錦麗 (形點 II)

营业中

休息中

住大西北既我一向懶得出九龍，平日放工同假期多數都系元朗覓食。自從Yoho開翻，開左好多餐廳，好多選擇，非常方便。錦麗都算係近期佳作首先，牛肉河粉湯底清甜好啱胃口，加d青檸汁又有另一翻風味，好食又好玩牛肉更可另外再撈甜醬辣醬，一碗麵幾種食法，絕對值得一試。另外，鮮蝦札肉米紙卷非常惹味，好驚喜平時麻麻地米紙卷既我真係要比個like佢。重口味既我不嬲覺得米紙卷冇乜味，但呢個竟然唔點汁都夠曬味。我一向都好札肉既，但呢個米卷竟然比湯河更適合配札肉，札肉既味道系米卷襯托之下好突出，下次一定encore。我會再食既原因係，份量適中，食物有驚喜，環境合適，等候時間可接受，價錢合理。

星期五happy Friday 同朋友嚟到yoho食個飯吹下水，見到呢間人龍唔係太長，又想食越南嘢，就去咗排隊，排咗大約十分鐘就入座。第一次食呢間，見到綜合粉係推介就一人叫咗一碗嚟試一試。個粉一上枱已經聞到好香牛肉味，見到枱面有一杯配料，就將九層塔撕碎撈入碗麵到，再加埋青檸汁同芽菜撈埋。綜合粉有生牛肉，熟牛肉同埋牛丸。生牛肉比較薄，上枱嘅時候重見到紅色，要將d生牛肉放入湯入面浸熟少少先食，口感似肥牛。熟牛肉就似平時食開嘅牛腩，比較大嚿，食落亦都好香牛味。而牛丸就係3樣入面最出色，比起平時食嘅牛丸，呢到嘅牛丸入面有d肥膏，每到牛丸唔會太乾同太硬，咬落去好彈牙好juicy。但粉嘅份量就比較少，價錢亦偏貴，但整體評價唔錯，會再食😋😋

湯底ok, 不過除左生牛肉， d 熟牛肉咬勁耐都咬唔開，快餐店格局又坐得唔舒服，60幾蚊碗粉唔值囉。蝦餅ok, 有咬口，不過得四小件。雞翼都可以叫做新鮮炸熱辣辣。但主角唔掂，排隊都覺得浪費時間

由以前觀塘apm返工,等到搬左去元朗，見親錦麗都係長長人龍，每次都打消幫襯錦麗嘅念頭。今日中午12點幾，見冇人等，便諗住入內一試。餐牌選擇少，5，60蚊一个淨粉（冇餐飲），價錢比較貴，諗住如果好食就唔算貴了。叫左个綜合粉，同雞肉米紙卷。上枱唔覺有生牛肉，淨覺牛肉有啲老，牛丸兩少半，牛腩比較多，有兩大舊。米紙卷唔覺特別。埋單90元，非常不值。此價錢我去其他yoho mall店舖，大把好選擇。真不明之前人龍嘅品味，莫非人食我食？?

星期一放假經過Yoho mall II見到錦麗竟然唔洗等位就同老公入去試。因為長期要排長龍嘅關係，心諗應該唔差得去邊，抱有好大期望。兩個人點咗一碗生牛肉河、牛油雞翼、春卷。首先牛河嘅河粉係碎到夾唔到、牛肉有騷味。雞翼多油到一個點，4隻雞翼我用咗6張紙巾索油。春卷皮勁厚，食落個皮芯係淋唧唧的兼且無味！餐牌寫春卷有蝦，我完全搵唔到半粒蝦，難食到食咗一條我就放棄咗🤦🏻‍♀️點解食物相得一半係因為食食下愈食愈炆先決定影低佢寫食評表達不滿。食物選擇亦少，總之就20個差，永遠不會再幫趁。

行經元朗見到噤長龍就知人氣店啦，排隊都唔算排得好耐識食一定係噤食一坐底待應姐姐就放底咗香料及芽菜woh… 湯真係好濃郁， 牛丸彈牙到冇朋友熟牛肉好淋好好味大蝦扎肉米卷~新鮮醬汁好味滋潤龍眼蜜咸檸檬青檸蜜總括黎講全部食物都好好味，大眼靚女待應姐姐好殷勤嘅招待一定會再幫襯

