鍾菜 (已結業)

第2次前來九龍灣的鍾菜, 地點很隔涉, 假日的晚上走到這條街道上靜得可怕, 與相隔2條街的Megabox人生人海景象相距十萬八千里... 門面的確是相當光鮮, 約人來吃飯也不會覺得失禮, 可惜我個人比較著重食物味道, 我常會想, 與其做那麼多門面功夫, 不如在食物味道上下點功夫吧...今天晚上還要坐在開放式廚房側, 客戶的嘈吵聲, 加上廚房的鑊氣聲, 絕對是嘈音污染!!! 無法與對著坐的朋友傾談, 只能與坐在身邊的朋友說話...先來2客前菜...麻辣口水雞 -- 少麻少辣, 雞肉沒有雞味, 肉質未算幼嫩, 但亦不至太乾...麻辣貢菜豬耳 -- 少麻不辣, 咬落爽口, 嚐辣吃到很不爽...然後要了半席佳餚宴($1188), 再另外加點菜... 半席佳餚宴送一渣橙汁及一支啤酒... 橙汁是果汁先生, 仲要加半渣冰, 淡而無味... 啤酒是獅威(Skol)啤酒, 源自歐洲, 酒色通透, 味道清淡...金裝乳豬拼盆 -- 乳豬皮燒得脆口, 豉油雞皮重豉油甜味, 肉質軟腍, 海蜇彈牙爽脆... 每樣都只得6片, 預你1人1片...上湯波士頓龍蝦 -- 龍蝦鮮味彈牙, 上湯稀稠適中... 龍蝦殼一

首次光顧, 印象良好!每格像手指頭般大的, 一口一粒, 非常脆, 沒什麼肥羔, 不妨一試的小吃不很肥的腩肉, 口感不錯, 梅菜的味道走渾豬肉, 是味道的精粹, 蒸得恰到好處, 伴飯吃一流雖然不是什麼出色的帶子, 但在這個菜裡, 豆腐似乎是主角, 比帶子出色, 豆腐很滑, 整體味道一點都不差整體常好, 環境舒適, 內外乾淨, 各職員完全是包應有態度給客人服務, 是我多年來出外用餐的經驗裡令我難忘的, 點菜時有提議, 用餐後有跟進及問及食後感! 收銀節省時間, 因為有了非常少有的無綫信用卡機, 就在客人面前過數, 不用多走一趟或令客人久等, 這很細心! 食物不錯, 菜色選擇廣, 價錢由低至高都有, 能夠配合不同客人需要!

這晚有客遠道而來, 開會到晚上, 想找家近一點人少一點的中菜廳吃個晚飯, 來了這家新派中菜館鍾菜.初初接觸鍾菜尤記得數年前在時代廣場那天吃過, 地方大, 價格比較貴, 但食物精緻可口, 十分不錯.後來搬了去九龍灣喜見也有一家分店在這裡, 吃過數次, 感覺沒時代廣場那家好.所以之後也有一段時間沒再來了, 不過這晚有客在, 就再次光臨試試.餐廳座落在壹號九龍內, 地方開揚, 格調當然比一般中式酒樓高檔得多.食物雖以粵菜為主打, 但也有不少上海菜式.跟銅鑼灣那家一樣, 以開放式厨房為賣點, 以只一道木廉相隔, 說明中式酒樓的厨房也一樣可以做得乾淨企理又衛生.點菜由老闆發牌吧, 客人吃得不多所以只略點小菜數個.上海四喜烤夫以這道上海的傳統菜做成前菜, 小小的一碟, 烤夫即上海說的烤麸, 用面筋發酵蒸煮而成. 這裡的烤麸切粒的SIZE也頗大, 不過味道十分濃郁, 入味非常. 四喜是指還有香菇、黄花菜、黑木耳、花生這4種配料. 不過眼看比較多的是香菇, 也入味淋軟, 黑木耳也有一點, 不太大片算爽脆, 其他的不知道往哪裡跑.蜜桃咕嚕肉 & 蝦子遼參豆腐外國人尤其歐美人士, 來到中國或香港吃中菜,

