阿桂老友粉

营业中

休息中

兩公婆冇嘢做想去樓下買啲嘢食，其實呢一間雲南阿桂老友粉都食咗好多年，但好耐都冇試過應該係話從來都冇試過幫佢寫食評，今次就幫佢寫下啦。😊因為佢哋啲嘢其實真係好有心，比起好多大型食米線嘅餐廳都足料足量👍。當然餐廳仔唔會話食啲咩好名貴嘅嘢，但係就係簡簡單單嘅粉麵先至更加睇得出製作嘅用心。呢度我覺得最好食嘅就係口水雞飯或丶第二擔擔麵第三就係相片中嘅炸醬腩肉撈😋如果覺得味道太過濃，你亦都可以選擇自由配搭或者要豬骨湯底，豬骨湯底真係有豬骨湯底嘅味道，唔似一般其他自由配搭嘅清湯底。好多時候你應該會發現所謂嘅清湯底其實同滾水一樣咁淡而呢一度係真係有湯底嘅味道。所以如果你想平平哋食到好嘢呢一家阿桂老友粉真係數一數二

馬鞍山真係無乜選擇，見 OPENRICE 都幾多讚，就來試試這間小店啦! 最鐘意試小店。放工同隊友過來，差點迷失了方向。小店並非正向大街， 大家如果搵路，應向新港城三期時租停車場入口的方向步行，停車場閘口旁邊就到了。到了小店，已是快要入夜，小店門口亦一樣陰暗無光，門口又好多雜物。猶疑了一下....到底要不要入去吃?唉唉~~ 到了就硬著頭板試試吧! 一打開門哇哇哇有一陣非常強烈的老友味飄出來 (酸笋的味)。 隊友話: 覺得自己置身南寧 那陣酸味同南寧一模一樣所以!!! 當然要試一碗「招牌南寧老友粉」 套餐價 只售 $39!!! 價錢親民   晚市 $39 包野飲真係好化算。老友粉配料有 : 酸菜、䒬頭、豆豉、蕃茄、肉片和菜。賣相雖然唔係好靚，但勝在配料都算多、味道濃郁 。同埋酸酸地，夏天食夠開胃。另外因為想食多D蔬菜就點了碗「自選配料的陽春麵」自選配料的湯底是豬骨雞湯。 配料我們選了: 生菜、芽菜、魚腐。陽春麵真係好有口感     好Q彈一點都不糊總結: 價錢親民;  南寧風味，有特色; 鐘意酸辣的話要來試環境麻麻地，不過小店唔要求得咁多嘅

呢間小店之前d朋友都有介紹過，但有時想食米線一諗就諗到三哥譚仔呢d，貪方便反正前幾日先食完，決定去試下佢，睇下係咪朋友講既好食款式都多樣化，同平時食既米線種類唔同，多d選擇，但第一次食當然保守d試下d人氣推薦，哈哈免得唔岩口味選左個二人套餐，貪佢有得選個小食 - 自制脆皮肉點左個招牌南寧老友粉(小小辣)，睇下食完會唔會變老友😂一上枱勁大碗，賣相雖然不太吸引，但好喜歡佢多菜，感覺即刻健康哂！豬肉份量都適中，粉質方面似窄版河粉，但無咁油，有d難夾，要慢慢食。湯底飲落似蕃茄湯有少少辣，未去到會食上癮的感覺另一碗叫人氣豬骨雞湯米線，豬肉同菜份量都好多，湯底清甜重點黎，自制脆皮肉！好食皮脆，咸味夠，唔會係死咸既感覺，就算食完都唔會想猛飲野解渴，可惜在上菜有點涼左，但份量十足就算！整體湯底唔係好特別，但如果我會想健康d會黎呢間，蔬菜份量真係很足夠！另外個脆皮肉好吃，我好大機會會因為佢再黎，好矛盾的心情，又要健康又食肥肉😛😛😛留意返餐單紙同埋單價錢有變，加左2$，餐單紙更新埋會較佳

食个簡單下午茶，見到鋪面好细，只坐到十幾人，幾乎連企都冇位，但1點幾都坐滿人，於是入去一齊迫吓先。叫了招牌南寧老友粉和豬骨湯脆皮肉桂林通心米線。原來這是南寧地道美食，老友粉湯底濃郁，爽口的麵條配上榨菜和津白，再加蒜頭放在頂，好味👍通心米粉粗身彈牙，肉皮脆口又有口感，再將蒜頭放在頂，加埋酸菜一齊食，好醒胃👍雖然簡簡單單的一碗粉，看似冇什麼特别，但總覺得舆別的不一樣，難道這就是南寧風味，每人平均$40，有時間我會再去，唯一不足是……地方實在太細，食完都不好意思坐多一陣，要即走😂

