錦麗 (屯門市廣場) (已結業)

上次元朗店開時，我已經常去試，但因為條龍太長，轉左去食果間難食到喊嘅把鬼美式餐廳stormies，印象難忘，今次喺屯門開錦麗越南河, 就來試。一樣是長龍，但今次我決定要排其實裝修間間都大同小異，呢個鋪比元朗的大得多，所以排隊亦唔使咁耐。呢個粉個湯係屬清湯，牛味很濃牛肉質地一般，但算合格，比較驚喜的是它的河粉，很薄很滑叫多杯薏米水，正

幾個月前係元朗Yoho行街經過第一次見到：堪稱華爾街日報指為「越南胡志明市最好吃牛肉粉」，感覺十分自大，同埋聯想起食家蔡x先生都好似開咗間越南粉餐廳。假日同朋友經過屯市，竟然見依間第一牛肉粉分店開到入屯門，應該係新開冇乜人排隊，就入去一試門外已有大大招牌寫住「越南胡志明市最好吃的牛肉粉品牌」，雖然越南就未去過，試下係咪咁誇張！？餐廳裝潢都幾特色，牆上掛住竹席，櫈都係竹造，配埋不鏽鋼枱，又幾有越南風味令人諗起越南人係船上戴果啲竹帽食物款式唔多，河粉得牛丸/生/熟牛肉($60-70)，小食($30-40)，飲品($20-30)。正所謂貴精不貴多，如果係比心機做好幾味餸，已經夠打響招牌河粉得幾款，嗌咗綜合粉可以試齊牛丸&生熟牛肉，都只係貴咗$6。芽菜配料係要自取，咁都幾好，有得自己揀~朋友喜歡食芽菜就拎咗兩份，入面有紅辣椒+青檸+九層塔+鵝蒂(一種香草？)+芽菜。枱上有食法教學，先飲啖牛肉湯，真係好香濃牛味，飲得出真材實料煲。湯上面有層幾厚嘅油，就咁飲覺得有啲肥膩，加埋河粉一齊食感覺好啲。之前就將九層塔同香草撕碎，再吱啲青檸汁，加埋辣椒同芽菜拌勻。平時都係直接將配料倒曬落湯食就算，第一次食河

早幾日休假，懶洋洋的睡到中午，心血來潮到之前已經想試的錦麗食個lunch，估唔到岩岩好唔駛等位!!!但現場是9成滿座的在來到餐廳之前，我早已鎖定想食牛丸粉，一送上來，已經急不及待想飲個湯底，是太肚餓嗎？？好好味呀！！！嚐一口有幸福的感覺，好吸引!仲有5大粒牛丸，咬開的口感更感覺幸福，完美又彈牙這時候侍應送上我點的玫瑰龍眼茶，都好足料好香甜，為這個下著雨的lunch添上幾分寫意悠閒，在這裡，我有一個愉快的下午~~~~~~~~~~~~~~~~~~~~~~~~~~~~~~

終於去咗試越南人氣牛肉粉 — 錦麗🤞🏻 — 雖然有好多分店，但次次經過都勁多人排隊今次終於食到你啦！！湯底真係幾鮮甜同濃味 但唔膩！ 佢個牛丸係差唔多食過既牛丸入面數一數二彈牙😆夠哂香濃😚然後啲牛肉都好淋！個燒雞肉米紙卷 我就覺得麻麻 無乜味咁😂法式牛油雞翼～牛油味同蒜味好重，然後皮又脆❤個椰汁涼粉冰無甜味，有點苦，咁簡單嘅飲品都可以做得咁難飲，真係嚇咗一跳🤨 但整體都值得去試個牛肉粉既🤙🏻🤙🏻

今日夜晚嚟到屯門市中心，牙痛唔想食飯，就嚟咗咁呢度食牛肉粉。今次我哋嗌咗個生牛肉牛肉粉，錦麗綜合粉，可樂同凍鹹檸檬青檸梳打，唔知今次係嘢飲黎先定粉嚟先啦。我留意到佢呢啲芽菜芫荽青檸係另上嘅，仲有得無限添加，鍾意食芽菜嘅我就梗係會問佢攞多杯啊彩啦。佢嘅湯底好多油，但係好啱我口味，又唔係食落去勁健康果啲，唔識形容，總之好正。而雜錦牛肉粉就有牛丸，生牛肉同熟牛肉，鍾意食肉嘅你千祈唔好錯過，分量大到你都可能食唔落。嘢飲方便，我嗌杯凍鹹檸檬青檸梳打真係好掂，以為嗰粒鹹檸檬好難篤，點知佢應該醃左好耐一篤即開，篤兩下青檸味散發唒出黎，令我樂而忘返。

自己以前喺多倫多住過幾年， 讀書嘅時候就認識越南粉🍜發覺呢樣嘢好好食😍 但係返到嚟香港之後，發覺間間都唔好食🙄嗰啲成日話自己係美加inspired嘅越南粉舖頭,都係好失望一係就重味精咸到死， 一係就個湯底完全未到位😥 我哋5點55分就到達餐廳，我幾乎全部坐滿😱得番最後四個位真係好彩👏👏 一坐低唔夠三分鐘就開始有人龍😀😀 …好遠已經聞到佢啲牛骨湯底嘅香味叫咗三本碗綜合分粉，一碗熟牛肉粉。湯底完全一樣，小小甜 但係好明顯係用咗好多牛骨去煲！好足料湯底好高分 我自己個碗係熟牛肉粉，當你以為係好薄嘅牛肉...你錯喇!係非常厚切嘅牛肉一碗起碼有十塊！份量驚人！ 第二樣要讚嘅就係個河粉非常之滑好易入口 但係最驚為天人嘅係佢粒牛丸真係好好食同你出去食魚蛋粉嗰啲牛丸完全唔同， 食得出好有牛肉味好大牙100分!!!下次我去淨係叫牛丸河粉！ 我哋嗌咗啲小食1)牛油雞翼2)春捲3)大蝦米紙卷全部都正常水準牛油雞翼就麻麻地，但係碗粉真係好值得食！希望業主唔好加租有得做耐啲

