鏞鏞．藝嚐館

营业中

休息中

鏞鏞係間pet friendly餐廳，好啱帶狗狗同朋友聚餐，而且K11好方便，地鐵站一出就係完全唔驚日曬雨淋。餐廳啲嘢好味，最鍾意食佢個甜品兔仔同手捲雪茄，雪茄加入咗招牌燒鵝絲，香脆惹味，雖然價錢小貴但賣相真係好精美，打卡一流。要留意室內好似只有一張枱俾狗狗，所以帶寵物嚟記得最好要預先預約，同埋狗狗喺室內要入袋或者坐車仔，唔可以落地

第一次食鏞鏞，又喺K11 MUSEA發掘到好店，下次行街食飯多個選擇~歎燒原只鵝髀店內自設烤爐，燒鵝同樣是以鏞記秘方醃裹，以網燒炭爐上枱，賣相靚之餘仲令鵝髀沾上炭香，食果時保持咗熱度，好有心思。鵝髀皮脆肉香，一咬漏汁，一人獨食一隻，非常滿足。大白兔糖奶凍白免造型，一見傾心，食時記得連同扮泥土嘅朱古力脆脆一齊放入口，奶香清甜，又不會膩。

作為香港本地飲食老字號,相信鏞記無人不悉,二代傳人,將創意思維和傳統飲食工藝互相結合 開拓年青精緻的點心粵菜,傳承家族品牌鏞鏞.藝嚐館 走中高檔粵菜路線,店面裝修設計溫馨典雅,中西合𤩹,別具匠心,室內座位寛敞舒適.一入門有個孤形大酒吧,極具格調,特別喜歡戶外大露台,彷彿置身空中花園,望住整個維港歎茶食點心,真的很愜意！ 🔮鏞記正宗燒鵝脾  鏞記燒鵝一直都係自家生招牌,味道保持一貫水準,皮脆肉嫩,鵝味香濃而不膩,伴底的蠔油豆,吸收了鵝油味,陪襯也出色 🔮碧玉鮮露蝦餃皇    蝦餃賣相精緻,表面舖上金萡,剔透糯皮, 鮮味蝦餡飽滿,色味俱佳 🔮櫻花蝦金磚豆腐  椒鹽豆腐外脆內滑,配上即炸櫻花蝦末,口齒留香 🔮秘製咖哩金錢肚   傳統酒樓風味,牛肚入味軟淋, 水準之作 🔮雞樅菌蒸燒賣皇    雞縱菌富有香菇味, 與燒賣搭配,個人覺得食落口感似一粒軟綿的貢丸, 味道特別,值得一試 🔮迷你甘荀咸水角   賣相可愛, 將傳統咸水角做成甘筍既形狀,雖然食落不太覺得有甘荀味, 味道同跟平時的咸水角沒太大分別,不過師父手工了得,加分! 🔮竹昇報喜春卷   名字很好意頭,滋味松露醬蝦春卷,露香濃郁,香脆可口

喺K11 MUSEA行完街，拿住成大堆嘢想搵地方休息食個下午茶，見鏞鏞啲位坐得舒服就入咗去，咁啱撞正兩點點心開始供應。先點咗皮蛋酸薑做開胃前菜，溏心皮蛋味道不錯。仲有幹炒牛河，手打鮮肉丸粥同雲吞面，幹炒牛河味道啱啱好，材料算幾豐富。手打肉丸特別彈牙，粥底很綿。雲吞面分量有啲少，不過雲吞大粒又好味。兩個人行街行到攰攰哋，喺呢度食下嘢休息完又插飽電可以再行過！

懷著試菜的心情， 有些期望， 沿路由停車場一直去餐廳其實都比較麻煩， 這個是商場的設計問題， 其實餐廳位置不錯， 鄰近天台花園， 光線充足， 環境清幽。由於選擇困難， 我們叫了一個行政套餐。海蜇及炸魚皮感覺都是現成再在餐廳加工調味， 特式叉燒 不像叉燒， 似焗燶了的五花腩， 雖然侍應強調這個是特式叉燒， 但始終燶的食物致癌， 所以免得就免。點心為蝦餃燒賣叉燒酥， 味道一般。粟米魚肚羹， 完全係罐頭粟米湯加魚肚， 魚肚分量充足， 粟米湯好“罐頭”主菜鮑魚及蝦球各 order 一份。 蝦球沒有驚喜。 但鮑魚是好有“罐頭味”鮑魚， 其實我寧願他們用鮮鮑自己炆煮。炒飯一粒粒分明， 香味撲鼻， 味道適中。最驚喜是紅豆沙糖水， 紅豆沙-水、沙、渣-份量剛好， 淡淡陳皮味，good!另外餐廳環境裝修好舒服， 枱與枱之間空間也充裕。

