閨•家 (西九龍中心) (已結業)

今日黎到西九龍中心，今次揀左出名冇味精既閨家，夜晚真係好多人黎食！店鋪唔大，都要排一陣隊！😋咖哩豬扒飯 $50 咖哩好香！ 叫左小辣 唔算太辣又惹味啲！正！豬扒有煎過，係脆既！同埋唔會乾！加埋咖哩食好味！豬扒既份量都唔少，一個人絕對夠食！😍😋蟲草花百合無花果煲豬展 （跟餐送）呢個冇味精既湯真係必飲！係飯餐有送細盅既！非常足料！冇味精但飲落夠濃，唔會冇味！而且仲有好多料可以食添！🤣😋凍檸茶 加7蚊有凍飲，茶底唔錯嫁！

呢間餐廳成日都坐滿食客，飲過呢度嘅無添加足料靚湯，完全能感受到一份濃厚嘅住家味道。天氣開始凍，可以滋潤一下的確係好好嘅選擇。是日湯水「海底椰栗子煲豬𦟌」「涼拌海蜇手撕雞」麻醬味好香，海蜇爽口，最喜歡手撕雞啖啖肉，完全無骨「香煎豬頸肉」份量足，一盒足夠2-3人開心share，煎得香口唔會太肥膩，沾上醬汁更惹味。「香茅豬扒雞翼飯」個飯加上醬油同醃製過嘅梅菜，令香茅豬扒同雞翼 配飯都唔會好乾身，豬扒好正，夠淋唔靭又唔鞋口，額外加碼添多一塊。

今晚打完波 約朋友去深水埗食飯 搵咗間食家常菜嘅地方 呢間餐廳出名無味精 出街食飯都要食得健康啲😌我哋見到好多人都食招牌推介嘅蓮藕餅 我哋都決定一試 再配個健康嘅紫薯麵 加杯熱檸蜜潤下另外，我哋見到鰻魚炒飯好吸引 又好想食手撕雞 就唔諗咁多叫埋😅點完野食 估唔到食物都好快一一送上🤭手剁香煎蓮藕餅 + 紫薯麵麵同蓮藕餅是分開上 不是放在麵上 很好🙂蓮藕餅好厚 兩面都煎得香脆 但不會很油膩 豬肉配蓮藕粒好好味 中間好爽脆有咬口 果然係招牌菜😋紫薯麵紫色一大碗 麵條長 麵質唔會過軟 滑滑地 咬落都有質感 湯都好清 唔覺有味精👍🏻日式鰻魚炒飯鰻魚飯一上檯就好有驚喜 鰻魚獨有的香味已經吸引到我們的目光 炒得好有鑊氣 每一口都有香嫩的鰻魚，爽香的粟米和清新的菜 😊配上香濃的醬汁 味道調配得剛剛好 食完一口會忍不住食下一口 😋真的好滿足青欖青紅蘿蔔杏汁煲豬展湯鰻魚炒飯本身配有老火煲 今日個湯真係好青甜又好足料 好有家的味道 確實好真材實料👍🏻👍🏻仲好健康😄涼伴海蜇手撕雞原以為只是一碟仔的小食 但上菜後一點都不小食 大大一碟🥳 好足料海蜇爽口,雞絲滑嫩,配上香味十足的芝麻醬 啖啖肉 清新開胃 👍

上星期去左深水埗西九龍既 閨•家 買外賣反屋企食。咖喱牛腩飯：咖喱辣度可以由客人選擇，個人覺得小辣已經足夠，更會愈食愈辣呢！依度既咖喱吾同平時出面食到既咖喱會有椰香味，反而是充滿香料香味。牛腩數量大約3-4舊，口感林口，配合埋咖喱食，好惹味啊！而飯既份量充足，飯粒吾算乾身。咖喱豬扒飯：豬扒同樣3-4舊左右，估吾到豬扒口感甘林口，食落又吾會太鞋口；而且同咖喱味道幾夾！慢煮豬軟骨飯：豬軟骨吸入左汁令整體味道幾入味，而且口感林口，軟骨方面幾有咬口。雖然吾系咖喱甘惹味，但味道也不錯。另外仲有老火湯，夠晒貼心。

生活上的家庭快樂，於這個店子尋找，值得一來～老火湯香港人生活忙碌，相信沒時間會靜靜地安坐家中食晚飯，這個店有家庭感，一啖住家靚湯，暖。近日工作關係出外吃東西需求大增。工作忙碌，有時甚至三餐也要在外吃，很想品味住家老火靚湯也是難事，飲不健康的味精湯也不如不飲了，慢慢出現不少湯品店，堂食的這個店，飲了個暖暖湯，冷靜。油菜沒有油，棒香煎蓮藕肉餅豬扒香煎蓮藕餅豬肉，好吃～好入口的一個家常菜！香脆蔥油豬扒撈飯，好好吃。蓮藕去皮，煎肉面，煎藕面。蓮藕餅也是啖啖肉，粒粒蓮藕，其實這道菜製作過程困難，這店子做的棒棒在家試一試整！爽脆香煎藕餅，棒。感受家庭快樂溫度，吃一晚飯

