫好淋😋⭐玉蘭鴛鴦腸一隻白菜造型嘅碟裝菜🤣除左有鴛鴦腸，仲有芥蘭，燈籠椒，加左d蒜炒鴛鴦腸唔會有太多肥肉，咁樣一齊炒，就咁食芥蘭已經好香臘腸味la😋食到個底嘅菜因為個汁嘅關係，食落甜甜地，有另一番感覺，不過都係咁好食🤤⭐️金湯原隻鮑魚浸菜苗魚湯加菜苗，好食🤤，個面仲有冬菇、雞脾菇，仲有兩隻鮑魚添❤️冬天食有湯嘅菜啱曬，冇咁快凍，食落暖笠笠，正呀😍⭐️香芒蝦球、蝦多士豆苗墊底，上面放左香芒蝦球同蝦多士蝦多士：多士香脆，上面嘅蝦一樣咁彈牙，點埋個甜酸醬食，真係絕配🤤香芒蝦球：大大隻蝦，好彈牙，外層包住芒果汁，好香，個面仲有d花生碎，既可以做點綴，又可以增加口感😋

🫖環境港式傳統酒樓，設有升降機方便老人家上落，環境舒適又帶有傳統風味。🥟食物最具特色係港式手工點心，現場即點即做，買少見少，有些點心仲係自家製獨家的，聽經理講原來師傅，係日本做中華料理點心好出名又係香港多間米芝蓮酒店做過，真係經驗老到，值得一試。👍🏻必點蝦餃（中）$24 蝦餃皮薄餡靚，薄到透出鮮蝦顏色，加上大大粒鮮蝦鮮甜。👍🏻燒賣（中）$24燒賣都係鮮蝦燒賣，蝦肉鮮嫩多汁，必叫之一。👍🏻芋粒餃自家製獨家餃，第一次食每一口都充滿芋頭，芋頭迷必吃。👍🏻牛孖筋（中）$24牛筋的彈性與嚼勁，搭配香濃的醬汁，及白蘿蔔索曬醬汁精華。👍🏻蝦春卷（特）$33一共四件，蝦及蔬菜配搭清新，如果有沙律醬配搭更佳。👍🏻炸芋角（大）$29香脆可口，內層是軟滑的芋頭餡，綿密細膩，內裏仲有豬肉鹹香味，味道獨家。👍🏻炸鮮奶（大）$29簡直係小朋友至愛，酥脆而不油膩，咬落去鮮奶流出來。👌🏻鮮竹卷好特別係芝士醬，外皮薄透，柔軟滑順，內裡包裹著蔬菜清香

🦐月半彎晶瑩鮮蝦餃 最鍾意呢啲肥嘟嘟脹卜卜嘅蝦餃😍首先餃皮薄到呈半透明 可以見到入面有塊大大嘅蝦肉口感彈牙爽口 好實在簡簡單單唔點調味料就食到佢最鮮甜嘅味道🤤🧄蒜香蝦春卷 唔知有無人同我一樣 細個每次去飲茶都會嗌佢✌🏻入口第一個味唔係蝦味唔係海鮮味而係蒜香味跟住就會feel到春卷皮超級薄咔嚓一聲超脆！配搭沙律醬又係另一種感覺🤪🥢名醬蒸鳳爪 我願稱之為升級版嘅豉汁鳳爪醬汁味道鹹甜鹹甜帶好少辣 鳳爪蒸到軟腍入味 食落好惹味㗎！🐮山竹牛肉球呢款絕對係經典之作牛肉球非常稔身嫩滑 重點係餡料配搭嘅馬蹄同埋芫荽增添咗少少爽脆口感同埋清新嘅味道食嘅時候點少少酸味為主嘅喼汁同埋豉油😭🤤🤤

1. 名醬蒸鳳爪：這道點心以其獨特的醬汁和柔軟的口感著稱。鳳爪經過精心蒸製，外皮晶瑩剔透，充分吸收了醬汁的美味，味道鮮香且富有層次感。搭配微辣的醬汁，讓人垂涎欲滴，無法抗拒。2. 月半彎晶瑩鮮蝦餃這款鮮蝦餃以半月形狀呈現，皮薄透亮，內餡由新鮮蝦仁製成，保持了蝦的鮮味和彈性。咬下去的瞬間，鮮美的蝦汁隨之而出，搭配清淡的醬油，讓整體味道更加絕妙。3. 脆炸北海道牛奶：這道甜品以其獨特的口感讓人驚豔。使用北海道的優質牛奶，經過脆炸後外酥內嫩，呈現出金黃色的色澤。每一口都能感受到濃厚的奶香味，讓人不禁想再來一口。4. 鮮蝦腸：鮮蝦腸以其滑順的口感和鮮明的蝦味贏得食客的讚賞。腸粉的皮薄而柔韌，裡面的蝦仁新鮮且鮮甜，搭配特製醬油，讓整道菜品味道更加分明，令人難以忘懷。總體而言，這間點心店的菜品不僅呈現精緻，味道更是值得讚譽，絕對是喜愛中式點心的食客不容錯過的美食天堂！

