鍾菜 (已結業)

可能只有房先有大枱，所以被安排入房，環境較寧靜，傾計方便d．一個待應招呼兩張枱都算細心，三點至八點啤酒飲品買一送一都幾抵飲．d小菜的價錢普遍都幾貴，平均都要成$100個，而且份量都唔係太大，適合三至四人食．上菜的速度較為慢d，叫了推介的石榴雞，其實係一隻炸子雞加一個石榴汁俾你點，個汁都幾得意唔會太酸．另外叫了一個炒蝦球，個蝦都幾彈牙，一個雜茹炒帶子，個帶子都幾鮮味，不過份量少d．其實d餸都唔差，只係份量少．這間舖頭做緊姓鍾的優惠，只要你的姓名裏有鍾字音或英文串法一樣，就有全單半價，又真係幾抵食．

家庭聚餐, 諗住佢新開張, 有$200 coupon, 試下啦, 點知又貴又唔掂!同"鱉仔魚"一樣, 被安排座響Open Kitchen 出面, 成晚嘈到死, 都無哂mood 啦!6 個人叫個$1980 套餐, D o野食好普通, 無特別. 但上菜速度及次序激死人, 7:00 落order, 9:15 都未齊, 成家人激到最尾隻雞都無食就走! 有coupon都覺得好唔掂!可能因為格鄰MegaBox 新開張, 食肆未開哂, 所以晚市好多人, 做唔設! 但收得咁貴, 咁o既服務, 肯定唔會再o黎!!!

今天很多人因父親節到來吃飯，加上小弟今日生，便一家８人到來吃，知道是父親節，ABC餐也沒所謂，大家不用吃太多，只叫了一個６人餐和一打壽包。ABC餐與早點的質素不同，比較普通，唯獨個湯翅幾好味，個oyster就唔好味，太多五香粉，燒味也一般；上星期的套餐比較好得多呢。另外，坐在kitchen　旁邊好曹。

2007年6月8日。3人一起試鍾菜。==> 環境：本來新店裝修得漂漂亮亮的。可惜1．Open Kitchen: 我們近廚房，廚房裏的爐灶“烘烘”聲、炒鑊氣聲、碗碟聲與餐樓客人的嘈雜聲好似交響樂咁，嘈足成晚。設計失敗。2．友人說餐椅太高，腳不著地，坐到腳痺。對，我的身高是1.67米，背貼椅背的話，腳底（平底鞋）與地板是有的。不能腳踏實地。不高的朋友，記住坐卡位為妙。3．我張對上冷氣口滴水，成晚D水滴落張度，我都算好隱耐力。但仍好不幸地，冷氣水都係滴落D菜湯同茶o度。==> 服務：最值得同情員工：餐廳經理1．我們叫了3個一樣的套餐，3個頭盤應該是叉燒，但第一個來的是濃湯翅，也只來了一位，員工解釋“沒錯，我們通常第一個是出翅的。”言猶在耳，傳菜捧來了兩份叉燒來！（又差一個！）自打嘴巴。2．有一張Order記錄紙放在我們上，按我們觀察，食物落後便畫掉該名，以資記錄。但問題是，員工仍如風車般輪流不停的向我們發問：“個翅未呀”，過一陣，第二個又問“o下！個翅重未呀？？”好騷擾呀。陣間有人唔記得畫，佢又有人突然向住我叫：“個xx未呀”或“你食個叉燒未？”（喂，點解同個客講？？）咁你何

環境都唔錯, 食物都幾好, 身冬瓜盅好清淡, 冇乜味精, 不過最唔抵就係叫咗個龍蝦兩食,份量少又冇特別而且又唔係有乜特別材料一齊煮, 真係好唔值!外國有好靚的酒吧, 而且有麒麟啤酒飲, 重有happy hours (3-7pm) 50%, 正!

昨日同班friend去行Mega box, 見到有間中式食肆喺附近,就同班friend入去飲茶，原來下午茶2:00-4:00pm做半價，所以有好多人等位,而餐廳仲有一間酒吧,等位個時可以喺酒吧到飲野,飲住等,無咁悶,好得意呀!而且又係happy hour時段,啤酒,cocktail都有半價呀!好抵食!d點心好好食,又新鮮,又夠熱,個魚翅罐湯餃好抵食,真係有魚翅架(雖然唔係太多翅,半價左都係19蚊,算係咁啦)。除左點心, 仲有西式甜品,好好食架, 個法式焦糖燉蛋好滑,個芒果奶凍好啱夏天食呀!我同班friend食左超多野,又點心又甜品,成10幾樣野,埋單都係200幾蚊,抵食!

昨日去呢度飲茶食了以下點心蝦餃- 好大隻, 好多蝦一口餃- 都ok, 有汁漏出0黎芝士蝦春卷- 呢個好好味呀(必叫)排骨陳村粉- 呢個都好good, 好夠味煎薄餅- 有蝦米, 好香口其他野就普通d, 膠粉唔係好得呢度d點心真係好新鮮, 全部都熱辣辣.可能呢度係工業區, 所以假期都唔係好多人佢早市同下午茶依家都做緊半價, 又免茶介及加一

見雜誌推介又想看看附近的大改变，更來試一試。本身已試過時代廣場，但覺物非所值，所以不寄厚望。但一到埗，招呼已喜出望外（高水準之稻香服務）。沒什麼特別想吃，所以只叫了特價198 (原價398)套餐。食物走精緻路線，最愛的是竹笙魚翅湯。魚翅本身並不特別，但用的是魚湯，鮮甜外應沒有下太多味精。將會再試飲荼。服務加食物質素以價錢來說屬高水準，希望客多時(當晚大約半成滿座)仍能保持。順帶一提，價錢雖略貴，但沒收荼芥及加–。

剛剛開業，免茶芥加一，星期一至六１２點前結帳還有半價，食物質素好．．．抵！但是叫食飯就略貴。裝修環境唔錯，服務幾好，我最喜歡它的開放式房，幾有新意。