鍋心海鮮火鍋 (已結業)

大葱清酒 x 沙嗲湯底可以揀🦀或🦞或🦀🦞 小朋友才做選擇 why not both  仲包五款海鮮 有青口 🦪🦐鮑魚同🦑甘都係268 好抵食🤭每人仲可以揀四樣火鍋配料 除左火鍋必備肥牛  仲有鴨血 鵝腸！仲選了豬梅肉（瘦款）同雞滑當然唔少得吸湯必備嘅響鈴 竹笙 叫左野就去混醬 佢有一個醬料區 蔥怪表示開心 可以自己無限添加🤭 仲有啲開胃前菜拎 等你等野食同煲湯滾嘅時候有野咬下 好細心wor我地仲發現有自由拎嘅出前一丁 粉絲同indomee!! 好少見麵係可以任拎 海鮮就落曬清酒嗰邊湯底 佢有個表教你要滾幾耐🦞先啦  再到鮑魚同🦑 同🦀 之後即刻飲啖湯 鮮甜到不得了😋😋😋當然海鮮都好新鮮 🦀🦞肉質尤其彈牙！食曬啲配料之後兩個湯都好濃 好適合撈 出前一丁 不過真係飽喇 好乖忍一忍口😜 見倒隔離有花膠雞煲 超吸引 先不過好似要早一日預訂 下次試先

等食牛角放題，點知等太耐，個胃開始唔舒服。於是去了附近一間海鮮火鍋店，雖然唔係任食放題，不過海鮮好新鮮，好生猛😍推介：龍蝦，鮑魚，生蠔，好鮮味😋竹笙，淮山，牛丸都好出色🥰我地加錢另外叫左吊龍和牛小排。湯底最值得一讚是大蔥酒味，當酒揮發左變得清清地，配海鮮真係一流🥰🥰當晚都好滿座，我地入完下一檯等左足足30分鐘先有得再去。自助配料區的涼拌土豆絲好出色，等緊上菜期間忍唔住食左3碟🤭下次要帶埋長輩黎試下，會再encore🥰

情人節同太太食呢間海鮮火鍋前一晚訂位 可惜只係淨返 夜晚八點半 呢個time slot我都明白 情人節會比較多人照殺啦 現在佢冇加價已經第二次去呢間每一次去嘅時候都好期待今次亦都冇令我失望去到每人點在一個 238蚊 set包5款時令海鮮2人包8款附加邊爐食物（豬，牛，菜 etc)5款海鮮都非常新鮮 其中最欣賞個 龍蝦超大隻 超甜美不過沙白有小小沙店內嘅員工都好積極一見到啲湯就快煲乾 就會主動上前加湯加曬分如果唔夠飽呀 餐廳內仲有無限嘅 出前一丁， 超力米粉， 印尼撈麵畀你加

落單前已詢問部分寫加錢菜品是否需要加錢，職員表示菜單上所有菜品第一轉落單免費，不需加錢，追加才需要加錢。到付款時職員又表示第一轉落單也需按菜單上價錢付款，然後買單多左成400蚊，問返就話問經理，問完又話係職員自己都唔清楚

屋企人好鍾意食海鮮 所以生日時特登book咗鍋心海鮮火鍋黎慶祝下 去到嘅時候唔係太多人所以唔洗等位 佢地有三款套餐 我地揀左龍蝦+沙白 ($238) 同蟹+沙白($218)另外再跟5款時令海鮮(鮑魚/蝦/蟶子/貴妃蚌/多寶魚） 同埋每位4款火鍋配料 全部海鮮都幾新鮮 特別啲蝦臨放落鍋度都仲跳緊架 鮑魚又非常彈牙 另外有個QR code，scan完就會睇到每樣海鮮煮幾耐 配合埋計時器就唔會煮過龍啦鴛鴦湯底就叫左四川麻辣同瑤柱蘿蔔豬骨鍋一濃一淡口味 濃味配火鍋配料 淡味就配海鮮 咁就唔會搶左海鮮嘅鮮味火鍋配料方面有幾樣特別推介⭐️自家製白松露餃 ⭐️黑皮雞樅菌 ⭐️自家製手打蝦丸⭐️福建花菜 呢幾款都係出面火鍋店少見嘅款式 一定要試另外出面仲有自助吧 除咗有火鍋醬料仲有任食嘅涼拌小食同幾款麵類整體都幾滿意 唯一麻麻地嘅地方係某幾個店員黑黑地面 經過叫佢地都扮聽唔到😅

