錦麗 (屯門市廣場) (已結業)

每次食越南嘢我通常都會揀豬扒/ 豬頸肉撈檬, 唯獨係去🔸錦麗🔸, 就一定會揀佢嘅牛肉金邊粉, 因為不論湯底定牛肉都做得好出色!🍤 特色小食拼盤(金絲網蝦春卷, 越式蔗蝦, 法式蒜蓉牛油雞翼 & 香茅豬扒)蝦春卷整得脆卜卜。越式蔗蝦有好多蝦肉, 爽滑彈牙。牛油雞翼好嫩滑。香茅豬扒燒得好香口, 雖然厚切不過肉質保持軟腍。🍲 胡志明綜合金邊粉綜合粉內有生牛肉, 熟牛肉同牛丸, 有濃濃嘅牛肉味不過唔會覺得羶。牛肉湯底味道濃郁, 就咁飲都唔會覺得口乾, 不過會有少少油膩。🧋香濃美祿美祿味好香濃, 一d 都唔甜, 人大咗真係好少會飲美祿, 一邊飲一邊諗起小時候。整體食物飲品都好好, 如果餐廳職員可以細心d 就再好d 喇。

今晚同朋友去試左屯門公市廣場二期的越南菜錦麗，最近餐廳轉左用手機落單，我地叫左一個二人餐，二人套餐一個越式併盤，有兩碗粉或飯，同兩杯飲品，我地就揀左咖哩炸雞鎚飯同牛丸河粉。首先講下咖哩炸雞鎚飯，咖哩汁唔算辣，有椰香味，兜汁雖然大波，但就冇乜配料，只有一小塊薯仔， 雞鎚有4隻，分開了放，所以都幾脆。而牛丸河粉，牛丸內裡有爆汁，有牛肉汁香味，但河粉就冇乜味，湯好淡。而越式併盤，有庶蝦，蝦春卷，香茅豬扒同牛油雞翼，除左香茅豬扒好硬外，其實都不過不失。我地仲追加左素菜春卷，蝦春卷同香茅雞翼，追加價錢都算抵食（可睇相，有價錢）,味道只能說一般

媽媽係越南人，由細到大成日食越南美食，食過幾次錦麗河粉都好味。見到張poster 寫限定供應又呂宋芒直送到港，好吸引嘅芒果糯米飯就試下la，細佬就叫咗碗魚餅札肉雞湯金邊粉芒果糯米飯賣相幾好，減肥戒口中食少咗好多甜品所以都算期待。倒咗杯椰漿就開始食la，一入口d椰漿無椰味，食開d 芒果糯米飯都有好香甜椰汁味㗎嘛，糯米飯就不過不失。再試啖芒果係超酸，完全唔好食，真係未試過食芒果糯米飯係會咁，勁失望！魚餅札肉雞湯金邊粉湯底雞湯味濃，但牛湯底會比雞湯底惹味，當然唔食牛人士就要揀雞湯底la，每碗有3塊大魚餅，札肉就一塊切開一半比較少，食過幾次我覺得河粉比金邊粉好食，河粉會再滑d

風味二人套餐$208（不用加一）特色小食拼盤🤩金絲網蝦春卷 ：外層係網狀炸粉比一般中式春卷鬆脆裏面係用蝦膠打成 好爽口越式蔗蝦 ：比起魚蛋更彈牙😆不過沒有竹蔗味法式蒜蓉牛油雞翼 ：整隻雞翼外層都有濃郁的牛油味 蒜蓉就係另外放上雞翼上香茅豬扒香茅豬扒香濃雞湯金邊粉🐖剛剛炸好的豬扒 每一啖都好juicy 都有1mm厚 半肥瘦 竟然有一隻手掌咁大飲埋個熱辣辣雞湯仲正 配菜都好足料胡志明綜合粉（生牛肉熟牛肉牛丸）🐂朋友揀既 都有好多牛肉 由於湯底10分熱 上菜仍冒煙 相信生牛肉都慢慢變熟🙂熱鹹檸檬青檸水 💧感覺可以好好治一治感冒？😂好清新如果唔係夜晚都會想試吓越南滴滴咖啡

