闔府統請

营业中

休息中

有時明知食物一般，但方便就腳，或多或少都要光顧。一家四口，點了鮑片扒西生菜，濃稠又黏的玻璃芡，有點在吃漿糊的感覺，鮑片其實是螺片，不過是囝囝最愛，也沒法子，自己只好夾多點生菜。另外是咖喱撈拉麵餐包括紅咖喱拉麵、灼菜及小菜一碟；紅咖喱要了豬軟骨，差不多一整碟給囝囝消滅，自已只吃了拉麵，咖喱汁不太辣，拉麵鹼水味輕柔，比想像中好得多。小菜是燒汁茄子牛仔骨，牛仔骨醃得過火，肉味不甚了了，反而茄子沾上了燒汁及肉汁，變得惹味得多。連湯飯$200有找，只能當填飽肚算數。

一連幾日大雨，跟本不想四處找地方吃早餐，近一點算了，闔府統請早餐有一優點，就是夠快，另外落地玻璃的位置，可以看到巴士埋站，即時走人，有時候跟囝囝等校巴，可以最後一分鐘先跑出去。早餐可說是自己改動，五香肉丁麵味道都是來自辣油，在那裡吃都一樣。火腿蛋方包其實可以轉蘿白糕，但太肥膩，再加一杯熱飲，正好看著囝囝衝上車！

約左班OR食友到大西北掃街,反正尚有時間,點都要食個早餐頂住先.話晒向外街舖,人流多,自然租金貴,不過早餐無乜點加價,大概都係廿蚊位.雪菜肉絲麵 : 一向都係淥好公仔麵再係上面加上雪菜肉絲,淋返 d 味精湯就算,其實要求唔高,不過真係好怕公仔麵淥唔熟,最憎係"慘"白色,好粉,點知今次又真係咁樣.......唉!烚蛋火腿配蘿蔔糕 : 好似廣成一樣,是可以配烚蛋,其實咁幾好吖,又唔駛咁多油,人都健康 d, 不過蘿蔔糕一出,真係乜都比返晒佢,真係好油,而且好淋,麻麻地.其實佢地 d 出品真係唔多得, 改進下啦,附近有幾間都好食過你架.

在粉嶺大,都可謂見證住呢間舖的變遷以前係花都舖仔細細,但D野食好味特別係紅咖哩同埋炸墨魚丸仲有10蚊小食餐,平得黎又多野食後黎係花都另覓大舖位,有幾千尺,可惜經營不善,入去永遠都冇乜人執笠收場之後搬到了碧湖花園, 稍見起色,但都係食過一兩次聽聞後來是拆夥了,而家碧湖那間都不是原來的這家店然後牽晴間都做過兩個舖位日前光臨真係D野食越黎越唔掂以前好鍾意食的紅咖哩越黎越稀,已經變得唔好食豬扒亦唔香口,好似落左好多鬆肉粉咁既味另外仲叫左個唔知乜乜炒飯,淡而無味,而且仲好似好油咁料又唔足,得小小蛋同幾粒"差燒"而且D阿姐服務又差,粗魯得黎, 人地講左幾次食乜都聽唔到粉嶺越黎越多餐廳小廚,如果再退步落去,只會俾人長江後浪推前浪舖位幾大幾靚都冇用做食肆都係首要做好食物質素先啦

此舖位自從仙桃園斷租之後,便一直懸空,而闔府統請只不過由內園位置移到較有利舖位,而主打亦是港式快餐路線.開業不足一星期,店舖比之前大得多,每逢午飯時間都人頭湧湧,足見無選擇錯舖位.反正在內園舖時候,每星期總會光顧一兩次,就貪新鮮試一試.從五款午餐之中選取了蕃茄豬扒燴飯 : 所謂燴飯,還不是巧立名目,求其炸好塊豬扒,然後再淋醬汁上面就算是,跟燴好像風馬牛不相及.豬扒是碎件上,而且不是用同一塊豬扒切開的,因為有部份炸得過火,完全無肉汁,而且骨頭比例太多,飯是落水多少許,濕身了點,反而蕃茄醬汁調配得幾好,幾片蕃茄新鮮之餘,醬汁亦唔太酸,當中帶有少許果甜,事實上比那幾塊乾巴巴的肉片強得多.再加一杯凍檸檬茶,埋單$27,學生平幾蚊,暫時覺得仲未及格,可能啱啱開始,一切尚未上軋道,遲點,我會抽空再來一次,是龍是蟲,到時再瞧瞧............!p.s : 話說謝安琪都係呢個屋苑住過,當日都好似你同我食港式快餐,所以話人有三衰六旺,得意時留一線,他日好相見,千祈唔好有風駛盡利.