錦麗 (大埔超級城C區)

营业中

休息中

行到大埔超級城想搵野食，見到廣告賣呢間標榜係胡志明市最好食的牛肉粉專門店，好想試下！過左午餐時間仍然係店外有人龍，非常期待！等左大約十五分鐘可以入座餐牌都係牛肉粉為主，同朋友一人點一個粉每位都有兩杯配菜任加，在湯粉加入青檸汁及芽菜，令湯粉更加惹味！錦麗綜合粉入面有齊生熟牛肉同貢丸，熟牛肉較厚身軟稔，生牛肉較薄身，意想不到是貢丸夠入味彈牙，推薦貢丸！生熟牛肉粉，牛肉份量頗多，湯都清甜，但作為胡志明市最好食的牛肉粉未免過於誇張最令我失望是叫左個春卷，點知食左兩條發現左條頭髮雖然同店家反映完都即刻更換，但都已經倒胃口

以前喺美國生活嘅時候...身邊好多越南同學仔...好多都係移民美國嘅...大家經歷嘅差不多，所以比較啱傾。我哋久唔久就會到唐人街食嘢，有時會食越南包(用法包做成嘅三文治)，另一最常食嘅就係越式生牛肉河。美國其實好多越南人，不論係新移民又或者落地生根嘅，所以越式食店都好多。至於點解？有興趣可以睇返「美越戰爭」....拋完書包喇～。。近得朋友多，口味、調味都被感染到...每隔一段時間就會想食越南粉...某日放工見到唔需要排隊，又好，試吓先。。。呢間食店所提供嘅麵食選擇唔多，其餘就係小食 + 飲品。佢哋無分午餐menu、下午茶、或晚餐...而且亦唔會提供水，要飲嘢就要另外order喇...。。為食嘅人總係貪心嘅...今次要咗一碗「綜合粉」— 生牛肉、熟牛肉、牛丸。面頭放咗薄薄洋蔥絲 + 蔥粒。湯頭幾清澈唔太油膩，有牛味嘅，但未到想一口接一口咁飲...食麵之前可以將杯內嘅芽菜、辣椒、香葉(用手撕開)、再唧d青檸汁將河粉牛肉撈勻就可以食喇。。。想重口味d嘅話，可以加埋越式辣醬 & 甜醬一齊食...我d越南FD子都係咁㗎...所以我都好慣手勢照樣咁食😅。。講咁耐...呢碗粉味道如何呢？價錢唔平㗎.

作為一個係越南河內住左一個月咁大把嘅🍘👧🏾Jam，一直都好想喺香港搵番喺越南食到嘅味道！所以終於嚟左試來自胡志明市錦麗越南牛肉粉專門店。-一打開餐牌小食有越南搵唔到，但係香港人一定會識嘅法式牛油雞翼(4隻，$34)。4隻雞翼隻隻都熱辣辣脆卜卜，仲有淡淡嘅牛油香味。我哋都食得好滿意，仲即刻回憶起細個係屋企留下嘅越南餐廳食到嘅味道。-好啦到主角越南牛肉粉，餐廳好好有教點樣食，點樣落啲配菜，同埋點樣落啲醬。九層塔，芽菜等等所有配菜全部任添，十足十正宗越南鋪。我哋分別叫左錦麗生牛肉粉 ($60) 同埋錦麗生熟牛肉粉 ($60)，啲牛肉好好味，牛味十足，尤其是個熟牛肉，十足十清湯腩咁好味，湯底方面就略嫌有啲偏香港人口味啦。-我地兩個都幾鍾意飲咖啡，所以一人一杯。🍘👦🏻Almond又係例牌揀凍飲，🍘👧🏾Jam又係揀熱飲。一人一杯越南滴漏咖啡 (熱$25，凍$28)，但係原來凍同熱都係一樣滴住咁上，只係凍飲多左杯冰，直頭凍飲加$3咁話。Lee杯越南咖啡🍘👧🏾Jam個人覺得好正宗，因為好苦好苦，再加上煉奶嘅好甜好甜，就係一杯又好甜又好苦嘅越南咖啡啦。

剛知道錦麗在大埔開了分店，便與數位同事在復活節長假期前到來一試，看看水準如何？我們點了綜合牛肉河粉、牛油雞翼、越南春卷和椰青崩大碗。綜合牛肉河粉，有點像「火車頭」，就是甚麼部位的牛肉也有些；先呷一口湯，味道清甜，再加入香菜和芽菜，湯味更有層次；牛丸應是混入了少許牛筋，有嚼勁，非常好吃；大大的一片牛腩，有份量亦炆得軟腍；生牛肉的質素亦不俗，很嫰；但河粉過腍和鬆散，有點像煮得過火的一般廣東沙河粉，這處不足，有待改善！牛油雞翼炸得外脆內嫩，加上少許蒜容牛油，非常香口，必吃！越南春卷就只吃到大大的一塊芋頭，其他好像甚麼也沒有，失敗！椰青崩大碗，味道太甜，而且嗅不到一點椰青的清香，只聞到崩大碗的青草味，也喝不出一口椰青的清甜，只嚐到食糖的甜味，還是選別的傳統越南飲料為妙！大埔錦麗分店的水準與其觀塘第一分店無異，而且地方更寬敞，座位更為舒適，服務員態度也比第一分店佳；錦麗絕對是在港名列前茅的越南河粉店！

