阪神

营业中

休息中

Omg 勁邪惡之前細佬買過一次阪神返嚟食，就對嗰個大阪燒念念不忘。原來係yoho都有，可以坐低慢慢食。呢間野原來唔似得大阪燒食，仲有飯麵同小食。黑松露帆立貝大阪燒 $55超級邪惡超級過分，佢係勁多嘅黑松露醬汁，佢個汁真係好好食，成個大阪燒都充滿咗佢嘅汁醬，仲要食到粒粒嘅帆立貝☺️但係就有小小掩蓋左本身大阪燒嘅味道，不過都係好食😋蟹肉蟹膏飯 $62呢個真心勁癲，佢嘅蟹膏係超級好食，我真係好掛住韓國，佢嘅喺嗰度有啲似韓國嘅蟹膏醬，唔食飯嘅我加蟹膏醬真係可以食到好多飯個餐加$20，會有一份輕食同埋嘢飲，所以我哋兩個餐都加咗。大阪王將炸餃子佢好似平時我喺超級市場買嗰隻炸餃子，炸得好香好脆甘栗紫薯餅呢個雖然唔係淨係紫薯，入面有一粒粒嘅甘栗，但係我好鍾意食，香得來又有咬口🥰🥰🥰🥰阪神從來都冇令我失望，食幾多次都會揀佢。

以前我食開富達嗰間阪神，yoho food court我就第一次食，原來menu都有啲分別，等我試下個味道又點先。但就價錢嚟講，food court就貴兩倍，但都明白嘅，yoho mall租金同富達租金兩回事嚟嘅。呢個係蟹肉蟹膏飯，另加$20有一個小食同飲品。呢度要成$82，抵唔抵食真係見人見智喇。蟹肉同蟹膏蟹子，雖然係即食貨色，但知道來貨價都唔平嘅。咁樣撈埋食真係好正，份量好大，我覺得都值得呢個價嘅。但啲飯就，真係非常之爛非常之漿糊，接近粥狀，扣分。明太子薯條，想面曬咗啲七味粉，好惹味。黑松露凡立貝大阪燒，個size細過富達嗰個三份一左右，少少sad啦。佢都足料嘅，入面真係有粒粒凡立貝。我覺得個大阪燒唔太夠椰菜，入面粉漿未煎熟，所以口感上有少少mushy，亦都比較薄唔夠厚身。小食要咗餃子，都幾好嘅，氣炸鍋嘅水準，唔太似煎。整體嚟講，food court價錢food court水準，突然抽起條筋想食日本嘢，都可以一試嘅。

今日去完「超渡你」農場之後肚餓呀，點搞？即刻就出返元朗市區行一陣兼食飯😋好嘢Yoho 入面原來有個food court我真係太耐無入嚟啦見個場又幾舒服多位🤗🤗🤗貪方便就試咗啦其實一個餐都唔算平為返60，70蚊個但食物質素都算係咁🤑平平均均咁，無咩特別驚喜阪神：炸豬扒大阪燒配明太子薯條🐷明太子醬幾濃郁，夠咸香薯條亦切到好粗有口感大阪燒濕潤多料🍳但同炸豬扒好似唔太夾到其實可以獨立上枱分開成菜都得

Foodeli |＃元朗 【元朗美食集中地 歎高水準大阪燒】平日係元朗覓食好多時候要由東走到西食好嘢， YOHO 的Foodcourt 【Foodeli】幫我解決煩惱， 把元朗最出名的美食集中同一個地方！ 收工食飯 假日拍拖 係商場搞惦晒，好方便！上次食完雞蛋仔小食店，今日試埋隔離的【阪神】！ 人氣推介【鰻魚日式關西炒麵 配大阪王將炸餃子】因為疫情關係無晚市堂食，Foodeli 的抗疫措施亦做足，員工會把凳放上枱面！點餐方面，可以係餐廳直接落單 ／ 係Foodcourt 內設置的自助點餐機落單！ 先說小食大阪王將炸餃子， 用大阪王將已經值得加分，餃子味道不多講，但餐廳炸得乾身脆口 並保留餃子內的肉汁 沒有油膩感！ 鰻魚炒麵相當有驚喜，鰻魚份量多 而且燒得好香， 外層的鰻魚汁帶點焦香，肉質嫩滑！ 關西炒麵加入野菜同芽菜增加口感，醬汁調味恰到好處！由於即叫即整關係，行左陣街牧食都依然夠熱！絕對可以Encore，而且CP 值高！

晚飯時間行yoho, 行到餓又落雨都懶得返出去搵食。見到以前homeless同H&M執左，個位變左food court就順便試下啦，見呢間唔洗等就即買，點知中伏。叫吉列豬扒飯，塊豬扒烤左好耐，唔熱唔脆又硬又細塊，都算！佢幅相影出黎有啲雜菜伴碟跟飯，事實係冇嘅，真係得碗白飯！完全有被騙感覺。塊豬扒係乾柴柴乜汁都冇，得一細pat沙津醬喺碟邊。同佢貼出黎幅相完全係兩回事，但好意思收52蚊。仲衰過食頹飯，咁冇心做不如米做啦！

