長發麵家 (已搬遷) 新店位置

因為要上班的關係 個幾月冇寫食評了但 今天 突然間 好想寫喎!之前有日同幾個朋友去左賽馬會創意藝術中心參觀.跟著就由石夾尾行左落黎深水埔耀東街這間大排檔喇!這次是我第二次來長發了!第一次的牛腩和墨魚丸 給我的印象太深刻了!!所以 一直以黎 都好想encore!!! 上次食湯面 今次就試下撈面先!豉油皇撈面沒有想像中咁咸! 亦都冇之前食評講過話會較油膩.會唔會豬手配既撈面 同佢既招牌豉油皇撈面 係用唔同既調味料去撈既呢?同埋 撈面要加成9蚊! 下次都係嗌湯面算了. 反正 最好吃的是 那些配料!如標題所說.. 最好味的是墨魚丸!!它除了非常爽口彈牙之外! 還充滿著墨魚味的!!絕對是真材實料, 用墨魚打造而成的!朋友說它這麼爽口 應該是落了馬蹄! 加強口感!我又見到師傅熟手地月用手將新鮮製的墨魚槳製作成一粒粒的墨魚丸.師傅動作很快.但墨魚丸又排得相當整齊! 很快地, 一盤又一盤的墨魚丸已經排滿整個架了!哈哈 邊吃東西 可以邊看師傅的即場表演! 真精彩除了墨魚丸外..我們還叫了牛腩和豬手.牛腩比起上次好像遜色了.因為今次的牛腩是碎十十的.一碟牛腩撈面有十多塊牛腩 數量雖多 但size較小.記得

Came here for the 1st time. Interesting street stall.Wow the pricing was out of expectation - seemed a bit expensive igs' legs 豬手 and fish ball noodle HKD28 - quality oneWonton noodle - L loved it, however it was a bit too small for its portion, charging HKD19Ordered the cuttlefish ball and fish ball in soup, charging HKD28 Overall the quality was good, the pricing was a bit of out of expectation, provided this stall is a street stall, not much decor, or even air-con.

我返工成日都會經過呢度,今日一定要食一食呢度o既豬手,好淋,好入味~超正~~~另外仲有牛腩係老闆自己做架~~好好味.....最遺憾係唔記得影相=.="

這地方不就脚, 每次都要專誠駕車前往, 不過為了嘴饞, 無法喇.有報導說除了中環的大牌檔之外, 這裡的牌照到期便不會再存在.於是叫了同樣嘴饞的老友記老遠從香港島駕車來, 呢一餐只是汔油錢隧道收費也不菲.叫了豬手撈麵和牛腩撈麵各一, 再加豉油王撈麵.豬手撈麵是一貫的水準, 腍滑入味, 麵是爽滑彈, 帶少許梘水味. 收貨.牛腩郤不行, 煮得太耐了, 太鹹, 牛腩給煮到爛熟, 變成一pat pat, 一摤便散. 不行.豉油王撈麵也是太鹹, 而且三樣食物差不多味和鹹. 美食變成受罪, 要向老友say sorry.可能老細想著將要結業, 已經無心戀戰, 不在著意出品的質素?老友爭付賬, 在此謝過.

今日又係每星期一次既逃學日, 為左唔好白費Michael比左個咁寶貴既機會我地, 我決定好好對待自己個肥妹仔!!! 帶佢去深水步食肥佢!!!!長發其實我成日都經過, 但係就無一次入過去食! 所以...我既第一次又比左件肥妹啦。 我地揀左馳名既撈麵, 餸方面就要左墨魚丸同埋牛腩! 墨魚丸有墨魚味得黎, 口感仲要一流, 一d好粉既感覺都無!!! 正!!!牛腩既腩汁亦都一流, 腩味十足, 牛腩亦都唔太UN, 正!!!麵簡直就係一流呀, 麵既味道配上腩汁, 正!! 好夾!! 再加埋麵既口感爽口彈力!!! 真係一生人點都要試一次呀!!!!!!!! 食緊麵既時候, 果度D伙記仲話, 如果呢條街唔係有佢地幾間大排檔, 條街根本就係一條死街!!! 我都好相信佢地絕對為呢條街帶黎人氣!!

見op咁多食評, 幾個月前試過一次, 好好食呀, 上個星期同老公講想食豉油麵, 於是又再黎啦 星期日下午, 大約20個客, 我地一坐低就叫左兩個豉油撈麵, 好快就送上兩碗湯, 好鮮味, 係以前好傳統雲吞麵既湯呀, 記得亞媽話係用大地魚煲架 , 之後兩碟麵即到, 唔好見d豉好似好多咁, 撈混d豉油食岩岩好架 , 麵質好彈, 硬硬地, 個汁加麵未食落口已經好香啦, 仲有d蔥花tim, 簡單一碗豉油麵, 係與別不同架, 一定會再黎 $19一碗淨麵好似貴左d, 但味道真係好, 同埋都多麵架, 值得食呢

When you traveled all the way here to eat at one of many pre-historic stalls on the stretch, its a no brainer to order the most eulogised dishes... in this instance, its noodles all the way! ***************秘制豉油撈麵 -The matching soup arrived 1st, carrying essences of prawn shells and pork bones but unnecessarily substantiated by that liberal sprinkling of MSG. Although I felt no qualms ordering their signature noodles, heaven forbids customers are cursed if they ask for it to be combo'd it with

