鐵牛台灣牛肉麵 (希爾頓大廈)

营业中

休息中

呢間台式料理相信大家都唔會陌生，開業多年，現在除咗台式料理仲加設咗臭臭鍋。秋風起真係最啱打邊爐 🍲▶️鐵牛臭臭鍋(微辣）$98包普通牛肉片但係我就+$20轉配安格斯牛肉片。牛肉味更加香濃。臭臭鍋相當豐富，有臭豆腐、鴨血、豬血糕、響鈴、豬大腸、芋頭丸等。跟餐揀咗新竹米粉，吸晒啲湯底好味道！另外散叫一份咗安格斯牛小排 +$48。安格斯牛小排肥瘦均勻，牛肉更厚身有口感。餐飲揀咗宜蘭金桔檸檬蜜+$20，酸酸甜甜又有蜜糖香好滋潤！▶️香濃蕃茄爆蔥鍋$118都無揀配安格斯牛肉片 +$20。湯底有蕃茄香，配料有生蛋、豆腐、丸、響鈴等。滷肉飯 +$8 夠多滷肉汁。飲品揀咗南投縣百香果QQ +$23，百香果味濃。▶️鹽酥小拼盤$48新鮮炸起，有地瓜條、花枝丸及鹽酥雞，一次過滿足晒食幾款台式小食。

❢❢❢❢❢鐵牛台灣牛肉麵-尖沙咀希爾頓大廈❢❢❢❢❢朋友好鍾意食台灣嘢，今日佢就提議食臭臭鍋聽就聽得多不過我未食過，所以佢就帶咗我去試吓。餐牌上都有幾多選擇，而且價錢合理。臭臭鍋每人點咗一鍋朋友點左雙重芝士牛奶鍋配安格斯牛肉片 HKD148-芝士丸、車打芝士、芋頭貢丸、米血糕、蜂巢豆腐、蟹柳、燕餃、響鈴、雞蛋、娃娃菜、金針菇、菜、粉絲、冬菇我就要左台灣本味麻辣鴨血鍋配安格斯牛肉片HKD138配菜就大同小異南投縣百香果QQ HKD 46 好香好解渴感恩珍珠奶茶 HKD42

出去做完野又到下午茶時間一定要搵間又靚又好食餐廳坐底休息呢間門面裝修得好靚所以我㨂佢😂休閒下午茶// A一款主食(湯麵、撈麵、滷肉飯等)B 任選三款台灣小食C 餐飲A🌶麻辣擔擔麵(小碗)..對於食得辣嘅我呢個小辣都唔錯加上肉醬同蔥配搭一齊食味道都好夾仲有麵質煙韌👍🏻B 涼拌小黃瓜..呢個好清爽，食落酸酸甜甜好開胃木魚炸豆腐..個豆腐好正外面有啲木魚咬入去豆腐超滑口感一流🤤逢甲鹽酥雞..外皮好脆、入面又好滑C 檸檬紅茶飲品就用外賣杯上台無得㨂少冰/甜度整體黎講💁🏻‍♀️唔好睇佢份量少少下午茶黎講食晒成個餐真係好飽(以上食評 只屬個人意見)

