長發麵家 (已搬遷) 新店位置

因事忙久未提起筆桿，好像有點生澀之感....積壓着的許多食評已是堆積如山，也就更難提起勁去寫了....想不到今日再往"長發"一遊，吃到了一碟稱心滿意的麵條，由此寫癮忽發，決定先打一下尖，先來書她一筆吧....想吃蝦籽沒有蝦籽，想來一客撈粗又不得要領，本是應該令人氣憤的但既然一場來到，不吃又不忿氣，唯有再與雲吞及牛腩再續前緣了....幸好味道依舊是好極 ---- 牛腩極濃極香極腍，無論是腩位以至根部都是不相伯仲的好吃。柱候味是濃得化不開，是小時的老滋味，錯不了。麵條的彈牙煙韌讓人一吃便暗地喝一聲采，豬油的香氣更是令之生色不少。公仔箱所謂的名人介紹甚麼的竹升麵條和這裡的一比，實在是差天共地呢....吃至尾段的少許鹼味仍是老問題，不過光是吃着那一口充滿彈性的麵條，這缺點是可以原諒的吧....雲吞是分開另上，夠細心。蝦肉及豬肉各佔一半的饀料，是傳統，但若豬肉能用上較肥的就更滑更香。饀內滲有不少的蝦籽，很香，算是彌補了不能吃蝦籽撈的遺憾吧.....雲吞湯未喝已先嗅到很濃厚的蝦殼香，色水卻極清澈；再喝，大地魚香也隨之而來這一口湯，對小弟而言，才是主角呢....好像說得有點誇張吧不過當您有機會一嘗時

在自己出生的年代，香港的經濟正在急速起飛，用豬油來撈飯的日子，在印象中好像沒有出現過。經濟起飛物質充裕後，人對於健康亦較重視，與健康有關連的飲食，人們同樣出現較高要求，豬油開始被列入不健康食品系列，其後亦漸漸在各飲食業中消失。今次是專程來到舊式大排檔「長家麵家」，就是為了一嚐豬油撈麵的味道。近日天氣雖然削涼，但坐在室外進餐仍然感到悶熱，坐下後馬上點了豉油撈粗($18.00)，不一會便送到。看上去除了黑漆漆的豉油外，還有些反光的感覺，心想應該就是豬油。用筷子撈了數下，馬上試一口，感覺咸香味有點不夠，但豬油的油膩感卻十分濃厚，再加點清新的蔥粒，正負兩種口感並存。可惜麵的水份多了一點，如果隔水再做得仔細些，撈起來的效果會更佳。附上的小碗清湯的味道濃郁，下了的師傅應該是元兇，所以只呷了數口便停手。臨走前突然看見一張熟悉的面孔，其實是「我識佢、佢唔識我」的「藍鰭吞拿王」。早前光顧了由他開設，在老尖的「剛填咖啡」，來想過去跟他說聲「請用心做食肆」，不過還是算吧。此等「掛架頭、賣次貨」之流，請他用心做食肆？下世吧。

在對面吃過了蘇記，走了過對面的綠色鐵皮屋吃麵，在走進鐵皮屋，見到一煲超大煲的牛腩在炆煮中，鹵水很深色，而牛腩也如鹵水一樣的深色，看樣子非常對版，未坐下已心想一定要試牛腩。店內只有數張圓枱，在周末的午餐時段也真的半滿了，所以跟另外兩位女仕搭枱，但見她們在下午時份邊吃麵，邊隊啤，真的令我也想飲埋一份，也說回正題，除了要試牛腩外，也非常想吃其有名的豉油撈粗，所以最後點了一碗豉油撈粗及一碗牛腩墨丸河多色。先談那碗牛腩墨丸河多色，個人認為吃牛腩，最好是吃河粉，因為其腩湯及腩汁可輕易的被河粉吸收，味道更好，今天的河粉，也是幼滑好吃，是湯河的一大條件，但是就不是我吃過的最好的一次，以湯河來說，可以再薄及滑一點；墨魚丸也算是彈牙有嚼勁，可是墨魚味不夠強，始終也是大角咀的魚鱻魚的最好吃；而牛腩是潮式的鹵水腩，和吃清湯腩是另一種感覺，腩汁的鹵水味超強，帶起了整碗粉的湯，而腩肉就是炆得很軟腍，縱然不是爽腩，也是肥瘦適中，吃起來很入味而又不會「痴」牙，令我沒有後悔點了牛腩。再來的是只售十八元的豉油撈粗，一碟撈粗跟上一碗清湯，想不到這附來的湯也是很認真，用上了大地魚來煲，用來作雲吞麵的湯底也稱職，而那碟麵，真的

