鑽石餐廳 (已結業)

同家姐食完土屋，先至去食正餐。我同佢冇目標咁睇，行到呢個cafe外面，覺得食物幾靚，所以決定入去食。裏面既環境有d日式西茶廳feel，白色裝璜，一個個卡位，但都幾嘈。睇睇個menu，唔平喎，一個dinner set都要1xx。加$15有得轉酥皮湯，所以試下。酥皮湯送上時熱辣辣，睇得出係新鮮焗。湯既味道濃郁，唔似某d太稀又冇味，味道唔錯但唔impressive，$15可以一試。蒜蓉包我唔鐘意食，家姐話好脆口都幾香，相信唔錯。但唔明白點解會放0係蒸籠裏面。個石頭飯好熱，上黎時出哂煙好誇張，但亦可能因為好熱，佢d汁又唔太多，好快蒸發哂但豬扒炸得幾鬆軟，補番數。咖哩好香但味道唔夠濃。牛扒係我叫既。我要6成熟，上黎的確係6成。塊扒蓋住下面既angel hair...睇落幾細份，但食落其實好飽。牛扒唔會un，幾淋幾有牛味，d蒜蓉汁用黎拌意粉味道好夾，意粉亦烚得剛剛好唔會太軟。整體食起黎冇話特別好味，呢個價錢可以接受味道同外表睇起黎差唔多，但應該唔會特登再去。

午飯時間去到邊都會好多人，經過這間環境都算幾好，入面又有位，好就試下。午餐 焗豬扒飯 配冷熱飲品 $34其實午餐有好多款式選擇，好似好吸引焗飯到枱了時發現都算細份，如果男仕們可能不夠飽啊但我不大食，所以OK。先講豬扒就只有一塊當然不算大啦而且又"鞋"、硬、個底都幾燶我就只吃了1/3個汁是普通茄汁加少少磨菇洋蔥，上面放了芝士再焗，芝士不夠香。飯就幾硬，真是要多幾下先好吞。飲品，我選了凍奶茶，反而這杯飲品幾好，糖水自已落，茶味夠濃。Summary:不算好吃、不算抵吃、只是可以坐得舒服點。

今日同男朋友, 仲有一個fd 行mk,諗住搵間野食飯,見佢裝修幾靚, d 位冇甘迫,會坐得好d,甘就入去試~點知食到把幾火!一入到去, d staff 一d 笑容都冇..個個都黑口黑面, 落order 果陣好似想殺人甘!個感覺都唔太好, 間舖食野價錢係mk area 算高~成個裝修整到好似好high class 甘,但係d service 就茶餐廳都不如~~我地叫左2個set, 加一個side dish! mini焗芝士spinach田"羅"~真係好mini, 勁奇怪ge 係.. 佢一d 都唔熱! 焗ge 都唔熱..好似擺埋一邊成個鍾再俾你食甘! 焗白汁duck breast 闊麵!!同樣地.. 今次得個面熱.. 入面凍ge... 仲要d麵好淋!duck breast 得3小片.. 味道好一般.. rib-eye steak個steak 都ok ge.. 唯一一樣野係熱ga 囉~要左5成熟.. 佢都真係岩岩好!不過我地配左薯菜, 但係又係凍ge...個汁佢係另外分開擺.. 不過個味就.. 大家樂甘囉~~整體d野食都幾差.. 樣樣野都凍ge, d staff 又不知所謂..我仲見到水吧果

寫完篇(一),隔左咁耐,終於寫到篇(二)啦,哈。係女人街行過,見佢門面幾靚,又放左好多食物既模型係到,心諗唔錯啦,所以入左去食個晚飯。入到去,裝修無特別,除左吊燈,同一般茶餐廳無分別。再睇睇餐牌有d貴,點左兩個set 同小一個小食。先來套餐附送的羅宋湯和蒜茸包,湯好酸,包暖但有點過鹹同硬。什菌汁羊脾扒天使麵($88)以為羊脾扒好高級啦,上碟望下又唔係。好普通,食落口,唔係好熱wor。肉又好靭同埋都好騷。不過d什菌汁撈意粉都幾好味。忌廉汁火腿煙鴨胸長通粉($68)本人鐘意食意粉,個長通粉既汁唔錯,but.......很重要的一個but,成碟野得煙鴨胸...................三片.................$68,搵笨。芒果煙三文魚沙律($28)更正,應該係 "芒果汁"煙三文魚沙律.........根本無芒果肉,而且芒果汁cover曬 三文魚既味道,當然三文魚都唔係咩靚貨色。好在問一問,東亞信用卡有八五折優惠,如果無的話,真係非常不值。

就係因為佢既裝修靚又多卡位就入去..入到去就知道係茶餐廳SERVICE..,STAFF TAKE ORDER果時完全搵唔到一點笑容..!!餐湯...我飲酥皮白湯...酥皮有牛油味..不過湯既料就少冇得少...得几條蝦柳絲...好稀..野食唔可以話唔好食,,但完全唔夠熱...!!我ORDER左虎蝦天使麵如埋5成熟既牛柳~個ANGEL HAIR好細碟,2隻蝦..味道普通...個牛柳都OK既..但都係果句..唔熱囉!!!!!!!!!到餐飲..冇朱古力冇..問佢加錢得唔得..佢話得,問佢要加几多錢,佢話要睇MENU,,要$15...(即係唔係加錢啦!!係另計一杯散叫......." .). 都几無奈.......食完拿拿聲走....