呢間小店只有大概25個位，門面都堆滿雜物，如果經過，應該唔會行入去喇~但朋友一番推薦，決定買個外賣，睇吓係咪真係咁好食先！買咗一客韭菜餃-6隻(HKD28)，佢好細心，明知我地外賣，會喺盒蓋開個小天窗比D韭菜餃，咁就唔會淋哂喇！其實以SIZE嚟講佢算係幾大隻，皮厚餡多，可惜韭菜同肉嘅比例係9:1，肉嘅比例如果可以去返2-3，可能會好食啲！不過而家好多人都崇尚健康，各有所需吧！ANYWAY，以一個下午茶嚟講算係幾大份，完全夠飽！下次回頭，食埋佢嘅麵先！

我明明因為炸醬而來，但佢俾錯腩肉，我食左1件腩肉，我覺得奇怪咪睇下單，之後就發覺佢俾錯我，我就立刻同佢講。佢話：咁你係咪要換我話："算喇，唔想浪費",咁佢就走左，佢一轉身，我就講："咁你加唔可以只加返炸醬俾我"(心想我只係想食炸醬),之後佢拿了俾我，但就加左我8元，我話："下!你俾錯都收我錢?"佢話：你頭先已經話ok照食，咁加就當然要收錢。。。。我回應：哦，你俾錯我，但係要收錢，哦，你加喇加喇講真食物係ok,味道濃，大碗。但服務就。。。。。。

見openrice上的評價唔錯，就去試下。點知，吃到一肚氣！第一，睇完點單紙，唸住自己tick，但見唔到辣度選擇，就問店員，可唔可以選bb辣。店員話，得，吃咩，講啦！（無禮貌tone）我就直接講吃某某。然後，真是估佢唔到！個店員話，你咁樣講我好快唔記得噶！自己tick啦！果下真是起火！但唸住試新耶，就忍了。我都是「好聽話」咁自己tick。驚奇的是，俾錢單上，落單人竟然寫的是「經理」！咁的質素做經理，呢間鋪到宜家都未執真是小強咁的生命。第二，買單啦，我第一次去，真心唔知呢度習俗是自己拿單行去部收銀機旁邊（必須要講，收銀機只是是吃出耶吃的窗口旁，果位經理唔是成日企係度）。我話「埋單唔該！」經理係附近，但無應我，也都無示意我自己拿單出來。我以為佢聽唔到（雖然間鋪得200呎左右），準備再叫一次，隔離檯的客好心提醒，出去埋單噶，你行去收銀機，佢就會自己行過來嘎啦。我「哦！唔該曬。」然後我按住咁做，果個黑黑肥肥扎馬尾的所謂經理真是黑口黑面咁行過來收錢。我真是火都來！無下次！好少可試新耶唔影相，但真是太激氣啦

至於粉麵套餐就有12個選擇，同樣已包一杯冷/熱飲。粉麵就有河粉、米線、陽春麵、通心米粉、蓮藕粉及泡飯供選擇。辣度就有不辣、微辣、小辣、中辣、大辣，亦可額外+$2轉為酸辣或麻辣。另外，亦有大量自選配料供揀選，價錢則由$4-$8不等

住係馬鞍山咁耐，一直都好想試依間食店。但係因為種種原因都冇去到食。今日終於有機會食到，本住馬鞍山美食沙漠依個心態去搵野食。是日係星期六下午2點幾，一推開小店既門口，竟然坐滿人，心諗：應該都唔差掛....N04 豬骨湯炸醬桂林通心米線+中酸辣通心米線未食過就試下，佢好吸湯，唔會淋patpat。個酸辣味似老干媽辣醬隻味，因為佢加左豆豉。N06 酸辣炸醬辣腩肉米粉（中辣）個酸辣味好好味，係平時個隻濃郁酸辣味。腩肉唔係薄薄得肥膏個隻，係有肉個隻另外加左$8，2隻韮菜餃。因為讀書時期食得太多餃子，見到餃子都驚。但係見到老闆包餃子包勁多料，又勁多菜小肉，就好想試下。餃子勁大隻，勁多料，咬4啖先食完一隻，雖然唔係好薄皮，但係湯餃好好味好耐冇食過咁好味既餃子，仲要手工包，$8 2大隻，又平又好味值得一提既係星期六都有下午茶，送熱飲。不過2碗都係酸辣，點解食上去唔同味？難得馬鞍山有好野食，下次會再去試下口水雞同炸豬扒。

愈來愈味精，後生服務員態度其差，待改善!通心米線有時碎濕濕及發漲，老手大廚沒此問題。馬鞍山食店越來越多，已比下去，有待改善。口水雞不及當年勇，安哉! 此乃鎮店菜式之一。

馬鞍山係一個没有美食 嘅地方！ 本人對食是有一點要求。 終於畀我搵到一間有我鍾意既食店！ 我都是從網上看到很多人讚這間店 很好食 點知一食就愛上！佢嘅豬扒口水雞 都好好食！ 粉麵 又不在話下 ！ 他的辣是很香亦不是很油 合乎本人的要求！ 終於唔使頭痕諗食咩啦