呢度嘅牛丸好好食好彈牙好爽口 同friend 尼relax下 小食都有好多唔同既選擇 例如雞翼 蝦餅 小米糕 米條等等 全部都好吸引 今次食左蝦餅同雞翼 新鮮上台 下次都會再同朋友尼食

新開食肆，當然要試下。其實之前係其他分店食過，覺得比較抵食。一碗越南粉，大概60蚊。店舖採用排隊方式，不派籌。店內二人位比較多。如果3，4個人黎，就多數要坐6人大枱，同人搭枱。有粉，小食同飲品。叫完就會主動比配料我叫既係綜合粉，咩都有（牛丸，生熟牛肉）。份量足夠，差點食唔晒。牛丸幾好食，餸料唔少，蔥又多。湯味都濃，建議如果唔食蔥既朋友，記得同侍應講。另外，叫左兩個小食。但由於真係太肚餓，所以忘記影相。春卷，食到好似有芋頭裏面，但就唔係港式春卷個隻脆口。雞翼，勁蒜。雞翼面上有蒜粒，所以唔鐘意食蒜，可以選其他小食。

之前見到元朗嗰間錦麗勁多人排隊一直都好想試，竟然嗰日喺屯門市中心見到開咗錦麗！ （心心眼）終於可以試喇😍😍😍..yeah ! 睇左一陣menu..我同朋友分別叫咗綜合牛肉同牛丸麵加多一個牛油雞翼。佢哋上菜嘅速度都好快....我第一時間就試一試啲湯先！ 超濃牛肉味～～～～牛丸好juicy 好彈牙.. 牛肉片好薄身.. 牛腩好入味一啲都唔痴牙... 好味呀..牛油雞翼個賣相就麻麻哋我就唔明點解佢要加啲蒜頭喺上面...感覺有啲怪怪地。食落口係香脆嘅 唔係返炸嘅..

杯渡站附近既呢間越南店 好有驚喜 個日同媽咪見到呢間新店大排長龍 咁岩想食越南野 一於排隊試下 果然冇令我失望首先叫左個大蝦米紙卷 層皮做得好出色 煙韌得嚟又唔會太硬 餡料都包得好實 唔會一夾就跌哂出嚟 牛油雞翼皮脆肉滑 仲有肉汁流出嚟 唔會炸到乾哂 牛油同蒜味都好香好夾 蝦餅都做得好彈牙 食到真係有一粒粒蝦肉係入面 唔係出面交hea貨個種最後叫左碗雜錦河 河粉同湯底都冇乜特別 但牛丸真係好好食 好重牛既羶香味 同時間都好juicy好彈牙 亦都食到有軟筋 口感層次好高總括而言 十分推薦！！！唯獨係店舖比較細 坐位之間唔算太闊！

依間越南河粉開咗差唔多成個幾月，今日星期三去試吓間鋪，但係都仲好多人要排隊呀好長龍，等咗大概三個字到啦就可以入去啦，入面其實都唔係好多位，食物選擇的都唔係好多，大部份都係牛肉河粉同埋一啲小食，我哋呢就叫咗一個雜錦河再加一個生牛肉可，在叫多杯崩大碗，好快就上菜，個湯底好正👍👍👍

食一碗生牛肉粉$60啲油多到撇咗我20分鐘都撇唔晒! 分量非常少我係一個女人食完都覺得唔飽. 佢話味道幾好但係一起身即刻口渴相信都係因為太多味精. 我希望佢遲吓發覺呢啲問題會加以改善!

來自越南嘅過江龍餐廳屯門都有分店啦🤣錦麗綜合粉 $62有生牛肉 熟牛肉 牛丸手打牛丸超好食😍 仲食到粒粒牛筋😋😋生牛肉薄得黎好嫩口👍🏻店員提醒我們要先品嚐原汁原味湯底🤤芽菜和香草可自行添加可以encore 唔怪之得咁多人排隊💕.越式炸春卷 $38 （四條）即炸炸春卷熱辣辣 香脆非常 一咬下去滿滿的餡料最愛芋頭粒🤤最好先放室溫一會兒 避免燙傷嘴😌.大蝦扎肉米紙卷 $28餐廳已分成4份小卷米紙卷外皮非常透薄 晶瑩剔透 每份小卷都夾了大蝦一隻🤤扎肉和紅蘿蔔絲等配菜相配得宜值得一試👍🏻💕

越南人氣牛肉粉 —錦麗🤞🏻佢湯底真係幾鮮甜，雖然幾濃味，但唔膩！ 熟菜可以揀3款，包括生牛肉，熟牛肉和牛丸，佢個牛丸係差唔多食過既牛丸入面數一數二😆好香濃😚然後d牛肉都好淋！燒雞肉米紙卷，我就覺得麻麻，無乜味咁😂法式牛油雞翼-牛油味同蒜味好重，然後皮又脆❤個椰汁涼粉冰無甜味，有點苦🤨呢本越南式既滴流咖啡，別有另一番風味—地址：錦麗 (屯門)屯門屯順街1號屯門市廣場2期1樓19-23及25號舖

在眼鏡88旁 新開了一間錦麗。人不是很多 等了一會。要手剔點單,必點 綜合粉,湯底濃郁,牛丸很讚,牛肉真係好好味。必點甜醬,差拉醬吃。點左個小食,大蝦札肉米卷好味,。。