閨•家 (西九龍中心) (已結業)

🌕Hello我係Moon🌕最近少咗返屋企食飯，對家常便飯有啲掛住，🥺每次一掛住家常菜就會嚟到呢度食飯😝咖喱魚柳飯- 😤咖喱的確係呢一度嘅招牌菜，用咗多種材料來炮製，😊仲要唔止係醬汁咁簡單，濃郁嘅味道實在同任何食材都非常之夾。 初初試嘅時候都分別要咗小辣中辣，之後今次試埋勁辣，😍如果本身食得辣嘅話相信都唔會好大難度，😗本身嘅咖喱已經齒頰留香，再加埋勁辣嘅後勁，就好似老火湯一樣食得越來越有味道，🤪配合埋白白滑滑嘅魚柳，再食埋正宗嘅絲苗白飯簡直係絕配。🤩秘製豬軟骨飯- 😌一個好味嘅豬軟骨除咗肉質照舊結實之外更重要嘅就係軟骨部份一定要淋中帶軟糯之餘又有韌勁，🤣就並非係一個好硬嘅脆骨。 😳不過係閨家呢一間餐廳點嘅大部份食物其實都實在令人回味無窮，😎大部份食材除咗係精心炮製之外更重要嘅係用好長時間令到食材非常入味，😜就好似呢一度嘅豬軟骨淡淡都係香淋爽勁，二秘製汁更加係一個特色，🥳比滷水汁更加濃郁，整體偏甜最適合用嚟撈飯。😏另外佢個豬扒都好好味！不過食主菜之前一定要飲返幾啖老火湯，😎標榜嘅絕對係冇味精冇添加劑，😜就好似家的感覺一樣😋🌕最後MoonMoon好滿意呢間家常菜🌕

今日收工唔想返屋企煮，就買外賣返屋企食，行過西九龍中心睇吓有乜想試有乜好食，見到呢間好似幾好幾啱食就買左一個飯、一個出前一丁和一個小菜歸家慢慢歎鹹魚煎肉餅豬扒飯：肉餅外面煎得好脆，食落去有啖啖鹹魚香味豬扒好大塊好腍，個飯加左d蔥油和鹹菜幾惹味青紅蘿白煲豬展：呢個湯係跟飯送，味道都可以，入囗唔係味精湯鐵板豬扒炒出前一丁：份量好大，味道好好味，豬扒超大冇得頂蠔油生菜：係跟餐加錢叫，生菜都幾爽唔差涼拌海蜇手撕雞：海蜇幾爽，雞肉撈埋個蔴醬好好味需然外賣冇堂食賣相噤好，但都冇影響到個味道

買外賣比細妹同老豆食，想飲湯關係就走左黎呢邊買，呢到送既老火湯好飲在足料同埋唔會好口渴。🥢海底椰栗子紅蘿蔔湯🥢一打開蓋好香海底椰，除左栗子紅蘿蔔既清甜仲加入蜜棗。🥢咖哩牛腩飯🥢　$51咖哩汁又白又濃又竭，有唔辣/大/中/小辣揀，後加辣椒油，我都算係幾食得黎講，中辣都覺得有D勁。想佢怩薯仔多D，係好食過牛腩，油炸過超香口。🥢鹹魚煎肉餅豬扒飯🥢 $51鹹魚煎肉餅係老豆最愛，鹹香惹味，外賣拎返黎都仲脆口，餸飯白飯一流。豬扒今次有少少唔係咁靚仔，一邊有少少燶。🥢手剁香煎蓮耦餅飯🥢 $49肉餅有粒粒爽口既蓮耦，比起鹹魚煎肉，肥肉比例多少少，肉汁豐盈。

