閨•家 (西九龍中心) (已結業)

🛍🥩🍛🍲🤤係西九龍中心行街買野，行下行下見到一間餐廳令肥仔少女心爆發😍😍粉紅色嘅餐廳呀🤩，仲要寫住無味精👍當然要入去試一試啦［見字飲湯］大大隻字，原來餐廳日日有唔同湯飲😋柱侯牛筋腩飯$52飯類主食包埋一碗細嘅老火湯，而且碗湯仲有湯料可以食都幾多架，牛腩煮得幾淋，不過牛筋就得一舊，多一兩舊會開心好多🤪梅子金沙骨飯$50金沙骨煮得好淋，啲肉完全唔黐骨，好易咬🦷梅子汁酸酸甜甜，撈飯都唔錯香煎豬頸肉$42🐷🥩估唔到係咁大碟👍唔點泰式辣醬都已經好好味，點埋仲好食，豬頸肉爽口炸饅頭配煉奶$20外脆內軟，冇硬的的嘅感覺，加埋煉奶甜甜地，唔錯嘅飯後甜品🍮😋整體來講，食物唔錯，不過我地遲咗去手工麵已經售罄冇得試😢下次再去試下先，而且職員服務態度好好👍值得一讚

【深水埗】無味精住家味道菜館對於味精及防腐劑敏感的人士，【閨‧家】絕對是一個很好的飯堂。位於深水埗西九龍中心的【閨‧家】，餐廳主打自家製無添加味精住家菜及愛心老火湯，而湯水每日都有不同款式，看一下餐牌，大都以套餐為主，而且價錢定位非常經濟實惠，難怪未到晚飯時間已經差不多坐滿了人。而當天可能運氣不太好，豬手、手撕雞及手工麵都已經售罄，由於要趕回家，所以最後都選擇了買外賣回家吃。【招牌豬扒飯】(HK$49)店舖招牌豬扒標榜不落味精及鬆肉粉來醃製，而改用雪梨汁醃肉，以人手逐塊逐塊揼鬆，豬扒很大塊而薄身，表面有香茅香料，可能沒有多餘肥膏關係，肉汁較少，略嫌比較乾身，飯有附送蔥油及雪菜，送飯一流。【手剁香煎蓮藕餅】(HK$49)因為不配飯的關係，所以比原先的套餐多一塊蓮藕餅，蓮藕餅非常厚身，入口吃到大大粒的蓮藕肉，很爽口，口感很豐富，沒有多餘肥膏肥肉，所以每啖都吃到蓮藕味道。【咖喱牛腩飯】(HK$51 )牛腩有點像牛肋條一樣，長度及口感都很近似，不算很硬的口感，咖喱汁味道不辣，相對比較普通。【老火湯】(跟餐細碗湯)隨套餐而附送的「老火湯」是蘋果紅蘿蔔煲排骨，味道非常清甜好味，很有媽媽煲的住家湯水

今日搵到間冇味精茶餐廳 🍴位於西九龍中心 仲有明星介紹添梗係入去食返個lunch啦 店名叫 “閨家” 冇味精茶餐廳 🍴 試吓有冇家的感覺先 我哋叫咗幾款都係餐廳推介嘅 慢煮豬軟骨飯 透過慢煮令到豬軟骨肉質好軟淋淋 ，軟骨部份好爽口 整體口感唔錯 涼拌海蜇手撕雞 + 手拍青瓜 手帕青瓜 蒜蓉勁多 味勁香 麻麻辣辣感覺食得好過癮 手撕雞海蜇呢個配搭 幾OK👍🏻 海蜇口感勁爽脆 最後叫埋碗冇味精嘅老火湯同兩杯飲品 老火湯唔算太大碗 但係飲得出真材實料 味道濃郁 今次我呢碗杏仁味好香 個人好鍾意❤️ 特別呢個時候對氣管非常好

讚1.肉餅同豬扒飯唔錯，首先好足料，大大塊肉餅好厚，豉油甜甜地，豬扒雖然唔厚，但煎得好有家庭風味，好開胃彈1.反而個燉湯麻麻，似乎得鹹味而無乜材料既味2.深水埗分店既環境可以改進下