放工又係屯門覓食 門口經過聞到湯頭好香，就揀咗呢間叫咗個套餐（1）胡志明綜合金邊粉（裡面有生牛肉，熟牛肉，牛丸）包一杯醃鹹檸檬青檸水 同兩隻蔗蝦（2）朋友唔太肚餓就叫左個半生熟牛肉金邊粉 整體個粉味道算唔錯， 不過食完會好口渴，應該落左唔少味精熟牛肉係大大嚿牛腩，唔會話太硬，都軟淋，不過牛肉味唔重。相反，生牛肉就做得好好多 ，薄切粉嫩，重牛肉味，幾唔錯，唔會話好油好多肥膏。麵份量適中， 冇酸味。蔗蝦正正常常。杯野飲就😂😂😂 如果你個日重感冒，鼻塞塞，食嘢無味可以試吓。 冇篤檸檬嘅情況下，都酸到以為玩緊running man 嘅懲罰遊戲， 冇咩事唔會再叫呢杯野

05.08.2021 星期四Pho Le 錦麗好耐無食過生牛肉粉，今晚去咗屯門市廣場錦麗食，當自己去了越南一轉！去到門前，見有幾個正排隊，但只需等十分鐘就可以入座。餐廳由外到內嘅裝修都充滿越式氣氛，外出還掛咗唔少畫作。除了餐牌之外，還提供手機網上點餐。有「一人主意」及「二人風味套餐」，包小食（庶蝦/春卷/菜），主菜（各款河粉/金邊粉）、飲品，可另外加小食。生牛肉金邊粉：餐牌介紹「被美國Wall Street Journal譽為越南胡志明市最好吃牛肉粉」，所以要試試，牛肉同湯底都好鮮甜，味道佳。菜心：落單時職員替我註明豉油另上，但來到豉油並沒有分上；叫職員跟進，也有重新再做一碟。菠蘿梳打：可選少冰，少甜/走甜。下次可再來試試其他美食！

每次經過錦麗都排了很多人，啱啱係下午茶時間，見到無太多人就同朋友一齊去排隊等。大概等了二十分鐘就可以入去。我們叫咗兩碗錦麗綜合粉，材料有牛丸、生牛肉和熟牛肉。同叫咗杯凍美綠錦麗綜合粉牛丸多汁彈牙，有嚼勁! 份量得兩粒。生牛肉和熟牛肉算嫩滑，有牛肉味。 湯底很濃而且鮮甜，河粉好爽滑。凍美綠飲埋杯凍野飲，簡直好嘆阿! 唔會過甜，味道適中。最後一定要記得食越南粉河一定要叫佢俾埋配菜，包括青擰，生的豆芽菜、九層塔或是羅勒。咁樣先特顯到所有味道，令味道更出，更鮮味。

昨晚忽然想食越南菜所以去了錦麗錦麗一大好處—星期日都不用排隊節省很多時間點了一個二人餐 $198包自選兩個主菜，一個小食拼盤和兩杯飲品🐱生牛肉湯河牛肉片大塊有牛味湯很濃🐱咖喱牛腩飯很香滑的咖喱濃濃椰汁味牛腩份量很多，有8大塊仲有很入味的薯角配飯一流🐱小食拼盤很大份，共四個小食蔗蝦很彈牙雞翼大件香脆春卷脆得帶點像蛋券很有口感豬扒比較乾但若點配剛剛的咖喱汁就很可口🐱甘蔗汁/薏米水不太甜很清涼這個套餐很豐富，不用加一我覺得性價比不錯推薦度：👍🏻👍🏻👍🏻👍🏻

星期日當然要去食返個下午茶啦突然間好想食啲好濃味嘅嘢就諗起錦麗🙈不過星期日嘅錦麗真係要排好耐 尤其是下午茶時段但係個價錢真係幾抵食😂😂我就帶咗個生牛肉河 正常平時佢哋係會跟埋青檸，芽菜，九層塔同辣椒粒 但係嗰日啲服務員太忙要提佢地先記得😅講返個味道其實同平時正常一碗係一樣你下午茶只係將個份量縮細🙈錦麗嘅牛肉河其實不嬲都唔差 湯嘅味道都好濃 鹹味係非常之足夠嘅如果唔鍾意食濃味嘅朋友可能都會覺得佢有啲鹹雖然份量縮細左但係正常一個女仔應該係夠飽嘅 但係男人就難飽啲 份量真係有點兒太細😂😂😂因為唔夠飽嘅關係我哋學嗌咗先用牛油雞翼佢炸得啲雞翼都幾鬆脆 不過啲蒜蓉牛油我覺得可以多啲 因為之前我哋都食過所以諗住實冇死再嗌點知今次就有啲太少蒜蓉牛油😂

