阪神

营业中

休息中

今日係呢間舖頭叫個大阪燒加個小丸子都可以等40分鐘都未食到！！！由19:34order左之後，20:14都未有嘢食。呢間唔推介，同埋真心難食，CP值唔抵，加上店員態度真係差……俾錢買難受同難食。隔離舖頭好味好多……

-個飯聞落去一陣酸味，好似岩岩雪櫃拎出黎未融雪咁-食落啲蟹肉似蟹柳咁-蟹膏唔知點解會有啲酸瓜定青瓜絲係入面-個飯仲要熱既仲賣到70幾一個飯食左兩啖掉埋真係搵你呀媽食食到谷氣

原來見呢間野咁多分店諗住應該都唔會差得去邊 咁我叫左一個章魚日式關西炒麵 等咗大約15分鐘之後終於有得拎 見佢賣相唔差 上到嚟都夠熱 點知一食落口 超級鹹 佢完全係啲醬汁浸住晒成個面 明明係炒麵但係就整到撈麵咁樣樣 面底本身係冇問題 章魚粒都只不過係急凍章魚粒 正常唔應該咁難食但係唔明點解店員落咗勁多醬汁落去 搞到成個麵勉強先食得晒😞 而且佢$48份量好少 正常人食完一定唔夠飽 好彩冇叫到去其他小食/主食 否則可能會食得更加唔開心 唔會再有下次☹️

叫過雜菜豚肉飯食真係就咁菜加肉加飯醬油都沒，沒醬汁都唔緊要最慘連鹽都沒落仲要等勁耐，人地點餐先開始煮煲飯，真係淡到頂唔順問佢拎醬油，個店員答我沒汁……d阪神燒上面個d醬汁咩黎？問佐2次先比d醬我仲要蜜糖芥末醬……唉唔識講，總之慘過食醫院餐

今日肚餓行過形點Food Court見呢間阪神有大阪燒，之前係元朗另一間分店食過又唔差就叫咗兩個大阪燒la，點知兩個大阪燒一個燶到起粒粒，但係因為真係好餓就試下食la，結果如我所料，真係燶到苦既！我老婆個份就仲離譜，一咬開入面d麵粉漿仲流心過流心月餅真係好差體驗，想食既話自己諗清楚！d員工態度都唔係好得去邊，想落單就臭臉好像阻住左佢地玩手機咁！d野唔熟又要受氣，有興趣體驗0服務又貴既劣食可以一試！反正我唔會再幫襯呢間店！

1.唔熟，第一啖食落正常，再食其餘都係唔熟既麵粉……2.除咗唔熟之外，好多位置都煎燶咗，但裏面都係唔熟…3.拆開佢，裏面全部都係麵粉，一啲餸都無4.四個員工圍埋吹水，要多對筷子都好似欠左佢$60買左份垃圾，諗住今次係佢地意外，就打電話去提醒下佢地，但發現哩間野大家都中過伏food court裏面有其他食物，好無食我唔知，但係起碼煮得熟👍 最後，都希望店鋪都可以有進步，建議員工再接受培訓，懂得尊重食材，煮熟啲食物比客人👍

依間野超級垃圾啲大阪燒 燒到燶哂 俾左兩次機會佢 都照係燶到啖啖燶味有相為證入面成班掛住玩手機 態度又差不可一不可再再食燶野可以幫襯 好黎悔無黎open rice 睇完先選 垃圾！

堂食落單成25 mins都未有野食， 得兩個人做野完全唔掂， 黎到d野又唔好食，d大及燒得粉冇咩料，價又唔算特別平，如果唔肚餓同鐘意浪費金錢既可以試下😂 打死都唔會再幫襯。food court內有更好選擇

第一次寫食評，係真係因為嬲到一個點...放工ot完好肚餓，諗住簡簡單單買個大坂燒食下，估唔到會伏成咁基本上除左面果層，其餘都係生既，果刻好想即刻掉左佢，最後太肚餓自己再煎過...