記得第一次光顧「閨•家」是在炮台山蜆殼街店，食後感覺良好，印象不錯。「閨•家」食品標榜不用味精，讓客人食得安心，深受街坊歡迎。轉眼間，「閨•家」在西九龍廣場都有分店，當然也不能錯過這裡家的味道。這裡的香煎蓮藕餅、招牌豬扒、秘製咖喱、小食、自家製作手工麵等，都有水準，滿滿住家風味。本來想吃手剁香煎蓮藕餅配波菜麵，可惜手工麵售罄，惟有改配烏冬。手剁香煎蓮藕餅，雖然功夫多，又要材料新鮮，又要調教好蓮藕粒和豬肉比例，兩塊厚厚蓮藕餅煎得又香口又好味，保持水準，簡直系實力派嘅表現。雖然手工麵售罄，改配烏冬效果也不錯。手剁鹹魚肉餅飯，同樣做得出色。肉餅做得鬆軟入味，配上晶瑩剔透飯粒，飽肚又好味。我最喜歡這裡的老火靚湯，火候十足，是絕佳抗疫湯水，跟飯餐有一客小湯。今天老火湯是五指毛桃淮山煲雞，湯底清甜，五指毛桃健髀袪痰，是合時抗疫湯水。意猶未盡，再來單點小食滷水鳳爪和炸饅頭。滷水鳳爪一客有4隻，隻隻肥美飽滿，慢慢咀嚼最惹味。炸饅頭外皮炸得金黃香脆，內裡包身香軟，配煉奶食最合胃口。

一個由T8變返T3嘅晚上，大家都開始岀沒去揾嘢食！慶幸「閨•家」竟然喺風雨中等候大家，真係有家的〔感覺〕。兩個人，一人一樣主菜；「閨•家」嘅餸味道清新，輕輕嘅調味，食落都好似健康啲，有家的〔味道〕。『柱侯牛腩飯』$52柱侯汁清爽，無食到花椒八角嘅味道；牛腩牛筋加加埋埋都有7-8件，應該係用「嚿」，因為都幾厚；炆得都淋，友人無埋怨會痴牙；份量十足，大食友人食完都覺得飽⋯⋯『花雕醉雞•烏冬』$45😭無晒手工麵😭唯有食烏冬，因為唔想食飯；〔請留意個湯〕：食麵時，我都會飲啖湯先；一飲，「眼睛都發光了」，個湯橙橙哋色，十分鮮味，雖然無渣，但我哋知係老火湯丫；花雕醉雞，有4-5嚿，充滿「肉感」嘅雞件；雞件只係簡單醃過，蓋過雪味，然後花雕味可以包住啲雞肉；入面仲有好多大大粒嘅杞子☺️。回味指數：💛💛💛💛🖤。📍 閨•家 (西九龍中心) (深水埗)深水埗欽州街37號西九龍中心3樓319號舖

西九龍中心都幾多小餐廳, 呢間閨家好似特別多好評,就試下佢💁🏻‍♀️🍽 香煎藕餅豬排飯💰50擺盤賣相都好唔錯, 幾有誠意每碟都有蔥油同酸菜伴碟, 好開胃同下飯🐷豬排係餐廳既推介, 確實係好冧身,醃得幾好味藕餅係幾有口感,都煎得香,味道就淡少少🍽 香茅雞翼豬排飯💰50雞翼比豬排稍為遜色,雞翼比較細隻味道普通,煎得唔夠香,層皮唔脆的🍽每個飯都送湯, 今次係紅蘿蔔豬骨湯個湯味道係似屋企煲個種,幾足料💰50 仲有碗甘既湯, 絕對收貨🍽 手撕雞💰38💰38黎講佢既分量真係算多手撕雞係用芝麻醬同海蜇一齊撈芝麻醬調得比較淡, 海蜇好爽口但雞肉就無乜雞味,不過呢個價錢同份量甘多, 係抵食既, 見到幾檯人都有點呢樣野CP值高既用餐體驗, 唯一不足既係d檯擺得好近同隔離檯係拍埋一齊甘濟食一餐飯有兩隻蚊滋飛黎飛去非常適合食個快飯而唔系chill 住食既餐廳💁🏻‍♀️

