鐘路雞林辣炖雞湯元祖

营业中

休息中

超爆🧄辣燉雞湯🇰🇷其實去咗韓國咁夠次都係食過東大門一隻雞胡同嗰幾間（孔陵my love 🥰 陳玉華 my second love lol），反而呢間鐘路真係未食過。而家嚟到香港，喺銅鑼灣都有得食，正呀！環境裝修超有韓國feel （係爭在冇得席地而坐啫🤭） 一上嚟店員已經好主動咁比圍裙小菜我哋，菜有醃蘿蔔同埋芽菜（唔知點解個芽菜好似冇乜味咁，最後俾我掉埋落個煲度一齊煮）唔好睇個鍋好似紅通通咁樣，其實食落並唔會好辣。配料除咗有一整隻雞之外，仲有好索湯嘅年糕，薯仔同埋巨量嘅蒜蓉。雞肉唔鞋，年糕夠晒煙靭。食落好香，微微辣度夠開胃。我哋兩個女仔淨係食二人份嘅一隻雞已經好飽，食唔落之後嘅加芝士炒飯🫣 唯有下次帶啲食力驚人嘅朋友再去挑戰過😂

今日朋友帶路去食話連韓國廚神都話正嘅炖雞位置係時代廣場後面過去 見到 via Tokyo就見到餐廳所在嘅商場搭𨋢到餐廳門口就已經有餐廳簡介去到 店員好快安排我地入座 晚飯時間都無咩人位置好大 坐得都算舒服 檯與檯唔會好埋我地望左下餐牌 唔似其他韓國餐廳有好多款菜式選擇 好似主打都係炖雞 但有分兩種口味兩種都有分 大 中 細 一款係辣嘅只可以加配麵同飯 另一款只可以加飯 我地得2個人所以選擇左 細份 ～$330個人認為唔需要加配刀削麵 飯都可以 因為炖雞裏面都有唔少嘅年糕 幾飽肚！一上檯係一大堆磨好嘅生蒜鋪面Server 會問你使唔使擺啲係分碟但個人認為雞肉肉質唔滑 仲似雪藏雞湯頭又唔算辣同入味 只不過加左生蒜比較有味整體黎講唔會有第二次！

朋友介紹話好好食，叫我記住要book位。好在佢提一提我，原來真係幾爆，見到有人walkin都無位俾佢講返隻雞先，今次叫咗個細size辣雞，三百幾蚊for 2個人，要留意佢話辣先可以跟炒飯。另外因為有朋友唔食蒜蓉，所以店員都另上，食嘅可以自己加。雖然叫辣湯，但味道唔算好辣，食落幾開胃，個大蔥值得一讚！煮完之後無晒草青味，食落好甜。雞就正正常常、但份量十足，對比個價錢，都算值。另外叫咗份泡菜煎餅，唔會好油膩，細細件，係幾好味，不過70蚊略嫌有啲貴。Overall 個用餐體驗都唔錯，職員好nice，上菜前會教你點食，又會俾圍裙你，應該會再幫襯。

來自韓國的鐘路雞林辣炖雞湯元祖歷史悠久，作為首家海外分店的香港店，直接從韓國本店運送雞湯調味料到香港，帶來正宗且傳統的辣炖雞湯體驗。辣炖雞湯可按人數選擇份量，店員亦會貼心介紹享用雞湯的推薦步驟。當湯煮沸後，先從年糕入手，軟糯口感蘊含辣炖雞湯溫和的辣味和鮮美，以及毫不手軟的濃郁蒜香。以蒜茸和醬油混合的沾醬搭配雞肉，感受到肉的鮮美，風味突出。吃畢馬鈴薯、雞肉及其他配料後，別忘記來一客拉麵或刀削麵，將雞湯的精華吃個一滴不留。As the first overseas branch, Jongro Kelim Dakdoritang from South Korea delivers an authentic and traditional experience of spicy chicken stew. Start with the rice cakes, whose soft and chewy texture encapsulates the mild spiciness of the spicy chicken stew with robust garlic taste withou

