阿來泰式地道風味 (已結業)

黎開深水埗，有間有名泰國餐廳，係橫巷間~同朋友去左試試泰式炸蝦餅（$68）兩個人食嘅份量啱啱好， 新鮮熱辣炸好 入面夠多蝦肉外面脆口唔會好厚粉 食泰國菜 一定要試汁燒魷魚筒（$78）最鍾意食魷魚筒雖然佢入面冇飯但係都燒得啱啱好 出面用咗啲醬汁燒，夠火候燒👍👍入面不會滑潺潺~最愛吃!阿來海南雞 （$52）大大碟海南雞飯邊度搵!物超所值，雞唔會整到生（以前食過不熟），雞夠滑就最基本~份量多同味道是抵讚之一~超級推介，黃飯不會弄得太油膩，岩哂我。點埋秘製辣汁令到更有胃口青檸梳打 （combo+$5)好夠氣! 最鐘意佢唔係太甜，飲得健康整體落單到送食物到都快，食物好夠熱，不錯不錯 價格相宜，仲有好多其他茶好想試，下次約多人聚會可考慮啊!

今晚收工同朋友一齊食晚飯，我哋都好鍾意食泰國菜，所以就嚟咗呢一間阿來泰國餐廳食飯。泰式無骨酸辣鳳爪沙律整碟鳳爪賣相美觀，鳳爪全是冧冧肉，一丁點骨都冇，酸辣味夠醒胃口，鳳爪爽口彈牙，非常入味，汁液豐盛。泰式香芒炒飯正宗泰式手作炒飯，有別於一般，優質芒果食材，零舍香甜，果味特濃，一顆顆圓潤飽滿飯粒，炒得清爽可口，兩者配合相得益彰。泰式咸肉炒芥蘭 呢一款鹹肉炒芥蘭，都不容錯過，鹹肉調味得宜，肉質軟腍味濃，汁液豐富，芥蘭青蔥翠綠，爽脆又清甜，時間控制得絕妙， 大廚功勞功不可沒。

自己出走清邁數日，品嚐多日，回香港第一餐，都係要陪友人食泰國嘢，如懲罰性關稅，二人點了二日餐，另加冇打包番嚟嘅sticky rice一客生蝦刺身比街外嘅size大加上蒜片同海鮮辣汁，作為開胃菜十分醒神海南雞味道中規中矩，冇咩大驚喜，但如二人進食份量就算多跟餐有兩碗油飯，大大碗，大食如我都食唔曬炒通菜，可能氣候唔啱，食落口有d老，略嫌有渣呢個生菜包都幾好，炒得夠香又唔會比辣味蓋過，唔錯友人珍多冰（？）啫哩份量都okSticky rice就比較失色芒果有根有渣，唔係好夠甜飯則冇口感

早幾日俾個fd點左入元朗形點食泰國菜又貴又唔好食🤦🏻‍♀️今晚要encore 再食泰國菜上open rice搵下食咩是常識吧見近近地有間就黎試下喇星期五晚8點度黎到要等位等左大約十分鐘就有位入到去個位有d迫兩個人坐兩個位都放唔晒d野食後尾隔離檯走左拍番張檯俾我地先好d但隔一陣又分番開張檯😑叫左客泰式生蝦$98～有8隻大大隻～好味又新鮮 ～最正係個生蝦汁 ～一般生蝦汁有我最討厭既莞茜味佢冇 ～又酸又辣～ 好正！鮮蝦冬蔭公湯大約有4至5隻蝦～d蝦係中蝦～新鮮唔痴殻～個湯好香椰汁味～味道好濃好多配料～d本菇多到我諗有1/3碗～淨食d菇都飽飽地相對之下個海南雞飯冇咩特別咖哩軟殼蟹法包～個咖哩汁一般冇咩咖哩味好似蛋漿咁🤔但軟殼蟹炸得好脆好味～法包焗得岩岩好～如果個咖哩汁惹味d一定好食好多！叫多個椰青飲～爽呀！其實睇menu仲有好多野想食～不過兩個人食唔到咁多～唯有下次再黎過埋單共$379 值得一提係d侍應服務唔錯有禮貌👍

