影片
更多
2018-12-04
275 浏览
几个月前系元朗Yoho行街经过第一次见到：堪称华尔街日报指为「越南胡志明市最好吃牛肉粉」，感觉十分自大，同埋联想起食家蔡x先生都好似开咗间越南粉餐厅。假日同朋友经过屯市，竟然见依间第一牛肉粉分店开到入屯门，应该系新开冇乜人排队，就入去一试门外已有大大招牌写住「越南胡志明市最好吃的牛肉粉品牌」，虽然越南就未去过，试下系咪咁夸张！？餐厅装潢都几特色，墙上挂住竹席，櫈都系竹造，配埋不锈钢枱，又几有越南风味令人谂起越南人系船上戴果啲竹帽食物款式唔多，河粉得牛丸/生/熟牛肉($60-70)，小食($30-40)，饮品($20-30)。正所谓贵精不贵多，如果系比心机做好几味𩠌，已经够打响招牌河粉得几款，嗌咗综合粉可以试齐牛丸&生熟牛肉，都只系贵咗$6。芽菜配料系要自取，咁都几好，有得自己拣~朋友喜欢食芽菜就拎咗两份，入面有红辣椒+青柠+九层塔+鹅蒂(一种香草？)+芽菜。枱上有食法教学，先饮啖牛肉汤，真系好香浓牛味，饮得出真材实料煲。汤上面有层几厚嘅油，就咁饮觉得有啲肥腻，加埋河粉一齐食感觉好啲。之前就将九层塔同香草撕碎，再吱啲青柠汁，加埋辣椒同芽菜拌匀。平时都系直接将配料倒晒落汤食就算，第一次食河
假日同朋友经过屯市，竟然见依间第一牛肉粉分店开到入屯门，应该系新开冇乜人排队，就入去一试
门外已有大大招牌写住「越南胡志明市最好吃的牛肉粉品牌」，虽然越南就未去过，试下系咪咁夸张！？
餐厅装潢都几特色，墙上挂住竹席，櫈都系竹造，配埋不锈钢枱，又几有越南风味令人谂起越南人系船上戴果啲竹帽
食物款式唔多，河粉得牛丸/生/熟牛肉($60-70)，小食($30-40)，饮品($20-30)。正所谓贵精不贵多，如果系比心机做好几味𩠌，已经够打响招牌
锦丽综合粉
$66
14 浏览
0 赞好
0 留言
河粉得几款，嗌咗综合粉可以试齐牛丸&生熟牛肉，都只系贵咗$6。
芽菜配料系要自取，咁都几好，有得自己拣~朋友喜欢食芽菜就拎咗两份，入面有红辣椒+青柠+九层塔+鹅蒂(一种香草？)+芽菜。
枱上有食法教学，先饮啖牛肉汤，真系好香浓牛味，饮得出真材实料煲。汤上面有层几厚嘅油，就咁饮觉得有啲肥腻，加埋河粉一齐食感觉好啲。之前就将九层塔同香草撕碎，再吱啲青柠汁，加埋辣椒同芽菜拌匀。
平时都系直接将配料倒晒落汤食就算，第一次食河粉都咁讲究香草撕碎后，香味渗透系汤底中，令味道层次提升。芽菜粗而短，特别爽口同清甜，连埋洋葱等食可以中和到牛嘅油腻感，建议放汤底浸一阵先食，如果唔系会有草青味。加埋微辣，同少少酸甜，调味果然唔错
到重点牛肉三宝！牛丸真系好好食，系食过最正嘅牛丸牛味超级香浓，咬落去有肉汁爆出，应该混咗少少牛嘅肥膏，特别juice全餐最推介最好食系牛丸！另外，生牛肉(碗中间粉红色部份)一落汤已经变色熟透，比较软腍嫩滑，好似平时啲鲜牛咁~最后系熟牛肉，其实同牛腩差唔多口感同味道，一片片好易咬开。三款牛都好香牛味，唔通系煮法唔同定牛嘅来源唔同呢？真系特别好食啲
河粉正常滑溜，易成条夹起唔会断开。平时比较少食河粉，最怕断开一条条咁。
大虾扎肉米纸卷
$30
12 浏览
0 赞好
0 留言
食越南嘢必吃之一米纸卷，$30两件其实已经有4旧，每件都有半只大虾，颜色鲜明卖相吸引。依个米纸卷一定要沾点酸辣汁食！本身太干，点完之后带微微酸辣，好开胃虾肉虽然得半只，但都算结实爽口，配埋入面嘅扎肉、青瓜、粉丝同香草一齐食，口感非常丰富。米纸虽然冇味，但烟烟韧韧。整体配搭都几好$30值得一试
法式牛油鸡翼
$40
6 浏览
0 赞好
0 留言
原本冇谂住嗌鸡翼，但隔离枱突然有阵香味传出，一望先知系鸡翼，就二话不说加单，连几钱都未睇每只鸡翼上铺咗牛油煮过嘅蒜蓉，香味不得了~鸡翼新鲜炸成，热辣辣外皮香脆，好惹味！之后睇返先知要$40，即系$10只都几贵，但每只size都大同多肉，价钱尚可接受。
估唔到食个越南粉可以有惊喜，价钱唔算平，但质素好。唔知系咪胡志明市最好食，但系算系我系香港食过最好食嘅牛肉河
张贴
