阿三大牌檔

营业中

休息中

阿三係大埔友表示中意既地方，個份量大，因為係有冷氣既大排檔，同埋見乾淨光猛，同埋主要因為店員比較nice。（之前有去過其他食唔太開心）麻香海蜇手撕雞，個底鋪咗青瓜絲，手撕雞個量比較多，同埋有咬口既海蜇，麻香比較重，撈埋青瓜絲食岩岩好，食完有凍感！脆皮咕嚕肉：同以往咕嚕肉唔同，呢個個外層係脆皮，入面係厚身有肉感，外脆內軟，口感好好，配埋菠蘿、彩椒，好好送飯！沙拉蝦球：蝦係冷藏貨但粒粒都大同爽口，跟埋沙拉醬酸酸地幾開胃。醬燒茄子：呢道幾驚喜，份量大到傻。平平無奇既茄子係廚師既加持下，出到外皮有天婦羅既質感，入面有軟林林，食到茄子本身既自然甜味。出面個汁係普通燒汁，但有日式既炸法，成件事好fushion!下次多人少少再食埋鮮尤+煲仔菜😍大埔人表示其他區好遠，其實區內近近地有好野食唔出門都幾好。

回娘家食飯，揀咗附近最有風味的阿三大排檔，坐得舒舒服服有冷氣又乾淨，價錢好抵食，小炒有鑊氣。蜜餞鱔球首先上檯是招牌手工菜，阿姐都話正。蜜餞鱔球，脆炸鱔球外層炸至金黃色，口感非常酥脆。鱔球新鮮，肉質彈滑，最緊要係冇骨無腥味。 軟嫩惹味配上秘製醬料，口感層次分明，滿足豐富。稱得上是招牌菜式，充滿大牌檔特色，香港獨有的飲食文化。川椒回鍋肉再來是啊你試吓呢？，大埔相對少川菜店，呢碟川椒回鍋肉就係我至愛之一。辣味醬汁超級滋味，炒椰菜配搭豬腩片，入口食到少少麻辣味，豬腩片增加香味，吸收哂醬汁，可以送到一碗飯，值得一讚！泡椒魚皮當然食埋涼伴小食，幾款中我們點咗泡椒魚皮，辣度都幾有勁！中辣口感夠爽脆，而個秘製醬汁係辣中帶酸，幾惹味，夏天食好開胃。燒乳鴿接著是燒乳鴿，肉質鮮嫩，可口多汁，灑上少許鹽調味配搭恰到好處。新鮮的燒乳鴿，最緊要夠熱，外皮脆口，是街坊必點菜式。日豚五花腩串最後飲啤酒食串燒，其中之一係日豚五花腩串，未食已聞到香味。先食腩肉，都有相當厚度，入口彈牙，肉味鮮甜。燒一口牛串嫩滑無筋，香辣脆口，無得輸。

前排入大埔探朋友之後就想食埋晚飯先走，誤打誤撞就搵到呢間餐廳 🍽️ 佢哋除左主打嘅大排檔小炒之外，亦有提供涼拌小食、明爐燒味、燒烤等等，款式應有盡有😍 店內環境簡潔明亮，無論係卡位同圓檯都夠寬敞舒適，重點係有冷氣嘆，比起街邊嘅大排檔舒服得多💆🏻‍♀️This restaurant in Tai Po offers all sorts of Cantonese dishes such as cold appetisers, Chinese barbecue and grilled items. The interior was spacious and bright, and it was especially comfy as they had A/C, which sets it apart from the other Da Pai Dongs. 麻香海蜇手撕雞 $78Jellyfish and Shredded Chicken in Sesame Dressing 一絲絲嘅雞肉軟嫩鮮甜，同爽脆嘅海蜇形成強烈對比👅 香濃嘅芝麻醬將整體風味提升，配以青瓜絲增加清新感🥒 The tende

住喺大埔都諗唔到有啲咩好食😍😍朋友推介我哋去呢間大排檔 無論性價比定係味道都一流 唔使+1又抵食 而且好有鑊氣 難得放假同男朋友去食個家常便飯人均$$150左右好抵食前菜先嚟過海蜇手撕雞 手撕雞啖啖肉 而且好夠凍 海蜇爽口彈牙 好開胃🥰👍🏻👍🏻👍🏻鍾意食鹹蛋黃嘅一定要試吓呢款 四季豆炒得香口 而且面層有好薄薄嘅鹹蛋黃 食落鹹香味十足 店員推介我哋食呢個鱔燒腩煲 火候好夠 而且嗰啲都大大啖冇碎骨 食落好惹味 配飯食就一流啦仲叫咗佢哋招牌密椒薯仔牛柳粒 見到每一台都高度推介 薯仔好腍又入味 牛柳粒唔會好乾 炒到好好香口 然後有蜜糖嘅香味 甜甜地好開胃🤤