自從有機會在元朗廣場附近試過總店後，覺得味道不錯，算得上刻骨銘心，想不到有機會到形點再試。總括嚟講，CP值仍然高，質素依然，尤其係在形點food court眾多店有比較之下，始終阪神都係扺食d。好滿意。

👍🏼鰻魚份量有睇頭👌🏼味道尚有進步空間行街行到悶悶地想識個大阪燒估唔到Yoho Foodie 有鰻魚大阪燒真係第一次期望並唔係好高但佢鰻魚嘅份量係有驚喜嘅但係大阪燒嘅醬汁加埋鰻魚嘅醬汁對我來講味道太重 甚至有啲鹹同埋如果入邊嘅料多番啲就好啦

🔻豚肉日式關西炒麵$42▪️豚肉份量都係好多，豚肉嘅肉同脂肪嘅比例平均，唔會好多肥肉，肉質鮮美，唔會好乾亦唔會好油，麵嘅口感唔會好硬好乾，又唔會炒到好油，麵上面會有啲沙律醬同炒麵醬，啲醬加埋個炒麵令到個炒麵嘅味更加好味

今日同屋企人黎元朗YOHO嘅foodeli食嘢，依間係阪神，係食日式嘅食品 🔻牛肉日式關西炒麵$42▪️牛肉片嘅份量都算多，而且牛味都好香濃，口感都幾軟，唔會好乾亦唔會好油，麵嘅口感唔會好硬好乾，又唔會炒到好油，麵上面會有啲沙律醬同炒麵醬，啲醬加埋個炒麵令到個炒麵嘅味更加好味

🔻大阪王醬炸餃子🥟$25/5隻▪️餃子嘅外皮炸得好脆，外皮就有啲油汁，入面係豚肉同菜，啲餃子都幾大隻，不錯👍🏻😋🤩依間嘅食物真係唔錯，值得一試，價錢亦唔會好貴，每個份量都好多，而且都幾抵食

🔻車打芝士阪神薯條$32▪️薯條份量都幾多，薯條炸得外脆內軟，佢唔會炸到好油同唔會好淋好乾，芝士味好濃，薯條上面淋左好多芝士係上面，啲芝士嘅味道係有小小甜，整個薯條嘅味道好唔錯，值得一試😋🤩依間嘅食物真係唔錯，值得一試，價錢亦唔會好貴，每個份量都好多，而且都幾抵食

🔻章魚大阪燒$40▪️大阪燒嘅份量唔係好大，但係就要40蚊，都唔算抵，不過味道都好出色，章魚味都好香濃，個大阪燒上面有沙律醬同大阪燒醬，亦都有木魚片同紫菜碎，大阪燒入面有章魚同有啲菜，佢嘅味道都唔錯，好香章魚味，而且唔會好重粉醬味，口感亦唔會好乾，整個大阪燒真係出色，不過如果再大份啲就好了

今日同屋企人黎元朗YOHO嘅foodeli食嘢，依間係阪神，係食日式嘅食品 🔻吉列豬扒日式關西炒麵$45▪️佢塊吉列豬扒好大塊😋，塊吉列豬扒嘅外皮炸得幾脆，而且唔會好厚粉，而肉質都唔會好乾，而且唔會好難咬，啲麵嘅份量都好多，麵係日式炒麵嘅個種麵，麵嘅口感唔會好硬好乾，又唔會炒到好油，麵上面會有啲沙律醬同炒麵醬，啲醬加埋個炒麵令到個炒麵嘅味更加好味

去元朗形點1新開Foodeli 美食廣場搵食，見大阪燒同炒麵都好受歡迎，實在太多店想試，於是今次先試大阪燒。價錢合理，只是40蚊，特別比起廣場內其他店。配料足，粉漿調得剛好，不會太稠，食落去亦不多粉，不會糊口，很多大大粒的章魚粒，椰菜粒等配料。調味主要來自上面的沙律醬及大阪燒醬，而醬料及柴魚片都是普通大阪燒的標準。但兩次去都未見有章魚燒，感覺有點騙人，不知是否功夫較多，人手不足就一直沒有供應。實在有點失望。

今日11點帶囝囝去新場試吓，囝囝話想食炒麵，咁就一於試吓豚肉炒麵。新場新開，要等得耐都是常識吧! 由於開放式廚房，當然見晒整個廚房嘅運，眼見個炒麵已炒好，但當加醬時，職員唔小心加左好多醬汁，之後另一個職員竟然用兜放左d用滾水，再將個麵倒落d水再過吓水。將個麵浸吓水，沖吓水。竟然過完水，再翻炒番俾我。整個過程我見到晒，佢仲好意思叫我食呢碟野。我唔出聲，佢都扮冇野照俾我，我一出聲，佢即刻話炒過碟俾我，係咁話唔好意思。講真，廚房嘅野眼不見為乾淨，但你個廚房咁open， 就醒少少啦！講真，一個麵值幾多錢呢？再重新炒一碟真係唔得? 好彩俾我睇到囉。但翻炒果碟麵，佢竟然照俾另一個不知情嘅客。所以呢間野，我話過唔會再幫襯。