📍鐘路雞林辣炖雞湯元祖🇭🇰 銅鑼灣耀華街3號百樂中心7樓韓國必食嘅陳玉華一隻雞係香港開左類似嘅思鄉嘅我就決定去試下～😋 辣炖雞湯(L) $538+$30 蕃薯年糕👍🏼+$30 芝士年糕👍🏼+$20 大蔥整體嚟講冇話特別驚豔 就正常味道🫨唔算太鮮甜 但年糕好食隻雞好大隻 L=兩隻雞都ok滑食原味會比較似陳玉華一隻雞大概還原到6、7成味道😋 泡菜煎餅 $70呢個還好 有啲油 唔算好脆😋 韓式糖餅 $50麻麻地呢 同想像中不一樣 個皮有啲硬

因為少食辣，平時甚少食韓國菜，今次同朋友試吓香港甚少見嘅韓式辣炖雞湯，居然有驚喜首先每枱必定order 招牌菜炖雞湯，我哋三個人有兩個食辣所以我都即管試吓，好在叫左少辣最後我都接受到，因為真係冶味好多我哋叫咗一個中鍋，份量很夠，雞很多肉嫩有鮮味，一啲都唔鞋泡菜煎餅好食。好想試埋其他口味如海鮮，但我哋太少人怕食唔晒唯有下次再試，煎餃子有驚喜好好食呢炒韓式粉絲一般，甜品韓式糖餅其實即係紅豆煎餅，味道有啲似上海菜嘅豆沙鍋餅，但好好食一啲都唔油，為呢餐劃上完美句號其實香港真係有好多美食，希望多啲人支持本地歺廳，令小店都有經營空間喇

見到有人話有韓國既味道，就book左去試。以前去韓國食孔陵一隻雞既時候，我都諗點解香港無，睇落同打邊爐既設備要求都差唔多咋嘛🥲坐底首先見到前菜已經放左係到，水芽菜同辣水蘿蔔，我見識少，第一次見水浸芽菜，食落完全無調味，成口青味；辣水蘿蔔，講唔到佢係醃蘿蔔，因為完全唔入味，好似煮熟既蘿蔔淋上好稀好水既辣椒汁。後尾我上google 韓國水芽菜，無呢樣野😐跟住叫左個兩人份既 🍲韓式雞肉火鍋(s $328)，個煲上到檯未見雞先見到一大堆蒜蓉🧄 係撈埋蒜蓉之前試飲個湯底，係好淡既清雞湯。撈埋蒜蓉後，只有蒜蓉味。甘唔飲湯食料，雞脾滑係正常既，但其他位置好柴，我相信應該係要滾左之後就熄火，但侍應無提，過左陣佢見到先幫手熄左，不過煲入面本身有幾大塊既薯仔，熄火後薯仔半生不熟。雞🐓本身無乜味，都唔入味，要點汁黎食，個汁係豉油生抽甘嘅味，再撈蒜蓉同辣椒粉(同打邊爐無既分別?)🙂 年糕都係點同一個醬汁🙃我地仲加左個粥，點知佢係𢳂起晒我地個煲既料，剩返好少湯，跟住拎返個煲入廚房，出黎就有一鍋粥。其實個粥本身味道係ok既，但唔知點解食食下，同朋友都覺得有浸檸檬茶既味道🙈薯仔煎餅🫓 外脆內粉，係呢一餐比較好食既，

真心好食，雖然侍應唔係韓國人，但係裝潢同Menu都好韓國好地道。首先，食物嚟講係唔多選擇嘅，同韓國嗰啲餐廳一樣，對於選擇困難症嘅自己就幾鍾意啦。我哋QR code落單，叫一隻唔辣嘅雞，有234人份揀，點知發雞盲叫錯左個辣嘅，佢都肯換俾我哋，我都唔係幾好意思。好彩佢哋夠多客人，所以一定唔會嘥咗嘅 🙏🏿🙏🏿 份量非常之足夠，有年糕，大蔥同雞。雞唔算好暈，但係好林。提一提，唔食蒜嘅朋友記得走蒜。員工超級好人，我哋真係白癡咁落錯單，佢都肯玩俾我哋，解釋都好清楚，幫我哋淥埋個面，好滿足 好開心。價錢方面就喺香港嚟講算OK啦，$570/3個人，冇叫嘢飲 🥳肯定會再嚟食，清清淡淡唔錯 ☺️

本身walk in 去食，店員同我講如無book 要等一個鐘，叫我出去行陣，佢話有位會打嚟！本身我都諗住食第間，下次先再嚟試。但店員同我講佢哋有用餐限時，所以一個鐘後會有位。咁好啦，我去附近行陣，等咗45分鐘時，我再打上去問係唔係差唔多有位，係的話可以準備行過去，店員個刻同我講話有枱埋緊單，陣間再打俾我。好喇，當我等夠一個鐘嗰陣，佢打嚟同我講要再等多40分鐘!!!!!其實如果你係full booking 其實可以早啲講，嗰係要客人白白咁等一個鐘！ 咁嘅服務，啲嘢食幾好食都無用!!!!!!!