黎呢到最緊要係飲佢個老火湯，好用心既一碗家庭湯水。🥢手剁鹹魚煎肉餅飯🥢 $48之前食佢個鹹魚肉餅併豬扒飯，得一塊鹹魚肉餅唔夠喉，最衰佢無得單叫，不過比我見到剩鹹魚肉餅飯，鹹香多肉汁既肉餅真係超下飯，🥢咖哩豬扒飯（小辣）🥢$50豬扒、紅蘿蔔、薯仔，所有材料都經油炸過，特別香口，尤其係豬扒表面焦脆。豬扒本身無咩底味，味道來源主要都係咖哩，佢個咖哩汁味道同口感係一流，汁撈飯都滿足！🥢日式鰻魚炒飯🥢 $52鰻魚粒都幾多下，仲有粟米粒同生菜粒做配料，粒粒飯都好有味，之前覺得佢地既米飯偏軟，不過改善左好多，但係作為炒飯黎講認真差咁D，做唔到炒飯既精髓。

同老公去西九龍中心買嘢，行咗一輪覺得肚餓，醒起三樓有間閨.家，主打手工麵及豬扒飯，憑著家常菜味道，深受食客歡迎，諗住去食返餐，去到餐廳門口，見到長長的人龍排隊等位，可見餐廳真的好受歡迎，我和老公都行到攰，唯一想快啲就係買外賣回家食。每款飯都送無味精足料老火湯，味道清甜好飲。招牌豬扒飯：每塊豬扒都用人手揼鬆，用香茅、蒜、並用梨汁代替梳打粉醃製，大大塊豬扒食落更加鬆軟入味又健康。咖喱牛腩飯：咖喱有不辣至勁辣選擇，用多種香料並加入椰漿和花奶調製而成，是自家製的咖喱，又香又好味，撈飯食一流！牛腩夠林又入味，配料重有薯仔和紅蘿蔔。鐵板雞翼炒出前一丁麵：雞翼煎得熟度啱啱好，香口嫩滑，麵亦炒得夠味。

深水埗呢間粉紅色門面嘅茶餐廳，食物種類算幾多，而且價錢非常平民。餐廳入面座位夠多，所以坐得會擠迫一啲。我哋揀咗咖喱豬扒飯配例湯$50呢度嘅湯冇味精、足料，所以味道濃郁，夠晒健康。跟餐嘅湯有一少盅，相當夠飲！咖喱可以揀辣度，揀咗小辣。咖喱汁有椰香，感覺有啲似葡汁。豬扒有4件仔，煎得幾香，而且仲有啲薯仔🥔呢個價錢真係非常抵食！另外揀咗豬手菠菜麵$45波菜麵綠色賣相唔錯，而且好健康。湯底都有味，豬手炆得夠腍，大概有五件左右，真係平民茶記抵呀！小食叫咗海蜇手撕雞，雞件比較大、海蜇清清地爽口有麻醬，唔會太濃味，感覺相當健康。另外加$5有熱飲揀咗檸蜜。

今晚有人遲收工，就決定去買埋外賣先回家一齊食！閨家主打無味精已有幾間分店，對我最就腳係位於西九龍中心3樓呢間！外賣每款食品都均加$1鹹魚煎肉餅豬扒飯 $51外貌有點像漢堡扒，肉餅我比較喜愛食煎的更惹味！豬扒超大塊，醃得好入味唔會鞋！ 飯加入蔥油更搭～花雕醉雞飯 $49醉雞的部分是最滑的雞髀位置，不過醉雞調味同一般的口味不太相同。整個味道是偏甜，應該加入了不少的冰糖，酒味唔算濃！每個飯均會送一個細老火湯：青紅蘿蔔煲豬肉 湯頭非常足料清甜。滷豆腐 $29滷水調味都是偏甜，食到五香滷料香氣。炸饅頭 $21 總共有3個，已淋上邪惡無比嘅煉奶。凍左外皮都保持到係脆的！

上次陪同事去食過西九龍中心閨.家，返到公司我哋讚口不絕話好食，其他同事也想試吓，今日放工就約埋一齊去食晚飯。鐵板豬扒炒出前一丁：佢哋嘅鐵板炒麵真係好有鑊氣，炒得又香又好味，豬扒軟嫩，大大塊重好入味，出前一丁麵爽口夠味！鐵板雞翼炒烏冬：烏冬都炒得好好味，加咗生菜增加口感，雞翼都好大隻又入味，煎至皮香肉嫩。咖喱雞翼飯：呢間嘅咖喱係必食，咖喱係用上多種香料秘製而成，醬汁又香又濃，揀咗小辣，辣度啱啱好，撈飯食係食不停口。配嫩滑嘅雞翼好惹味！所有飯餐都附送老火湯，老火湯足料夠火喉，味道清甜。凍鴛鴦，凍飲和熱飲都有優惠價。

夜晚食晚飯，提早15打電話落單，叫左2個飯2小食，落到去又等左40分鐘，嫌命長先食呢間，永久黑名單小插曲，環境好逼，見到侍應成盤咖哩倒咗落去個客度， 個客清潔完之後即時走咗

