影片
以上资料只供参考，请与餐厅确认详情
今次去咗间平民铁板牛扒店食嘢，价钱好平，份量同质素都几高水准一开始会上左罗宋汤同餐汤先叫咗个铁板牛舌拼肉眼牛扒，牛舌切得厚薄适中，表面略略烧焦，食落去香口弹牙，完全冇韧身嘅问题。肉眼牛扒就更加正！五成熟嘅熟度啱啱好，切开𠮶阵见到个肉色系漂亮嘅粉红色，肉汁锁得好好。最正系佢表面烧到香脆，入面仲保持到多汁嫩滑，连筋都冇，肉质够嫩滑。黑椒汁另上就最啱，想点辣就加几多，唔会搞到个牛扒浸汁咁样。配菜嘅薯菜都做得几好，薯仔香软，菜够新鲜爽脆。西冷牛扒就做得更加出色！五成熟嘅熟度一样完美，个西冷油花分布均匀，肉质够嫩又唔会肥腻，食落去香甜多汁。个烧汁味道浓郁，带有红酒香，配埋牛扒更加突出个牛味。意粉做得够al dente，软硬适中，沾埋个烧汁食就更加完美！饮品方面，冻柠檬水少甜就啱啱好，柠檬味香甜，完全冇苦味。冻柠檬茶走甜就更加啱我心意，茶味香浓，柠檬香气足，最啱配重口味嘅牛扒。总括嚟讲，铁板世家嘅牛扒质素同价钱都算得上抵食，最紧要系厨师对火候掌握得好好，每次嘅熟度都好准确。虽然唔系高级牛扒餐厅，但胜在够实在，想食个抵食又够水准嘅牛扒，呢度真系值得一试！
继续阅读
太耐无行金鱼街，行完唔知有咩食，都系打算求其入间茶记算，点知原来有间装修到以前港式西餐，系食铁板牛扒。入去里面，发现原来系深水埗老店马德里餐厅嘅分店。餐包呢度无用普通圆形西式餐包，真系港式传统好甜嘅餐包，有以前嘅感觉。罗宋汤传统港式味道，好多椰菜同西芹，配带辣味嘅番茄汤特别开胃。忌廉汤Creamy但无咩材料，好适合点餐包食，唔搽牛油。整体都唔错，但相比之下比较逊色。铁板牛舌拼肉眼牛扒 五成熟 $158呢个铁板，特登无落汁，不过热度一样，攞开好多垫底嘅薯条，一样足够将牛扒煎到七成熟。配菜有西兰花同车厘茄。肉同一般港式西餐一样，都有松过，不过唔会完全烂晒，都有保留牛肉嘅味道。呢度嘅肉眼牛肉味足够，唔会太硬。但呢度嘅牛舌外层比较硬，但多左牛舌，只系多$10，算系咁。铁板T骨牛扒 五成熟 $148T骨系将牛柳、西冷牛扒同中间连带嘅T字脊骨原个切出，同时食到嫩滑嘅肉同有牛味嘅肉。 加入黑椒汁之后，有黑椒香味，可以带出牛肉味。意粉+$10咁重怀旧氛围，但都系俾普通白洽意粉，有啲可惜。冻柠檬水 走甜 +$4*2=8牛肉太油腻，饮走甜嘅柠檬水比较舒服。甜品今次甜品系黑加仑子味杂果啫哩，口感比较松散。呢啲港式口味，必须要加花奶，完全复刻。总计：$324
继续阅读
香港愈来愈少旧式餐厅今天给我找到惊喜 , 网上找到此店店设计很怀旧, 小小的非常干净非常特色餐牌只有十二款食物, 专心制造职员先问我们饮甚么汤, 先上热的白汤和面包, 温度足, 赞我们点了铁板煎牛舌拼肉眼牛扒配薯菜,t骨牛扒薯菜很快食物已到, 仲可以选汁添, 我们选了烧汁,职员一加汁 ,炸炸声很有气氛我们见到两块扒也超大, 肉眼牛扒和牛舌各有两块, 牛扒七分熟肉也不会老, 肉很juicy, 尤其t骨牛扒, 非常厚身, 没雪味垫底的薯菜也好好味, 薯条仍是脆脆的, 满满的分量原来吃完主菜也有惊喜,,职员问我们啫喱要不要奶,原来餐有送啫喱, 味道是我们喜欢的黑加厘子味, 混合了什果, 饮埋美味的冻华田, 真是有小时候爸带我们到西餐厅庆祝的情怀我们差不多走的时候,有不少独自来的男客人晚餐， 因为份量太大了, 食肉兽的男生最合不过埋单的时候看到帐单原来不用加 一, 正式的平靓正绝对会再度光顾, 支持香港小店, 用心经营的店, 生意真是不易!