Dinner was good, really good in fact. There were leftovers, doggie-bags too. The drinkers were very well satisfied for the night. They had a swing on their steps as they headed out onto the streets. The lightbulbs were extra bright and blurry for them, but suited me just fine as we skipped our steps next door for just another extra load into for the palate before we head home. The blazing flames of an old stove on the streetside lit up half the space, as wooden tables and fold-up stools set aga

大家都冇留意,其實佢雲吞都做得非常好,有肥豬肉(非常重要)比較弱少少係啖湯.我去咗呢度差不多四年,每次都係食同一樣嘢(鼓油撈+淨雲吞)除咗好食,重有一樣嘢就係,佢令我記起細個病咗呀媽帶我去黑布街睇完醫生後,係樓下大牌檔買碗魚蛋粉返去比我食嘅情境(到依家都唔明..病要戒口嘅咩?)

上一次食長發的時候因為無帶相機所以無寫食評, 今次要求祁生再帶我去食, 因為我真係覺得佢地既麵係好好食, 今次又試下其他野啦, 上次食左牛腩和魚蛋, 我自己就覺得魚蛋腍左少少, 魚味都夠既。今次食左乜.... 剩豬手 - 豬手炆得腍, 唔會失去口感, 非常非常之膠口, 食完真係覺得自己吸收左好多骨膠原。 豉油撈粗 - Normal係食幼麵既, 但本人對粗麵有特別喜愛, 粗麵無皂水味好彈牙, 豉油汁好味。 牛腩河 - 呢碗係祁生叫既, 佢好味到連湯都飲哂。 京都炸醬麵 - 炸醬味係以前小時候的味道, 加D辣椒油真係好正呀~!!!! 芥蘭加腩汁 - 以前好似係冬天先有芥蘭食, 而家夏天都有之餘仲係正菜添, 加埋腩汁...呢碟菜一個字...正!!!係長發附近望下四周有一D感嘆, 因為周圍都係一D唐樓, 望望四周的高樓大廈, 真係唔知長發的範圍幾時會納入市區重建計劃, 我深信當政府開始規劃時, 長發呢一類鐵皮大排檔必定成為歷史......。

深水埗被各傳媒吹捧"維記"."劉森記"等逢若神明維記間中都會為個咖央西多踏落去,但劉森記就請我都唔到 "長發",老牌鐵皮排檔,無冷氣,地下濕..張木枱仲有油,數十年不變!正正就因為舊到唔恨時,就代表住佢留有7-80年代的味道. 記得細個時窮,平日有時一個豉油撈粗,一碗豬皮魚蛋加大量辣醬已為午餐,假期時老豆可能會帶去海灘玩下,玩完就例去呢d檔整碗牛腩河,至今那種味道仍在腦裡.. 長發有我喜愛的豉油撈麵,但由細到大,我只食粗.舊年我仍夠膽叫"加油",因為佢會淋上一層豬油,宜家食正常ok了

淨牛腩牛根 ($55 ) - 大大碟 個汁好濃好香牛腩味 牛腩亦好淋 不過無可避免有d鞋口 牛根都唔錯入味秘制豉油撈麵 ($18) - 味道其實唔算出色 同一般豉油撈麵無太大分別 略咸不過麵質好煙韌 有口感 很彈牙~ 未食過咁爽身嘅麵 好好味淨魚旦魚片 – 不錯 有魚嘅香味 彈牙淨墨魚丸 - 爽口彈牙新鮮 但未算好香墨魚丸味生菜 – 一般生菜價錢偏貴 環境當然唔好啦 不過依份風味令人好滿足