有無人同我一樣咁鍾意炸饅頭配練奶？香甜配上軟綿綿嘅口感，真係一流啊🤤🤤🤤 介紹返我嘅飯堂深水埗閏家💗今次已經係第n次嚟食啦🤣 呢度既小食份量又真係好多好大份，我地3個人食都食唔曬，叫左手拍青瓜，好大條好脆～🥰 辣中帶甜～係開胃小菜，重點價錢平，食多少少都唔肉赤！ 我最鍾意係呢麻醬手撕雞😍凍食每啖雞都好滑好嫩，食落好涼快好爽，岩曬夏天熱死辣辣時食，麻醬比例岩岩好唔會話太咸同太甜～ 麻辣雞腎份量都係爆驚人🤤細細塊爽口易食，辣度適中，推薦比大家啊hehe 今次叫左個新菜式鰻魚炒飯，雖然炒得唔算最乾身個種，係仲有濕潤度既無咁熱氣，加上勝在配料十足，味道都OK啊！ 最後要講既都係呢度既老火湯，真係真材實料咁煲，計落條數點都好過兩小口自己煲啦～

嚟開西九龍中心都知閨家呢間餐廳成日大排長龍💛，想試咗好耐，不過我實在太唔鍾意排隊，老公知我想試，特登早啲嚟排隊，終於有得試啦。 一坐低，職員話好多嘢已經賣晒啦😭我最想試嘅香煎蓮藕餅都無。最後只能叫咗個真・手撕雞飯配沙薑汁，香煎豬頸肉，招牌豬扒飯。 香煎豬頸肉：煎得好香口，豬頸肉又好爽口。真・手撕雞飯配沙薑汁：個手撕雞好嫩滑，好有雞味，味道鮮甜，唔算太過肥膩，加埋個沙薑汁送飯真係一流。 招牌豬扒飯🐷：果然係招牌，完全無令我失望，豬扒好腍，肉質鬆軟，仲有個秘製醬汁。 叫任何飯餐仲有老火湯送，呢個係蘋果紅蘿蔔沙參煲咸排骨，降火潤肺，最緊要係無味精。 除咗老火靚湯無味精，其他食物亦標榜無味道，難怪咁多人幫襯。

腸胃炎剛剛好返，又唔想煮飯又唔想食粥，所以同左小朋友嚟咗依到食，飲返碗靚湯。是日靚湯：蟲草花百合煲豬展清清甜甜，下下火👍👍👍之後叫左豬軟骨波菜麵：菠菜麵煙煙韌韌，好滑漏，配上豬軟骨，好正。因為豬軟骨肉好淋又滑，入味的醬汁可以撈吓麵，正！手剁耦餅：依個餸比較清，少油，咁晒我岩岩好返又要d 力的人。當然個耦餅好厚，好大件，慢慢送飯，耦粒令到個併更有口感。豬頸肉：脆邊肉淋，小食一流，忍唔住食左幾件。

今日係深水埗一帶買 board game返屋企玩，行完都夠鐘食飯，於是就係西九度食個飯。 記得之前係度食過一間叫閨家既小店係幾好味，所以今次黎encore！ 見到佢既咖喱飯睇黎好吸引，我近來都愛上左本地小店製既咖喱，所以即刻揀左，另外再加多幾個小食～咖喱方面，好足料，有好大碗咖喱汁，撈埋落啲飯到一齊食好好味，好惹味，雞肉亦都好嫩滑，亦都有好多雞肉，五十蚊左右既晚飯真係非常抵食！呢度嘅湯亦都值得飲，有住家飯嘅湯嘅感覺！豬頸肉方面都非常大份，好彩我哋淨係叫咗一個餐，如果唔係啲豬頸肉都應該會食唔晒！豬頸肉外面脆入邊爽口，佢嘅辣醬亦都非常好味！食過返尋味～之後我哋仲叫咗啲炸饅頭，浸係煉奶度，超級耐冇食過呢一種饅頭！非常有回憶！好味～凍檸茶方面，佢嘅茶幾香，不過就略嫌有啲太甜，早知叫少甜～好抵又滿足既一餐