第一次去鍾菜食飯，老闆請客，我當然無異議，咪跟大隊去囉差不多八點，老闆開會未到，忍唔住先叫兩碟小食頂住肚先，我哋叫咗一碟杏仁片叉燒同一碟口水雞，叉燒半肥廋，都幾好味；口水雞就差啲，隻雞好肥，無咩肉，亦唔夠入味好彩老闆終於嚟到，即時點菜，這日老闆好豪，點咗個鮑魚翅餐，每位$398，菜式好豐富：杏香叉燒伴海蜇：海蜇好爽口，叉燒重複咗，所以有啲厭，但係仍然覺得好好味清湯燉排翅：個湯真係好清，不過排翅就普通啦，套餐嚟講，水準不能期望太高雲海四頭鮑：個鮑魚炆得好”淋”好入味，不過如果彈牙啲就更好喇益菌珍珠石榴球：味道清清淡淡，原來好考功夫，包住個嗰石榴球係一塊蛋白，做嘅時候都真係要好有心思先得柚蜜汁脆魚塊：個脆皮粉太多，個汁又太酸，唔好食鮑汁炒飯：真係得鮑汁同炒飯，無其它配料，但係炒得好好味，味道比賣相好好多蛋白燉雪蛤：個蛋白都幾滑，雪蛤普通啦，不過叫做鋪滿哂面囉這裏行新派fusion中菜格調，好唔好就見人見智，不過幾適合後生一輩的行政人員

一號九龍係一個新場，位置偏僻人流較少，時鐘車位都比較少，最多人流應該係鍾菜喇。 摩登而新潮嘅裝修，絕對唔似舊式酒樓嘅格局，我哋兩個人就坐兩人梳化位，寬敞舒服，而其他坐位相對迫，背對背。 服務差由於唔夠人手，無人沖水連埋單都要等25分鐘，我哋都等得好無奈。點心多選擇，買相靚仔，味道唔錯，水準夠平均，但等咗好耐，幸好我哋唔趕時間。紅油炒手，不過不失!鴨腳扎，鴨腳腍，配料新鮮，可以再食!蟹籽燒賣，蝦爽口，肥豬肉唔多，ok!鮮蝦腸粉，蝦爽口，腸粉唔硬，可以!叉燒酥，上枱仲暖曖，香口鬆化，唔錯!

第一次去呢間飲茶, book左12:45pm, 早左去到, 但等到1:20pm先有位~~~餓死人~~唔知係咪假日都有優惠, 勁多人!! 點心一般, 只不過係TAO HEUNG既高級版, 冇咩特別...個waiter勁sell個了孖寶套餐, $168有個魚頭米線同半隻炸子雞...味道都唔錯:>6個人食左$350, lunch黎講都算係咁吧!

公司食開年飯，本來都好地地，最後叫甜品啦，見到有木康布甸，大家好有興趣，就叫六個，食第一啖，好特別.. 特別奇怪，點解係cream，仲係奶油cream。問侍應，佢話:「係呀，係我地特別研製，係咁。」……咁即是我地唔識貨啦！但真係接受唔到囉！你睇，冇一個可以食到多過一半囉。真係呢.............！

同婆婆一家人去食lunchBOOK 左間房min charge 1800蚊好味WOR！全部D菜都好清淡又唔油多菜少肉D鎹個個都好好味！我地14個人，全部都食得好飽！1人好似唔駛200蚊=。=但係起碼有超過10幾個鎹，我地仲要自己叫多左6個點心=。=D人超級好禮貌，而且裝修得好靚好乾淨！我鍾意佢開放式kitchen, 包唔會dirty同埋佢地係任可分店都唔收加一同茶錢的！！！！好抵食呀

星期六一家人諗住開開心心食飯， Mega Box 啲餐廳都去到悶， 試一試鍾菜， 多年前食過銅鑼灣時代o個間， 印象不差。電話訂位時接線生好有禮貌， 所以滿懷希望。點知...到達櫃檯， 話姓X九位， 姐姐無咩理我， 都無所謂。 最乞人憎係有個男侍應响我哋面前大動作咁行嚟行去， 調戲啲姐姐。 大佬， 有大肚婆响度架， 小心啲啦， 唔該！ 無禮貌！一坐低只見兩張菜牌， 係”張“唔係“本”。 我見咁少嘢食， 同埋得番啲又貴又搵笨啲套餐， 就問侍應有無其它餐牌， 侍應先同我講話無， 我追問之下佢先話今日係母親節“備課”， 準備下星期母親節（9／5）， 佢真係講“備課”架， 我quote佢咋！心諗， 晨早响我頂位時同我講今日備課， 無平時啲菜叫， 我可能唔嚟架嘛， 一啲都唔老實。此時已經有啲興興哋， 心諗唔洗咁大陣仗啊嘛！ 唔通母親節後一個星期就“覆卷”， 接住就端午節備課、 覆卷， 佛誕備課、 覆卷。 咁搞法個個禮拜都淨叫套餐啦。 有無搞錯！點都好， 無辦法， 好奇的我問侍應可唔可以叫其它菜式， 佢話試試問吓師傅， 有貨的話可以做。 此時我又滿懷希望， 心諗叫一啲家常菜就無死， 例如中式牛