好耐冇去過西九龍中心，好多餐廳都唔同晒，見到閨家午市時間排晒長龍，我都跟住排埋一份，大概等15分鐘就入得喇。叫飯就會跟老火湯，每日都有唔同款嘅湯➡️星期日係: 雪梨蜜冬百合煲豬展餐廳標榜無添加味精，所以寧舍放心，盅湯入面好多料，紅蘿蔔煲到腍晒好好味▫️柱候牛筋腩飯🐮🍚無論係餸菜同飯量份量都好足，牛腩都好大件，煮到好腍好入味，牛筋口感好好，又大件，滿滿骨膠原！底下仲有蘿蔔，索晒腩汁好濃郁▪️真 手撕雞飯配沙薑汁🐔🍚手撕雞肉好嫩，唔會好鞋，雞肉本身都好夠味，點埋沙薑汁就更惹味，撈飯好好食！同樣飯量十足，男士都一定會夠飽▫️香煎豬頸肉🐷估唔到小食份量都幾大，豬頸肉煎到好香，有咬口，附上酸辣醬點！伴碟仲有沙律菜食，好fresh▪️凍檸蜜🥤餐點熱飲+$5 ; 凍飲+$7檸蜜酸甜度適中，解渴好飲

又黎深水埗食呢間野，今次主要叫小食為主～不過都叫左兩個主食～真係好平好抵食！今次試下個新既鰻魚炒飯先！😋呢個炒飯好足料好大份，用日式豉油炒出黎，味道偏甜，口感唔似茶餐廳果種快炒乾爽既飯，係比較軟既口感配搭埋粒粒鰻魚，都係唔差既！豬扒蓮藕餅飯都係每次黎會食既菜式之一，今次個擺盤都幾靚🥰 豬扒入味，唔會太乾～今次叫左4碟小食🤪多到張枱都差啲擺唔落，因為佢每碟都份量十足！炸饅頭依然係我必食既野😛呢個涼拌海蜇手撕雞都幾正，朋友都覺得幾好食😋用雞髀肉黎整，每塊肉都係嫩口～手拍青瓜夠開胃！老火湯依然出色～呢個價錢其實真係好抵食～

🐷🍚香煎蓮藕餅豬扒飯🍵配送是日例湯 $50☕️熱檸檬水$5想來試這間好耐，今日經開要來試試，本人係唔食蓮藕，但係這裡出名這個飯就試下啦，接待員送餐來時已經覺得份量好大，有大大件煎豬扒、厚厚的香煎蓮藕餅，豬扒、蓮藕及飯面都有豉油汁，飯旁配有雪菜及蔥油，這個飯餐送例湯都係$50，加$5就多杯熱飲，真係勁抵😍🐷🍚豬扒係早一晚醃定，所以好入味，肉質淋，有肉味，必食😋👍🏻蓮藕餅真係唔覺得食緊蓮藕，係好味嘅，但比較油膩飯的外圍比較硬，唔知係咪已上碟一段時間所以硬了，入面飯有點暖可接受飯旁有雪菜及蔥油，我個人就喜歡蔥油🍵湯就真在冇得輸，真材實料，湯料都多，好好味，真係無味精😋👍🏻☕️熱檸檬水正常發揮

晚市見好多人排隊，咁就排下，安排座位很慢，而且店面很細，又有座位限制，其實入客都入得好慢。一路等嘅時候，店員又走出嚟，講9點截單，可以坐到9:30，咁半個鐘佢預啲客點食，一係你早一個鐘截龍啦。咁我哋都想試吓，所以繼續等。終於等到喇，見餐牌有啲健康嘅麵食，所以叫黎試吓，另外有啲小食又叫黎試吓。總括來講，個麵同湯底係冇味嘅，唔好食，冇乜特別，只係個麵有啲顏色。個豬手跟麵食嘅，得兩嚿骨，個汁唔好食，仲衰過外賣兩餸飯啲豬手。另外嗰兩個小食，睇相都見到，得一大pat汁，撈落去啲海蜇同腎度，如果你好鍾意食汁你可以去試吓。最後仲加咗一件豬扒，上碟時已經勁油，而且勁薄身，好似掉咗落去炸油池度炸過咁。總之間野又細唔好坐，服務態度又差，最重要係啲嘢唔好食，又賣到好似好健康好屋企味道咁，冇下次。