天氣逐漸變涼，又係打邊邊嘅時候啦！ 最近都食咗幾次火鍋，中式、日式都食過，今晚食台式。鐵牛聞名已久，終於可以試吓喇，手提電話落單已經係常態，一人一鍋，一個臭臭鍋(微辣)配西班牙豬肉片$98主鍋可以跟白飯或者新竹米粉，加$8白飯可轉滷肉飯或者芝麻海苔飯，送檸檬冬瓜茶。揀咗新竹米粉及加錢換手搖飲品。南投縣百香果Q Q$23  (跟餐半價)咩叫臭臭鍋，食過先知原來係有台式臭豆腐。鐵牛臭臭鍋材料有：臭豆腐、鴨血、芋頭貢丸、米血糕、蜂巢豆腐、燕餃、雪枝掦、響鈴、蟹柳、娃娃菜、金針菇、蔬菜、粉絲、冬菇。真係超多料呀！麻辣湯底香氣四溢，味道鮮美又惹味，各種配料都有特色，米血糕唔錯喎響鈴吸收湯汁精華，零舍好味。另一個蕃茄爆蔥鍋配西班牙豬肉片及新竹米粉$118，大甲椰椰芋香$23 (跟餐半價)兩個飲品都鐘意，百香果味道清新，連埋微酸嘅QQ特別好咬口。滿滿芋香嘅椰奶又香又滑，連芋頭控都滿足到呀！蕃茄湯鍋嘅材料同臭臭鍋大致相同，係冇咗臭豆腐同埋鴨血，多咗蕃茄同雞蛋。蕃茄湯底茄味香濃，鮮香開胃，同豬肉片味道特別夾，肉香滿滿。追加安格斯牛小排$48牛小排肉質爽滑，牛味十足，正！芋頭貢丸內有芋頭粒，既彈牙又有芋頭

想念台灣的味道🤧唯有係香港黎個台灣覓食之旅！呢間鋪頭面積都幾大，環境舒適。食物種類繁多，我地最後叫左火鍋，想加小食，但奈何胃只有一個，唯有下次再黎。台灣本味麻辣鴨血鍋，配新竹米粉，牛肉片。麻辣湯底看似好低調，但食落都有啲衝擊，愈食愈辣，配上嫩滑的鴨血😋好正，鴨血份量都幾多，可以慢慢嘆。唔芋頭貢丸，蜂巢豆腐都👍👍雙重芝士牛奶鍋🫣拉絲效果🤤而且又五會太膩。另外，加左錢轉滷肉飯，d肉肥瘦匀匀🫠台式飲品🤭外賣杯裝，飲五哂都可以拎走！

今次嚟到發現鐵牛已經重新裝修，新裝修比起以前燈光光猛咗好多💡，都幾多人等位，而鐵牛係可以用THE GULU遙距攞飛，都係嗰句，想食嘅朋友可以預早拎定飛😋-台灣大雞排便當🍱 - HKD75講起台灣菜就會即刻諗起雞扒同埋鹽酥雞啦🐥。首先叫咗個台灣大雞排便當🍱 啦~ 上菜速度正常，吸引眼球嘅大大份雞扒配上台灣地形嘅飯，賣相相當唔錯😍，雞扒食落去好厚身🤩 ，而且炸粉唔多🤤，唔會有種只係食緊厚厚嘅粉皮嘅口感！！雞扒嘅溫度暖暖地，睇得出唔係炸定放咗係度好耐，值得一讚👍🏻。而配菜份量偏少，味道好淡，略為令人失望。-香蔥肉燥鹽酥雞乾拌麵 🍜- HKD75 (轉刀削麵 + HKD3)之後我地就叫咗個香蔥肉燥鹽酥雞乾拌麵🍜 啦~ 上菜後覺得佢份量偏細，而佢同便當🍱唔同嘅係多一碗清湯，刀削麵食落幾有咬口，而麵本身暖暖地都令人幾有胃口😋。未食前會擔心台灣嘅拌麵醬汁太濃味，但食後發現味道唔係太濃，食完唔會有口乾嘅情況。而鹽酥雞炸得幾脆，雞肉嫩口，唔會有好乾身嘅情況出現，食完後雖然覺得味道唔錯，但份量實在對唔住依個價錢🤑，如果係男士食嘅話份量會太細 ，對於份量有所要求嘅食客要注意一下啦~-最後大家排隊時要注意一下