驚中秋節假日太多人要等位，所以提前訂定位，終於可以坐到窗邊位食位嘢欣賞靚海景~~最欣賞咸蛋黃金沙蝦球，我真係好鍾意鹹蛋黃，沙沙哋滿口鹹香味，加上彈牙蝦仁，變成美妙嘅味道，好罪惡但又好好味，同月餅一樣係我中秋致肥死因~海皇豆腐羹，簡直就是迷你版海底世界，完全唔覺得有腥味。豆腐輕輕晃一下，就係匙羹上輕搖住停唔到咁，嫩到不得了甜品係萬壽果冰花燉桃膠，其實即係木瓜燉桃膠，原隻木瓜作為容器，配埋牛奶底，一羹落去可以挖到木瓜肉同桃膠，唔會過份甜，美容養顏又好味~

嘆燒原隻鵝髀原隻鵝髀上碟有迷你炭爐一路烘熱隻髀皮燒得薄脆鵝肉充滿肉汁熱辣辣食好有風味但$𝟮𝟵𝟬一隻有d貴.童年大白兔糖奶凍打卡之選奶凍造型係一隻泥土上既小白兔泥土係啲朱古力脆脆有粒白兔糖喺白兔奶凍隔離幾得意.吊燒蜜汁叉燒招牌燒味部出產既蜜汁叉燒叉燒肥瘦適中入口鬆化唔肥膩好味過西苑既叉燒.迷你桔型咸水角純粹影相特別靚味道冇乜特別都整得幾脆.流心西施炸蝦丸冇影低但我認為係必點蝦丸用米粉包住炸勁酥脆蝦丸入面有熱辣辣腐乳汁菜式設計幾有創意

🍴尖沙咀|中菜| 鏞鏞．藝嚐館🍴/🫢見到鏞鏞．藝嚐館的鏞字，都大約估到係同燒鵝老字號 - 鏞記 有關。位於K11的鏞鏞．藝嚐館，舖頭裝修時尚光猛，感覺乾淨年輕簡約風格🤗🤗/不過，記得當日晚餐客人唔算多，但可能餐廳不是用地氈同埋樓底唔算高嘅關係，感覺同酒樓差不多嘈🫣/💡食物方面印象深刻的有:椒鹽大蝦皇🦐 - 爽口彈牙又夠鑊氣鏞記正宗燒鵝 - 脆皮得嚟有肉汁🦀雲禮子蛋清配飯 - 雲禮子姐係BB蟹的蟹膏，聽講處理需時，一份都要用好多隻蟹，蟹膏撈飯點會唔正🤪😋😋童年白兔糖奶凍 - 造型可愛，充滿奶香，亦非常滑嘟嘟👍🏻/總括，😁食物幾好的，間中會想再食，但餐廳設計佈局嘅關係，好易覺得嘈，Btw有機會下次想試下點心😜

呢度嘅創意菜都幾特別。我最中意流心西施炸蝦丸，一份三粒，外表金黃好似蠶蛹，一啖咬落去，脆皮包住蝦球又包住芝心，酥脆又爆漿，蝦肉好彈牙，完全唔油膩，但係要小心芝心燙口。荔茸帶子好味在以荔茸特有嘅清甜搭配帶子嘅鹹香，味道夠晒豐富。脆皮金磚豆腐，外脆內嫩，唔覺唔覺就一件接一件食晒。最後叫咗生炒糯米飯，炒得夠香口，令人諗起細個過年食嘅糯米飯……