看到ig 廣告而來的星期六的早上WhatsApp訂座 要8點多才有位最後 9點幾先有位😗鍋底只得辣和唔辣 兩種選擇揀左辣炖雞湯 朋友係唔多食辣嘅 本身仲擔心緊會唔會太辣但結果只係小小嘅辣 （個人來説 一D都唔辣）個湯真係好好飲 拍得住韓國嘅「一隻雞」👍🏻韓國食都冇依煲咁多蔥蒜😆雞好滑湯裏面本身就已經有年糕 但係都可以另外再加揀左個刀削麵 同韓國食嘅差唔多 都係好煙韌 會另人食上癮的味道👅·韓式糖餅同超市買到自己加熱嘅無咩分別😂但真係好好味😋

去親韓國都必食嘅燉雞起香港好少有，前排睇影片分享網站介紹銅鑼灣有，一直都好想去食，今日終於有機會～平日晏晝1點幾去到，餐廳有提供lunch set menu，但我哋想成鍋滾滾下咁食就叫咗個韓式雞肉火鍋（2人份）$328店員先為我上前菜～醃蘿蔔甜甜地，唔酸唔太辣，都幾啱個人口味，涼拌大豆芽味道較淡個鍋一上枱見到勁多蒜好正咁，材料除咗雞之外，仲有年糕、薯仔、大蔥，店員建議我哋個鍋滾起後可以先飲湯、食年糕再食雞🐔個湯本身清清地，飲落好香大蒜同雞湯味，好惹味～雞肉好鮮，食落肉質彈牙，薯仔同年糕煲到好淋好入味先食幾正～食到7788其實都飽，但因為個湯太好味，我哋加多個刀削麵$40 嚟食，麵條口感爽彈，一定要加！！

好好食，同小朋友一齊去食有煱可以慢慢食,唔使驚快凍韓國年糕超級好食,小朋友至愛有甜餅乾啊，直情爭住食大朋友可以輕鬆自在食一餐重要洗手間夠大,放心小朋友自己去清潔,員工服務一流上菜極快下次再去

他們的主打菜是香濃爽辣、份量十足的蒜香辣燉雞。只要一進店，你就能聞到濃濃的蒜味，讓人胃口大開！！剛好坐旁邊的是韓國人，看來真的很正宗。這裡的燉雞肉質鮮嫩多汁，完全不會乾巴巴的。薯仔和年糕燉至軟腍入味，與雞肉完美結合。如果你想要享受更為地道的韓式美食體驗，絕對不能錯過他們的韓式綿粥。這款粥綿密滑順，能將雞湯的精華完美展現。除了招牌的蒜香辣燉雞湯，我們還點了一些其他的小吃。薯仔煎餅和韓式糖餅。他們的阿豬媽態度好好，我們說真的好好吃，她很開心並很誠懇地答謝我們選擇來這裡晚餐。如果你是喜歡在韓國吃一只雞料理的，這裡一定能滿足你。鐘路雞林辣炖雞湯元祖 ＠jongrokelimhk1965📍銅鑼灣耀華街3號百樂中心7樓🕰️11:30–22:00🏷️人均 HK250#hkfoodie #hkeat #hkig #hkfood #美食博主 #探店 #香港美食 #銅鑼灣 #鐘路雞林辣炖雞湯元祖

俾錢試過一次就算～叫左2人份辣雞加拉麵～年糕唔入味～配料份量少可加配選擇亦十分有限～雞件斬得過大舊進食唔方便～爐既火唔均勻時大時細～最重要食完都唔飽～絕對無下次

這天，我和媽媽一起到銅鑼灣的鐘路雞林進餐。那裏環境既衛生，裝修也很優雅，服務更是很好！如果你的雞鍋需要加湯，服務員一看到便會過來加湯；如果你口渴點了飲品，不少一分鐘便送到你眼前。所以坐下也會覺得舒服自在！