上次起門口經過見到d模型食物, 好似幾好味....真係比佢呃左入到去, 見到東亞信用卡做緊85折, 如果唔係都唔平呀~如果佢真係好ok既, 我覺得值囉, 但...叫左2個dinner set, 再加$15轉酥皮海鮮湯, 點知個酥皮酸酸地既, 叫個侍應黎問話, 點知佢一d歉意都無,連講一句"唔好意思"都無....咩服務態度呢?!佢只係叫我地轉番紅or白湯, 不過都係唔好飲, 個紅湯甜甜地既?!其實佢2個main course都ok架, 一個軟殼蟹三文魚墨魚意粉, 另一個係bbq燒春雞配薯菜, 首先個軟殼蟹三文魚墨魚意粉真係有完隻軟殼蟹, 意粉o岩o岩好, 好有口感, 唔淋身, 正...而個雞都唔鞋既, 不過薯菜就孤寒d囉, 得6粒薯角雖然佢食物ok, 但咁既服務態度真係唔得, 我諗我唔會再黎囉

這個是我第一個食平.今晚在旺角唔知食乜, 諗住去火山石睇下會唔會咁lucky不用等但點知都係咁多人. 再行過d就見到依間咩dif cafe. 入面無咩人, 但看過d見西門町又好多人咁, 都係決定左入去.坐底之後睇見個menu開始有少少worried ... menu既相睇落去麻麻. price 都比 nearby 既 restaurants pricey 少少. 友人見左個baked fish florentine (中文唔記得係咩), 我就叫左個rib eye - 五成熟.先來個soup du jour ~ 友人既係veggie (同borscht about the same 啦), 我要左 creamy soup. 有 garlic bread (不過麻麻). 飲左啖個soup, surprisingly good 喎! 個cream係真係食到佢用牛油同flour做出來的. 個veggie soup呢, 唔係太hk化, 算幾好. 友人覺得sour左少少. 開始對依間野有點信心, relax點了.友人個fish來了. 睇落去一般, 但我試左口, 又幾好喎. 佢都有少少cream s

星期六放工一點幾兩點去呢間就好好起碼唔洗咁多人坐得又舒服又唔逼最重要係價錢好抵正!!!豬扒包幾好味..個外皮好脆意粉都ok..又唔會太大碗啱晒我哋胃口唔大的女孩子 最正都係飲杯咖啡...好好飲

八月廿八日(星期五)是日要出旺角買旅行用品,真忙,放工後就出了人多的旺角!我們想來想去都沒有定案千二餐!唯有周圍行行來generate ideas啦!行到了很多食肆的通菜街!到了鑽石餐廳,見到又沒有人等,就這間吧,反正我們已經行到滿身是汗!我們之前吃過lunch,覺得不錯,值得encore的!見到晚餐menu,我想也不想要了個火腿忌廉磨菇汁焗意粉,轉配天使麵!老公要了個海鮮墨魚汁意粉!set是有餐湯和餐包的!老公要了白湯,原來是磨菇忌廉湯,味道比較淡,羅宋湯都不錯!餐包是蒜蓉包,用是蒸籠盛著,很有趣火腿忌廉磨菇汁焗意粉,轉配天使麵,白汁比較甜和漏,其他亦不錯!焗天使麵很特別!海鮮墨魚汁意粉,意粉很彈牙,其他配料也新鮮!飲品都不錯,老公要了朱古力mocha,味道很濃,美味!大家記得帶bea card!有85折for dinner簡單的千二餐亦標誌著英法之旅快來臨!get ready!

某天去了旺角通菜街內的D.I.F. Cafe吃晚餐."外表"和"內在"都像中上的餐廳.吸引了我們幫襯.入座後看看餐牌,特價的都要六十多元.餐湯不夠熱,喝了一半,主菜已到.友人很不滿,因為主菜很快會涼.她那八十多元的 牛柳絲意粉,份量非常少,味道跟茶餐廳的無異.我的特價 雜腸意粉不見得特別好吃.侍應服務態度又不好.我們後悔進了來.虛有其表.不會再有下次.以它的價錢,去UCC好好多.