收銀同裝食物嘅係同一個人，睇住佢徒手收完銀紙，唔消毒就伸手入電飯煲裝飯，而且唔戴手套，對衛生有要求嘅人，唔駛考慮呢間。外賣準備好唔會叫number, ，睇住佢執好、等左超過10分鐘唔㩒機唔叫number，由你企係佢面前呆等，最後要自己問。之前成日買，今次之後無下次，COVID 都係最好揀間乾淨啲。——————————————————————————————

我第一次到元朗 YohoMall 的 Foodeli，見到依間阪神有賣大阪燒，諗起都好耐冇食過喎，所以好想食！見蟹肉蟹膏係新出品，都幾特別，就決定試下佢，仲加咗二十蚊要黑松露蛋黃醬薯條同烏龍茶，計落好似幾抵！攞餐果陣冇細心睇，只覺得售價 $55 既大阪燒份量有啲細，攞埋座位發現佢燶燶地才心感不妙.... 之後食咗啲蟹膏先知原來係燶得好犀利！  (佢地都好犀利，燶到黑哂都照俾個客，俾著係我就過唔到自己個關喇...)  食咗唔燶果部份，覺得味道及口感同我認知既大阪燒有啲出入，粉多過料，都算難食，最後我放棄了，費事食壞自己，仲唔抵吧... 

我第一次到元朗 YohoMall 的 Foodeli，見到依間阪神有賣大阪燒，諗起都好耐冇食過喎，所以好想食！ 見蟹肉蟹膏係新出品，都幾特別，就決定試下佢，仲加咗二十蚊要黑松露蛋黃醬薯條同烏龍茶，計落好似幾抵！攞餐果陣冇細心睇，只覺得售價 $55 既大阪燒份量有啲細，攞埋座位發現佢燶燶地才心感不妙.... 之後食咗啲蟹膏先知原來係燶得好犀利！  (佢地都好犀利，燶到黑哂都照俾個客，俾著係我就過唔到自己個關喇...) 食咗唔燶果部份，覺得味道及口感同我認知既大阪燒有啲出入，粉多過料，都算難食，最後我放棄了，費事食壞自己，仲唔抵吧... 黑松露蛋黃醬薯條味道正常，係黑松露味稍淡，但可接受的~

今日喺元朗行完街，咁啱又好肚餓，就周圍行吓睇吓有咩食，係food court 食咗大阪燒，好大份，啲粉就比較多，好飽肚。但係佢個餃子就做得好出色好脆料又多。仲配埋個蟹肉蟹膏拌飯，呢個味道唔錯，好多料，勁多蟹肉，另外仲有叫左芝士薯條，係芝士醬係面，芝味濃。至於坐位方面，今次我哋係坐卡位，所以都幾好坐，比想像中嘅food court舒服，慢慢坐陣傾計都可以，錦岩坐窗邊位，仲有風景睇下，幾chill 。價錢又唔貴又抵食。

懷念去大阪🇯🇵時嘅美食，去 @Yoho Mall @阪神 就可以回味一番。🫓黑松露帆立貝大阪燒 $55黑松露醬汁好香濃，每啖大阪燒都食到黑松露汁，裡面粒粒嘅帆立貝，有嚼勁😋🦀蟹肉蟹膏飯 $62蟹膏同蟹肉都超級多，睇到心心眼😍，伴著青瓜絲同埋蟹籽，飯好大碗，非常滿足每個餐食加$20，有一份輕食同埋飲品🧃，點咗車打芝士薯條同埋大阪王將炸餃子 。 🍟車打芝士薯條聞到濃郁嘅芝士味，薯條粗身而且沾滿芝士，真喺邪惡但好味😋🥟大阪王將炸餃子 炸餃子外皮香脆，內裡嘅1肉好juicy~阪神

嚟到yoho foodeli都想試吓新野，今日就選擇左呢間阪神，果然有驚喜！我哋叫左新品蟹肉蟹膏飯同黑松露凡立貝大阪燒，蟹膏飯勁creamy,而且蟹膏勁香，配埋蟹柳好夾！而大阪燒個黑松露醬亦做得相當出色，真係有香濃嘅黑松露味，又有好多凡立貝☺️小食方面叫咗黑松露蛋黃醬薯條同忌廉蟹肉薯餅，其實兩個都好食😉，不過薯餅餡料偏少，如果多啲蟹肉會更好！因為我哋叫咗兩個餐所以最後送兩包飲品，勁抵！❤️整體來講foodeli 入邊嘅餐廳普遍好抵食，尤其係呢間，性價比高，環境又唔錯，最緊要係可以一路食一路比小朋友放電，真係一個親子好去處！