月半彎晶瑩鮮蝦餃🦐 真係見到都流口水🤤 個皮薄到透光，隱隱約約睇到入面大大隻嘅蝦肉，咬落去，個皮滑潺潺，跟住彈牙嘅蝦肉爆喺口入面。蒜香蝦春卷都唔輸蝦餃呀！嗰陣蒜香味已經直衝我個鼻竇👃。咬落「咔嚓」一聲，脆過食薯片！蝦肉同蒜香配合得天衣無縫。黑松露北菇燒賣，黑松露嗰股獨特嘅香氣瞬間散滿成個口腔，同北菇嘅鮮味、肉餡嘅結實口感完美融合。鮮蝦腸，腸粉皮軟糯到唔似話，包住大大隻嘅鮮蝦🦐 再蘸上佢哋嘅秘制醬汁，一啖落去，幸福指數直線飆升💖

今日中午嚟到上環呢間睇落平平無奇，但原來臥虎藏龍嘅點心店。一坐低，店員就同我哋講佢哋嘅點心全部即叫即做，仲透露師傅原來係香港幾間米芝蓮酒店嘅前主廚，即刻令我哋期待值爆燈！✨脆炸北海道牛奶真係即炸！熱辣辣上枱，一啖咬落去超濃郁牛奶香，口感滑溜到不得了。最驚喜係完全冇油膱味，外皮脆得嚟又唔膩，水準超高！🐷梅菜肉餅金鳳飯份量十足！肉餅肥瘦適中，豬油香撲鼻，梅菜鹹度調得啱啱好，唔會過鹹。淋埋豉油撈飯，真係食到停唔到口！🍯秘製叉燒包叉燒餡多到瀉！甜度剛剛好，包皮蒸得鬆軟又唔會過火，熱辣辣咁食真係超滿足。🐮山竹牛肉球自家製果然唔同！牛肉醃得夠香，口感鬆化得嚟又有咬口，點埋喼汁食簡直絕配！食完先知咩叫「禾稈冚珍珠」！師傅手勢真係冇得頂，每樣點心都睇得出用心。價錢又合理，絕對值得encore！建議早啲去，因為即叫即做要等耐少少，但保證值得等！

鋿晶館這家主打自家點心的餐廳，由經驗豐富的名廚主理，每一道點心和菜式都顯示出對食材的堅持，標榜新鮮製作，值得一試！這道月半彎晶瑩鮮蝦餃，餃子皮薄透，晶瑩剔透，內餡則是新鮮的蝦仁，口感鮮甜。蝦仁的鮮味在口中瞬間爆發，搭配一點點的醬油，簡直是絕配。而名醬蒸鳳爪的調味恰到好處，醬汁濃郁，讓人回味無窮。鳳爪的口感彈牙，搭配香濃的醬汁，讓人每一口都充滿幸福感。至於梅菜肉餅金風飯，肉餅的口感軟嫩，梅菜的鹹香味道與肉餅相得益彰，令整體風味更加豐富。米粒粒粒分明，搭配肉餅一同品嚐，讓人忍不住多吃幾口。最後點上一個脆炸北海道牛奶，這道甜品外層金黃酥脆，裡面是滑嫩的北海道牛奶，入口即化。甜而不膩，口感層次豐富，令人驚喜。鋿晶館 (上環)地址：上環德輔道中287-291號地舖

話説三月尾有個家庭飯聚，心中有兩間餐厅選擇，其中一間是鋿晶館，因它網上評價甚高，所以特意前來試菜，去到感觉環境都是一般，感覺唔似在中環或上環區的茶樓，今日去到刚好是下午茶，叫了碗义燒河粉，當它上枱一刻，目测我已有答案，我以為叫了碟猪肉乾，碟义燒乾過我荷包，至於燒賣，真是我食過最差之一，是一舊白色肥猪肉，它的賣點只是上面幾粒黑松露酱，没有蝦肉，没有甚麽味道，如果是原價30元兩粒，我個人應為是唔値，其他就不用説吧！

上環鋿晶館叫左馬蹄糕有塊完全無馬蹄其他兩塊都無乜個經理話 係咁架 咪有幾粒囉 呢啲係咁架啦然後芋角拎上黎係凍既送點心果個職員放低點心就走左連牛肉球既喼汁都無俾到唔建議再黎食