继续阅读
讲起港式嘅晚餐，梗系唔少得豉油西餐啦!今次嚟到通菜街嘅铁板世家。价钱性格比高，非常抵食🤩。店内环境好有港式风味，红白汤二拣一再配餐包🥣，够晒经典。酱汁淋落铁板发出滋滋嘅声音非常吸引，流晒口水。铁板煎牛舌拼肉眼牛扒配薯菜 $158牛舌加牛扒，份量超级多。牛舌食落好稔身，再加埋充满弹性嘅肉质，牛味香浓😋。肉眼牛扒好厚，但切落唔会好韧，轻轻切都切到，肉眼嘅肉味都非常充足，肉质厚实，油脂比例啱啱好，粉嫩多汁🥩。配菜西兰花同车厘茄简单焯煮，无过熟，保留爽口感觉，食完感觉清新解腻。铁板什扒（猪扒/鸡扒/珍宝肠/煎蛋）配薯菜 $138什扒餐胜在乜都有，啱晒选择困难唔知拣咩嘅人🙌🏻。鸡扒嘅表皮炸到金黄焦脆，鸡肉肉质嫩滑，鸡味同腌料嘅调配几match ，猪扒厚度适中，肉质非常松软，前期准备功夫有落心机，太阳蛋桔爆后，蛋浆流落啲扒度再捞埋饭食好正。珍宝肠仲长过块铁板，食落外脆内软。薯条系用曲薯，系传统嘅波浪型薯条🍟，食落有薯仔味，外脆内绵，作为配菜啱啱好。仲会送饭后甜品，提子味啫喱加左花奶，口感非常Q弹，再加上花奶令啫喱更加滑🍮，唔会太甜，有解腻嘅作用，好怀旧嘅西式甜品。
继续阅读
去咗旺角通菜街188号嘅铁板世家试吓佢哋主打嘅铁板牛，成餐食落几有惊喜，价钱亲民，质素又唔失礼。我叫咗一份铁板肉眼牛扒拼牛舌（烧汁），五成熟，牛扒煎到外层微焦，入面仲保持住粉嫩，肉汁锁得好实，切开𠮶刻已经闻到香味，肉味浓郁。牛舌就烟韧有咬口，厚薄适中，咬落唔会韧，仲带少少油香，加埋烧汁咸咸甜甜，几夹。朋友就拣咗铁板肉眼牛扒（黑椒汁），同样系五成熟，牛扒煎得啱啱好，黑椒汁唔会太呛，反而有层次感，唔会抢咗牛味，配埋个铁板底声香四溢，几有感觉。饮品方面叫咗杯热柠檬水，食完啲肉饮返杯热柠水，中和返啲油脂感，舒服晒。同埋红豆冰，红豆煮得够绵够香，啲冰唔会太粗，甜度适中，收尾啱啱好。环境唔算高级，但胜在够地道，铁板香味成间舖都飘住，坐得舒舒服服。成餐食落唔算贵，以旺角嚟讲性价比好高，想食铁板牛又唔想太贵，呢间真系可以列入再访名单！
继续阅读
您可能会有兴趣的...