大埔區既傳統冬菇亭 大牌檔買少見少 今次去試既阿三大牌檔 位落大埔舊墟離太和港鐵站或大埔中心都係約十分鐘左右路程相當新淨既裝修 入面空間幾大 環境算乾淨座位闊落寬敞 較一般餐廳坐得舒服重點唔似舊式大牌檔 呢度係有充足既冷氣店員態度友善 服務到位 上菜快 適時添水食物方面 主打中式小菜 燒味海鮮 仲有打冷 火鍋碟碟都份量唔少 功架十足 夠晒鑊氣好岩一家大細一齊做節慶祝 食番餐我地叫左幾道小炒 街坊價格 幾親民抵食💥泡椒魚皮作為開胃小食都幾大碟 正魚皮切絲 口感爽滑彈牙要左小辣 但都好惹味 辣香十足💥日豚五花腩串x日燒一口牛串估唔到有即叫即燒既日式串燒 好新穎燒得唔錯 五花豬腩肉 油脂感較強 重孜然味 好香口牛肉粒都好淋身 如果可以再多啲肉汁就更好💥蜜糖柚子一字脆骨相當考手工既一道菜炸功了得 表皮炸粉夠薄但非常酥脆豬肉唔痴骨仲保留肉汁蜜糖柚子醬鮮甜 味道豐富食到最後會陣陣清新柚子香留係口入面 一啲都唔膩💥 金沙蝦球當晚個人最愛既菜式同樣炸功不得了外皮酥脆帶蛋黃油香 好滋味蝦肉鮮味得黎彈牙有口感送啤酒一流💥魚香海皇豆腐煲多款海鮮 魷魚 魚塊 帶子好足料 豆腐香滑調味岩岩好 唔會過咸💥嘉士伯啤

收工又同hubby撐枱腳，諗唔到食咩菜式，一於試吓呢間新開嘅大排檔，貪佢多選擇🥰好多菜式都同大排檔一樣，但環境就乾淨好多👍🏻舒舒服服又有冷氣嘆❤️海蜇手撕雞首先嚟個開胃前菜，麻油加埋芝麻好香👍🏻配埋青瓜，食極都唔怕膩❤️蜜餞鱔球好特別嘅烹調方式，香脆外皮再配埋軟得嚟又爽嘅鱔肉口感都唔錯，撇除咗陣腥味❤️燒汁脆茄子脆漿加左雞蛋，令到外皮更香脆好味，外脆內軟❤️燒乳鴿淨係賣相都好吸引，好香脆又唔會油膩👍🏻❤️燒汁野菌牛柳粒呢個汁簡直一流👍🏻野菌吸曬所有醬汁，用嚟送飯一流🤤牛柳粒都好軟熟❤️一口羊肉串孜然味好夠👍🏻連唔食羊嘅我都可以接受到，唔會有羊騷味

阿三大排檔雖然叫大排檔但環境比起平時更為衛生。而且地方寬敞適合多人聚餐。泡椒魚皮🐟 $68食落去開胃清新作為前菜一流。魚皮爽口好惹味夠辣。只不過叫咗小辣已經辣得好過癮。麻香海蜇手撕雞🐓 $78手撕雞份量幾多而且雞肉嫩滑。青瓜海蜇爽口夾埋雞肉齊食更加有口感。麻油味好香食落唔會好油反而食左濃味餸再食呢樣可以清新味蕾。蜜餞鱔球🐠 $168鱔肉已經起晒骨啖啖肉好過癮。每一嚿都切到大大嚿外脆內軟。蜜餞甜甜地帶岀魚嘅鮮美。即使係呢個價錢都係值得嘅。鹹魚蓉炒白菜仔🥬 $88平時都係食開清炒白菜仔呢度竟然加埋鹹魚蓉落去炒啲白菜變得冇咁寡多咗一浸鹹魚嘅鹹香。脆皮咕嚕豬頸肉🥩 $98呢個作為餐廳嘅招牌之一表現相當出色。比起普通嘅咕嚕肉更為爽口無骨，外皮炸得香脆醬汁酸甜適中配搭其他配料都覺得味道恰到好處。胡椒豬肚滑雞煲🐔 $108濃烈嘅胡椒味豬肚亦夠爽脆雞肉亦好滑。不過略嫌味道有啲單調份量亦有啲少不過整體都值得一試嘅。燒乳鴿🕊️ $71皮燒得好脆本身調味已經好夠。上枱時熱辣辣點啊一齊食更添滋味。日豚五花腩串（2份）🍢 $64串燒即叫即燒所以等候時間亦比較長。豬腩肉有啲肥但燒得夠香口即使食到最後有啲飽都忍唔