經過半年的時候裝修，終於都開番，在新春時間約齊大班好朋友食番餐先🍻以為係之前所經營果班廚房及服務團隊添，點知坐底時先至知道全部換哂，好啦咁樣就叫菜啦，點咗套餐，又冇收加一服務費比起來而家就實際好多，同時唔係錢既問題，出菜時全部只掛住影相，覺得全部好似藝術品咁，攪到唔捨得食，食落肚全部朋友都比滿分，響中環區有咁樣既質素都有唔少，但係講到性價比必定係呢度，一定會定時到來的。😄

昨天上午到這間酒樓飲茶，叫了普洱茶，五碟點心，食完之後，牙齒變黃，黃得好犀利。是否普洱茶影響牙齒變黃，還是其中一款點心燒賣。我們一行兩個人，兩個人牙齒都黃得好犀利，三四個鐘頭之後仍然黃，用牙膏刷牙之後，才逐漸褪色。

第一次試呢一間上環嘅中菜，原來都佔整棟樓嘅兩層。最底層有個reception，會安排好已經預訂咗嘅Booking，分派你去正確嘅枱號，非常organize。今次我哋兩個人試咗四道餸，頭盤蜜汁叉燒配海蜇。叉燒做到半肥瘦，肉質非常鮮嫩，配搭個蜜汁甜甜地非常Juicy。另外海蜇亦都口感彈牙。第二道餸係意大利黑醋豬柳，黑醋汁配搭紅椒黃椒，另外個豬柳口感亦都有啲似咕嚕肉，但係個醬汁非常特別，豬柳煎過之後亦都唔會好嚡，肉質依舊保持鮮嫩。第三道餸我非常滿意，餐廳亦都好仔細幫你挑走晒所有腸，隻中蝦都好鮮甜好大隻！最後一道餸清清地，一定要食嘅菜，瑤柱蛋白海皇扒豆苗，豆苗好鮮甜，瑤柱亦都好足料，冇沙得嚟，仲要成碟都係！

最近去咗上環一間自家製品牌嘅老字號酒家食團年飯，呢度嘅點心全部現場即點即做，手作點心新鮮美味。師傅背景相當厲害，曾經就職於日本東京富麗華多年，專為高管達人和明星服務，回港後更在多間米芝蓮酒店及大型連鎖酒樓集團做主管，經驗非常豐富。✨🍽️酒家內部裝修典雅，魚缸上面放滿咗新鮮嘅海鮮，令人一進門就感受到濃濃嘅海鮮氣息。- *手吊燒雞半隻* ：燒雞外皮香脆，肉質嫩滑多汁，每一口都充滿咗濃郁嘅香氣。🍗🔥- *海鮮豆腐煲* ：豆腐細滑嫩口，搭配新鮮嘅海鮮，湯底鮮甜，味道非常鮮美，🍲🦑- *豉油王煎中蝦* ：中蝦煎得外脆內嫩，配上豉油王嘅獨特香味，味道非常惹味。🦐🍳- *姬松茸螺頭花膠湯* ：湯底清甜，花膠滑嫩，螺頭嘅鮮味同姬松茸嘅香氣完美融合，非常滋補。🍄🍲

之前同屋企人出開上環行街，試過一次覺得點心唔錯，所以今日出開上環特登再嚟幫襯，由於今日太趕時間，食完快手比完錢就嗱嗱聲走，離開左先覺得唔啱數，返屋企睇返價錢果然收多我錢，我只係叫左4個點心，埋單竟然收左我$194，黑松露燒賣我order左兩粒，我唔知個收銀大媽係咪計左四粒？就算跟足點心紙價錢我計埋茶位加一都唔知點會計到呢個價錢出嚟，有心定無意只有收銀個大媽自己先知，十幾蚊事小，但比人當老襯就真心唔爽，奉勸各位如果幫襯呢間野埋單真係要小心D！

點心專門店鋿晶館嘅點心就好出名，現場即叫即做即蒸～呢個品牌嘅廚司好勁，曾經係日本東京富麗華做，回流後又係多間米芝蓮酒店同埋大型連鎖酒樓集團做主管，經驗豐富～原來上環分店晚市仲有小菜海鮮食，今次同朋友過黎試下～燒肉（小）傳統脆皮燒肉，燒腩肉層層分明，肥肉部分薄薄一層，食完都唔會覺得太邪惡～燒汁蜂巢美國大石蠔外表酥脆，美國蠔大大隻啖啖肉，肉質爽～金湯原隻鮑魚浸菜苗鮑魚大大粒爽身有口感～菜苗好嫩，掛上金湯汁，食到停唔到～柚子蜜鮮淮山炆南瓜健康之選～柚子蜜釀一口鮮淮山，外甜內爽口，好特別的口感～南瓜亦非常鮮甜～黑醋豬柳酸甜黑醋汁配上柔嫩豬柳肉，非常下飯～特別想讚豬柳條係用新鮮豬肉，豬肉味好香～