鐵牛出開尖咀想食台灣野，同事推鐵牛所以試試，見到臭臭鍋同鴨血就覺得好吸引！除左必叫既台灣腸同牛三寶，仲同朋友分別叫左麻辣同牛奶鍋，貪心嘅我梗係配埋一試便知高與低既滷肉飯啦～台灣腸嘅蒜頭片分量都多，一啖一個勁滿足，牛三寶水平達標不過不失。至於主角臭臭鍋，啱啱上嘅時候冇為意，點知滾起一撈底發覺原來勁多料，除咗常見嘅鴨血，仲有我最愛嘅蜂巢豆腐，豬血糕，蟹柳等等，作為台灣臭臭鍋來講我覺得好有誠意。我另外仲加咗芋頭丸，芋頭蓉十足，淨係食餸都夠晒飽。至於滷肉飯係期待以上，肉汁勁惹味，撈飯簡直一流。至於朋友嘅牛奶鍋，我都偷食左幾啖，如果本身鍾意芝士同奶味嘅朋友可以一試，奶味濃郁而且芝士拉曬絲，不過要小心唔留神會痴底。另外野飲好大杯，我哋叫咗凍既冬瓜茶同百香果QQ，兩杯味道都唔錯，百香果QQ每啖都係滿滿既配料。我覺得喺尖沙咀地區嘅台灣菜來講，呢一間性價比頗高，而且午餐來講都幾優惠，下次經開不妨一試。

係尖東行完街誤打誤撞黎左依間鐵牛牛肉麵 係地庫的🧐 本身都係諗著食牛肉麵 但入到黎見到佢有個麻辣鴨血火鍋都幾吸引 所以就同朋友一人一個鍋 打番個台式邊爐😍台灣本味麻辣鴨血鍋 （豬）湯底麻辣度剛剛好 非常過癮😎另外既配料響鈴蟹柳雲吞都好好味 特別一讚一定係個新竹米粉 私心推介叫麻辣湯底一定要跟米粉 👍火粉先做到吸收哂所有湯既精華 仲要唔駛加錢😝香濃蕃茄爆蔥鍋 （安格斯牛肉片）朋友唔食得辣 揀蕃茄湯就最穩陣 果然滿滿既蕃茄味 超濃郁 同埋唔會過酸 推介👍另外加配料揀左安格斯牛小排 一定要加 肥瘦得宜 🤩仲揀埋金菇菜添 小食方面我揀左最熱門既街頭小吃 鹽酥雞 同埋香腸 兩樣都本得好好味 鹽酥雞炸得非常香脆 好爽口 😍香腸加埋生蒜片食 簡直一流😻皮蛋豆腐加埋木耳一齊食 依個配搭又係無得輸 超級開胃飲品就揀左檸檬紅茶同埋百香果QQ 兩杯都好好飲 私心推介百香果QQ 👍超多配料 又有大粒椰果 跟餐叫野飲仲有半價 咁大杯 超值🤩

🤤尖東終於有好嘢食🤤作為尖沙咀嘅朋友，成日返工食lunch都冇嘢好食估唔到原來呢度開咗間食台灣嘢，好出名難得今日早咗食lunch，諗住落去試吓但係冇諗過11:30到，已經開始要等位😇Anyway，等位即係證明呢間嘢好食😛一坐低，用手機落單，叫咗個鐵牛鹽酥雞扒定食5分鐘之後就上枱估唔到個份量都幾大，食完之後個肚都有少少撐住撐住🫣鹽酥雞扒好好食，炸完都唔會太油重點係佢個汁好好食，少少甜少少酸，勁開胃最得意嘅喺個飯，係用台灣嘅帽cup成🤓尖東終於有一個地方坐得舒服，又可以食野🤤尖咀嘅朋友快啲嚟試吓❤️📍Address📍: 尖沙咀加連威老道96號希爾頓大廈LG樓28號舖

