阿元來了 (北街)

营业中

休息中

成日嚟堅尼地城，每一次都見到阿元來了門口排晒長龍。今日難得下午茶時段經過，完全冇人龍。所以就必定要入去試下究竟點解咁好味。我諗除咗係黃店之外，佢嘅食物都有一定咁上下嘅水準先可以吸引到咁多客人。咁就叫一個台灣必食嘅滷肉飯。呢一個係佢店嘅招牌菜有細碗同大碗嘅選擇。大碗配有半隻滷蛋、醃蘿蔔、幾條青菜。你見到佢嘅滷肉係肥瘦夾雜，所以係滷得特別入味同惹味，因為呢啲豬肉係要有啲肥膏先至有油香，不過唔怕肥膩，因為已經滷到落晒落個汁度。而且佢嘅肉質已經完全被軟化了，入口即溶般。再加一個小食鹽酥雞，外層既粉漿薄，而且夠椒鹽香，入邊嘅雞肉就保持到Juicy同埋嫩。食晒兩款台灣必叫嘅菜式，而且仲要唔使排隊，心入邊真係大滿足，係一個好運嘅日子。

1. 地方實在太屈質，二人坐一張細枱，仲要冇得坐對面，感覺唔舒服。2. 大碗滷肉飯都好細碗, 食完唔飽嘅！3. $20 貢丸湯得兩粒, 仲要勁細碗湯, 你唔係同我講$10一粒呀嘛？😨 天價黎？4. 擔擔面都好細碗, 味道完全特別，佢啲份量其實可能係設計比小朋友食🥵🥵🥵🥵🥵 5. 整體嚟講食物嘅味道不過不失啦, 唔可以講得上話係真係好食，非食不可6. 感覺呢間餐廳淨係食個裝修, 如果你要求要好似台灣嘅味道，咁你個地方應該唔啱你(我見到都唔想影相🙄, 所以冇相提供)

📍 阿元來了 西環店💰 人均 60左右 第一次吃阿元來了還是在觀塘，當時就感嘆於它的滷肉飯真的很好吃，有一種回到台灣的感覺，而且店裡的裝修也看得出來花了很多心思在裡面！在香港吃台灣菜，千萬不要去度小月，阿元來了更能滿足你！這次來到西環的阿元來了，同樣是這種感覺，桌子都是小小一張，但是擺的乾淨又整潔！門面的裝修也非常的有台灣的古早味！ 滷肉飯水平依舊，很香很下飯！手撕雞飯這次也強烈推薦，跟香港的完全不同，炸豆腐也很好吃！但不是臭豆腐有一點點失望～另外推薦一下隔壁阿元菜市場的滷味拼盤，好像國內吃的麻辣燙，不過有點鹹，阿元菜市場倒閉了非常可惜

疫情下好少選擇啲太迫嘅食肆！好彩安排我哋座在最角落位阿元滷肉飯～都幾足料幾香蚵仔大腸麵線～幾多大腸蚵仔唔太多但幾飽滿滷味拼盤～滷水味唔太重！雞翼只得一隻！豆腐唔係我平時食開果啲質感！可能台式豆腐係咁😅酥炸魷魚～分量比較多！夠脆楊桃汁～飲落有點似柑桔😅

阿元來了平時很多人排隊，我去了幾次都望門興嘆，終於有一天，在下午茶時段有位子。進入店內，裝修到好似去了台灣一樣。第一次來到阿元來了當然要食阿元鹵肉飯，$43。鹵肉，好腍、有肥肉、好味。青菜幾大條，顏色也好。唔夠飽，加了一碟炸銀絲卷 $35，熱騰騰、脆脆的。我把第一幅相放上網，網民已經猜到是阿元來了，他們介紹蛋餅，下次再試。總評味道：有台灣風味；環境：小店，舒適；服務：店員有禮貌；衛生：可以。阿元來了西環堅尼地城北街31號地舖

好耐好耐都冇食過阿元來了啦，一去到嘅時候當然唔少得嘅就梗係要食呢一度嘅滷肉飯啦，呢一度嘅滷肉飯真係好好食，本身我自己都唔係特別鍾意食飯，但係加埋呢度嘅滷肉醬汁一齊食真係成碗飯都好快咁食晒！呢一度嘅滷肉肥瘦適中，而且加埋醬汁！真係會令人食上癮的

堅尼地城人氣台灣菜 長期人龍不絕 因此對店鋪充滿期待 食後覺得食物不過不失 而且用餐時間只有45分鐘 如果是和朋友聚舊 就不建議食這間了 趕住食都都無時間傾計🤣🍽滷肉飯滷肉份量好足 細細碗 岩哂過下口癮-🍽鹽酥雞炸粉略厚 椒鹽味不太出-🍽芝士蛋餅比相像中大舊 味道則一般 蛋餅蛋香味不濃 仲有少少粉漿味🙈

晚上想吃甜品，尤其是芋圓，就來到堅尼地城的門店來買。因為之前未食過呢間，就過來試試看。點了2個九份芋圓，外賣要加1蚊，共68蚊。回家後打開是好失望，份量極少，得半碗，好稀。唯一要讚的是芋圓口感尚可接受，其他的我只有失望，失望同失望(重要的話要講3次)：啲紅豆好少，仙草一啖食晒，我覺得自己食緊甜糖水多過九份芋圓。如果我俾呢個價錢去食芋圓，西環會有其他更好選擇，我亦決定唔會再去呢間食九份芋圓，有啲俾人呃咗嘅感覺。

