錦麗 (大埔超級城C區)

营业中

休息中

得知貴為胡志明市最美味的pho「錦麗」進軍大埔，馬上去朝個聖！當日星期日6:00pm去到人龍已經有大約20人在排隊！未計算餐廳內的客人，可見錦麗這個過江龍的確有料到等了差不多15分鐘左右終於有得食，略略看過menu，決定還是吃皇牌綜合粉$62，有生熟牛肉，又有牛丸，一次過滿足我這個有選擇困難症的麻煩人。飲品選了清新的咸檸七，解渴又解膩。錦麗更有提供越南傳統滴漏咖啡，有樣會大家都要一試！每張枱都有一張貼紙教大家正確方法食pho，首先要吃日本拉面般喝一口香濃牛骨湯，另外再將九層塔、芽菜等配菜加入pho入面，最後滴數滴檸檬汁提鮮，就可以趁熱享用一碗正宗pho餐廳更會按人頭提供一杯杯的配菜，不夠可要求追加枱面更有提供海鮮醬及辣椒醬，將兩種醬搞勻沾牛肉特別惹味。 話咁快綜合粉到面前，先喝口由大量牛骨熬成的湯！湯頭香濃入味，令人欲罷不能，喝不停口河粉方面有咬口，配著湯一起吃寧舍入味牛丸尤其出色，𥚃面加入少許牛筋及牛脂，有口感之餘，牛味更是濃到不行！熟牛肉用上半肥瘦牛腩，稔軟又不韌，為整碗pho其中一個不可多得的主角最後配杯咸檸七，滿足

今天早上第一次和老公加朋友試錦麗，11:15am已經去排隊了。入去坐之後，點了綜合牛肉粉，雞翼，春卷，紙米卷，加飲品。我老公幫我叫水，服務員說公司規定不能提供水。我老公再幫我向經理問可以要杯熱水給大肚婆孕婦嗎？經理也拒絕原因是公司規定不能提供水。我真的很失望呢。問公司電話想問問原因，經理說不方便給公司電話，只給電郵地址叫我們反映，再看真電郵才知道原來錦麗是太興的.服務員的態度很差。從來未試過以上情況的，他們一點不有禮。至於食物質素。沒有驚喜。味道適中不是太濃味不過很油。最好的是雞翼。不過河粉食物配料芽菜青檸在我們入座前預先放在枱上好像有點不衞生呢。這間對孕婦不friendly的restaurant我以後不想去。服務太差了。

堅持半世紀的味道錦麗進駐大埔超級城 lunchtime黎排左成半個鐘梗係食錦麗綜合粉($62) 有生熟牛肉同牛丸湯底睇落唔算好清 但飲落一啲都唔油濃得黎唔會過咸 好有牛的香味生牛肉見佢厚厚地 以為會好老點知入面好粉嫩 好滑 一啲都唔痴牙熟牛肉係牛腩 但相對就肥左少少🙈另外一定要讚的係粒牛丸 完全係有驚喜多汁Juicy好濃郁牛味 係有生以來食過最好味的牛丸唔係誇張！直頭想買一包返屋企自己淥麵食！果然係有質素的牛肉湯河！另外蝦餅同春卷都幾有質素 熱辣辣炸得香脆

錦麗終於開到黎大埔，點可以睇少大埔街坊既威力，少不免會排哂長龍，真係排好耐先入到，終於唔駛出九龍都有得食。門口已經放左個好靚既招牌，仲有佢地口號一種味道半世紀的堅持，堅持做好牛肉粉既好味道。店面都係用上左藍黃色做設計，掛住左好多唔同既報導，店仔細細不過設計得都幾有心思。可以見到個開放式既廚房，好多唔同材料預備都會見到，增加左個透明度食得更放心。當然唔少得魚露等等既調味醬汁，最唔少得既一定係呢個越南粉既配料。千祈唔好話有無攪錯，呢度名乎其實係得牛牛粉食，次次食都叫《錦麗綜合粉》($62)，有哂生牛肉熟牛肉牛丸，至愛食牛丸好夠味，記得要飲啖湯先好開始食，飲得到果啖精華。另外仲有大大舊牛腩，都已經好淋，仲有生牛肉添，入面既粉係會痴到好似個波咁，不過一撩就會散，聽聞咁樣上唔會搞到河粉淋哂一PAT野咁。整多個《炸手作蝦餅》($38)，見到係即打即炸，所以都要等一段時間先有，上台果時熱辣辣，蝦味濃仲已經開半易入口。食完哂野緊係要飲杯野飲，見到有《凍鹹檸檬青檸梳打》($22)，下面有好多鹹檸檬，上面加上兩塊青檸，搭埋梳打一飲夠哂爽。店名：錦麗地址：大埔安邦路3號大埔超級城C區1樓518-520號舖餐

之前apm見到好多人排隊已經好想試，今次大埔開店，特登早啲在晚餐時間前食，排咗10分鐘就有得食。枱上已放咗一杯杯芽菜丶香葉丶青檸，枱面仲貼有食粉嘅方法。點完唔使5分鐘仲有得食。食法係先飲一口湯，我個人覺得係湯面浮咗一層油，我估為咗啲湯可以保持熱度啩，湯嘅味道幾好，但又唔敢飲太多。牛肉份量都幾多，以生熟牛肉粉為例，4大舊熟牛肉配幾片細生牛肉。粉嘅份量就明顯少咗啲，男人的話應該不太足夠…越式春卷，即炸，熱辣辣，係幾好味！唔使半個鐘就食完，但門口已排咗幾十人，想食就要早啲排隊喇！

今日八點幾去食都只係等左10分鐘就可以進入啦！點左一個綜合牛肉粉有生牛肉熟牛肉同埋牛丸，都幾好食。服務員都好細心咁叫我飲啖湯先，之後我問佢有冇芽菜及九層塔等等咁，佢哋就話唔好意思芽菜冇晒啦！我覺得佢哋應該早啲同客人講明會好啲囉！