今日朋友生日，朋友鍾意食泰國菜。所以就揀左阿來。因為個係情人節，本身想間旺角個間點知冇曬位所以去左長沙灣。員工服務態度好好，一見到我地飲曬水又會即刻來倒水。我地唔記得拎蛋糕又會提我地拎火山軟殻蟹法包，呢個蟹一般。但一撕開法包 ，真係好似火山咁咖哩全部流出來，點埋咖哩食  好夾！因爲咖哩好熱既 所以用法包變軟，令到我不停咁點來食。同埋重點係呢個咖哩唔辣，食唔到辣既人都可以試下燒豬頸肉，有埋泰式甜酸醬。點埋甜酸醬，咬落去有煙燻同酸酸甜甜嘅味道。加上豬頸肉咬得非常爽口，所以就會夾完一塊又一塊自從食過泰國金邊粉，就好鍾意喺香港搵返當時係泰國食都食過嘅味道。呢間泰國金邊粉都非常正宗。又有埋花生碎喺旁邊，可以比鍾意撈埋花碎嘅朋友一起食。蝦都夠大隻加上份量都好足夠，可以同朋友一齊分享。

Weekend同朋友嚟到長沙灣, 食泰菜。招牌菜2點半後有下午茶Meun, 抵食先叫個泰式酸辣鳳爪沙律, 鳳爪爽口彈牙, 配菜新鮮, 混合酸酸甜甜嘅醬汁, 作為頭盤就啱曬。 提提你: 食之前撈一撈, 令醬汁分佈更均勻, 咁就唔會越食越濃味啦。食泰國菜又點少得串燒, 要半打都可以揀雞,豬各半, 雞肉外乾內軟, 豬肉紮實有咬口, 跟沙嗲就永遠唔會錯。法包滿載特製醬汁同軟殼蟹, 賣相澎湃。 炸透嘅軟殼蟹, 沾滿醬汁, 椰香濃厚。法包吸收曬 所有精華, 如果烤得乾脆啲就更美味。呢個芒果糯米飯, 下午茶時段只係36蚊, 都唔怪得我地, 食到攬住個肚都, 重要追加。

太耐冇食泰國菜 心癢癢很掛住想食就要食 經過阿來泰國地道風味 見到佢櫥窗掛滿咗又大又肥美嘅海南雞 即刻衝咗入去 享用一頓美味嘅泰國菜先全日套餐 泰式豬髀飯 配鹵水蛋及泰式鹹菜$48 奉送咖啡或茶 凍飲加兩蚊 特飲加五蚊大大碟嘅豬髀飯 豬髀嘅份量非常多 大碟又抵食 豬髀鹵得入味 豬皮炆得好林 入口即溶 豬髀肉唔使點咬已經喺口腔化開鹹菜係靈魂 鹹鹹酸酸非常開胃 完美嘅組合 可以消滯加五蚊有杯冰底鹹檸七 海南雞半隻除咗雞翼同雞髀有骨之外 其他部位都係冇骨嘅 食落啖啖肉海南雞做得非常出色 雞肉非常滑溜 雞皮帶點脆口 一試難忘泰式炸蝦餅即叫即炸新鮮熱辣 外層脆漿鬆化 內裏蝦肉彈牙 鮮味十足好抵食嘅一餐 平民價錢 高級食物水準 nice 唔需要加一服務費 太好了

泰國菜就食得多啦!但泰式海南雞都是第一次聽見門外已看到不少報章報導,大獲好評姑且試一試而店內的裝修比較簡單卻擺放不少泰國風的小擺設而座位也非常寬敞舒適近日天氣好凍，先來個冬陰功湯暖一暖，先醒一醒胃，酸辣適中而且有很多隻大蝦，但呢間無用筍換了秀珍菇，菇的氣味感覺更清新不喜歡筍味的朋友最岩飲金柚子鮮蝦沙律作為開胃菜，柚子上的沙律汁配在一起酸酸甜甜加上嫩蔬菜增加清新的咀嚼感呢款仲加了大蝦，新鮮爽甜青咖哩豬少許辣，對於不能食辣的人卻易於接受材料有豬肉片和茄子第一次食咖哩茄子，味道也不錯而青咖哩味融入在肉片內更好食咖哩汁方面，個人喜歡多D椰奶可以creamy D一大碗青咖哩汁已經可伴1碗飯，正！泰式阿來海南雞飯本身覺得在泰國餐廳食海南雞會有D奇怪但眼見每枱都有點，就不妨試一試顏色好靚的黃色雞皮，雞肉好嫩滑再蘸秘制雞醬汁，辣辣地別有一番風味油飯香得來唔會太油膩，值得一讚！馬拉盞炒通菜點咗好多肉類都要點一個菜來均衡飲食呢! 我獨愛泰式的馬拉盞炒通菜，菜炒得唔會好腍保持口感，亦夠冶味微微嘅香辣味夾雜濃郁蝦的香味，有別於其他泰式餐廳估計是廚師在醬汁加了點手腳呢個菜果然無令我失望炭燒豬頸肉燒得好乾身，但不