係尖沙咀搵野食期間見到鐵牛嘅門面裝修得幾靚😜所以就同朋友入左去 試下依間台灣餐廳🤣座位黎講都算係闊落😉同隔離位都有啲距離所以食麵嘅時候吾洗驚彈到隔離位🤣鐵牛台灣牛肉麵 （紅燒半筋半肉）🐮個湯底顏色幾深色第一眼感覺上幾好 應該會幾濃味🤫但飲左淡 發現湯底相對較清🫢麵條幾彈牙 口感吾錯🤤紅燒牛肉有少少硬 但牛味都重嘅😂牛筋幾好食 淋淋地但都有啲咬口☺️珍珠奶茶🧋冇咩特別🫠 都似台灣人口味嘅 都係相對偏甜😛

有一陣子無黎鐵牛 無諗過宜家裝修咁光猛 裝修改以簡約木系風 同以前嘅裝修風格完全唔同(˶‾᷄ ⁻̫ ‾᷅˵) 餐牌有火鍋、牛肉麵、各款拌麵等 亦可以半價加各款特飲🥤麻辣擔擔牛肉拌麵 ($78)花生醬比較重 另外麵質都煮得有啲過淋😥都幾麻但就唔係好辣 建議可以加佢地嘅辣xo醬 會辣啲就好食好多(⁎⁍̴̛ᴗ⁍̴̛⁎)朋友嗌咗個蜜汁燒雞髀乾拌麵 賣相都幾吸引 仲要甜甜地 好似幾好食😻推薦指數：🌟🌟🌟

一排無嚟，新裝修，光咗！中午十二時半未到都已經幾多人。午市套餐中的牛肉麵份量少，女子都表示食完唔飽男士建議食便當，份量大。以下圖片未食前影，好似得半碗咁，幾啖食完。味道就一般般…

幾年前喺附近返工，當時鐵牛台灣牛肉麵剛開業就幫襯，都成為我返工嘅食堂。牛肉麵唔錯肉操飯都幾抵食。近幾年已經轉咗工，但咁啱前日要在附近搵食就諗返起佢，見佢重新裝修過變得非常光猛，仲有少少期待可以食返以前嘅味道。點知只係叫咗個牛筋牛肉麵就失望到極點，湯底油膩不特止，原本應該軟淋嘅牛肉靭到不得了，直頭咬唔入最後冇食到，以佢嘅牛筋亦都成舊橡膠咁😓😓😓 完全唔了解點解可以變到咁，真係好失望….或者有啲嘢變咗已經返唔到轉頭😮‍💨

點咗米粉，俾噶係面-好少有人會即場確定你哋噶食物是否正確，餐廳應該確保出品係啱，而唔係食客責任-客人已經返到屋企，竟然叫人返轉頭換？試問係你自己你會唔會嫐？！-餐廳態度事不關己，態度差到極點，完全無法解決，絕對唔會再幫襯！！

見到這店裝修完之後，第一次嚟。門口排隊嘅人唔算太多，店員招呼都幾好。鐡牛台灣牛肉麵🐂湯唔係好濃，似好淡味嘅港式柱候牛腩湯，完全冇台灣牛肉麵湯底的味道。麵條係彈牙，爽口。牛腩炆得好淋、入味。成碗麵係冇蔬菜或者紅蘿蔔。這個麵唔會回頭。麵攤肉燥湯麵，塊炸豬排好脆好大塊，好味，唔會落好多味精粉。麵質都係一樣爽口彈牙。湯底老實講都唔濃冇咩味。麻辣鹽酥雞肉燥湯麵，要咗小辣，這個麻辣味係台式麻辣火鍋嘅味，小辣都真係辣，肉燥份量大約2湯匙，肉質可以。鹽酥雞粒係細粒，面脆肉滑有少少肉汁，冇乜味精粉灑向面。這個可以回頭🙂午餐跟熱飲係免費，熱奶茶都好味，飲飲⋯啲冰有3/4杯滿，真係多咗啲，所以椰香芋係冇乜哧🤦🏻‍♀️整體CP值：一般，唔洗特登去！