本金童天不怕,地不怕,只怕熱....都要黎呢間一試睇真 d...佢地有四把牛角扇吹住兩細三大枱...而且"晒唔應"...下午一點,三十三度...坐低其實唔係真係咁熱牛腩河$18....正過幾許名店啦....一碗有齊崩沙(一件),肥腩,瘦肉,牛根....湯底濃而不濁....十八蚊,一絕秘制豉油撈麵..一黎到...嘩..好多豉油喎...會唔會太咸?...好彩試過都可接受...隔籬哥仔坐低叫"豉油撈少豉油"....yeah...下次一於咁叫...麵身彈牙...無梘水味(可能被豉油豬油遮左)....正正正連碗味精湯都好 mile...drinkable小節1,呢度冇奶茶咖啡...去對面買過黎飲都唔怕見外...呢 d 就係風味之一小節2,舊區草根大牌檔....連一枝牙簽都唔苟且....用硬淨果種....唔用最 cheap,上面圓頭,扁身,軟 lailal 果種必定再黎

有成43篇好評都無一個劣評,更係要試一試,試後發覺openrice的食家真的很高水平,只要食物真的好食、出色,不會介意地方環境服務,各位果然係真正”食”家!!地點其實在明星酒家後面,很容易找;大排擋無冷氣,但有簷縫,各位請有熱汗淋漓的心理準備,否則等冬天,但到時可能被拆了,要試趁早!先來一碗18蚊的秘制豉油撈麵(只有散叫,不能加餸),很快上枱,豉油味鮮甜不咸,很香,甘甘地的,落了豬油的原故;麵較幼身和硬身,都爽口彈牙,一點梘水味都沒有;附送的清湯很清甜帶有蝦子味,正!!跟住再來多個牛腩牛根河,本以為是双拼26蚊,原來老細計了單拼18蚊,牛根得一條,但總算試了味,各位下次要講清楚;牛腩汁很香很濃,但不咸,有種鮮甜味,汁混合了湯變成深啡色更搶口,和旺角榮園很相似,而且都是大排擋;牛腩入味但較韌,頗癡牙,食完一定要撩牙;牛根蚊得夠淋,又不會淋pat pat,正!最令我意外的是這裏的辣油,真係要試試,香味夠濃,辣味足,未曾食過甘好的,點一些拌濃味牛腩,天作之合!!!

星期日訓醒, 祁生提議去吃豉油撈麵, 本著未吃過的心態跟他向深水步出發。星期日的早上天氣還可以, 到達長發時已經有2枱食客, 祁生之前已經幫襯過此店, 所以已經幫我決定叫乜~豉油撈麵 x 2剩牛腩淨魚旦菜心豉油撈麵果然"掂", 豉油帶香唔喊, 應該加左少少豬油, 麵身夠彈牙無梘水味, 蔥花夠新鮮, 唔夠可以再加, 對於蔥怪(我)係一大喜訊; 下次去吃我會吃...豉油撈粗多蔥~剩牛腩, 係坊間大多都做清湯腩的潮流下, 好耐都無吃過最原始的柱候牛腩, 腩身夠稔, 根炆得軟熟, 夠味入味但唔喊, 沒有太多味精師傅作怪, 肥瘦也適中, 只是有幾舊牛腩沒帶肥下比較硬。淨魚旦, 吃得出魚味, 但過稔....不過反應出佢沒有加入...化學劑喇~ (咩名唔記得)不得不提係長發的辣椒油, 夠辣夠香; 祁生第一次食無留意 (而家太多所謂辣椒油, 真係唔辣又唔香啦), 一下子重手左, 辣到佢出汗。