之前同屋企人已經食過旺角間主店，覺得幾正宗又幾好味，今日黎到長沙灣 咁岩又想食泰國菜，醒起阿來係呢邊都開左分店，一於再黎試下有冇分別！一如既往，呢間分店都好多人，食飯時間接近滿座，好彩黎到岩岩好有張二人枱比我地。餐牌一樣有好多選擇，泰式咖哩/辣椒膏炒蟹、大蝦、蜆樣樣有，其他正宗泰國菜都齊，另外仲有套餐選擇，二人套餐嘅價錢都十分抵食，有三個菜、二碗油/白飯、兩杯飲品都只係$268！今日同行嘅朋友胃口唔係好大而且唔係太肚餓，就淨係嗌左個二人A餐。首先黎左個呢到馳名嘅海南雞（例牌），賣相幾靚，本身以為得好少，但份量都好足夠，三個人都夠食！一食入口果然無令到我失望，雞肉十分嫩滑，即使係雞胸一啲都唔嚡口，雞味濃，完全食唔出冰鮮雞味。基本上都去晒骨，啖啖肉，加上呢度特製嘅海南雞醬，既酸辣又甜，一啖一舊雞配埋椰汁味極香嘅油飯好滿足！之後黎左個泰王咖喱炒蜆，係用上大蜆，大大件蜆肉，一啲都唔省料，非常入味，咖哩並唔辣，甜甜地，配埋岩岩好！最後係飛天通菜，通菜非常新鮮，並唔老，十分爽口，加上辣椒、蒜頭同麵豉炒，菜已經沾滿醬汁，入味之餘，亦都好惹味，餸飯食恰到好處！最尾嗌左兩杯飲品，椰汁三色冰同埋熱柚子蜜，

今日同朋友去咗長沙灣行街，去完泰國旅行之後都好耐冇食過泰國菜，所以今日決定試吓阿來泰式地道風味。個炒飯酸辣味好夠，海鮮配料亦都好足料，有青口、魷魚同埋蝦，蝦都好大隻我哋當日去係星期一，佢嘅特價菜色就係明爐烏頭魚。條魚好大條、好新鮮。佢有個酸辣湯浸住條魚，超級香，一黎到已經忍唔住飲咗好幾啖，酸酸辣辣令人更加開胃。餐廳裝潢都好有泰式風味，座位亦都有好多，空間感好闊。我哋去嘅時候七點半，時間尚早，所以店員安排到我哋坐到卡位。炒通菜好有鑊氣，仲辣辣地添。薄餅唔會太厚，份量亦都足夠。餐廳搞緊新春優惠，一星期每一日都有唔同嘅優惠菜式。去完旅行返嚟之後，超級掛住生蝦刺身，所以我哋兩個人叫咗兩碟，個醬汁超正。生蝦刺身嘅精粹就係個醬汁—酸辣汁，好夠辣味。啲生蝦亦都好肥美，好大隻，仲有八隻咁多，唔似其他泰國餐廳得四五隻。我哋仲叫咗一個辣椒膏蝦頭油海鮮炒飯、一條明爐烏頭魚、薄餅同炒通菜。飲品方面，我哋就帶咗一個椰青同一杯龍眼冰。椰青好大個，味道超級鮮甜，龍眼冰亦都有好多龍眼肉。總括而言，呢間泰國餐廳價錢合宜，超高水準。食咗咁多嘢，兩個人都係＄500有找。下次一定會再帶朋友去食。