前排開始已經想食越南粉，今日終於可以食到。去左Yoho mall 的錦麗，經常經過卻沒有得到我的注意，直到今晚。排隊等候一陣入座，不太喜歡食店的格局，太open, 給人望住進食的感覺不太好；如果要傾偈，mall內的人可能會嘈到你。但如果你的目的是想吃一碗好味的越南河粉，這間就可以一試。兩個人叫了兩碗粉，一碗綜合粉，一碗生牛肉河粉之外，還叫了一客春卷和兩杯飲料，一杯咸檸青檸梳打，一杯凍甘蔗水。枱上有教客人先試湯後加香料芽菜才進食，湯底清甜可口，芽菜味濃，河粉爽滑，最好還是牛丸牛腩，係我杯茶😋春卷等了一會才食也很熱，春卷皮像用米紙炸成，有點黏韌感。咸檸梳打好重話梅味，甘蔗水不過不失。落order叫好一陣子才有waiter發現，希望可以改善一下😅。總括而言，食物絕對可以encore, 食物選擇可以加多點，但要注意不能坐很久的。

終於可以一食錦麗牛肉粉啦。係越南食過一次之後，一直都念念不忘。一直都冇機會食下嚟香港開嘅錦麗，今日行過終於可以食啦！不過又係期望愈大就.....元朗依間位於商場入面，開放式形嘅餐廳。不過唔理環境啦，食物先係重點。一坐底，就會比啲芽菜香料你。芽菜質素不錯，不過啲香料就真係小好多。一開波已經同真正嘅越南粉好大分別。越南粉嘅精髓唔止湯，配料都好重要....其實睇落真係同越棧食到嘅牛肉河分別不大。不過老實說，河粉麵質真係比普通嘅高質小小。牛肉方面不過不失。當然要同越南地道嘅嘢食相比就真係冇得比。食完都冇太深刻印象。

上次食咗早餐今次真係要食佢嘅招牌湯河咁先知道真材實料 🤭食物種類唔算多我諗依間餐廳主打牛肉湯河點菜都好簡單每枱一張點菜紙然後攞order位置不嬲比較擠迫食完就要趕住走嘅feel因為出邊都好多人排隊其實已經預咗$60一碗湯河，坐半個鐘就走人嗰隻🤭都欣賞餐廳有紙巾，和不同調味料雜錦牛肉湯河教埋你點樣落配料，令到牛肉湯河更清甜湯都夠熱，都清甜但係牛肉份量真係相對比較少感覺明大於實都係越x好味啲牛油果、蝦、扎肉紙米卷（2款）$28份量都OK啱晒減肥嘅人士 😂玫瑰龍眼水好夠甜😂如果大杯啲就更加好！

早排上網見到介紹過錦麗，片中大廚聲稱全港最好食，甚至好食過越南街邊牛河，咁去開元朗睇戲，仲有2個鐘先有得睇緊係要試試啦，去到見到人流唔算誇張（聽講平時要等1個鐘以上）難得黎到就等下位，最後等左半個鐘度有位，我地就叫左2碗生熟牛肉河，等左10分鐘度就到，咁黎到就見到碗牛河冇煙出已經心有不妙，再睇睇其實碗牛河根本冇分邊d係生牛肉邊d係熟牛肉，因為黎到已經係熟晒，只分到牛肉片同牛腩，基本上個牛腩係唔淋，另一位朋友係咬唔開，牛肉片同出面冇咩分別，個湯亦比較淡，食唔到牛肉味，環境同服務就最地道好似係街邊食咁，整體感覺係失望，性價比低同浪費了半小時等候時間。

話說開左幾個月 已經成日想試佢個早餐, 今日終於一嘗所願事不而遲 即刻為大家送上 講下佢有幾咁難食沙茶牛肉金邊粉-冇乜沙茶味 牛肉質地一般最經典係個金邊粉 我未食過一間金邊粉可以咁難食 生得黎又唔爽口 擺到明係是旦6幾6 個湯又冇什麼風味 即係簡單講 你要整食沙爹牛肉麵越南style唔好意思 你失敗左 港式同越式都做唔到牛角包-一食落去就知佢唔知擺左好耐 勁油益味 一d牛油香都冇金不換炒蛋-Sorry 好老 同埋冇金不換feel咖啡-唔好講笑啦 呢杯係咖啡...超淡超奶我飲緊冰奶水咩...