上次介紹完粥底火鍋今次就要試下鴛鴦火鍋喇😍我自己就偏好四川麻辣鍋 同埋瑤柱蘿蔔豬骨鍋有辣有唔辣 岩晒唔同既食材.海鮮夠晒新鮮 每日都有不同時令海鮮畀食客選擇我就揀左鮑魚、帶子、蟶子、蝦同魷魚最適合用清清地既豬骨鍋煮熟咁就可以食到海鮮既鮮味.而其他配料可以每位自選4款就可以用麻辣鍋稍為調味一下食得更加滋味😋😋😋當中最特別嘅係自家製手打蝦丸同白松露餃蝦丸食得出粒粒蝦肉 爽口彈牙白松露餃口感豐富 又香又juicy 好正啊🤭.店內環境寬敞 舒服乾淨最特別嘅係 佢仲有餐前小食 酸酸辣辣非常開胃晚市比較多人少少 記得提早訂位啊👍🏻

好多年前有食過分店，當時好似有粥底嘅。今日呢間第一次嚟，位置還可以，牛頭角同觀塘之間，但要行窄長樓梯就唔太方便，如果想同屋企老人家嚟就好有難度。餐有三款，分別價錢就係HKD218, 238 同268，我地就揀咗268係龍蝦同蟹都有嘅set , 價錢係唔包飲品。湯底可以揀鴛鴦，清嘅For 海鮮，濃嘅for 之後配料Set 嘅海鮮有龍蝦🦞每位半隻，鮑魚一隻，聖子一隻，蟹半隻，蝦兩隻…多寶魚我地5人共一條，鍋太細，龍蝦要分兩次淥，檯面有QRcode 可scan 睇淥嘅時間。當中龍蝦，蝦同鮑魚上檯都仲郁嘅，好新鮮，而且都大隻，算幾足料，瑤柱湯底就無乜味。食完海鮮就可以選其他配料，每位4款，換言之我地可以選20款，原則上個set係包嘅，不過個別配料要加5蚊or9蚊，當中松露丸係好香濃好好味，加錢係值得嘅，另外亦唔一定要揀足20款，鍾意嘅配料份量可以x 2無時限，所以可以同朋友慢慢吹水👍👍，平日都多人，要book 位

男朋友來接收工，點名要食鍋心海鮮火鍋@seafood.sweet.hotpot🍲可能是吃完粥底火鍋還未夠喉🤤今次點了：肉蟹🦀餐（$218）和龍蝦🦞餐 （$238）+每人醬料費$10 *兩位合共消費$500,免+1🍲鴛鴦鍋底：瑤柱蘿蔔豬骨鍋+香濃沙嗲鍋，一濃一淡黃金搭配(⁎⁍̴̛ᴗ⁍̴̛⁎)🫶🏻合共有以下7種海鮮：沙白：脹卜卜，鮮甜無沙，粒粒飽滿肉蟹：啖啖肉，肉質鮮嫩龍蝦：彈牙嫩滑，長過手掌鮑魚：肉厚生猛，彈牙爽口，上枱仲郁堅信緊帶子：一共四隻，好鮮甜多寶魚：爽滑不腥貴妃蚌：鮮甜彈牙，新鮮程度絕對有保證❤️(*ˉ︶ˉ*)另外，我們選了8種配料：自家製手打蝦滑（加$9）、兩份美國肥牛、滑雞柳、皇帝菜、竹笙、自家製手打雞滑、自家製白松露肉丸（加$5）整體來說，瑤柱蘿蔔豬骨鍋味道較為清甜，適合配海鮮和菜吃。沙嗲鍋非常惹味！ 推薦給重口味人士⁄(⁄ ⁄ ⁄ω⁄ ⁄ ⁄)⁄是煮任何東西都好好的味道！ 推薦滑雞柳，真的很滑！ 白松露肉丸和雞滑亦一試無妨！ 除了海鮮，牛肉的品質亦非常不錯！美國肥牛色澤紅潤，非常新鮮，而且肉味濃郁！還有不得不提的自助小食區及醬料區！ 剛到時放了兩款涼拌小食：涼拌青瓜🥒、涼拌雪耳。