-🔸招牌豬扒飯 $48🔸花雕醉雞米粉 $45🔸涼拌海蜇手撕雞 $38🔸油菜 +$12🔹外賣 +$1@-星期五收工買外賣返屋企食，揀咗依間上過Yelopenrice嘅良心小店，主打住家飯餸，仲有無味精靚湯，勁有家的味道。招牌豬扒飯嘅豬扒好大塊，而且醃得夠入味，加埋豉油同葱油，超級完美嘅組合啊！花雕醉雞米粉有細心地分湯上，醉雞非常入味，酒味出眾，肉質結實而嫩滑，非常出色！涼拌海蜇手撕雞好啱熱天時食，份量足又新鮮，做開胃前菜一流啊！

放工到深水埗閨•家吃晚飯😊， 位於西九龍中心， 之前食過對這裏的手工麵印象深刻🤤， 今次再來晚餐。 可惜當晚沒有手工麵😅，所以我點柱候牛筋腩烏冬$50、 咖哩豬扒飯$50、滷水鳳爪$30、 老火湯、 熱檸茶$5、凍檸茶$7。 🔸柱候牛筋腩烏冬🍜 ～ 牛筋軟滑， 牛腩有兩大件， 沒有手工麵，烏冬都不錯。   🔸咖哩豬扒飯🍛 ～ 咖哩味濃香， 豬扒都很入味。 🔸老火湯🥣 ～ 老火湯真材實料， 飲完不會口渴。 🔸滷水鳳爪🍲 ～ 鳳爪滷得幾好，滷水汁帶點甜味。 🔸熱檸茶☕ ～ 熱檸茶消滯。 🔸凍檸茶🥤 ～ 凍檸茶味道正常， 茶味都幾濃。 今次沒有手工麵，下次要再來食過😆。

約了朋友到西九龍中心， 他介紹閨•家， 餐廳門口好多人排隊😯， 好彩我哋都好快入到去， 店內提供小食、飯或麵類， 價錢都幾抵。 滷水鳳爪一碟有四隻，滷水夠味。 咖哩豬扒飯微微辣帶甜， 豬扒份量都多👍🏻。柱候牛筋腩烏冬的牛筋炆得又腍又夠味， 口感滑嘟嘟。 老火湯跟咖哩豬扒飯上， 清甜好味🤤。 飲品就點最簡單的熱檸茶和凍檸茶， 兩者都好飲。 這裏的菜式沒有味精， 推介可以試下。閨•家 (西九龍中心)地址: 深水埗欽州街37號西九龍中心3樓319號舖

好少出深水埗，仲以為一定係劣，或者冇人幫襯嘅餐廳，點知去到就好有驚喜，門口有條長龍！一啲都唔似街邊的茶餐廳！門面雖有人龍，但唔需要等太耐，好快入得！服務員態度亦好好，舖面空間唔多，都有十多張枱，裝飾牆上亦有廣告sell湯，果然有家的感覺！Menu好多選擇，價錢唔貴(見圖)，嗌多幾款都唔心痛呀！食物非常重點！碟碟都大大碟，仲要有哂配菜裝飾，真係唔hea，睇得出係有心機！今次點咗重推的湯，大大盅，好正，仲要係無味精系列！好足料，食埋湯渣吖香茅雞翼亦好香脆，再配小小雪菜，食完都唔會膩。豬扒飯大大碟，仲有2塊大豬扒，無睇錯，係兩塊吖！足料！

