錦麗 (大埔超級城C區)

营业中

休息中

由於今日下午食左tea,而且收工收得晏，所以夜左食飯，但由於夜左先唔洗等位。大埔開左呢間越南粉想試好耐，但日日飯餐時間都要排隊，雖然最近開耐左少左人排，但星期六/日都係要等位。今次帶埋阿媽去試下，叫左個生牛肉河同什錦河，雖然啲湯有少少唔夠熱，個人覺得可以再熱啲但啲牛肉都可以整到熟熟地，個湯底堅正，我差不多飲，返到屋企都唔覺口喝，證明唔係味精水，啲牛丸就一般啦，生牛肉唔肥亦唔韌，啲熟牛肉好淋好入味，但略為少左啲粉，雖然好多芽菜香葉幾好，但唔夠飽。總結係會再來食，前題係唔洗等位既話

之前朋友話好好食，今日經過大埔既錦麗決定入去試下，平時都好多人排隊，今日剛好有位不用排。叫左一碗綜合牛河，跟台面上的品嚐指引，先呷了一口湯，嘩，果然好味，濃濃的牛肉味散發出來，不是味精味，飲左都唔會口渴，我連喝了幾口，真的很棒，然後我再跟指示落佢既香菜配料開始進食。綜合牛有牛丸、生牛肉及熟牛肉，牛丸彈牙，不過好似有少許過熟。熟牛肉煮到好林好入味，一點也不硬，最愛係生牛肉，生牛肉同湯底簡直絕配，也很新鮮，真的好吃！可以二訪！

食飯時間，餐廳永遠都會有人排隊，本來想食牛角，但係因為要等一個鐘，所以決定改為去食錦麗。食物：錦麗綜合粉 - 包含有生牛肉、熟牛肉和牛丸。熟牛煵炆得好淋，肥瘦適中。一次過食晒三款牛肉，正。牛丸會切開一半上菜。錦麗牛丸粉 - 完整一粒牛丸上，咬開牛丸中間，裏面嘅牛脂冇得頂，勁多汁，鍾意食牛肉嘅人，一定會覺得好正，唔鍾意牛肉嘅人，就會覺得好臊。燒雞肉米紙卷 - 一早整定，即叫即有，米紙卷唔會太硬。大蝦扎肉米紙卷 - 普普通通。法式牛油雞翼 - 即叫即炸，炸到好香脆，再配上生蒜蓉，好味！服務💁🏻‍♀️：- 有很多待應招呼，服務有禮。- 如果想飲水，可以自己去自助飲水器攞。環境：簡潔乾淨泊車🅿️：大埔超級城的停車場。總結：必食牛丸，一試難忘。

越南牛肉粉的龍頭大哥 錦麗曾被《華爾街日報》評為『胡志明市最好吃牛肉粉』，終於有機會來試一試了。門前都有不少人排隊，但勝在翻枱快。河粉種類只有五款，不外乎是生牛肉、熟牛肉和牛丸，於是我選了『錦麗綜合粉』，可以一次過吃勻生牛肉、熟牛肉及牛丸三款餸料。下單後，侍應便遞上用透明膠杯盛著的配料，內有九層塔、香葉、青檸及芽菜等。不一會，河粉就送上來了，跟著枱面上指示最地道的食法，先呷一口湯，牛湯味道濃郁，有鮮味，不會太鹹，令人忍不住再呷多幾口，然後將九層塔、鵝蒂撕碎放入湯中，加入青檸汁，辣椒及芽菜拌勻，河粉幼滑得來有彈性，起初都有d驚生牛肉唔熟，但發覺完全無問題，牛肉浸熟後，肉質仍然嫩滑，沾點拉差辣醬及甜醬來伴吃，會更加惹味。熟牛肉就似牛腩，帶少許肥膏，油香味濃，有咬口，至於牛丸，看上去大大粒，有牛筋，吃落爽口彈牙，肉味濃，無牛膻味，但可惜數量原來只得三個『半球體』，不是完整三粒，感覺有點失落。但整體來說，味道真是不錯，會再來的。

某上班日中午來到大埔超級城，放飯的時間人很多，錦麗也不例外，出面已排了10個人左右，等了良久終於入座，叫了招牌的生牛肉河，一飲湯頭果然名不虛傳，即時想到在越南時吃到的越南粉一樣，再嘗牛肉，牛肉呈粉紅色，鮮嫩非常，河粉亦都爽口，是我在香港食過最好的越南粉

