鍋心粥底火鍋 (德成街)

营业中

休息中

今次訂左8:30同屋企人食飯，天氣咁凍打邊爐一定係一個最好嘅選擇啦。去咗試粥底火鍋，除咗有一款海鮮同蜆之外，仲可以額外選多八樣配料。但係大家要留意啊，有龍蝦同蟹做頭盤，龍蝦記住係訂位的時候就要留定啦。好似我哋忘記了樓龍蝦，面上就先試是蟹，當然也10分美味。配菜方面，除咗每碟都好大份份量好夠之外，特別的便是那個蟹籽丸，初頭屋企人選的時候我仲嫌棄他們為什麼選那麼簡單的配菜，誰不知是了一粒，就知道他們與眾不同。同一般在街市買的完全是不同的。有屋企人甚至問他有無得買走，可惜沒有。

呢間嘢好多年前食過，但係就唔喺佐敦食老婆搵咗呢間，佐敦五點九食到八點半我覺得打邊爐早啲食早啲完都好可以有時間消化下先瞓我就未嚟過呢間，咁坐低都非常系統性揀海鮮，揀其他配料，而且必須要提嘅就係佢位置都幾大幾舒服多寶魚非常細條但係非常新鮮看魚嘅眼睛就知道，彷彿未死一樣兩隻黃金貝亦都非常新鮮肉蟹覺得佢有啲水蟹嘅感覺肉唔係滿滿頂住個殼，有一啲啲扣分沙白就好食嘅，不過就唔係好大粒活蝦四隻，每人兩隻，係真係未死嗰活蝦但係呢啲係街市買大約70蚊斤嘅基圍蝦唔算頂級貨亦都叫咗鮑魚同鮮魷，鮑魚算大隻呢啲係街市買應該都去110蚊斤配料方面呢個雞滑好好食，裏面有啲馬蹄爽爽口咁我認為係必點嘅另外牛脷都幾好食肥牛正正常常冇乜特別另外嗰啲什麼勝瓜萵筍牛丸我就唔多講喇正正常常啦而佢個系統就係，一開始係畀米水嘅食完海鮮之後佢就會畀芋頭同埋南瓜粒你加落去唔係畀你食，最主要係你煮到最後爛曬跟住呢就會有個職員用個筲箕同你壓溶曬佢再加啲米漿落去，張呢個湯底做成粥再加埋豬油渣粒，菜脯同埋芫茜成為咗你眼前呢一碗粥佢嘅黃色唔係黎自於蛋黃係黎自南瓜個粥係超級超級超級好食因為叫多咗一支蒸餾水所以410蚊否則只係400蚊講真食材係啱啱好夠

之前一直去開深水埗，林住試下佐敦，之前都有聽聞佐敦係旺舖，但由於我食11點，所以唔算話好多枱客 ，得十幾枱，但菜真係出得好好好好慢，11點入坐，到12點10分連自選8樣都未出曬，仲要漏單，也聽到有其他枱都有漏單情況，而你地同事確實好努力工作，但好明顯係努力做收檔工作，仲有幾位員工走左出去幾個字先返黎，好丫，終於所有料到齊曬，我地林住叫你地同事煮粥丫，咁你地同事話要等第三枱，但明明唔只一個員工，但又剩係得一個員工去幫客人煮粥底，結果我等左20分鐘，都無人理，由於要趕尾班車，只好埋單，無煮到個粥底😡😡😡😡😡直接講 鍋心好食 服務好 但佐敦真係好差 因為地理位置方便確實客人會比較多 但我一定唔會再去佐敦

花膠片好大片，分量十足！入口彈牙可口，花膠片沒有腥味，吃了感覺很滋潤。皇貝，份量算多共有10隻，size算大隻。放入鍋中貝殼開口即食，肉質爽甜，正！鮮蝦未入鍋前仍然生猛，跳跳彈彈！記得不要烹調太耐，非常鮮味！魚角，炸過的魚角，彈牙且有魚味。鮑魚勁大隻，因為新鮮一定好食，果然彈牙又爽口，這個一定要比讚讚讚！蟹粉包味道鮮，上鍋後要待一會兒才入口，因為中間十分熱辣辣，小心燙口！肉蟹size 不算小，每人一隻已經很足夠，雖然沒有蟹膏但是肉質結實，充滿蟹肉的鮮甜味。推薦！最後不得不介紹吸收晒所有海鮮精華的這個粥底，可以品嚐到濃郁的海鮮味加上粥米香，配合得天衣無縫，為整餐晚餐畫上圓滿的句號。

鍋心已經食過第3次了, 海鮮都係咁新鮮, 質素依然都喺咁好每人只需$200 就可有7款海鮮8款配料+粥底😝 分量足夠仲無加收10%服務費每次食完都好飽, 又覺得好抵食, 食完想再食不過地方就唔大, 座位坐得一般般今次海鮮叫咗肉蟹, 沙白, 鮑魚, 聖子, 花甲, 多寶魚同蝦🤤所有嘢都好新鮮, 碟蝦本來已有個碗係上面蓋住, 但都仲係彈咗出枱上😆嚇親食到咁上下, 掛住食都唔記得影底d配料, 手打雞骨丸必點👍🏻好吃最後就緊係食埋佢個粥底🤤