今晚想打邊爐，又唔想自己買嘢洗嘢，就去咗黎咗鍋心打個海鮮邊爐。佢有肉蟹餐(💰218/pp)、龍蝦餐(💰238/pp)、龍蝦肉蟹餐(💰268)揀。每個餐都可以揀鴛鴦湯底+7款海鮮+4款自選配料，自助小食醬料吧(每位💰5)除咗有好多醬料，仲有青瓜、醃製小食、出前一丁、印度撈麵、米粉任拎。我哋揀咗龍蝦餐(💰238/pp)✅▫️鴛鴦湯底: 四川麻辣鍋🌶️、蕃茄粟米鍋🍅前者濃味同惹味好多，唔食得辣仲可以揀少辣。而海鮮放喺蕃茄粟米鍋又食到鮮味，各有各好。▫️海鮮: 龍蝦🦞、沙白、帶子、貴妃蚌、魷魚、鮑魚、多寶魚海鮮新鮮，份量足，最鐘意當然係大大隻嘅龍蝦啦😋佢嘅多寶魚都幾嫩。▫️自選配料: 豬梅頭片、美國肥牛(2份)、自家製白松露肉丸、汕頭牛丸、自家製芝士豬肉丸、自家製韭菜餃、自家製手打馬蹄雞滑我哋叫咗好多自家製嘅配料，最喜歡韭菜餃！牛丸都唔錯！豬肉同肥牛有肉味亦唔會太多肥肉，幾好。呢個價錢如果可以包埋飲品就更好啦，因為打邊爐都比較口渴，好需要飲嘢😂Overall評分: 7/10

天氣凍咗就想打邊爐，同大家推介下觀塘鍋心海鮮火鍋，鍋心出名食海鮮當然立刻試下啦❤️店舖環境寬闊，無傳統火鍋店擠迫感。我哋當然係揀🦞🦀龍蝦肉蟹餐，加埋火鍋配料，基本上叫一轉已經夠食😋鴛鴦湯底就揀咗瑤柱蘿蔔豬骨湯鍋+四川麻辣火鍋(少辣)自選海鮮有5款，無錯係5款。我哋揀咗鮑魚，多寶魚，魷魚，帶子同貴妃蚌。另外我哋有另外叫今日特價海鮮台山蠔🦪。海鮮十分新鮮，最值得讚係龍蝦，肉蟹。火鍋配料分量剛好，叫一轉已經夠飽。

@seafood.sweet.hotpot #鍋心海鮮火鍋 每次想食海鮮一定係鍋心每次去都唔會令人失望觀塘呢間係打邊爐，湯底可以鴛鴦，今次嗌左少見既大蔥清酒🍶同埋四川麻辣🌶揀完湯底可以揀7款海鮮同4款自選配料今次食肉蟹餐🦀海鮮方面有肉蟹、沙白、鮑魚、多寶魚、帶子、蠔、貴妃蚌自選配料揀左：肥牛、鴨血、炸魚皮、王芽白、蒿筍、紅薯粉同2份鮮淮山🫶🏼野食上枱速度快，啲海鮮一上就知好靚仔，係睇得出既新鮮呀🤓鮑魚擦到超乾淨，上枱仲郁緊！近門口位有自助醬料吧可以自己溝醬，但因為食物質素高加埋湯底夠味，其實都唔需要特別蘸啲咩醬料，本身啲味已經好出🧡最尾啲紅薯粉吸晒啲精華係完美既ending🔆最開心係食完餐飯唔會有好口渴個種感覺🌟

