長洲鐵漢

营业中

休息中

放假喺香港諗唔到有咩做，最啱就係入長洲！除左有得坐船感受下旅行嘅感覺，我最鍾意長洲有好多小店，唔會好似啲大商場嘅鋪頭重重覆覆。今次入長洲專程嚟呢間「長洲鐵漢」食串燒！店鋪Logo就係肌肉鐵漢，好得意！門口掛左啲兩字燈籠，幾有意思！大家初頭都好懶唔想諗食咩，就叫左個「是但黎甘串」，$298就有20串，隨機咁比＄18以內嘅串燒，都幾抵，最緊要係唔洗諗好方便！另外仲有叫咗幾款野食：香芋丸 上桌時熱辣辣，炸得外脆內軟，中間嘅芋泥好香濃軟滑 ！鐵漢少女心個名改得好得意，其實係豚肉卷住士多啤梨，呢個配搭幾特別，豚肉燒到香噴噴，加埋酸酸咪咪嘅士多啤梨，好味之餘可以減低豚肉嘅油膩感。辛辣明太子手羽呢個正呀！手羽燒到金黃色，中間包住大量明太子。食落香脆多汁，明太子辣辣地好惹味！脆脆平安包 賣相好得意，估唔到平安包都可以燒！入面係流沙奶黃餡，流沙效果又幾好，奶黃好香濃。隔離串豬茜係豚肉芫茜，茜味十足，鍾意芫茜嘅朋友必點！最後叫多個鐵漢撈丁，好滿足！估唔到長洲都有咁正嘅串燒，下次一定再黎！

最近天氣開始轉到炎夏，好鍾意同陽光玩遊戲，入長洲慢活一下，另外當然要食下長洲美食呢間小店主打串燒，仲有好多特色小食，先嚟個薯格小食，炸到金黃色夠哂香口，上面仲有惹味調味粉呢款蜜燒鹹蛋黃臘腸餅真係必食推介之一，滿滿香甜蜜汁嘅臘腸餅燒到剛好，超邪惡鹹蛋黃好甘香，仲有蛋黃油滲喺臘腸到真係好好食鍾意食海鮮呢到都有汁燒大元貝及白酒煮海蜆，前者元貝新鮮甜美，汁燒加上香蔥辣椒更惹味而海蜆都厚肉無沙又鮮甜，用白酒煮多一份酒香另外串串金蠔生曬真係好甘香，仲用上桂花蜜醃漬，金蠔味好出又有淡淡桂花香最後呢個冷食稻庭烏冬好啱夏天食，而醬汁用咁我最鍾意嘅濃郁香甜胡麻醬，每條烏冬都掛到汁，好滿足

✨長洲鐵漢✨難得入嚟長洲 每樣野都想試少少所以唔係叫咗好多 今次只係食咗3個串: 鐵漢少女心串🍓$28其實即係豚肉士多啤梨串 umm本身都預咗呢個係食個gimmick未必好食 結果同想像差唔多 覺得兩樣嘢真係唔太夾 士多啤梨少少搶咗個豚肉 豚肉又有少少搶個士多啤梨 變咗個味唔太出 我唔係太鍾意( ･᷄ὢ･᷅ )豚肉秋葵串🐷 $25雖然個豚肉略嫌有啲太薄 但豚肉同秋葵幾match食落幾香口 想再encore (⁎⁍̴̛ᴗ⁍̴̛⁎)流沙平安包串🍞$28十分有長洲特色嘅串 賣想已經加咗分 包皮炸得啱啱好 食落唔會太油 流沙奶黃餡都唔會太甜(≧∇≦)▽ Rating ▽好食: 7/10環境: 7.5/10推薦: 7/10 人均消費: $40.5/ person 📍 長洲新興街65號地舖

上次去長洲飲完乳酪之後，喺附近行吓經過咗呢間串燒店，見到竟然有一串串嘅流沙平安包食，就買咗一串食😆流沙奶黃脆脆平安包美味指數：👅👅👅👅 (4/5)個包外面炸到金黃色，勁吸引🥺 一咬落去個下好脆，入面嘅流沙奶黃餡流晒出嚟，食落去唔會太甜同埋太膩，好香鹹蛋黃味，但係記住食嘅時候要小心啲，因為第一啖咬落去入面啲餡真係會爆曬出嚟！🤭🤭 整體來講都幾好食 推介大家去買📍 長洲鐵漢 (長洲)長洲新興街65號地舖