錦麗依家開到成行成市而元朗yoho mall就開左一間距開左系廣場既中間位置open restaurant咁距有少量4人座位 之後中間有一張長枱而另一邊就有一排望住排隊位置既單排座位5點半開門 5點3到人龍已經有10幾20人因為前面排隊都有吳少人所以好自然就被安排坐系一排望住排隊queue既單邊座位排隊既人有時候就會不期然咁望入去其實感覺吳系幾好 好似比人望住咁至少媽媽食既時候已經感覺吳良好見到嘛 真系對住人龍食架每人都有一杯芽菜香葉辣椒當然我是不需要的 自自然然比左媽媽是拉差辣椒醬同魚露都有綜合粉諗住2個人食 所以叫左個綜合粉有生熟牛肉同牛丸點知其實比想像中細碗 有點貴呢生牛肉是不錯的 夠滑既熟牛肉就麻麻地 大舊得濟 又硬左啲 媽媽都吳系好食到至於牛丸 老實說真心好食既重牛味 正 味道好豐富好想食多幾舊既感覺只會為左牛丸而encore而湯底尚算香濃 有牛味既牛油雞翼見到每枱都點牛油雞翼自己都吳執輸 味道就普普通通吧 牛油都算香既大蝦札肉米紙卷嗯 口感有啲覆雜 不太喜歡有啲凍左 而我不知道是熱食還是凍食哈本人比較喜愛熱食吧蔗汁比較似糖水 麻麻地痴立立感覺----------------

錦麗：生牛肉河及綜合牛肉河-最近元朗開左間人龍越南粉店😍，此店有性格，我鐘意，只賣牛肉粉及幾種小食，11點半才有售，午後又有落場時間，所以常常大排長龍。某天決定要一睹其風采，發現果然有在越南時食既粉既味道呀！湯底粉麵以至生牛肉都出色！配料又足。生牛肉因為薄所以軟淋嫩，牛肉粉既熟牛肉則老鞋多了麻麻地！咖啡也是不錯的越南咖啡，還可以睇住佢慢慢滴落黎。總括而言唔駛排隊既話係幾好嫁，但如果要排隊我就唔會食啦。

Came here at 7:30pm and there's a long queue waiting outside. However, the queue moved quickly and we got our seats 40 mins later.  For those who doesn't eat beef, Pho Le is not a place for you as all the Pho is beef unless you eat snacks. Pho with Beef Meat Ball $58Soup rich in beef flavor. Beef ball is so delicious, rich beef flavor. Size is larger than normal, meat is juicy and soft. Although it is delicious but it is a bit oily for me. Pho texture is normal, nothing exciting.Pork and Shrimp

呢間野一到5:30pm以後就會有人龍... 一直都唔明點解，所以決定要食一次，食完... 更加唔明點解...我早餐去食，要咗個香茅豬扒金邊粉、金不換炒蛋同越式滴漏咖啡個豬扒幾香香茅味，食完一陣個口都仲有香茅味，味道上不錯，但肉質好淋，淋到似雞扒多過豬扒；個金邊粉就一般，湯底本來清清地，但塊豬扒浸浸下，成碗麵都油曬金不換炒蛋好滑，無咩金不換味；至於塊法包，本來好地地對佢無咩要求，不過佢就係面頭搽咗一層薄如蟬翼既咖央... 攪到我對佢無味好失望，哈哈，呢啲就係正所謂既畫蛇添足，本來個蛋好高分... 加咗無味既咖央係法包面，令我對佢大打折扣至於杯滴漏咖啡... 咖啡味唔香，煉奶落得唔夠多，係越南，最好既煉奶同咖啡比例係一比一... 呢杯得一比八左右，唔正宗最後，間餐廳座位好少，卡位得3、4個，都係硬櫈，而其他座位就係一張坐到十幾人既大長枱，canteen咁款食後感真係一般到唔一般，食物一般，坐得又唔舒服... 點解夜市要排隊？莫名其妙早餐一碗粉加炒蛋，upgrade滴漏咖啡，$49