錦華粥粉麵

营业中

休息中

星期日, 太太的外婆嚷著要見BB. 於是一早, 我們便前往大埔. 陪外婆食個早飯. 大埔人, 星期日的早午餐, 除了去酒樓飲茶之外. 大埔墟街市既大排檔, 也是區內區外人既熱門之選. 是日, 因為婆婆行動不便, 我們又要帶著BB. 太太同幾個阿姨們就求其找了一家近升降機大堂的, 邊食野, 邊逗BB玩.她們選擇的, 是一間叫做錦華粥粉麵的, 粥粉麵檔. 有粥品, 油器, 麵食同腸粉. 我泊好車來到時, 她們已經坐定定, 點好哂自己要食的東東. 齋妹正吃著她的羅漢齋腸, 我到達時已經被吃掉了一半, 所以沒有入鏡.各人各自各食自己的, 能安排入鏡的, 只有四款, 而這四樣野, 亦可以叫做此店的精華所在. 粥品店日日煲粥, 粥應該有返咁上下綿. 粥來到, 一看就已經知道是綿綿的粥底. 艇仔粥, 把粥撈出來. 再把材料放落小煲, 滾多一滾. 粥底的水, 全是材質, 菜, 肉, 內臟的精華, 非常之鮮味. 加幾塊油條, 加點蔥, 沒有食, 也覺得香. 另一個阿姨, 叫了一個又大又多料的河粉. 看了其他人的食評, 才知道呢一碗, 是錦華的招牌貨. 豬雜河粉. 一看, 大大碗, 所

同細佬出去食 lunch, 一心想去食豬排麵...我只係 2:45 去....沽清!!!!!!!!!!!!!!!!!!!!!!!!!!!1好, 又食下新嘢!!!去左呢間錦華粥粉麵, 個姐姐都已經叫人埋去坐埋去坐, 好多位, 不過....都去左喇, 食啦.細佬叫左個車仔麵, 都好多 choice, 不過.....佢話 d 麵太 lum, 唔好食......而我.....唔會再去....豬排係好 dry ......相比人地果d........真係........

大埔噓街市內的熟食中心臥虎藏龍，內裹有不少名店，不讓上水石湖噓熟食市埸專美，今天身體有點不適，午飯畤到熟食中心吃碗粉麵算了，今天想試下新囗味，路經錦華粥粉麵侍應強烈推介他們的豬雜湯河，我見廚房內掛起的食材看來幾乾淨對辦，便坐下來叫一碗豬雜湯河試食。豬雜湯河熱辣辣的豬雜湯河很快便上檯，賣相跟餐牌中的相片一模一樣沒有走樣，腕中的豬什很多，有豬肚、豬腰、豬潤、粉腸，還有些唐生菜，河粉比炒牛河的要窄身，但又比越南湯河的厚身，豬什都處理得相當乾淨，豬腰一點尿臊味也沒有，豬潤煮過後仍能保持軟腍，入囗沒有渣，豬什煲的湯加些蔥花提味已很夠鮮甜味，完全無須再加味精，將豬什醮些檯面帶香味的辣椒醬更加可囗，怪不得伙記一直強烈推蒍呢！ 豆漿豆漿有鮮豆香味，沒有人工糖份甜味，似是自家製造，味道天然。廿二蚊一碗大大碗豬什湯河還包一杯豆漿，足以作為一客午飯，有此滿意水準表現，三個字平、靚、正，真係抵身到無朋友，可以再次幫襯。

大埔墟的熟食街市，早上和下午長期都其門如市，人流不絕，但食肆競爭劇烈，好多都會供應相若的食物，如沒有三兩度功夫，都不容易在此生存。趁年三十晚來到這裡，為的是吃一碗簡單的粥品和送粥之物，見到這一間名為「錦華」的，人客不少，阿姐熱情地叫我坐下，既然目的已達，也不好太揀擇了，原本想叫碗白粥，但也要十元一碗，叫款有料的艇仔粥，只多花四元，至於送粥的食品，也就叫了一碟炸兩。其炸兩先上，看其賣相十分「靚仔」，看來是即叫即造，入口之下甚有驚喜，因為中間那條炸麵，還是有點溫度，口感微脆而略帶煙韌，至於外邊的布拉腸皮，不算十分滑溜，相對下吃出米香，配上深黑色的甜醬油，倍添開胃。此終炸麵長放會變淋，最好還是在三分鐘內清理完畢，食味最佳。作為有料粥來說，這一碗艇仔初時的印象，是口感較淡，但看表面粥粒已爆成米花，足見下足基本功夫。內裡餡料不少，有切片的炸麵、蔥花、花生、肉碎、切粒的豬肚和炸魚片等，倒是沒有碎魚肚，固名思義，艇仔粥最初由是由艇家在河邊擺賣的，不知有無人會傚法祖國，規範艇仔粥的用料規格?! 這一碗粥，勝在熱氣騰騰，味道由淡開始，到最後越吃越濃味，加上那有點水準的炸兩，可惜兩樣東西是分開上的，不能同

尋日早放工但又肚餓,所以就去左呢間到食,其實我去呢間野已經幾次,頭幾次同今次都係因為就腳,而今次我就叫左雜錦麵~~估唔到都有炸魚皮幾好~致於雜丸尚ok~而麵係幼麵......十分難咬........不過好係有免費豆漿~~~