今次係第二次食呢間長洲串燒店🔥上次外賣 今次堂食更有風味呢！❥ 脆脆平安包(流沙奶黃) $𝟸𝟾上次試過芝麻味今次再訪 芝麻味已經在ᴍᴇɴᴜ消失了不過唔緊要 流沙奶黃一樣吸引!像炸鰻頭一樣的口感 外脆內軟流沙奶黃很澎湃 好味😋❥ 冰鎮黃金咖喱魷魚 $𝟹𝟾涼浸浸又辣辣的 好過癮魷魚好爽口 ˶⚈Ɛ⚈˵喜歡咖喱魷魚的人不要錯過 ：）❥ 廣島蠔 $𝟹𝟾有𝟹粒 算抵食 而且都唔算話好細粒蠔味濃郁 燒過之後更香口❣︎❥ 鹽燒牛舌 $𝟸𝟾今次的牛舌比上次到訪遜色了肉質雖然不算十分韌 但也不算爽口牛舌味不突出❥ 白酒煮海蜆 $𝟺𝟾酒味重 蜆沒有沙 數量亦合理♔🜚 很有風味的一間店 串燒小食選擇豐富質素也不錯的推薦流心炸平安包同咖喱魷魚❤︎︎❤︎︎❤︎︎

放假與朋友來到長洲 "掃街" 是例行公事，但今天天氣酷熱，不宜在戶外久留，吃過大魚蛋實撐不住，即轉戰附近餐廳繼續食~餐廳以日式昭和風為題，其中座位以舊式Asahi 啤酒膠箱製成，既環保又特別~1) 蜜燒鹹蛋黃臘腸餅， 此店獨家，賣相吸引，上層的鹹蛋黃燒得金黃漏油，酥香味美，下層臘腸餅肥膏透明，充滿蛋香、炭燒香及臘腸香，啖啖濃厚肉味及蜜汁甜味，滋味滿瀉!2) 龍蝦丸，大粒抵食，外層燒得微微焦脆，保留炭燒香味，內裡肉質紮實彈牙，肉汁被緊緊鎖住，蝦味突出，鮮香味濃，加上特色鹹香的味粉及甜甜的蜜汁，份外惹味!3) 日本小甘薯，熱辣燙口，口感軟糯，嚐到天然甘甜的紫薯味及外層沾上的蜜糖味，甜度適中。可惜尺寸迷你，只有三顆，如加多兩粒更佳。總結: 款款串燒皆即叫即燒，以蜜汁炭燒，令食材保有原汁原味外，更添甜蜜香氣及炭燒風味，獨特惹味!

復活節長假嚟咗長洲玩，去得長洲當然唔少得去食當地嘅美食啦，朋友介紹一間叫長洲鐵漢日式燒烤話嗰度啲燒烤都幾特別同幾好食，所以今次難得嚟到咁就去試一試。因為長洲太多嘢想食，所以我哋淨係嗌咗三樣嘢，一個係東咖喱魷魚，燒芝士年糕同埋燒墨魚咀。個咖喱魷魚辣得來都好入味，佢係凍食嘅，同平時食開嘅港式咖喱魷魚係有分別，但係都算幾開胃。芝士燒年糕都唔錯，但係個燒墨魚咀就好似乾身咗啲。買單大約$100左右，唔算嗌得多嘢都算OK嘅。

呢閰最主要食串燒同埋其他燒物。我就試咗佢嘅炸平安包，平安包入邊其實就係奶黄流心餡，味道唔會落好甜，都唔會話好膩，都幾好食，不過食嘅時候真係小心啲，因為佢個餡都真係幾流心。

黎到長洲，又點可以唔食平安包！今次就一訪人氣串燒店，初嘗炸嘅平安包脆脆平安包 (流沙奶黃)打卡一流嘅平安包！平安包炸得好香脆，麵包依然濕潤軟熟，包滿半流心嘅奶黃，咸蛋黃味好濃呢~