這家以無味精，足料老火湯做賣點嘅茶餐廳，上次經過都好想試吓，不過見門外排曬長龍就放棄咗！😬今日比較早出門，襯店舖準備開門，就响門口排定隊等一吓！🧍‍♂️🧍‍♀️🧍🧍‍♂️好快就可以入座喇！怕人多，我都馬上落order！✌健康老火湯：🥣隨飯附送，無味精，好足料。單點 大盅 $28咁就梗係點個飯，貪佢有個(細盅)靚湯送喇！🤑點咗人氣十足嘅飯：🍚🥢💖🥢香煎蓮藕餅拼豬扒飯 $50💞🥚溏心蛋(半隻) $6香茅豬扒薄切容易咬開，大大件、唔咸，仲保持肉味，香茅味好香口，配甜豉油冇得輸。👏手刴蓮藕餅，蓮藕切細粒爽口又易食，拌豬肉粒煎得金香，本身唔重味，配甜豉油剛剛好，夠惹味。👍飯邊仲伴有甜梅菜，葱油，加埋半隻溏心蛋，真係唔駛餸都可以食咗半個飯。🎊💕🥬油菜 $12原棵唐生菜份量剛剛好，可配蠔油或豉油。👌成日出街食飯，多肉少菜，平平哋可以加個菜最稱心！💞飲品：💕☕ 熱咖啡 (跟餐)$5又有老火湯飲，又有住家飯餸食，仲有茶記咖啡飲，十分滿足！🥰雖然唔係大魚大肉，但係出街食飯，想食呢類咁健康、樸實嘅住家飯菜，先至係最難揾。👍😊最欣賞佢哋呢支咖啡攪拌木棒，好似牙籤咁有獨立纸包裝，第一次見有食肆用。❤真心，衛生問題，我

成日經過西九龍中心都見到排晒隊嘅餐廳，今日見少有地少人啲，於是就把握機會去試吓啦！🤤呢到主打住家飯，價錢都十分之親民同住家feel! 飯餐連湯都係講緊50蚊左右，真係抵過自己煮啦。唔同星期日子仲會有唔同嘅湯水，唔會飲死同一種。湯幾清甜亦都有少少湯料，飲完無口渴，讚！柱候牛腩筋飯，牛腩筋同蘿蔔都好入味🤤個汁味道比一般食店清，鍾意食清淡啲嘅朋友啱曬，成日街啲野太重口，呢隻味比較噤食。香煎蓮藕餅豬扒飯都好好味，豬扒有用香茅醃，好入味甜甜咸咸咁。小食就叫左炸饅頭同埋燒豬頸肉，小食價錢非常之抵，岩曬食正餐都唔夠飽嘅朋友！Overall性價比高都無得再高，唯一係餐廳環境少少細，可能坐嘅時候要將就下。

同朋友行完西九龍中心，原已經過咗買餸時間，咁啱見到間閨.家餐廳，門口餐牌啲相圖文並茂，吸引到我想試吓，今晚一於買外賣回家食。咖喱牛腩飯，買飯有老火湯餸，足料冇味精，清甜好飲。店員話店鋪最出名就係獨門秘製咖哩，咖喱醬汁利用了不同的咖喱粉混合而成，再加上椰汁和花奶，椰香味香濃，可自選大中小辣。再配上軟腍的牛腩，用來送飯一流。咖喱豬扒飯，豬扒冇用化學野醃，係用天然材料醃製，並且煎過鎖住肉汁，再加上小辣嘅咖喱汁，有椰香味，甜甜哋，辣辣哋，超級惹味！鐵板豬扒炒烏冬，烏冬炒得香噴噴，大大塊豬扒鋪面已經蓋住烏冬，味道調得咸甜適中，加少許辣醬食更添美味。

閨家涼拌海蜇手撕雞 $38er……冇諗過個份量咁多！麻醬多、雞多、海蜇剛好！海蜇好爽口！雞肉反要唔係話嫩，但啖啖肉！棒棒滷鴨飯 $52 配小老火湯飯量底勁多，女仔食唔哂！滷鴨份量都岩岩好，配d甜甜滷汁。滷鴨食落似雞肉咁，少皮唔錯！今日嘅老火湯係猴頭菇南北杏合掌瓜煲豬展，正！仲好食過山藥！有咁多啲，但係一啲都唔咸，有紅蘿蔔合掌瓜嘅清甜！呢間店話佢嘅湯係冇味精，睇吓陣間飲完會唔會頸渴先！+$12 油菜，有生菜或者菜心揀！走豉油同埋蠔油，健康！秘製咖喱魚柳飯 $48 配小老火湯七種唔同嘅咖喱粉條配，有唔辣小辣中辣大辣揀！炸魚柳幾香口，唔會一口炸粉！小辣食落椰香重d，愈辣應該咖哩味更重，配飯一流！其實真·手撕雞飯配沙薑汁都想食，下次！仲有手工麵同鹹魚餅今日都賣哂，1900去都賣哂，好搶手！