深水埗西九平民抵食茶餐廳 主打無味精湯水 呢日晚市去到 都幾爆場 keep住有人排隊 人均都係大概$50 仲有老火湯水飲 仲要係良心店 值得紀錄一下（餐牌睇圖）（其他放OpenRice).佢地一星期7日都有唔同是日湯水⭐️慢煮豬軟骨飯$48 跟湯水 凍飲+$7 油菜$+12 👍🏻豬軟骨係重點 有4大舊 （可睇圖）👍🏻即使無味精 豬軟骨都滷得好入味👍🏻肉質好軟霖 軟骨 軟到似啫喱 膠質十足鐘意食豬軟骨既我表示 好好食咁大舊 食果時有 莫名其妙 爽感.星期三 是日湯水 海底椰栗子煲豬展🤔雖然唔大盅 😋但望到好足料 清甜抵飲過鴻6堂果類湯水店 好多.👎🏻店舖細細 位位比較迫 放一個餐 就冇咩位..#閨家 (西九龍中心) (深水埗)地址：深水埗欽州街37號西九龍中心3樓319號舖.⭐️評分：味道：4.5/5 環境：2/5服務：3/5抵食：4.5/5

行經深水埗西九龍中心，見到閏•家廣告，平時去開北角分店，今次試下呢間先。一上到3樓就俾粉紅色牆吸引咗，好易揾到餐廳！平日晚上7:00都幾滿，等外賣的人都唔少~深水埗分店裝修比較cafe 風格，主要用粉紅色營造warm 感覺，牆上仲有個「見字飲湯」燈😂Menu 2間分店一樣，除咗我最愛的肉餅豬扒飯，今次決定食其他。🌟香煎蓮藕餅豬扒飯 $50🍛蓮藕餅比較厚同圓，就甘睇有啲似豬柳😂🍛蓮藕餅外表煎得香脆，但食落唔會覺得油🍛蓮藕同肉的比例剛好，每啖都食到爽口的蓮藕🍛豬扒用特製醬料醃過，有種香甜味，送飯一流🌟秘製咖喱魚柳飯 $48🍛咖喱飯系列可以自選辣度，有無辣至勁辣🍛咖哩用咗唔同咖喱加椰漿同花奶製成，咖哩椰香味濃郁，加埋小辣，好惹味！送飯一流！🍛炸魚柳份量好多，塊塊都好大舊🌟蟲草花百合無花果煲豬展湯 (隨飯附送)🥣基本上每個飯都會附送老火湯(小)🥣每個碗都見到有唔少配料，真係真材實料嫁🥣最鍾意飲佢哋個湯，真係冇味精，岩晒我呢啲平時想煲湯但係冇時間嘅人🌟涼拌海蜇手撕雞 $38🐔見推介必食所以試吓🐔估唔到咁大碟，份量好多🐔而且所有食材：雞絲，海蜇都均勻沾上芝麻醬，每一啖都食到醬汁🌟蠔油菜心 (套餐加

以全粉紅色嘅主題去裝修店面，充滿少女味，加上標榜冇味精，的確係我鍾意嘅Style！入面已經full House，我攞埋最後一張枱，好好彩！唔需要等位😝鐵板豬扒炒烏冬～豬扒非常淋，相信原材料應該都係有一定質素！鍾意佢炒粉麵都落咗好多菜，啱晒外食一族想保留一絲健康嘅欲望！涼拌海蜇手撕雞～雖然天氣開始凍，但係涼拌嘅菜式，總係一個唔錯嘅開胃菜，手撕雞唔會撕到碎濕濕，保留雞肉該有嘅口感！海蜇亦都非常爽口彈牙，配埋芝麻醬汁，頂呱呱👍🏻滷水豆腐～我非常入味嘅滷水豆腐，疊有兩層，每層四件厚切豆腐，份量非常大！

鮮少見到西九龍中心嘅食肆會大排長龍，見到呢一個場面非常震撼！睇返餐牌，價錢絕對合理！而且標榜零味精！我立刻去排埋一份😼Menu絕對多元化有炒粉麵飯同埋客飯，最主打嘅當然係佢令味精嘅湯品！基本上嗌飯餐都會送一個細嘅湯，唔需要額外點。每一日都會有唔同嘅湯品，今日係星期六，就係以下呢一款，啱晒秋冬天氣👍🏻湯品非常香濃，睇顏色已經知道！另外，果然係無味精，童叟無欺！梅子金沙骨飯～酸酸甜甜嘅汁料，令人胃口頓時大開，加上排骨已經係炆到非常淋，做得到骨肉分離，而且夠晒入味！鰻魚炒飯～炒飯嘅飯粒粒分明，鰻魚汁包裹著每一粒飯粒，鰻魚嘅份量亦都唔少，伴隨着粟米粒同菜，感覺更為健康。香煎蓮藕餅飯～手剁肉餅果然係最好食，口感絕對非同小可，加上肉餅兩邊煎到金黃香脆，簡直極品！