本身食開觀塘店，今次第一次去西環店叫外賣，亦都會係我最後一次光顧西環店！🤬態度惡劣，對客人呼呼喝喝！在店外等外賣等了20分鐘，進入店內想問一問，竟遭到一個後生四眼哥哥呼喝我們出翻去等？完全沒有想幫我們跟一跟張單。另一個年紀大少少的四眼男士都一樣！撞到你不會講唔好意思。不知所謂！野食好都無用（都唔係特別好味），咁既服務態度真係等執笠啦🤬

去不了旅行但想吃台灣地度美食,可以去「阿元來了」一門之隔就將我帶來台灣…店員阿姨及姐姐都是以國語跟你對談;而且, 四周充滿台灣的味道, 木材加上鐵板指示牌, 感覺去旅行啦!這個是肥膏滷肉飯…肥膏與瘦肉比例接近是1比1,所以每口都非常軟淋(千萬不要經常吃, 肯定肯定膽固醇會極速超標)加上醬汁調配非常好, 以四十多塊錢來說, 整體滿意!若果份量可以增多更好!珍珠奶茶的珍珠是超微細粒,我喜歡啊!! 細細粒+超煙韌, 不知不覺就將整杯珍珠吃掉了!

冇得去旅行，就去阿元來了食嘢，感受下台灣風味！有去過阿元來了食嘢嘅朋友，都知道要排一陣隊先有得入餐廳，因為長期都咁多人食。*所以記得係門口襟定飛，等嘅時候可以填埋點餐紙，一入到去就可以比店員落單啦！同埋要留意繁忙時間- 用餐限時45分鐘！蚵仔大腸麵線 $40- 大腸好有味- 足料！ 蚵仔食極都仲有🤣 好滿足！香菇肉羹飯 $48-湯底有啲似碗仔翅，酸酸地-肉幾滑， 有啲似魚滑香芋奶茶（少冰，半糖）$25- 好香，好濃芋頭味，喺出面好少可以飲到， 絕對推薦！炸甜不辣拼盤 $30- 煙煙韌韌， 食落唔油膩- 個人鍾意黃色嗰個 多過白色甘梅粉雞扒 $45- 甘梅粉冇我想像咁多- 同埋冇乜甘梅嘅味，有少少失望🥲總括嚟講: - 環境：台灣夜市feel（親切嘅台灣抒情音樂）（台灣夜市攤檔裝修）- 上菜速度快- 埋單2個人食 總共$188* (過$200先可以信用卡俾錢）♥️會再過嚟食！🤤

➡️食盡港島西之台灣菜 — 阿元來了—————————————————————室內裝飾有置身於台灣夜市既感覺，係夜市既燈光下可以享受地道台灣美食，種類繁多。🔸阿元滷肉飯滷肉撈飯，有半隻蛋丶酸瓜同菜，肉質軟熟同滑，食落口感一流。🔸基隆炸雞卷食落口感特別，中間有馬蹄粒，點埋醬汁味道唔錯。🔸秘製蒜泥白肉豬肉質地唔錯，有肉味，但係醬汁略嫌唔夠入味，正正常常喇🔸香脆大雞扒雞扒外脆而入面肉質Juice多汁，油份適中啱啱好，正呀💭 Overall comment:食物質素整體唔錯，價格相宜，下次會再返嚟食，推薦🍽食物: 7.5/10🌌環境: 7/10👔服務: 7/10🎖CP值: 7/10

經過西環見到好多人排隊，所以就入咗呢間試食佢嘅台灣菜。餐廳環境很有台灣特色，擺設都是一些大排檔嘅擺設。招牌菜係阿元滷肉飯，飯上面用有五花肉，半舊滷蛋，白菜同醃蘿蔔,味道唔錯。另外叫咗個蚵仔麵線同一個蚵仔煎，味道比較偏淡，而且完全食唔到蚵仔嘅鮮味，感覺好似白烚咗好耐再放上去。還有一個甜不辣拼盤,味道也是淡淡的，沒有魚味，不是很鹹，也不是很香，沒有台灣夜市小食的味道。反而台灣珍珠奶茶味道就很正常了。如果好耐冇食台灣菜,都可以嚟試吓，但如果真係想正宗夜市嘅台灣風味，就未必來了。

星期日晚 去左堅離地城搵食🤤登登～～就係阿元來了食左幾多次都唔會厭事關佢餐牌加左好多野食啊！///蚵仔大腸麵線//////魯肉飯///細細碗 一個女仔食就岩岩好魯肉肥瘦適中 魯汁又唔算太重味唔會好咸好好食啊！///阿元魯肉飯///大碗啲 多左條菜 同埋半隻蛋都係咁好食囉～///基隆炸雞卷（new）///大推！！！！！！好食！！！唔咸！雞有雞味 仲加左啲馬蹄？爽口既野？ 有唔同口感！！///玉米肉鬆蛋餅///好似比平時食大舊左😂好飽啊///統一布丁奶茶（new）///新野！加左台灣必食既統一布丁依個組合無得輸 思鄉了🥺🥺///蜂蜜檸檬愛玉///啖啖愛玉 酸酸甜甜 好開胃 好解膩✅食台灣野 阿元真係我最常去既！所有 包括 野食 野飲 室內既裝修 店員既普通話 都令到我有係台灣既感覺！

Lunch time未到1點黎到已經好多人係門口啦, 好彩朋友提早黎拎定飛!-台南擔仔米粉$36好多肉碎鋪哂係面, 仲有半粒貢丸, 蝦同埋蛋米粉好彈牙, 唔會好淋, 又唔會好硬, 岩岩好!-魯肉飯(細) $33魯肉仲多過飯咁呀, 半肥瘦岩岩好唔會好油膩!-鹽酥雞$37食落覺得炸得有少少耐! 下次可以試其他野~加野飲$11 叫左杯楊桃汁, 依個反而一般般,偏甜!