小編開始減肥計劃，所以前幾日戒左澱粉質。今日出關，同客戶食貴價野，就揀咗中式餐廳食下米飯。因為近客戶關係，所以揀咗餐廳喺K11 MUSEA, 相信係鏞記嘅分店。1. 蜜汁叉燒燒味菜式之中，小編最愛叉燒，因為佢唔會好似燒肉咁樣皮好乾。呢個叉燒一上碟嘅時候蜜汁係好多，食落每一舊都會有蜜糖嘅味道，但佢唔會黐到嘴唇，加上半肥瘦適中，可以見到師傅既功架。2. 鏞記燒鵝呢個馳名好多年嘅燒鵝，我真係細細個就聽過個名。上一次食係6年前，外國有一班朋友黎香港，喺中環嗰間食，但印象唔太好覺得好鹹。但今次再食就好啲，個皮係脆既，佢個汁亦都唔會太多令到燒鵝變咸。但可能因為近來食得好味嘅燒鵝太多，鏞記燒鵝對我黎講，就變得冇咁出眾。3. 涼瓜酸瓜炒牛肉牛肉炒得香，軟滑的。涼瓜同埋酸瓜，拍埋一種味道係幾得意。4. 蒜蓉西蘭花都炒得香嘅，正常西蘭花質素。另外冇影相嘅有兩碗白飯加一個荷葉飯，午餐埋單$1800 四個人。食物質素係OK嘅，係價錢偏貴，黎得呢個商場食都預咗。味道：9/10環境：9/10服務：8/10性價比：5/10

除左平時食High tea影靚相之外， 我同朋友都會去鏞鏞飲茶。佢嘅裝潢偏現代化，感覺好有朝氣，同普通茶樓好唔同。招牌燒鵝髀和春捲可以話係我每次必叫的美食之一，佢哋啲點心唔單止賣相靚，味道都唔錯，啱哂我口味！另外佢個皮蛋酸姜都唔錯，帶俾我一種好refresh嘅感覺。

今日起K11 Musea 7/F食咗個晚餐。佢環境真係好舒服，枱同枱嘅空間咁非常闊落。同朋友傾偈一流。出邊仲有個露台可以有風景睇。每人平均$500，食物質素幾好，唯一價錢有少少進取。燒鵝例牌- $250你睇得出佢切得好有心思，雖然份量唔大，但係細細舊好精緻。熱辣辣都好好味。蝦球（酸辣）- $340 每一隻蝦球都好大隻。有六隻。好嘢味。椒絲腐乳通菜鮮魷- $180 -熱辣辣好惹味。呢度餐廳嘅份量係細少少，但係每一樣嘢都好精緻，環境又闊落。

鴛鴦遠年陳皮牛肉一直是鏞鏞的特色菜，菜式裡面有兩食，包括炒牛肉及陳皮牛肉餅。炒牛肉非常嫩滑，帶有一點點的焦香和醬油香，非常開胃，想必廚師有專門進行醃製入味。至於牛肉餅飽腹感更重，牛肉的香味完全被激發，與陳皮互相協調搭配和平衡，非常特別。

梅菜扣腩肉入口鬆軟 細細咀嚼幾啖就溶化係口🤤入味得黎有口感 炆得剛好👍🏻有別於平常食到味道帶辛辣🌶開胃 2個人食都毫無油膩感 梅菜處理得幾好 無異味而又不搶奪扣肉味😍叫左2碗白飯撈飯😋雖然未到好特別一食難忘既程度 但值得一試👍🏻然後仲叫左個下午茶Set有幾款點心🧆當中燒賣蝦餃屬正常水準 不過不失 反而印象更深刻係點左佢個辣椒油夠香夠辣🌶叉燒酥香口🫔不過長型的雪菜鵝肉的炸春卷 造形扮雪茄 就超級難食🤢皮吾夠脆口 尤其前段黑色粉末入口苦味好重😖食左一半都完全食吾到有鵝味 配搭連普通春卷都好食過佢 同朋友仔食左一半就放棄了 甜品好食 芒果🥭布丁都多甜芒果 上面柚肉搭埋好食吾算甜 甜品可以份量多番小小 甜品救番個印象 不過吾會再食呢個Set🙅🏻‍♀️整體環境好舒服😌打卡影下相一流📸服務態度ok keep住有人幫你斟下茶 有互外位坐 同朋友可以坐幾小時吹水放鬆既地方👍🏻 價錢就偏貴 但質素同環境成正比

We walked in and queued for seats with the QR code. Wasn’t called and nobody was at the counter to help serve walk-in customers for 40min. Called out for managers help but another 10min wasted with a baby and a pregnant woman with us. Never coming to this place.