平時都有食開長沙灣店，試過一次北角店d海鮮唔新鮮，但勝在服務搭夠。觀塘間蒸海鮮就海鮮新鮮，服務又好。但佐敦新店就真係唔該曬，今次係第二次黎，上一次食宵夜時段海鮮都係靚既，起碼隻蟹夠好肉d貝類又冇沙。講真二百零蚊都唔指意有d咩服務可言。今個星期二book左枱食晚飯時段同朋友慶祝生日，入座安排係幾好既，俾個膠牌你到入座時間就可以入座，清晰鮮明既。咁跟著就照舊剔左食咩野就等佢派野食啦，首先隻蟹係已經削左，冇咩肉食，d馬刀貝隻隻都有沙，好彩我地加個d象拔蚌係新鮮好甜既， 食到一半既時候發現仲爭份雞骨丸未到，咁就問第一個女仔server啦，等左一陣好似冇左件事咁，跟著有另一位男server過黎叫我地埋單先，我地都係照講爭雞骨丸未到，佢就拎走張單，到第三個男server過黎叫我地埋單，我都忍唔住講話單我地係會埋既，但係我地真係仲爭碟野未黎，佢望一望張單，就話咁佢要俾返碟野你，因為冇得取消，咁你想要d咩？我問係咪冇曬雞骨丸？佢又反問我係咪要雞骨丸？？個下又真係9個問號。。。好啦食完野要煮粥，個哥哥係冇撈返起煲裡面既野，直接就倒d粥膽落去撩兩撩就算，咁始終食過其他舖頭會有比較既，人地會撈起食淨既野，再

佐敦分店既鍋心環境安靜，人少，食物新鮮，座得舒服又抵食。兩個人食宵夜時段唔使book，直入唔洗等位。食物種的多，可自由配答喜歡吃的8款海鮮。另加食物每份都係$20。其實食晒食物後都好飽，最尾仲有鍋粥，真係飽到不得了。粥有配料跟埋，一大鍋連埋較早時食既海鮮精華真係無得彈。打邊爐首選，必食推介，款式多、味道好。可惜唔包飲品，所有酒水都要另加收費。我地無叫飲品，只食邊爐加粥。埋單每位都係$200，真超值。下次再來。

之前食過其他分店，趁媽咪生日就帶佢去試下。我地一家三口被安排係一張卡位座位，卡位比較窄，所以擺左啲食物係枱面之後有少少逼，不過都係可接受範圍。.呢到收費係以人頭收費，$200一位包左粥底，7款海鮮、8款配料，所有食物份量都係跟人頭準備，確保每人都會至少有一隻食。.海鮮方面，我地揀左蟹、蝦、沙白、花甲、鮑魚、貴妃蚌同刀貝。海鮮整體都好新鮮，尤其係蝦，上枱個陣仲係未死，十分生猛。大家要小心走蝦淥親！因為新鮮，大部分都好鮮味，我最推薦鮑魚同貴妃蚌。花甲食之前要留意下，因為我食左幾隻都有啲沙餐廳每日會有特價海鮮出售，今次係蟶子，一份兩隻，$30，我地都有要到值得一提係餐廳預備左個計時器同時間表教食客每種海鮮要淥幾耐，所以大家唔洗擔心唔熟/過熟嘅情況其他配料，我地揀左雞滑、梅頭肉、肥牛、竹笙、金菇、貢丸、牛丸、芝士豆腐。呢啲味道就一般啦，無咩特別。.食到一半，餐廳員工就會幫手將芋頭、南瓜同粟米加入粥底。當你食完啲配料，就可以通知員工，佢地就會幫你加飯、菜甫、豬油渣粒等等配料入去煲成粥因爲集合左好多材料嘅精華，個粥好甜好好食。對3個人黎講，一煲粥太多啦，所以我地打包左淨低個啲如果鍾意食海鮮，好值得

10位同事約食飯，又吾想食太貴，選擇左佐敦鍋心，之前食過海鮮算新鮮，不過今次d花甲好似無洗過甘一上台已經勁多沙，叫侍應幫我地換左，鮑魚，蟹，魚都好新鮮，一人二百幾食到捧住個肚走，一大班人去食真係價廉物美，唯一吾好就係限時，所以大家去食嘅時候記得要準時，因為餐廳真係吾會比您遲走😅

朋友介紹話呢間好味又抵食嘅海鮮粥底鍋，愛食好嘢嘅我又點可以錯過! 約咗幾個好姊妹一齊去試! 首先選粥底鮮味靈魂，有蟹或龍蝦，龍蝦每人只需加$20，當然要龍蝦，而且好快無哂，要快快手落單留起先! 跟住可以自選5款海鮮，樣樣大大隻，勁新鮮，食完之後d湯都變得勁鮮味!雖然主打食海鮮，但呢度嘅牛同豬都非常唔錯!加埋其他配料，例如丸呀餃呀咁，同最後嘅粥底，望落去好似唔係好多，但食完真係好滿足! 二百幾蚊可以食到咁多新鮮海鮮，真係好抵食!