成日係西九食Food Court食到有啲悶就係附近搜羅下美食，今日就帶埋朋友嚟試一試泰國菜。呢度裝修同一般茶記無乜分別，而廚房一眼睇晒，基本上都係泰國姐姐煮嘅，信心保證。飲品我地叫咗椰汁三色冰($22)，係由三隻色嘅椰果加埋椰汁組成，飲落好香椰味，清甜有啲咬口，食泰國菜必叫。而龍眼冰($22)，入面雖然無果肉但係味道好清甜，係天然嘅龍眼味。主菜叫咗泰式香芒蟹肉炒飯($58)，好大碟，一個人食絕對夠飽。芒果新鮮切粒舖面，好鮮甜；蟹肉切碎，量多而且攪晒入飯度。食落芒果味好出，同炒飯絕配。火山軟殻蟹法包($128)，啲咖喱滿到瀉晒出嚟，軟殻蟹浸勻咖喱後好香、味道好㚒，帶有少少辣。而個法包同樣佈滿咖喱嚟食好和味。所以呢個菜基本上就係用嚟品味泰式咖喱。西米糕($48)，有少少稀，粟米味完全融入椰汁，再配埋西米露，甜而不漏。

平時真係好少去長沙灣今次去探朋友經過開之後因為新年之後食咗好多中式玩下口味食下泰式嘅先泰式肉碎生菜包 鍾意食嘅辣嘅朋友一定覺得好好食肉質配上啲香料靑檸小型辣椒有成棵生菜俾你包 清新，好freash泰式蝦醬炒飯濃濃嘅蝦醬味翻炒都好乾身大蝦好爽口至少有四碗飯嘅量 食完都有啲飽仲叫咗一個細嘅泰式拼盤有炸蝦餅，春卷，雞^_^翼，魚餅炸的好香口，每樣少少都有三至四件絕對夠份量抵食因為辣辣地，所以就叫咗杯青檸梳打梳打清新下

朋友話我知 有間平價餐廳 食泰國菜！環境都幾舒服，整潔，坐位寬敞舒適炸蝦餅，我同朋友都喜歡食既小食！份量剛剛好，炸得新鮮有少少獲氣點埋甜酸醬，正冬湯功！份量岩岩好夠兩個人飲！正宗泰式冬陰功！味道超級濃，好好味！有少少spicy , 咁先正仲有隻蝦係入面，都幾大隻！抵飲～炒通菜，我一食泰式野必點既食物通菜亦是我最愛！夠大碟，十分足料。金邊粉，超足料，獲氣十足。新鮮熱騰騰上桌 兩個人食咁多野，係有d over 😂 不過好滿足呀！每樣價錢幾十蚊，又大大碟，好抵食！

今日和朋友做完瑜伽，就在附近搵美食，竟然搵到間街坊價的泰國菜先看看餐牌先叫幾個餸好多客人都叫海南雞飯，抵食啦，50元一份，雞肉好滑好嫩，沾了醬汁，有酸甜美度飯都好吃😋撈左雞油煮成雞肉串燒和豬肉串燒各三串，好有泰式味道，肉質鮮美多汁柚子沙律真是有好大块柚子肉鮮蝦三隻，肉質彈牙，好好食，撈起撈起芒果新鮮，第一次食糯米飯系屬於甜品，好想吃糯米飯咬一口，有些黏稠，有如膠似漆感覺椰汁味濃好香配上三種野果，有得食有得飲正宗泰國咸檸七，加入7喜，甜甜咸咸，好開胃不用加一的餐廳環境寬闊舒服

咁啱行過深水涉就去埋呢間朋友推廌嘅泰國餐廳，朋友話呢間餐廳嘅菜完全係泰國人煮，好地道，所以就嚟試下。餐牌琳瑯滿目，有飯有粉有小菜有海鮮真係好難抉擇，就連飲品都有好多款泰國特色飲料選擇。先叫咗泰式金邊粉，酸酸甜甜好開胃，份量好多，咁大碟都只係$52認真扺食，而個味道真係會食到停唔到，入面仲有啲應該係魚片嘅肉同埋大大粒嘅蝦仁，唔會齋食粉咁dry。火山軟殻蟹法包，火山係形容多到滿瀉嘅咖喱，不論係食軟殻蟹定法包都係啖啖咖喱，而呢款泰式咖喱得少少辣，以咖喱嘅香料為主，唔食得辣嘅朋友都可以品嘗，好好食好推廌。泰式小食拼盤包括四款小食，炸蝦餅好彈牙；炸春卷材料豐富，入面有肉、蔥、紅蘿蔔等，味道有層次；炸雞翼面脆裏滑；炸冬蔭公餅味道酸酸辣辣，食落口味好新鮮豐富，夠重口味。最後仲有個炒芥蘭有三個味道可以揀(飛天、馬拉盞、蒜蓉)，我地就試咗飛天，味道辣辣地，啲芥蘭爆到好香好入味，又係必叫。