大牌檔一直是本地獨特的飲食文化之一，趁著今日難得的空檔，前往阿三大牌檔品嚐幾道招牌菜式，位於大埔舊墟直街呢間新式大排檔，與以往舊式不同的是設有舒適冷氣環境，不變的是大排檔既穫氣依舊。首先上檯是燒乳鴿，肉質鮮嫩的鴿肉配上恰到好處的調味，外皮酥脆可口，難怪是必點菜式。接著是另一味手工菜蜜餞鱔球，鱔肉新鮮無腥味，炸得酥脆如花，肉質軟嫩配上甜香醬料，口感層次豐富。再來是蜜椒薯仔牛柳粒，牛肉嫩滑無筋，薯仔塊吸收哂牛肉同黑椒既滋味，二者融合非常協調。值得一讚是，阿三既菜品好味之餘，老闆同員工都愛心滿滿，見他們逢星期二都有善長膳心派飯活動，有需要既長者或有意支持者，可向職員查詢。

同朋友兩個人在大埔搵食，想食大排檔飲啤酒但又怕冇冷氣同坐得唔舒服。經過阿三就打算試吓。叫了豬手，份量很大（其實不叫其他肉類也可以了）。上枱用鐵板，還要點火。百多元的價錢真的交足貨。豬手皮脆，肉質不乾。但由於最後才上，吃了兩件已飽，吃不完最後打包走了。另外點了豆豉鯪魚油麥菜、串燒羊和串燒豬腩肉。豆豉鯪魚油麥菜份量也是很大，但我略嫌太濕。羊肉串朋友點的我沒有吃，不能評價。豬腩肉很嫩滑，有點肥，夠香口。另加啤酒數字支。

大排檔環境寬闊，冷氣充足，適合多人聚會。🔸胡椒豬肚雞煲👍🏽濃郁嘅胡椒味，但缺乏小炒煲仔上的鑊氣味，略嫌份量較少。🔸蜜糖薯仔炒牛柳👍🏽👍🏽👍🏽不會太甜，薯仔有炸過，外皮香脆，牛柳軟諗有口感。🔸瑤柱芡配菜心👍🏽👍🏽👍🏽正常，加大量瑤柱🔸蟹粉豆腐👍🏽👍🏽👍🏽👍🏽最有特色餸菜，加入大量蟹粉蟹膏，淡淡蟹味，而且仲添上少少蝦醬味，別具特色。香滑豆腐配上香濃蟹味，送飯一流。👍🏽👍🏽星期三食飯人流唔算多，總體空間寬敞，嘢食尚可，值得一試。

平時想食啲鑊氣小炒但又怕街邊嗰啲大排檔信唔過既話，我都recommend大家可以試下呢啲新型大排檔👍🏼唔單止keep到户外大排檔既食物水準之外，仲可以食得更加安心同放心😌 。1️⃣黑醋骨$982️⃣黃金四季豆$983️⃣臘味糯米飯$158。天氣咁凍最正就係食碗熱辣辣既臘味飯，去唔到廟街食煲仔飯，就等我係呢到食糯米飯補數先🍚另外我地仲嗌左兩個小菜用黎送飯食，一個開胃🤤另一個就惹味，2款都有驚喜呀🤩大家都係第一次食黃金四季豆🍳咸蛋黃好惹味，而配埋甜甜既四季豆食落外脆內軟🫛而黑醋骨特別既位係佢啲配料🧄竟然有喬頭食，岩哂屋企既長輩👵🏻一定要趁熱食，如果唔係啲黑醋就會好易漿住件骨嫁啦