因為我常常會到深水這區，竟然沒有到過這間麵家光顧。openrice 這網站也是大約幾年前已發現，現在才登記做了會員。看到了其他會員的介紹，本想試試豉油王撈粗。結果點了雲吞撈粗 ... 吃完了撈粗，到最後才發覺有點豬油的香味 ...雲吞竟然是二十多年前的風味，各位會員一定要試試，因為我連湯也喝光了。之後，我貪心地再叫一個淨魚蛋。魚蛋很彈牙、魚片也香口，連湯有點魚味，我同樣喝光了。X 口福的魚蛋、魚片、湯底雖然不錯，但這家比它更為出色。有空我便會試試豉油王撈粗、豬手及其他。

今天朋友正好來有長沙灣工作,午飯時打電話來說一起食飯,於是和他走來深水埗試食這裡的豉油王撈麵,我們來到時人不太多剛好有兩個位於是我們便坐下點了兩個豉油王撈麵,等了一個我們的豉油王撈麵,來到,我看上去好像沒什麼突然的,好像一碗淨麵一般,心想會不是名過其實的店呢!於是把豉油和都撈混一口食河落下去,一食真是驚喜,豉油有點甜甜的超好食,麵就剛剛煮熟,非常彈牙,差D咬唔斷而撈麵跟的湯有很重胡椒味但我感覺飲河落去都ok的決定以後經過都要整叔番碗

之前睇食評已經想去, 今日終於一試了!!先係老友order個牛腩撈粗見識下先....因為未試過睇下咩野料子先再決定都未遲一上枱份量唔多, 男仔一定唔夠飽我第一時間拮左佢碟上僅有o既牛筋食先wow~~~好趙之餘又唔黏口....仲好夠味tim豉油汁無想像中咸, 嗌得過拿拿聲叫多碟慢慢品嚐牛腩用筷子已經可以夾得開, 夠晒淋個湯無乜特別, 無乜味精都ok!!個麵出奇地好味....無鹼水味&夠咬口, 第一次食粗麵感覺真不錯!!搵日再黎試下~~~叫3碟兩份食差唔多..HAHA

馳名的豉油王撈麵用了不少豉油看似很咸，其實是甜豉油所以是甜中帶咸，份量看似不多但吃下去也不少。麵不帶梘水味，咀嚼的時候"索索"聲有咬勁。湯就顯得較濃味，頗鮮甜而且胡椒味很夠，有點辣辣地但又不會過火。

看了這個網頁飲食情報的深水埗必吃秘店，才發現有這一間傳統大排檔式的食麵地方，二話不說就來試一試。如果要食環境就絕對唔適合了，因為真是街邊的大排檔，不過我只是重視食物的質素，其他野都唔理了。去了立即叫了它出名的豉油王撈麵，再叫了一個正魚旦和牛腩撈粗麵。豉油王撈麵我想是應該落了豬油，不然味道不是這樣的，不過......就係想黎試這一些唔健康的食物。而d豉油甜甜地都幾香，個都麵都ok，不過沒有想像中這樣好，還是懷念澳門這一碗魚旦水餃撈........算吧啦，係香港這樣已經是好好了。正魚旦:都ok的，水準之上的產品，魚旦彈牙魚片爽口牛腩撈粗麵:是否我叫錯呢???來的好像係牛筋撈粗麵???不過都算吧，因為味道都幾好，原諒佢一次啦。應該都會有下一次的，希望這些香港特式能保存下來，因為香港越來越少這一些有香港傳統特式的食物了。

對上一次幫襯已經是數月前, 是還未真正太熱, 到真的三十多度時, 是不敢領教的.久違了的味道, 為食蟲在狂鑽, 這幾天秋風起, 是去祭肚的時候了.專程駕車去, 因為公車路線不就脚, 這裡泊車很方便, 有錶位可泊, 又可以偷雞非法泊在路邊.檔口沒幾個客, 一坐下便叫了最愛的牛腩撈粗麵, 一分鐘有得吃.是如常的廣式炆法, 顔色黑漆漆, 殊不討好, 但郤美味非常, 豉油香, 豬油香, 麵香.牛腩入味, 腍滑, 不痴牙, 不需要指定爽腩或坑腩, 因為已經預先切好, 不要以為這汁會很鹹, 其實是剛好, 湯底有味精, 但不太多. 只是要彈他菜也不給一條, 太吝惜.廿六大元看似貴, 不過物有所值.是令人滿足的一餐.

見到咁多唔錯嘅食評 , 雖然唔肚餓 經過都嚟試吓 , 因為血脂高了不小 , BMI 超標好多最後選碟冇肉嘅豉油王撈麵豉油王撈麵豉油嘅顏色深但不太鹹 , 其實只係小鹹而且不太油膩 , 聽講係有用到豬油 ( 就係想試吓d豬油 )不過完全感覺唔到豬油的油香 & 美味 麵嘅質感唔錯 , 比普通幼麵好一點點整體上都係有d失望 環境就係街邊大排檔嘅環境 ,喺條窄小街上嘅大排檔有d位喺街中間 , 人來人往嘅時候 , 都唔係咁方便 , 30度+ 高溫仲會更難頂如果唔係聽講有正嘢食 , 都唔會嚟

今日去到深水埗...就跑去長發首先...叫左牛腩米,牛腩食落去口中散發出一陣香味,而且好林....的汁不單止無鹹味..仲帶出牛腩香味....食左一口...見到店員埋頭苦幹...整魚旦..我就整碗魚旦米...第一口魚味仲末散發.第二口魚味開始出......好香.....而湯底正宗雲吞麵湯...入味...清甜...都飲到一的都無同桌的女人...都食完又食此餐回味無窮...下次試埋其他食物......食物正....環境就變得次要