元旦日放假, 同老公去mega box行街街, 老公聽聞好多人話鍾菜啲食物唔錯, 所以決定嘆吓荼,3點鐘去到都好多人等位, 大約等咗20分鐘就有位, 開咗壺水仙, 唔知點解我覺得啲味似人參烏龍多啲...另叫咗八樣點心~香煎脆芋餅~比個名呃咗,好似薄撐咁,伙記放低果時我仲似為佢比錯野我地, 味道方面呢就一啲都唔脆,只可以話係熱, 芋味唔特出, 好彩有啲虾米釣下味...叉燒腸粉~未試過食只有兩條嘅腸粉,好似比人偷食咗一條咁, 味道一般,唔算好滑...旋風奶黃包~唔明點解要做個旋風效果, 完全唔覺有可可味,但係當佢係一個正常嘅奶黃包食,味道係ok嘅...小籠包~係湯上嘅, 用匙羹"不"上嚟個皮已經穿咗, 所以唔知裡面有冇湯汁同咩味,總之覺得啲小籠包比啲湯浸咗好耐咁囉...鮑魚菇鴨掌~尚可接受,但凍咗之後啲汁就"琼"晒喺鴨掌度,要搵小籠包啲湯洗下先夠膽食...鹹水角併蘿蔔糕~蘿蔔糕多粉,鹹水角多油...鮮竹卷~唔覺好多肥豬肉,做得幾好...芝麻xx滋(唔太記得個名)~炸甜點嚟嘅,外面好似鹹水角個皮咁,裡面好似湯丸啲麻蓉咁,如果減返啲甜度就好味好多...綜合以上八樣點心嘅批評,其實真係好似冇咩好

祖母生日~ 一家人去吃飯，等勁耐至有得上菜，先來數小碟前菜。d 燒鵝肥到呢！皮以下就係肥膏....真係唔知點放入口。麻辣豬耳，d 油一舊一舊，非常嘔心蟹鉗 -- 一d 蟹味都冇，反而包住炸果d 麵包糠炸到冇晒食慾，一咬入口好似食緊一舊炸燶左既野咁。非常難食。送左碟雞比我地，毛又清唔晒，又瘦又冇味，得一層皮，個同事仲係咁問係咪好好食人地答左佢「唔係」仲要問另一個家人，點知個個都答佢唔好食，佢就話：下？點會架.....我真係好想問下佢要唔要跪一跪佢來多謝佢人唔係多，伙記好多，個個走來走去，走到中間乜都冇做過又走返轉頭，示意佢地清一清枱又唔郁，最後d 小朋友玩層層叠，玩左15分鐘左右有人理預留左個位置比佢地上菜，但個伙記理都唔理講都唔講一句「睇住」咁就撞開d 人放食物，仲要唔係先拿走d 食完既碗碟至放新餸，而係將d 不清潔既餐具誇過d 餸，d 菜汁如果不小心掉在新菜上，我究竟要唔要換好呢？一早訂左壽包，老人家生日冇壽包點得，但乜都食晒果陣佢地至同你講，唔好意思冇壽包。我地係咁問有冇方法，最後原來又有，不過要等8分鐘..........伙記好意思問我地仲乜唔早d講，d 壽包用錢買架！唔係你送架

今晚同屋企人食晚飯﹐ $198鮑魚餐(平日$198﹐ 假日$398)﹐ 同媽媽慶祝生日﹐ 上第一道湯已經出事﹗個金瓜竹笙翅係獨立一盅盅上的﹐個waiter 放低個湯﹐ 一o野拿起個蓋﹐ 蓋邊o既黃色湯連"倒汗水"一併大大滴灑落我條新裙到﹐ 我立即“嘩”一聲呆了望住條裙~ 可能係黑色裙o既關係﹐ 個waiter 唔知真定扮睇唔到﹐ 唔好意思都無句就走開左o﹐ 我自己用濕紙巾係o甘抹裙。 個客人o甘o既反應﹐ 就算真係唔肯定有無整親人﹐ 都問句ar~ 就o甘走開真係不負責任~呢度門面好似high high 地o既地方﹐個個都好似係mug經驗o既人﹐ 唔多惦~ ( d 人好生手﹐ 表情好奇怪﹐ 呆呆o既又有﹐ 笑得尷尷尬尬唔知做mug o既又有~ 唔通係學生實習﹖叫做比較好d既﹐ 就真係個鮑魚鵝掌﹐ 我唔識分mer 係好鮑魚﹐ 但個鮑魚整得幾軟身﹐ 姨甥仔同姨甥女係o甘cher 住要食﹐ 個金瓜翅幾好味﹐ 其他﹐ 包括個蝦﹐ 全部當係配菜算。 $198﹐“一”試無妨。 weekend $398﹖ 一定唔食。啊﹐ 仲有﹐ 個餐有個湯麵﹐ d魚腩好似唔係好新鮮﹐ 覺得味道一般﹐ 但最後