今日又過嚟大埔行街，夜晚同屋企人一齊，天氣咁凍都好岩大家一齊食圍飯，順便仲可以慶祝埋冬至添❤️‍🔥過一個溫暖既冬至夜。其實呢間之前都食過嫁啦，不過上次就係食炒小菜類多，今日就試下佢地冷盤同炸物類先🍤。🐒泡椒魚皮💰$68平時係打冷店都有食涼拌魚皮，但係今次呢款泡椒魚皮真係第一次😍食落都好惹味同埋魚皮既texture好爽彈，所以口感好好。🐒椒鹽白飯魚💰$88🐒蜜糖柚子一字脆骨💰$98椒鹽白飯魚同蜜糖柚子一字脆骨都係我第一次試，椒鹽白飯魚細細件好容易食唔停，加埋啲喼汁就唔怕膩啦而蜜糖柚子一字脆骨就類似甜酸骨，不過就用左蜜糖柚子醬coating，所以感覺有啲似食緊蜜糖柚子炸雞咁🍗都幾特別

餐廳名叫大排檔但其實環境好好，冷氣開放似高級茶餐廳🤭 但同時保留大排檔風味，近門口有個位置可以帶寵物同呼吸，重點係有透明屏風更開揚叫得大排檔當然有晚飯小炒、海鮮、雞煲火鍋等等，我哋叫咗幾個香口小菜，仲有新推出紅燒乳鴿，款款都好出色，每碟份量都好多，價錢算抵食燒乳鴿 嘗鮮價 $68/隻肉厚鹹香，皮脆帶少少油香，鴿肉有肉汁，附上淮鹽一碟，但本身已經夠醃味，啱啱好唔使點鹽都得蜜糖柚子一字脆骨 $98用嘅豬肉部位算多肉少骨，炸粉夠薄肉又腍😍 蜜糖柚子醬唔係得個甜字，仲有少少泰式辣醬嗰啲辣椒皮帶微辣好開胃燒汁脆茄子 $88上碟時有講燒汁可以淋可以點，個汁唔太鹹幾好！茄子炸完都keep到好juicy，點埋個燒汁更突出鮮味黃金四季豆 $98鹹蛋黃微妙地滲入炸漿同豆中間，好香但唔會太濃味，超級香脆好好送酒☺️

唔知食咩好既時候, OPENRICE 見到, 都幾多人食, 就試下呢間咩料子,豉椒炒鵝腸豉椒炒鵝腸唔係度度有得食, 見到有, 當然要試下, 鵝腸新鮮, 乾淨，仲有少少肥膏係入面，炒得爽口. 香味好好. 好食 鑊氣十足當時仲引到隔離枱都叫左呢碟好野.推介原因: 彈性的口感和濃郁的滋味椒鹽鮮魷魷魚🦑新鮮, 炸粉唔係特別多, 外層酥脆，入面鮮嫩, 無多餘的油份. 椒鹽惹味, 一定要叫下次可以試下迎文避風塘鮮魷推介原因: 魷魚新鮮,口感優質蜜糖柚子一字脆骨蜜糖的甜度和柚子汁的酸甜配搭得好好, 一字脆骨, 經過煎炒的過程，骨肉表面形成了一層酥脆的外殼推介原因: 兩者配搭得好好優秀餐廳,可以再去#pro之推介

今日同朋友去到大埔舊墟附近，食下大排檔餐廳、因為朋友話呢間獲氣勁，整出黎既野食都好好食！餐廳裝修簡約，座位位置闊落坐得舒適：今次同朋友大食麻辣菜：麻辣皮蛋（小辣）；皮蛋香滑，咬落完全唔會有呷味，食落去亦都非常香濃！燒汁野菌牛柳粒：牛柳粒本身已經好香，再配上燒汁惹菌一齊炒到成件事更加昇華！野菌亦都非常之香滑，咬落去一啲都唔會有草青味！燒汁味道非常出眾！紅燒乳鴿：乳鴿燒得香香脆脆，啖啖都係肉，加上乳鴿配鹽更加香口，皮質燒到脆卜卜好惹味！再加上乳鴿都大大隻好抵食！燒汁脆茄子：真係好正！用炸粉包住黎燒香脆入口嫩滑，食落去好開胃，加上茄子咬落一d都唔乾、炸茄子嚟講，佢都算幾好食！日豚五花腩串：五花腩本身已經可以好香滑，加上佢用串燒形式咁樣整，令到五花腩更加好食！完全食到上晒癮！燒菠蘿：只可以講呢個燒菠蘿一啲都唔酸，仲要啖啖都係水果汁，菠蘿汁喺個口入面幸福滿瀉！阿三大排檔大埔舊墟直街4-20號美新大廈地下B1號舖