約左女朋友食飯, 又冇咩idea, 所以就番去dif cafe. 原因係印像中d野食都ok, 坐位又坐得舒服. 最重要係易搵位.我地今次3.50分到, 當然呢個時間一定易搵位. 所以連餐牌都冇睇就入左去.我order 左個番茄豬扒飯+湯(要另加6蚊) 及女友要左個咖哩牛尾意.湯唔駛3分鐘到左, 之後唔夠5分鐘我碟豬扒飯又到埋. 味都ok.我女朋友碟飯就足足等左1x分鐘, 我要慢慢食先等到佢黎, 如果我正常速度食, 睇怕食完都未到.響我食緊其間, 唔知d侍應係咪冇野做, 成日望住我地, 又收我隻匙更(我用叉食飯)!!! 大佬呀, 駛唔駛咁急收野?到我女朋友碟意粉到左, 佢地1個2個又響附近 (各人的卡位後面). 唉.....即係點呀? 比人望住, 我都食得唔自然. 仲有, 佢又想收我女朋友隻"更". 我心諗, 乜你地間野冇"更"咩? 人地都未食完, 駛唔駛1次2次係咁收餐具?結果我地用左45mins 就頂唔順走人.食物雖ok, 但係咁樣招呼, 我真係唔明佢想點? 經過今次, 我唔會再番黎幫襯了.

侍應態度勁有問題,我點0左一份煎豬扒午餐, 我問她餐內的汁可唔可以另外上, 她不屑說 " 餐不能改, 汁可以唔上, 但唔可以另上 " , 這算是甚麼態度 ? 我相信塊豬扒唔會連汁煮掛?如果係好繁忙時間你話因為廚房好忙或者兩樣都唔得都可可以接受, 但我去0既時候已經係2點幾, 入面已經無乜人,以為間餐廳裝修唔錯會舒服D, 茶餐廳service 都好佢多多聲!huffy:裝修好有點, 食物又唔係特別出色, 服務又差!無下次

d.i.f. 0既晚餐以前都食過幾次, 一直都係覺得好好食, 今次就自己一個去食個晏仔. 晚餐個價唔係個個都覺得抵, 不過午餐就真係可以接受喎! 三十幾蚊有飯有野飲又唔駛加一. 雖然湯要加 $6, 不過今次唔係好餓, 食0左 $36 0既黑椒牛扒飯咁啦.個飯一黎到, okay 喎, 果然冇將貨就價, 午餐一樣禁有賣相, 用翠肉瓜做配菜好有心思呀, 講真冇邊幾間舖頭會用翠肉瓜0架. 塊扒都算幾大塊, 當然冇晚市禁厚啦, 三十幾蚊算係抵食. 杯凍咖啡可以話係旺角0既餐室之中最好0既, 最大分別係佢奶同糖都係分開上. 凍啡我鍾意多奶少糖, 任由自己配搭0勒. 雖然食得比晚餐平好多, 不過服務一樣禁好, 加分呀! 不過佢地0既晚餐就唔係旺角價囉, 講真食材, 服務, 同裝修都好到唔應該0係女人街呀.

這間餐廳在旺角好像已經有一段日子,一直沒有提起興趣幫襯,因為在這條街內的食店瀨嘢次數太多!晚上到相熟舖頭配眼鏡,又行過這裡門口於是唔信邪試一試!七點正坐下點菜,三分鐘後餐湯已經擺喺檯面:雜菜湯----一碗只有酸味的菜水,咐送一件用蒸籠裝住嘅暖蒜蓉包.....多謝晒!雜菌牛柳粒天使麵----餐湯飲到一半已經出現!速度仲快過大家樂!牛柳大概有七粒不過有四粒咬唔開,天使麵的汁是甜的!而且麵身亦煮得過淋及多油.再多謝!七味炸釀蟹蓋----袖珍可愛!大小好像寵物蟹仔,少量蟹肉加麵粉炸完再灑七味粉上面!唔好睇小得小小蟹肉,腥味都幾濃郁,再三多謝!燒去骨春雞(黑椒汁)----喺我食完碟天使麵就隆重登場喇!切了友人的雞一小片來試....雞肉質地無問題,不過雞肉係無調味嘅!黑椒汁外表係黑椒汁不過味道只得一個字----咸!餐飲無問題因為飲凍檸水.這個"西"餐於七點三十五分完成!有西餐廳外表,快餐店的速度,令人驚異的出品!真係一次過滿足三個願望!

完成港島徑...在旺角買了幾本旅遊書, 便想到 Dates 試試, 可惜再等到六點, 尚欠半小時, 西門町試過, 想試點新口味, 剛巧這裡人不多, 地方大!卡位舒適, 老公選了黑椒汁牛扒配白飯 + 奶茶, $36, 我要了蟹籽忌廉汁三文魚意粉 (改長通粉 +$5) + 奶茶, $41, 吃了一小件牛扒, 沒有詢問幾成熟, 但牛肉仍帶血, 約五成, 不太腍, 但肉汁夠, 長通粉偏港式, 但不過腍, 蟹籽份量夠, 三文魚肉質粗糙, 忌廉汁唔香, 但幾滑, 最後的奶茶, 不是港式, 只行加奶加糖, 無茶味, 難飲!相信自己是不會再來試...地方唔就腳, 食物一般, 定位尷尬, 又不是港式般平宜, 又要收加一, 格調又做不到中價餐廳...!