在香港吃火鍋沒有分天氣， 只有分想食和唔想食。到附近覆診後對自己的獎勵，吃火鍋。 其實是有備而戰吧！ 是朋友的推薦， 下午五時多，天還未入黑， 我已趕過嚟排隊，時間尚早，佔領輪候首一堆位置。 雖說是放題， 畫火鍋材料的時候還是拿不定主意，我的方法就是剔走不吃的就行。桌上有一個時間，分類清晰列出煮海鮮變熟時間。柯打紙選材類別集中，三心多意嘅人好啱(即係我)食材方面優、鮮， 鮑魚仔還在動， 蝦在下窩時還會跳（小心燙到）飲品方面選擇， 茶類或下火類型。這裡沒有水提供，要喝白開水只有點樽裝水。火鍋配料吃完後， 可以加粥底煮粥， 所以記得預留時間滾粥，海鮮精華都在粥鍋。 雖然捧腹叫飽但沒有拒絕一碗粥的藉口。大滿足!! 食完粥後，又係時候交代畀下一輪食客喇。後記，唯一遺憾就是不夠蔬菜類耶

忘了從那年開始，粥底火鍋開始多人討論起來，新開的也有很多，但我認為鍋心始終是粥底海鮮火鍋的一哥！之前也試了鍋心的蒸氣火鍋，但說實在，我個人是偏好可以烚下烚下的火鍋。因此，為慶祝朋友考！完！試！便和他一起品嚐鍋心鍋心分了三個時段，不想太夜，就訂了最早的時段。一坐下便要選食物了！相比起蟹，個人更愛龍蝦，雖然要加錢，但不緊要！其他配料也選了很多推介的，因為真的很好食！一人半隻，很多膏，肉很新鮮！蜆類背類也很好食，很新鮮，沒有不開口的問題！一人兩隻蝦，很新鮮，還會跳的！其他配料也不錯，特別要推介牛脷！其他鍋心是沒有的，而且很好吃！美中不足是這間仍未有酒牌，希望下次來有吧！

第一次食粥底火鍋，當然唔可以求求其其揀一間就算啦，抵食、海鮮新鮮、粥底靚，鍋心就能夠符合呢3個要求，聽朋友講我地今次好好彩。第一次食咁有效率嘅火鍋。海鮮食材方面都好新鮮，鮑魚大隻又彈牙，蟹厚肉又有羔，沙白、花甲、聖子、蝦都好鮮甜，魚肉滑滑，每款海鮮都有建議煮嘅時間，唔怕盲耍耍煮過龍。粥底，加入竽頭及南瓜煮到熔曬後，加入冬菜，芫茜伴吃，更具鮮甜味道，可惜今日的蝦售完，所以今日的粥欠缺了一種鮮味，感覺差左少少，但都是一碗好味的海鮮粥。

佐敦舊舖幫襯過幾次，今次第三次。預早兩星期book位（打咗幾次先有人接聽，想食好野要比d耐性😉）新舖門外搭緊棚，遮住舖頭名，差咗行過龍😂店內煥然一新，環境大幾倍，唔駛坐到密質質。自取四款調味料，有蒜蓉/蔥/辣椒/仲有一款唔知乜🤨有兩款粥底可以揀：1. 肉蟹＋沙白蜆2. 波士頓龍蝦＋沙白蜆（每位加二十蚊）我哋揀咗第一款，自選海鮮就要刀貝/多寶魚/蝦/鮑魚，水準同舊舖一樣，鮮味十足，就咁淥都食到甜味👍仲有八款配料可以食，如豬腩片/雞件/淮山/蒿筍/菠菜豬肉餃/油炸鬼（必食！）個肚開始九成飽，不過，重中之重出現喇！全晚精華所在：海鮮粥，記得要留肚食！二百蚊，無加一，有火鍋又有海鮮粥，抵到爛😜Tips：1. 限時，如果朋友遲到，仲要等埋先開始淥，一定食唔切，因為職員會準時趕人😂2. 自備濕紙巾，手＋筷子並用，唔用濕紙巾抹手會黐立立🙈

已經第二次幫襯🤗🤗🤗今次同另一班朋友再食，質素仍然無得彈👍🏻可能星期一光顧，人龍比假日少，中但入座率目測都有90%以上😄今次加了錢要龍蝦🦞，每人有半隻，新鮮👍🏻還吃到海水味😋其他海鮮都不錯，鮑魚夠大隻、蝦還會動的🦐🦐🦐。店舖很細心，列出大部分海鮮需要煮的時間，加上計時器，跟著做就可以品嚐到美味的海鮮👍🏻👍🏻👍🏻店員很好，原本跟粥底的南瓜和芋頭我們都退回，她給我們換了一碗粟米，很感激😭😭😭大家都說最後的粥一流、無得彈，我們飽到一個點都要再添食😋🤣🤣🤣CP值真的無與倫比，這個價既有海鮮、又有美味可口的粥，可以很滿足地回家🤗