想食錦麗好耐，但成日都排長龍，又懶得等。難得今日2點幾去到，冇乜人又唔洗排隊，就入左去試下。河粉同小食款式唔算好多，每樣十款都冇，但貴精不貴多，好食就得嗌左個錦麗綜合粉試下，有生牛肉，熟牛肉同牛丸，第一次食乜都可以試下！不過都有啲啲貴，一碗野都要成$66，又未算好食到值呢個價錢。碗野都好食嘅，生牛肉同牛丸都出色，幾滑幾juicy,熟牛肉就麻麻地，普普通通，唔會再嗌嚕！平時我本身都好鍾意食芽菜，但呢度啲芽菜就浸完陣味都好生，麻麻地，個湯都ok ge

好耐冇食過越南河粉啦，所以黎食下錦麗正宗越南野先。因為有選擇困難症，所以叫左錦麗綜合粉(有齊生牛肉，熟牛肉同牛丸)。話說上次試左杯凍椰青崩大碗，味道太有特色唔岩飲，勉強飲左小半杯就放棄左，所以今次飲野叫左正正常常嘅椰汁涼粉冰，味道中規中矩啦。講返碗粉先，好鍾意香濃牛骨味嘅湯底，忍唔住飲左好幾啖，牛肉好嫩口，牛丸重牛味又彈牙。可惜份量比較少，女仔食都覺得唔太飽肚呢。

最近喜歡揀越南粉去食。呢次去到大埔行一田大平賣。見到錦麗外面要排隊。平時的我一定不會去食。但見到無人排就入內嘗嘗。是神是鬼！打開餐牌價錢都不太貴。今次飲到冰滴咖啡。不算極品。但亦不屬太差。錦麗細心之處就是介紹怎麼食粉。詳細細緻。配料九層塔、芽菜，等等。本人專登叫生牛肉試其味道。湯底好飲不燥。牛肉旁有牛味。將所有配料加入粉內。更加令到整碗牛肉湯粉增添不少分與色彩。錦麗雖係集團式。但保存到應有的味道。可再試其他

難得星期五早放工，立即諗起錦麗越南菜，因為平日多數也要排隊。今晚大約7點，都有4,5人已在排隊，我地先拎餐牌看一下。小食也不貴，見網上好多人都話法式牛油雞翼好食所有粉面都不包括飲品，今次我揀左越南咖啡除咗湯河，仲有特別推介有撈檬！牛油雞翼，果然好食是非常脆的。真係一定要食！越南滴漏咖啡，我叫了熱的。如果要冰的，其實是另外給你一杯冰。下面一層是煉奶，個人覺得比較多，下次可以叫店員落少一點。叫湯麵的話，會有一杯芽菜~香葉~辣椒~青檸~生熟牛肉河，肉份量非常多， 湯底是牛骨湯。額外一提餐廳只接受八達通或現金

行開大埔超級城，都會見到依間餐廳每一日都好多人排隊。今次我哋可能早放工啦，外邊竟然冇人排緊隊喎，於是我哋兩個就入去試吓啦！一入到間餐廳，牛味好濃郁！再望吓餐牌，原來全部粉都係有牛嘅。我地order咗兩碗粉，一個係生熟牛肉粉，一個係牛丸粉。兩碗都幾好味喎！我哋比較鍾意佢嘅牛丸，好彈牙同埋好濃郁嘅牛味。佢嘅粉好滑，湯都好濃郁。另外，佢都俾一杯配菜俾你放入你嘅粉內，有啲香草同埋檸檬。我會好鍾意檸檬汁嘅清香，唧落去之後更清新。到我哋食完之後大約七點鐘，門口外邊就開始多人排隊。如果想食嘅記住早啲到，可能六點半前都唔使排隊掛。

原本諗住食吉野家，但太多人所以去咗食錦麗，貪佢就算排隊都排得好快。果然排咗15分鐘就有得入去食。一入到去，侍應就會擺低一杯芽菜，辣椒，青檸，九層塔。佢啲芽菜仲要係無限量供應。今次食咗碗雜錦河，有生牛肉，熟牛肉同埋牛丸。按照餐廳教嘅食法，飲咗啖牛肉湯先，超香濃嘅牛味。跟住就將個杯料倒入碗河到。佢啲生牛肉都幾腍，熟牛肉就似牛腩。個人非常推介牛丸。佢唔係出面其他餐廳食到嗰啲牛丸，佢有啲牛筋係入邊，同埋係非常juicy! 整體來講真係超好味！

