阿四快餐

营业中

休息中

夜妈妈喺isquare睇完戏落到楼，隔离𠮶个话肚饿想食野，谂住喺乐道求其揾间野食就好了，经过呢间叫阿四既快餐店，隔离𠮶个又话好想入去回味下，佢话会谂起细时读书既快乐回忆，啲咖哩好好食架。入到餐厅果然系旧时既感觉，对于好似系初次入呢类餐厅既我觉得好新奇又好怀旧，好似系睇旧式港产片见过既画面咁。侍应叔叔声大大但其实都几友善𠮶种，见我行到入去一旧云咁就指引一个位置俾我地坐 (当时店内接近90%满)，如果佢唔指引我，可能我又会自转几个圈阻头阻势然后俾人闹 XD我自己就叫咗个咖哩牛腩饭，仲跟咗碗罗宋汤同饮品，份量非常大，咖喱系辣口𠮶种，惹味~ 可惜碗汤对我黎讲太浓味了，可能因为已经滚咗全日到咗尾水，六十几蚊既餐，在尖沙咀，绝对系抵食夹大件既。