不飽似的，重新返回綜合大樓，11：30，午飯時段漸近，客人比之前更多…看來，綜合大樓熟食中心，真是大埔的精華所在…眾店中找到這間…有粥有麵，自然也有油器腸粉類，剛吃了營養不良的腸粉，心有不甘，要多嚐一間才心息…就要炸兩走色吧…等待期間，還想多點一樣東西，但之前都吃了那麼多，會吃不上嗎？結果還是打消了念頭…炸兩到…啊！這才像樣嘛！隨即為它們上色，下點辣油，大量麻醬…嗯…好像很不錯的樣子，再拍張上色後的照片…急不及待就來一口，嘩！真精彩！腸粉軟滑，油條還是脆的，平日吃的麻醬都是扮麻醬，這些麻醬卻香氣逼人，不由分說就多下數羮…辣油不只是辣，而且帶點麻香，醬料跟炸兩，簡直是絕配…

今日又去買外賣早餐，因為大埔新街市實在太多人啦，今日想食粥同炸兩，所以又去咗此店幫趁，今日買咗碗艇仔粥，味道頗佳，材料多，可惜勁多係我唔食嘅豬肚，等外賣時，見到老闆補給白粥，並加上應該是上湯(or味精湯)，所以就算一碗白粥都很有味今日可能星期日，店舖多人幫趁(絕對是好事)，可惜疑似一位老闆娘，燥火非常，當然佢唔係鬧顧客，係勁顧於店舖幫手的後生仔(可能是佢個仔)，其實佢都不停手滾粥及炒麵，非常忙碌。但老闆娘就勁鬧後生仔「你唔願意就唔好做！」(當然中間夾雜著@!##$%^&*&^*^&*啦)，其實萬事都以和為貴啦，無耐嘅我等外賣時聽埋唔少粗口！

市政街市內有幾檔賣粥同腸粉，其實味道大同小異，我選擇錦華，原因是店舖啲人比較nice，唔似鄰檔的四眼肥仔，寸寸貢。我愛買回家看電視慢慢歏，外賣腸粉店員會將豉油另外用膠袋盛起，咁腸粉就唔會比豉油浸到林晒 頗體貼。味道方面，腸粉都幾滑，炸兩都好脆，不錯的選擇。腸粉+炸兩=$16

上次食過，感覺一般；今次再試，想不到竟然好了很多，唔通上次蒸得過久，所以...今次只叫了腸粉和炸倆。腸粉- 拉得好薄，而且好滑，可惜甜醬唔夠好味，又沒有豬油，麻醬又唔夠香，如不是，相信會更加好。炸倆- 油炸鬼好脆，聽朋友說它們是自已新鮮炸的，所以比較新鮮，加上薄薄的腸粉，都幾好食，可惜唔多夠熱，涼涼地，感覺唔多好。

腸粉都幾滑，炸兩亦都好脆，每件size唔會切到好似其他粥麵檔咁大到放唔入咀，一口一件，good呀！如要炒米／炒麵，要有耐性啊，因為老細會將佢炒返熱比食客，但味道就偏淡。

大埔舊墟新街市熟食檔仍可用臥虎藏龍來形容，而這眾多的食肆雖不能說全部光顧過，但較出名都曾落腳，今趟就來這裡幫襯她的掛頭牌菜乾豬骨粥。要煲製菜乾豬骨粥不難，但找來靚菜乾材料當今就非常固難，當白米遇上晒得夠乾夠甜的大白菜再配上醃制過的豬骨，老火一煲，菜乾豬骨又是，菜乾豬骨粥亦可。這裡的菜乾豬骨粥味道較很多粥檔較濃，但味濃之餘有淡淡的菜乾香味，這香味是原始，沒添加，跟在農家時所嚐的不煌多壤；而在粥面放了幾片炸麵及幾粒炸落地豆，點綴又好，裝飾又好，添味又好，幾點都已做到了！

而家好耐都無食過啦~ 自從搬左新街市之後既味道都無以前咁好喇...係舊街市好耐果時~ D叉燒腸好大盒~ 而且個舊既老闆娘好記得食客既習慣~ 有次佢見到我次次黎都落甜醬... 於是佢問我係咪好鍾意食甜醬~ 之後每次見我買外賣都會拎個細既透明盒裝住D甜醬... 可惜係個老闆娘過左身~ 轉手之後再做都無以前咁好味lu~

早前又過大埔食午飯，朋友說這裡的腸粉幾好，當然要試一試，。腸粉雖然不是即拉的腸粉，但都拉得幾薄，味道都算唔錯，可惜蒸得過久，有點乾身和偏硬，有點可惜。沒有想像中好，但也算不錯。

打完波, 沒時間去其他地方找東西吃, 就乾脆在樓下解決算了。出了升降機後, 眼見不是茶檔早餐就是粥檔, 平常都吃不少例牌早餐, 今次揀了白粥和炸兩, 先上檯的是白粥, 內有白果, 但煲不出甚麼味道來, 跟著的是油光光的炸兩, 吃下也是有一點點油味的, 那個被炸的餡料淋得來又實實的, 應該不是隔夜貨, 因還食到一毫米邊位的油炸鬼是脆的。