屯市一帶有3家越南粉餐館，以這家我最常光顧。 營業時間很多時都見人龍。午餐2點左右，還有半小時才到下午茶時段，未見人龍，也要稍等才有位。它的招牌牛肉配牛骨湯吃過好幾次，今次換換口味，叫了魚丸扎肉濃湯金邊粉，熱玫瑰龍眼茶，以集團積分免費換一客四件法式蒜蓉牛油雞翼，又是豐富的一餐。魚丸及扎肉平實。濃雞湯亦不比牛骨湯差，又有另一種風味。這裡的蒜蓉牛油雞翼是我最喜愛的小食，熱辣辣，雞皮炸得香脆，肉質鮮嫩，每件雞中翼上面堆了足料的牛油及蒜蓉，把美味昇華。

早前仲有晚市堂食，見唔駛點等位，試左呢間越南菜，見到餐廳一d介紹講到喺胡志明市好似都幾出名睇過餐牌後，套餐咁岩岩食，又平少少，所以叫左餐滴漏咖啡老公話唔好飲，咖啡唔夠苦，煉奶唔夠多同甜，同喺越南飲嘅無得比，差太遠🙈雞絲札肉香濃華湯金邊粉本身想轉做河粉，落單姐姐懶，話其實都係差唔多，好似架，所以我諗住是但啦我認我咀叼，真係食到個分別，唔係差多🥲個湯都係味精湯，名大於實，無佢講到咁香濃；老公叫左胡志明綜合粉，佢話都係一般最零失手感覺係呢碟小食喇，所有野都有現有野拎去炸啫本身叫左馬拉盞通菜，黎錯左變左豉油通菜，通知侍應換，都係比返同一碟你加返醬

今日契媽搵我食晚餐, 我地又好耐冇食越南野, 就去左呢間近近地既錦麗 Pho le黎個越南野之夜, 我地見到2人餐好抵啊!!!$198我地就叫左個風味二人套餐入面包左特色小食拼盤2個主食:錦麗婃合粉 & 炸軟殼蟹撈檬2個飲品:凍咸檸檬青擰梳打&新鮮椰青小食拼盤每樣野好脆, 唯獨D油太多...錦麗婃合粉:份量超多!!!!我自己都食左半已經食唔哂炸軟殼蟹撈檬:好脆, 醬汁夠味不過可以多D!

24/9 星期四中午12:00左右，見冇乜人入去試下，入到去張枱濕左少少，請人幫手抹下，個男侍應好似好唔gur咁，之後發現櫈都濕，就自己換過張，費事又隔住口罩都俾人黑面。但原來未到戲肉，叫野食先黎料，又係個男侍應，好似得罪佢咁，我地都諗好叫咩，唔係佢黎到先諗嗰隻，唔明為何要咁嘅態度。佢枱面有張追加小食，寫住$18款，$36兩款，$50三款，餐牌又有追加小食，都係$18款，但兩邊有嘅小食又唔完全一樣，咁咪問下佢米紙卷係咪都可以囉，佢又好掘語氣地dun左「唔可以」三粒字。。。真係唔知自己做錯咩咁食物就正常啦，唔算好出色，又唔係好差。不過碟飯嗰隻碟係爛架囉，你都放上枱已經搖搖噏噏，原來四隻腳冇咗一隻，仲要穿埋窿！成件事。。。就係令人冇乜mood咁囉

近排天氣咁熱想食啲清爽啲嘅異國料理就嚟咗呢間錦麗食越南Pho。⭐️錦麗生牛肉河粉一上菜個湯仲好熱，未食粉先飲啖湯。湯頭好重牛肉味，但唔似有啲舖頭煲完啖湯有層油浮係面，佢飲落一啲油膩嘅感覺都冇，好清爽只有濃郁嘅牛肉味。為咗呢啖湯已經值回票價了，但其實佢啲牛肉都唔差，食落冇雪味半肥瘦，入口好滑，真心推薦！⭐️錦麗熟牛肉河粉如果好似我咁唔夠膽食生牛肉，就可以揀佢嘅熟牛肉。佢嘅熟牛肉葉得好入味又煮得好霖，加分！⭐️香茅豬扒香濃雞湯金邊粉香茅豬扒真係意外地好食，佢炸得外層好脆，但係入邊仲好juicy咬落勁鬆化，而且個雞湯飲得出唔係味精湯，絕對係驚喜！⭐️椰汁三色冰飲品方面就普普通通不過不失，冇讚冇彈啦。總括而言錦麗個湯底真係冇得輸，入口清爽但充滿住牛肉香氣。為咗個湯真係好推薦大家黎試吓，真係冇介紹錯㗎！

見到有人排隊香港人心態即刻睇下先下午茶時段買一送一45蚊一碗包嘢飲算幾抵㗎啦第二碗就半價22個半同樣包嘢飲不過份量真係有啲小質素當然有番咁上下啦個湯飲曬下次試下個全日餐都係第二份半價