沒有驚喜，正常口味, 正常價錢菜式較少， 叫左生牛肉粉， 牛肉ok 味， 湯底有d 鹹， 但係杯鹹檸七值得讚，牛油果卷都幾好味 ☺️地方唔算大，服務員ok， 晚餐送餐時間快， 但係晚餐時間要排隊

之前已經o係觀塘食過一次錦麗，o個陣岩岩開張，大排長龍～買左外賣，隔左陣時間先食，覺得唔算太特別，唔值個價錢估唔到大埔竟然會開分店，人龍唔算太長，決定堂食試多次～一入到去每枱都已經放左個細杯仔可以無限添香葉同芽菜另外有步驟教你點食～熱玫瑰龍眼茶都幾多人點依個飲品個杯比較細但都落左4－5粒龍眼肉甜甜地飲落好舒服～錦麗牛丸粉牛丸好濃味，有少少牛筋，好有口感湯好濃郁，河粉爽口彈牙，唔錯錦麗熟牛肉粉熟牛肉有厚度～ 唔會痴牙越式炸春卷炸得夠熱香脆，唔錯望落份量好似唔係好多咁，不過叫埋小食就岩岩好～比起上次外賣好食好多，希望會keep住水準～

次次經過這餐廳都大排長龍，今日見人少，終於有幸了解它受歡迎的原因。餐牌十分簡潔、易明。餐廳內氣氛有點緊張，一坐低，服務員就立刻遞張餐單供食客點菜。務求做到「快啲食完、快啲走」的原則。餐廳只有單點食物及飲品，沒有套餐。我點了一個「錦麗綜合粉」試試。「錦麗綜合粉」綜合粉有生牛肉、熟牛肉、牛丸。相比坊間其他越南餐廳，它越南粉的牛肉份量比較多，而且非常好食！熟牛肉超級林，有點入口即溶的感覺。牛丸好有牛肉味，好多餐廳的牛丸，未必會提供有牛肉成份的牛丸。湯底最抵讚！超級濃烈的牛肉味，真材實料，再配上芽菜、九層塔等配菜，簡直錦上添花！餐廳亦好細心，每張枱都會張貼品嚐越南粉的方法。回味無窮，I’ll be back!*餐廳沒有提供BB櫈

新開試下。熱水都無杯。唔會再幫襯。又唔好坐。其實下1午茶時段,60元一個生牛河絕對唔米平,牛像不好味,有個人叫左杯野飲太甜。叫侍應比小小佢加入去,佢話我地唔會咁比水你。

補返個食評先😆😆上年去過越南，去六日有三日都會食到越南嘅河粉，經常連湯飲，見到大埔開咗間專係食生牛肉河粉嘅餐廳，當然要把握機會去回味下越南之旅😆😆😆😆😆當日我係十二點幾去，啱啱開門，所以都唔駛排隊✌️但我食到一半之後，出面已經大排長龍🙈我果日食嘅係錦麗綜合粉牛肉一啲都唔韌，好易咬，牛丸非常爽口至於個湯，我覺得ok，對我黎講我覺得偏重口味，所以未到會連湯都飲埋嘅階段，不過呢度始終都係香港，又唔好拎黎同越南比嘅😂😂重嗌咗個大蝦扎肉米紙卷添😋不錯不錯但一個人黎食，飽到飛起😂下次淨係叫碗粉就夠

越南野最好食一定係越南牛肉湯河，係大埔終於開番一間越南菜係食牛肉粉麵嘅。睇完個餐牌，兩個人都叫左綜合粉，有生牛肉、熟牛肉同埋牛丸，聞落都幾香。不過粉嘅分量就不太多，如果一個成年男人食就應該唔夠飽。牛肉都幾好食，算有牛味，而湯底唔太咸，食完無話好口渴，應該無味精。另外，因為食完碗粉好似唔係好夠飽，所以我地亦都叫左碟燒雞肉米紙卷試下，個卷都幾足料，幾好食，食完就岩岩好啦。杯椰汁涼粉冰都okay，甜甜地。如果有set俾客揀就更加好。