三日內第二次黎食！其實我好鍾意幫襯小店，如果有得揀，盡量都會避免去集團式經營既食肆，菜色冇咁大路之餘又有人情味。香港地，小店要應付租金不斷上漲，一定好大壓力呢。今次同屋企人黎，我同媽媽都唔肚餓，三個人嗌二人套餐都食得幾飽😋 爸媽仲不停讚抵食！二人套餐 $118 - 包自選一個小食、兩個麵、兩杯飲品，特飲如山楂蘋果茶、檸樂、普通汽水都要加錢。小食 惹味口水雞 先上，話就話係小食，但其實都幾大碟。口水雞上面舖滿花生、醬料、芝麻、蔥，辣辣地幾開胃。雞件幾嫩，最怕雞肉鞋既爸爸approve左😹麵又係嗌左酸辣炸醬辣腩肉，今次配蓮藕粉。蓮藕粉似粗身版粉絲，幾有咬口，比上次煮得過淋既通心米線口感好，但就冇咁索湯。湯底炸醬稍微同上次一樣咁好食👍🏻更正番上一篇食評，今次我問左落廚既呀姨 (定老闆娘?) 酸菜原來係紹菜，唔係雪菜呀！夾起會明顯見到一塊塊，唔會切碎晒咁。另一個麵係乾撈擔擔麵，上面有花生、芝麻、蔥加上海量肉醬同麻醬😍 怕肥唔好嗌😋 花生味好重，岩我口味， 一個字：勁好食！下次黎一定會再食！

一個星期內第四次食米線 (嚴格黎講上一次係米粉)、寫第三篇米線食評，都仲未厭😛 今晚好夜先收工，攰到得番條人乾，決定番馬鞍山喺屋企附近食💀上一次黎係正常晚飯時間，坐滿人；今晚咁夜就有一半空檯。鍾意食酸菜既我當然嗌左 酸辣炸醬辣腩肉桂林通心米線 $36，柴可夫司機熊生嗌左套餐 酸辣粉皮配乾撈炸醬桂林通心粉 $60酸辣炸醬辣腩肉桂林通心米線 - 配料有腐竹、韮菜、酸菜。肉醬好好食，半肥瘦既肉碎入面已經有小小辣椒；腩肉有啲鞋，不過我一向都唔好腩肉，比左好多對面嗰位💁🏻 酸菜係雪菜整成，唔係譚仔嗰啲隻芥菜。我鍾意一啖夾齊米線、蔥、酸菜、肉碎、湯，好食呀🤤 通心米線亦會令人易啲飲到湯，條條麵入面都係湯。不過米線偏淋，煮短啲時間就perfect池。酸辣粉皮 - 撈埋青瓜絲同肉片，口感同米線係兩個極端 - 好!韌! 點解世界上會有咁韌既粉皮😂應該收舖都未趙完😂 我試左一條就放棄，雖然個味唔錯，係咪正宗就係咁？乾撈炸醬桂林通心粉 - 配料有炸醬、酸菜、花生、時菜。冇試過唔評論，熊生話覺得湯麵好食啲，同埋個豆瓣醬好正喎。喺屋企附近咁方便，又幾抵食，會繼續幫襯佢個肉醬酸菜米線😚 不過記住唔好著白色衫🙅🏻

tea time有少少餓就同朋友去搵食，聽聞呢間小店既麵同餃子都好好食，見唔係咁餓就點咗2份餃子外帶返屋企慢慢歎~HKD26有6隻，數量上可能係少啲，但其實佢都好大隻架!可以睇吓2版既菜單，其實種類都算多，而且有餐，都算幾低食咁喇~ 煎餃算係唔算太多油，唔會有膩既感覺，而我選擇咗韮菜豬肉餡，佢係菜多肉少，相對飽肚，而韮菜都十分香口，個人非常喜歡!**佢會送外賣架!視乎遠近，有不同既最低消息，如果唔想落街，都係一個唔錯既選擇~

已經不知道第幾次同朋友仔食這間米線，何謂食極都唔厭！！ 通心米線對於三小姐來說是鐵膽， 一定要選的這個麵底。因為通心米粉可以吸收湯的精華, 而並非間間米線鋪都有得食今次叫左 炸醬小辣通心米粉！炸醬依舊濃味有肉香， 果然是秘制！至少在別家米線我暫時未吃過同一種味的炸醬。 其實一份炸醬已經足夠作餸，如果比較貪吃的朋友， 可以自行加多幾項餸。夏天通常我會加$2 ，加多層酸辣， 更加吃得開胃口 。 米粉軟硬度適中 ， 湯底不會太油， 辣度掌握正常！ 👍🏻住了馬鞍山甘多年，太遲才開始吃它，相逢恨晚！ 另外 ， 請注意這間米線湯底較濃味， 如果追求淡味又十分十分注意健康飲食人士，可以試第2間😂😂