小弟鍾意食牛腩，但以往都係食清湯腩，又或者係咖喱牛腩。柱候牛腩？真係好少食呢。之前講過要征服整條耀東街，是日去到最後一站的長發，目標好明確︰一碟牛腩撈。等緊既時候，留意到那個大到可以煮成隻牛的大煲，那個裝住整間舖頭的心血的大煲。只見小二揭起煲蓋不停咁搞啲牛腩，一陣白煙隨即冒上，真係睇見都期待。牛腩撈話咁快就到。牛腩好深色，食落好入味，醬汁有好濃郁的香味又唔會過鹹，好出色的柱候醬。牛筋好滑，但係冇咁肥個幾舊牛腩就稍為韌左啲，而且欠缺左牛味，係美中不足的。麵亦幾爽口彈牙，好容易就用啲汁撈晒來食。附上既湯好驚喜地非常之清甜，唔係味精湯而係有好香的蝦子味，又係好快就飲晒。好多人甘願付上幾百蚊去高級餐廳食，因為除左食物之外仲可以「食環境」。但其實大排檔都好風味十足的，懷舊的擺設，樸素打扮的小二和客人，散發住傳統味道的食物...而依種「環境」只需要幾十蚊就買得到，只要換一換自己既心態，其實個種滿足感都係一樣的，甚至可能更大。

大牌檔在香港買少見少，幾間傳統綠色的鐵皮屋在這條耀東街卻依然發光發亮。這天雖然熱得汗流浹背，但依然要支持一下香港遺產，選了一直想試的長發，因為看見其他食評所推介的豉油撈麵很吸引，愛吃麵的我馬上毫不猶疑趁機會點了這豉油撈麵。 撈麵上桌賣相吸引，麵色金黃，稍為攪拌一下碗底的豉油，然後馬上往口裡送，麵身非常爽口，這絕對是豬油的功勞，而麵條本身亦沒有半點梘水味，而看似會是很咸的秘製豉油卻是非常香甜，令這個撈麵如虎添翼，不消數分鐘已經把它吃完，令人回味。

早有心理準備要捱熱, 所以的起心肝, 食完這次便要秋涼後才會再來.下午兩點還高朋滿座, 遠遠見到檔口隔離有工程, 燒銲的火花四濺, 恐怕怏及池魚, 頗想退縮, 不過, 假如今次不吃, 便要數月後, 於是鼓起勇氣, 一於坐下.叫了以前未吃過的豉油王撈麵, 十八大元. 三分鐘有得吃, 用碗奉上的麵, 只清清的幾粒葱花, 下一匙辣椒油, 撈起發現豉油很多, 但不太鹹, 有豬油香味, 很好, 但太寡. 口饞的我, 不甚麼滿足, 於是叫多一碗牛腩麵, 立即送上, 牛腩有四五件, 有兩件是筋, 都炆得十分腍和入味, 又不痴牙, 是上上之作, 把麵撈起, 放在先前未吃完的撈麵碗中, 原來和豉油撈麵的哂士一樣, 大家都是十八大元, 那麼牛腩麵是抵食得多了!!!麵質方面, 是如常的爽彈, 口感十足, 和劉森記有得揮.這店的撈麵不像其他店般附上一兩條青菜, 很吝惜.食完大汗淋漓, 急忙走向附近的商店過冷河.笑臉是給食物的.

又再到深水埗搵食，今次到一個喊面都無既長發麵家。3個人食左以下東西：墨魚丸魚蛋河河粉 - 滿分！又滑又香，一絕！墨丸 - 2.5/5 分，一般，口感食落爽身，沒什麼墨魚味。魚蛋 - 3/5分，ok，魚蛋彈牙，沒有落味精胡椒粉之類的調味。牛腩撈麵牛腩 - 滿分！入味！香牛腩味！淋得唻唔會散，沒有渣。牛根 - 滿分！入味和淋！麵 - 有少少鹼水味，麵身很彈牙！4/5分古法豉油撈麵麵 - 有少少鹼水味，麵身很彈牙！4/5分 (同上)調味 - 聽其他食友說是加了豬油，但我食唔出香的豬油味，少少咸的豉油…3/5分以上3碗總共70大圓下次唻到必定會encore 牛腩撈麵同試下豬手撈麵！