之前次次經過都排滿人，居然俾我在星期六下午2:30見到無人排，所以即刻入去食😂好靚，入面都幾闊落上菜都好快！呢個係枱上的食法貼紙我同男朋友share食，熟牛肉粉啲牛肉好多😂食晒成碗麵仲有幾舊剩，好豐富，同埋幾好味，容易咬開紙米卷唔會易散開，不錯，雞都好食熱玫瑰龍眼茶好味～好甜！崩大碗就成杯涼茶咁，可以下火，都值得推介總體而言，會明白點解之前咁多人排隊～

去大埔超級城買嘢兼食飯，芸芸眾多食肆揀邊間好？相信民間智慧，揀咗呢間有條龍排隊嘅越南粉餐廳。可能時間尚早，我哋排咗一陣隊就可以入座。 先睇餐牌，其實呢度都係冇乜選擇，只有同牛肉有關嘅河粉，想食其他肉或轉其他嘅粉都冇得選擇。我叫咗生熟牛肉粉。先飲一啖湯， 味道濃郁，而且沒有太多味精，正。生牛肉唔使點講，熟嘅牛肉就係牛腩，夠牛味又煮得夠淋。小食方面叫咗炸春捲同牛油果沙律菜米紙卷。 春捲個皮炸燶咗少少，不過用生菜包住食，唔肥膩。至於米紙卷個感覺都很清新。人均消費都係$110左右。

由於今晚唔太肚餓，就同友人黎左呢間號稱「胡志明市最好吃的牛肉粉」既錦麗。之前分別係九龍灣同觀塘食過都覺得唔錯，今日就黎大埔分店試下。一如既往，都係要排隊，雖然唔算人多，都等左20分鐘。今晚嗌左以下呢d 野—綜合粉有生牛肉、熟牛肉、牛丸3個餸。生牛肉嫩滑，份量不少，蘸少少辣醬更好味；熟牛肉炆得軟腍腍，好易咬，帶有少少肥肉，因此食起來唔會太柴太乾；牛丸帶有少量牛筋，有嚼勁，咬落去有肉汁沁出來，但得3個半粒的牛丸，好似有點小器，建議店家考比夠4個半粒，至少俾人食到兩粒完整既牛丸感覺更大方。生熟牛肉粉同綜合粉既差別就係少左牛丸法式牛油雞翼即叫即炸，一上枱已聞到好香牛油味，食落熱辣辣，外脆內軟，仲有d 蒜茸味，惹味可口，非常推介大蝦扎肉米紙卷爽口青瓜生菜、條條分明既檬粉、扎肉及凍蝦，配以店家附上的調味料，口感豐富又惹味。凍甘庶汁中規中矩，唔算太淡熱玫瑰龍眼茶好多龍眼肉，所以杯野幾甜，但冇乜玫瑰味雖然呢種越式牛肉粉係越南只係賣緊十零廿蚊碗，而黎到香港要成六十幾蚊碗，但用呢個價錢食到咁豐富既一個晚餐，我覺得是值的。怪就只能怪香港呢個地方既租金同營運成本太貴吧！

早前看過蘋果日報一篇有關越南生牛肉河粉比拼的報導，由越南人試味，看看誰家牛肉粉的味道最正宗、最地道，結果這間曾被《華爾街日報》評為「胡志明市最好吃牛肉粉」的「錦麗」完勝，今日終於有機會來試一試了。午市時間都有不少人排隊，但勝在翻枱快，所以不用等太耐就可以入座，河粉種類只有五款，不外乎是生牛肉、熟牛肉和牛丸，於是我選了「錦麗綜合粉」，可以一次過吃勻生牛肉、熟牛肉及牛丸三款餸料，下單後，侍應便遞上用透明膠杯盛著的配料，內有九層塔、香葉、青檸及芽菜等。不一會，河粉就送上來了，跟著枱面上指示最地道的食法，先呷一口湯，牛湯味道濃郁，有鮮味，不會太鹹，令人忍不住再呷多幾口，然後將九層塔、鵝蒂撕碎放入湯中，加入青檸汁，辣椒及芽菜拌勻，河粉幼滑得來有彈性，起初都有d驚生牛肉唔熟，但發覺完全無問題，牛肉浸熟後，肉質仍然嫩滑，同事話沾點拉差辣醬及甜醬來伴吃，會更加惹味喎，我怕太辣，所以無試。熟牛肉就似牛腩，帶少許肥膏，油香味濃，有咬口，至於牛丸，看上去大大粒，有牛筋，吃落爽口彈牙，肉味濃，無牛膻味，但可惜數量原來只得三個「半球體」，不是完整三粒，感覺被欺騙了。最後，要提醒一句，如果大家吃飯唔可以無水飲的話