之前觀塘九龍灣都食過，講真絕對可以再試，講番今次開係屋企樓下，絕對要試下，睇下水準係咪同出面一樣。星期六下晝都好多人排隊，一來新開張，二來呢間名氣唔錯，雖然翻枱幾快，但都要等30分鐘左右。其實錦麗個餐牌真係好少選擇，如果唔食牛基本上都可以唔駛試，但學我朋友講，貴精不貴多丫，今次同往常一樣雜錦河，最愛佢地既牛丸了，好好味，湯底好香，加上配料，贊丫😍😍今次小食叫佐蝦餅同牛油雞翼，蝦餅味道唔差，但略嫌太細件了；到我每次都大愛既牛油雞翼了，都係好香好滑...但總係覺得觀塘鋪最好食了🤔🤔至於飲品都係叫番上次既香茅薄荷清檸疏打，好飲丫。對於今次開係大埔既錦麗，絕對可以再encore，如果唔想等咁耐，都可以外賣既，呢間算係我比較喜歡既連鎖店

近期Vietnamese food 大熱 非錦麗莫屬👀👀一向都知觀塘經常排長龍 所以一戰大埔新店 👉🏽👈🏽5:25pm 門外大排長龍😅😅😅溫馨提示 早少少去排隊啦！1️⃣錦麗綜合粉 $62近年小編系hk至愛嘅pho !!!😋😋😋自行加上Vietnamese 配料湯底偏濃 所以pho比較入味👏🏻不過麵唔多生熟牛肉鬆軟唔鞋 牛丸爽口 !2️⃣越南春卷 $38香脆 配上甜酸sauce一流!3️⃣滴流咖啡 必點 $25超級好飲 杯底系煉奶 所以偏甜若果唔中意太甜 可以唔好攪哂所有煉奶☺️

住係呢區咁耐，每逢新食店必定會試，由於經常係超級城行街就見到呢間新開既食店，講咗好耐終於去食，餐牌既粉麵種類太少，小食同飲品仲多過粉類，啲芽菜青檸九層塔任加，但對我講似乎預先整好既配料應該用保鮮紙包好，可避免塵跌了落去而不知道，叫左個雜粉（生+熟牛肉同牛丸），味道都算好，但唯獨河粉太少，之後就叫咗個小食炸春卷，我覺得油咗少少，令到包既菜都有油係度，但食落去又唔太膩，本來見到春卷個樣好似好肥膩，但食落又唔多覺，食到河粉有啲口乾，想叫職員比杯水飲下啦！點知職員話無水供應，心諗有無搞錯，一間餐廳居然無水提供比客人既，我諗我都係來一次無下次啦！

喺大埔公園完玩, 之後去左大埔超級城行下, 醫醫肚｡ 喺商場 D 燈箱廣告見到佢寫住 “越南胡志明市最好吃的牛肉粉”, 講到咁犀利, 就即管去試下｡ 5:20pm 到左餐廳, 見到 D 員工開緊飯, 5:30pm 先營業, 但門口已經有條人龍排隊等入, 唔通真係咁好味 🤔終於都坐低左, 枱上已經放左一人一杯嘅配菜 (香葉、芽菜、青檸 & 辣椒), 仲貼左張溫馨提示, 教你即食要點樣食, 而且寫住香葉 & 芽菜係無限量供應 👍錦麗生牛肉粉 先按溫馨提示 Step 1, 飲番啖湯, 果然係有好香濃嘅牛湯味｡ 之後將撕碎嘅香葉、青檸汁、芽菜 & 辣椒加落湯粉度, 浸佢一陣先食, 湯底即刻散發陣陣九層塔嘅味道｡ 嫩滑嘅牛肉沾上少少是拉差辣醬 + 甜醬, 的確係有另一番風味 法式牛油雞翼雞翼就冇咩特別, 牛油味同蒜蓉味唔重, 所以食落去冇咩味道 凍咸檸檬青檸梳打杯梳打入面真係有咸檸檬 & 青檸, 篤完之後嘅味道係咸咸酸酸咁, 都幾好味

聽聞錦麗在越南頗有名氣，如今登陸香港，一於試試看。食物的選擇不算多，店方專攻牛類，湯河都是配搭牛肉牛丸。小人叫了一碗錦麗熟牛肉河，落單不久已奉上枱面，速度很快。未起動前，先加上芽菜及香菜；芽菜好像特別肥大，而香菜更登時令整碗湯河提升香氣。湯底應該是牛湯，不是太油。牛肉似是吃著牛般軟軟滑滑得來有咬感。河粉跟港式的不同，粉條較厚，與芽菜一起吃既爽且滑，口感豐富，的而且確的不俗。河粉的份量甚多，一碗足夠一餐。兼且好味，不愧為過江猛龍。