When I was told that my aunt, my mom, and myself were having dim sum at Chung’s Cuisine 鍾菜, I almost laughed out loud. That’s because my mother’s last name is Chung (鍾), so it’s basically a family reunion of Chung’s family (except myself) at Chung’s Cuisine (鍾家吃鍾菜). The spacious restaurant had a much more chic and upscale décor compared to their parent company 稻香. A few businessmen were enjoying cocktails and beer and some bar snacks at the bar / lounge area at the front, and the bartenders we

其實食過此酒家已經有5次啦應該!每次都好滿意, 今次又好抵食, 每個人食左$30咋~叫左都幾多野食~~~仲免茶介~~~~今天7個人往飲茶, 食到好飽, 好多點心, 雖然D人話服務麻麻, 唔理咁多la, 好食又平邊度搵。 一間水準好, 又坐得舒服, 平平地飲茶既酒樓, 難得搵得到~~~~~鮑汁雞腳 --- 每次必吃既野, 不過今次賣晒, 無可奉告~鮮蝦餃皇 -- 大大隻蝦在面的燒賣, 豬肉內亦有蝦, 感覺豐富, 可惜嫌佢D豬肉肥, 咬不下去, 吐了出來.......香煎脆芋餅 --必吃推介之一, 暫時食過咁多酒樓, 呢間的最好味, 香香芋頭味, 內裡有蝦, 超好吃, 呢塊野有D似簿餐, 一碟分左大約8塊。芝士蝦春卷 --不是太感覺佢有芝士味, 一般而已!!!!雲南野菌餃 --我無食, 無可奉告~不過D同事說OK,仲叫左兩籠~~~奶黃包 --流沙奶黃, 趁熱食更好, 比出面其他的奶黃包不同, 它外面很美, 像個蜜瓜一樣, 綠色一絲絲顏色圍著。XO醬炒蘿蔔糕 - 幾SPICY, 一粒粒方形, 煎得幾靚, 不過, 蘿蔔糕不夠粉, 一般。蝦醬炒腸粉- 又係必食, 又香蝦醬味, 又有蛋絲, 菜絲

地點都幾難搵 --- 少去開呢區的話。今日由北角過去搭606巴士就喺megabox對面宏遠道落，一號九龍就喺另一面，ok方便。酒樓位處商業樓地下嗰層，好有太古坊個半開放feel。事實上個廚房亦都係半開放式，做消防的親戚睇出冇防火牆，所以煮食一定唔可以用明火，由透明玻璃牆望埋去，成個廚房以乎都係用電磁爐，先進得佢...............亦因為係咁，亦因為係咁今晚個小炒王麻麻地，淨係記得個芡都幾濃下，而且有韭菜冇蝦乾，又唔係好夠辣，以乎差咗少少。其他菜式可以，且列出如下(十二人用)：拼盤四小碟(海蜇燒鵝以及唔記得的另外兩種)海鮮卷醬燒琵琶蝦翠玉瓜炒蝦球拼某啲嘢翅羹 --- 個湯頭淡得滯，似係二湯加水蒸去骨頭腩雲耳本菇墊底燒鵝 --- 肉嫰脆皮鷄瑤柱上湯浸雜菇白菜莖荷葉飯單尾杏仁茶或楊枝甘露皆因今次注重親戚聚舊搞爛gag，竟然唔記得某啲餸，大意大意，亦都證明年紀大副偈壞，要食多幾餐補足元氣先得。整體味道頗佳，不會整色整水，惟味道大有改進空間，湯唔夠濃菜唔夠甜係其中毛病，頭腩肉質鬆散亦係菜式設計之誤，猜想是為了商務客食飯方便而調整，一般開飯人如我便有點失落 ---- 喺咁好環境之下，食物