入到嚟長洲，第一時間冇食魚蛋同糯米糍，而係走咗嚟試呢間串燒店一坐低實在太餓 一口氣叫咗12樣串燒🤣整體上全部都好食 唔會太咸太重口味送酒一流🤭最推介：1. 和牛漢堡 - 牛味重，一啲都唔un2. 荔枝豚肉 - 估唔到荔枝同豚肉竟然咁夾3. 花枝丸 - 本身對佢冇乜期待，點知又幾好食4. 茄子 - 好香孜然味😋外皮燒到脆脆地👍🏻最不推介：豚肉士多啤梨🍓熱嘅士多啤梨，怪怪的🤔同豚肉唔夾飲品方面，叫左asahi烏龍同普洱手工啤Asahi烏龍就係烏龍茶味冇乜特別手工啤都飲唔出普洱味🤔不過如果鍾意飲手工啤又多人夾可以$148/4枝會試到多啲味！提返各位佢只收現金！

長洲首間串燒專門店，小店主打地道串燒🔥更獨創流沙奶皇脆脆平安包😋🍡充滿長洲地道風味😃先點兩款特色飲品🍹🍸山楂梳打、話梅梳打，再來多款美食😋蒜燒原條茄子、鐵漢撈丁、酥米花雞、流沙奶皇脆脆平安包、辛辣明太子手羽、燒花枝丸。即叫即燒，香味十足🤩

💟脆脆平安包 $28一串有兩大粒平安包 好有長洲特色奶黃餡鹹鹹甜甜好香鹹蛋黃味 仲有啲沙沙口感包皮炸到金黃色好脆 而且唔會太煙韌 咬咗一啖啲奶黃餡就喺尾尾度爆哂出嚟🤣🦑冰鎮黃金咖喱魷魚 $38平時嘅咖喱魷魚都係熱食冰鎮魷魚口感特別爽脆 有啲似果凍比車仔麵嘅玻璃魷魚更Q彈咖喱味香濃唔會太稀 帶少少辣味另外有兩舊蘿蔔 不過唔知點解超級酸係唯一扣分位🥺🔥椒鹽炸燒賣 $15食得出係魚肉燒賣 口感煙韌但無咩椒鹽嘅感覺 似原味炸燒賣🥜炸花生麻糬丸子 $28呢個作為甜品做結尾就完美啦麻糬丸子皮雖然比較厚 但就超級煙韌好咬入面有好香嘅花生碎感覺就好似炸花生湯圓咁呢兩款就可點可不點：🐔照燒雞肉串 $12醬汁都幾濃鹹中帶甜 不過無咩雞肉爽彈嘅口感 比較似打過嘅免治雞肉🌶️霜降一口牛 $25個人認為呢款正正常常無咩特別朋友就話覺得肉質偏鞋似牛肉乾。整體都好有驚喜 係唔知點解即叫即燒但都唔太熱。

每次來長洲都有一堆想吃的 但胃就只有一個 所以不可以浪費每一個quota😆這家絕對值得!!!來到長洲就當然要吃平安包 這個脆脆平安包(流沙奶黃)小小一個剛剛好🥰酥炸白飯魚也好好吃🥰冰鎮咖喱魷魚蝦籽撈粗也好惹味😋比預想中有點辣🌶️

一場入到長洲，當然要食晒book抹咗嘅餐廳。呢一間餐廳就係為咗佢嘅奶黃平安包同埋鹹蛋黃臘腸而去食的💕平安包其實就係普通的奶皇包，只係麵包上面有平安的兩個字。麵包有脆過，係外脆內軟！奶皇包的餡料係會爆出來的，即叫即炸的關係所以係好熱嘅，要小心會焫親。鹹蛋黃臘腸就好普通，用嚟影相係不錯的但係冇話一定要食😛

上網查長洲有乜嘢必食嘅食物，見到有好多人都介紹呢一間串燒店係一定要食的！同平時嘅串燒店係有啲不同的，有平安包食，仲要係炸咗嘅😉叫咗芝麻餡料嘅平安包，麵包炸得好脆，芝麻餡料會爆出黎🖤另外叫咗一啲普通的串燒，質素就係正正常常~