早兩日天氣轉涼，終於有點秋意。ฅ •ﻌ•♡天氣一轉涼就會想打邊爐，所以下班後和朋友約了食位於觀塘的鍋心海鮮火鍋，牛頭角地鐵站A出口5分鐘就到，位置很方便!! ( '༥' )火鍋湯底都有過十款選擇，而鴛鴦湯底亦不用加錢!!!揀了瑤柱蘿蔔豬骨湯鍋+四川麻辣鍋。一濃一淡剛剛好˃̶͈ ˂̶͈四川麻辣鍋鍋底有大量辣椒同花椒八角，好香辣惹味，是必食的!!!!至於瑤柱蘿蔔豬骨湯鍋就較淡味，適合淥海鮮，食海鮮的鮮味~湯底有不少蘿蔔片~我們揀了兩個餐☁️肉蟹餐(肉蟹+紐西蘭青口) $218☁️龍蝦餐(肉蟹+紐西蘭青口) $238可以揀多5款海鮮，我們揀了鮑魚、蝦、多寶魚、蟶子和貴妃蚌。海鮮都好新鮮!!放落瑤柱蘿蔔豬骨湯鍋，能食到海鮮本身的鮮甜◔.̮◔✧!!!肉蟹 : 有半隻蟹 蟹鉗好大!!!蟹鉗多肉 肉質好鮮甜~龍蝦 : 半隻，但一啲都唔細隻，好多肉!!而且都彈牙的，又有膏!!推薦!!紐西蘭青口 : 共兩隻，青口好飽滿，索哂湯好滿足(⁎⁍̴̛ᴗ⁍̴̛⁎)鮑魚 : 共兩隻，彈牙!ok!!多寶魚 : 有驚喜，好鮮甜嘅魚肉!!不過煮得耐易散蟶子 : 都好大隻!!!而且好好味 有鮮味~蝦 : 蝦有4隻，煮熟後就略為細隻，但蝦好生猛，

🍲 天氣轉涼係時候烚下烚下之前食過蒸氣海鮮鍋 今次打邊爐❅ 鴛鴦湯底 ❅揀左2款特別湯 大蔥清酒鍋同藥膳當歸豬骨平時外面好少食到呀嗎❅ 7款海鮮 ❅點左肉蟹🦀+沙白餐 另外點多5款新鮮海鮮鮑魚 魷魚🦑 蠔🦪蝦🦐生猛到仲識跳 帶子太搶手清晒 轉左貴妃蚌❅ 8款自選配料 ❅點少得肥牛 手打蝦滑 芝心獅子狗都要食返啲蜂巢豆腐 鮮准山 蓮藕條 油麥菜平衡下🥬白松露🥟好吸引即叫 掛住傾計淥到餃溶埋變松露湯😂未夠飽去自助小食吧仲有公仔麵 印尼撈麵嫁 食得咁豐富 肉體同心靈都好滿足

閒日七個人去，比張12人枱，坐得舒服，又冇時間限制，食得開心。海鮮都算鮮甜，其他食材都可以，四個湯底老老實實夠味，唔多味精。雖然火鍋食材都係有上限數量，飲品、醬油又另外計錢。但係最後埋單，都唔會貴過嗰啲無上限任你食嘅餐館。其實我哋呢啲人，食得唔多，食呢啲有上限嘅餐，重心安理得～

就算夏天都阻擋唔到想打邊爐嘅決心今次去依間響牛頭角同觀塘中間嘅火鍋店主打海鮮，不同以往火鍋店一個價任食or逐碟散叫，依間需要提早至少一天訂座，在訂座時需先預訂所選海鮮餐，今次選擇了肉蟹餐。平日晚餐時間到大概7成滿座，入座時店員會留下張點餐紙，湯底方面可選2款，海鮮餐包括所選的主打2款海鮮外，還有自選5款時令海鮮再加每人4款火鍋配料。原本打算加配料點知套餐份量已十分足夠下單後大概10分鐘就上齊了，湯底十分足料，今次揀咗瑤柱蘿蔔豬骨湯及四川麻辣湯，清甜豬骨清湯用作搭配海鮮一流。另外就當然要番個辣鍋打邊爐🌶一次滿足2個願望。肉蟹餐包括每人半隻大肉蟹🦀入面的蟹黃都快溢出。一放落去已見到湯底即變了黃色。肉蟹當然主打啖啖肉啦，蟹肉十分鮮甜緊實，不用沾醬都可以吃出肉蟹原本的鮮味沙白經處理沒有沙，鮮味十足。另外5款自選海鮮揀咗鮑魚、魷魚、蝦、台山蠔及青口。全部海鮮十分新鮮，鮑魚和蝦🦐上枱時仲郁，店家還貼心提醒需用夾子按住以防會湯底被彈起。鮑魚鮮甜有咬口蝦肉十分緊實，青口及蠔肉帶小小海水味很清甜，魷魚十分有咬口。另外配料就放在辣鍋上，今次選了小辣，湯底不算辣反而花椒八角嘅香氣很重配料份量十分足，每款都吸