今日去開深水埗嗰邊行街，順便食埋晚飯通常我都會鍾意喺西九龍中心度食，因為選擇都好多同埋覺得好似舒服啲跟住行過呢間餐廳見到門口都有人排隊，再望一望個餐牌，原來有冇味精嘅老火湯同埋食品而且價錢仲好親民，所以就決定排隊試吓原來每日既湯水款式都會唔同，真係日日黎都有唔同湯飲套餐已經包括左個例湯，我地叫左咖喱豬朳飯同埋炆牛筋腩飯個湯好清甜，真係幾好味，冇味精，係屋企既味道我幾鍾意個咖喱豬朳飯，個汁好好味，個豬朳鬆軟又煎得夠香牛筋腩個份量都幾多，而且炆得好腍同好入味真係幾有水準 茶餐廳價錢食到無味精既食品真心抵

勞碌咗一個上晝，又到放飯時間，今日出面酷熱天氣，自我感覺一出去就會溶咗，所以決定留返喺西九龍中心搵食，難得閨家今日出面嘅人龍係可接受水平，於是就決定排隊入去。每次吸引我入嚟嘅其中一個原因，就係佢嘅冇味精靚湯，都市人真係好需要補一補。星期四係山藥南北杏合掌瓜煲豬展，佢唔單止冇味精，而且亦唔會過鹹，所以我真係好鍾意佢嘅湯，真材實料，又原汁原味。香煎蓮藕餅豬扒飯可以話係佢哋嘅招牌菜，每次嚟到都一定會點呢個餐，尤其鍾意佢嘅蓮藕餅，夠爽口，送飯一流！另外仲揀咗慢煮豬軟骨菠菜麵。慢煮豬軟骨份量勁多，基本上食曬個菠菜麵仲有一半豬軟骨，味道亦唔錯。菠菜麵味道幾清新，而且湯底都好味，所以其實就咁食麵都已經不俗。溏心日本蛋都好有水準，蛋黃夠香，估唔到小店都能夠做到咁出色嘅溏心蛋。滷水豆腐原來份量勁多，豆腐疊成兩層，而且滷得夠晒入味。下次一定會再嚟飲佢其他嘅冇味精湯水。

閨•家 (西九龍中心) (深水埗) #窮人恩物 有良心家庭飯餐廳，主打無添加冇味精，有菜有肉有湯有飲品，超級窮人恩物，味道都唔錯，咁嘅價錢係好抵，所以呢間我係會再食的佢有好多分店！我想講佢仲要服務好好！記得要食佢嘅招牌豬扒飯，好好食，簡單嘅煮法一啖一啖飯咁樣鯨吞，肉餅就不過不失，但佢嘅份量係超爆多，肉餅厚度好似鐵餅咁🤣，即係窮人恩物，40幾蚊嘅飯仲要送一個住家湯，加$12仲有一碟菜，傻的嗎！仲要坐得幾舒服環境唔錯，唔係普通嘅茶餐廳！味道👅: 7/10性價比：7.8/10服務：8/10

🍜香煎蓮藕餅紫薯麵💲4️⃣5️⃣蓮藕餅煎到表面脆脆地 拿捏得啱啱好👏🏻香口又唔會太過燶😋但因為係煎 所以會有少少油😶不過可以接受同埋唔會太過熱氣🥳入面仲會有啲蓮藕粒粒食落好有口感😆紫薯麵就食唔出有紫薯味 不過顏色好靚🥰反而自己幾鍾意佢湯底嘅味道 差唔多成碗湯飲晒😂(好彩冇味精唔怕XD🤫）🍛香煎蓮藕餅豬扒飯💲5️⃣0️⃣豬扒厚實得嚟好鬆軟🐷醃得好入味 唔會話太鹹又唔太淡 味道啱啱好❗️肉質仲幾Juicy tim😍仲有配蔥油可以撈埋一齊食就更香～飯類可送例湯 星期日:雪梨蜜冬百合煲豬展因為係雪梨所以會有小小甜甜地🍐本身對個湯好有期望 因為知道主打靚湯❗️但整體味道就偏淡🥲不過對於兩個飯都滿意 佢有屋企嘅味道😘而價錢都算合理抵食🥰