阿桂老友粉

营业中

休息中

在下午茶時段出發，在馬鞍山尋找到一間全女班小店(阿桂老友粉)。坐下order 招牌南寧老友粉下午茶套餐再加入中麻辣，招牌老友粉配料有蕃茄、酸菜、蒜頭、豆豉、肉片和時菜，酸酸辣非常開醒胃，肉片肉質嫩滑 ，非常足料真是大件夾抵食再配熱飲$39蚊

隔住道門（已關門）都隱隱飄左啲酸叔味💨🤭但因為食過一次，覺得可以再食，就入左去～點知入到去，陣味真係有啲勁😳由於對嘢食有啲信心就繼續係度食～嗅覺好敏銳的朋友仔，可能就要另選食堂🥲 不過係幾抵食，四十幾蚊就已經有埋嘢飲！🙌🏻招牌南寧老友粉套餐 $43［小辣+ 熱檸蜜］雖然一開始比錯左熱檸茶，但個店員好好咁無質疑就即刻換返比我～碗麵的豆豉味好重，原本諗住有蕃茄同辣實無死，但係真係太咸😣🌟老友粉close up🌟基本上由賣相到味道質感，完完全全係河粉的孖生兄弟😂😂😂無咩特別～🙌🏻豬骨湯炸醬桂林通心米線套餐 $51［微辣 + 墨魚丸 + 凍檸茶］通心米線似係硬少少的長米通粉，比米線短啲，口感係唔錯～加墨魚丸的確唔太抵食，$8/2粒

誰說馬鞍山是美食沙漠？剛去完local tour, 在馬鞍山解散。穿過熙來攘往的新港城中心，來到比較有歷史感的新港城中心大街（三期），發現有很多內地地方特色菜館。其中一間就是阿桂老友粉。兩個人點了二人餐（$128)招牌南寧老友粉是店子的招牌，我們同時都點了這款。配料有酸菜，蒜頭，豆豉，蕃茄，肉片，時菜。配料不像我們平時食到的雲南米線。吃麵先喝湯，一陣清爽的酸味一湧而上，令人想一口接著一口。應該就是蕃茄和酸菜交織而成的味道。接下來是一陣鹹香的蒜頭豆豉味，那種感覺很難形容，令人有一刻覺得不是吃著米線似的，是在吃蒸魚？！總之就是新奇但又不令人討厭的味道。這裡的米線都有啅頭，就是通心米線，顧名思義就是中間空心的米線，中間可以盛載更多湯汁，而且米線煮得夠彈牙。其他餸料仿如配角。肉片給得慷慨，鮮味爽口。另有大量的黃芽白。自制脆皮肉味道跟港式燒肉有點像。外皮香脆鬆化，油滋滋的，瘦肉部份彈牙。每一件都依附軟骨，惜軟骨咬不動。

成日聽朋友講馬鞍山呢間阿桂米線好出名，終於都有機會試吓佢呢個通心米線。佢有分套餐，一人套餐，同埋二人套餐。我哋計落好似普通套餐抵啲，所以就一人一碗米線。相比來講乾撈米線會好味啲，肉醬啲味會濃啲，豬骨湯米線冇乜味，似係味精溝出嚟。不得不讚佢呢個脆香雞翼好出色，啖啖肉，絕不馬虎！

叫左外賣既精選二人套餐有兩碗米線再加一份小食..分別叫左招牌南寧老友粉同埋麻辣豬扒米線。小食有幾項選擇..我哋就揀咗個惹味口水雞。南寧老友粉 - 酸辣酸辣湯底冇得揀辣度，食落較淡。麻辣豬扒米線米線轉左要通心米線..不過因為店員淥得太淋嘅關係..雖然分左湯但黎到都一pat pat ..豬扒味道普通..不過不失再加餸要左兩粒豬肉丸最驚喜竟然係小食口水雞雞件夠滑 入味。口水汁亦夠香辣。面灑上花生碎同蔥。小食份量算好多..兩個人食極都有

呢個老友粉既味道好特別由第一次食已經好深刻今次再黎encore不過唔知換左廚房定點個味道已經無以前咁濃雖然都仲有豆豉蒜頭爆香既味但比以前淡左好多唯一可取既係份量真係好大碗裡面既河粉真係ko唔到仲有少量蕃茄....菜....唔少既肉片肉片唔會好肥食落其實唔差呀只係湯底比以前遜色左dd

就算馬鞍山再少嘢食我都唔會再食呢間嘢叫咗個老友粉懷疑佢全部嘢食都分開煮冇一樣味係夾湯底難飲感覺好求其是但煮好掉落碗完全冇擺過盤一放落枱見到其實已經唔想食唔會再去

同媽去馬鞍山食late lunch.平時食嘅野悶悶地，今次搵啲新嘢食！上網見過人哋介紹呢間，阿媽又鍾意食米線，就試吓！我自己都中意食餃子阿媽個碗米線味道OK，配料都足夠，只係覺得個湯有啲多油，不過麻辣味可以。我好期待嗰個餃子就比較差同令人失望😞⋯⋯可能本身以為佢都會好味，可惜佢個皮非常厚，再加上啲餡料係好少好少....... 如圖咁～ 咬開啲皮就係咁嘅樣嘅，我未過過啲餡架但係咁小嘅呢度就係我特登返開層皮show d餡出黎先影比例方面，我睇得出宜家啲豬肉好貴😅😂佢好少～雖然我都鍾意多菜，因為健康啲（通常出面點都會mix d 肥肉），但其實佢啲餡都仲係炒入好多油... 所以真係麻麻地...另一隻味好啲啲，多啲，口感又多層啲～‘可能因為有粟米& 椰菜可以容易做得立體啲～不過個皮咁厚，啲餡咁咁咁少.. 都係麻麻岩我口味姐😣另外，環境預左比較迫同差，可能係小店啦！服務呢？估唔到會麻麻地啵！其實唔忙嘅少人，已經3點，但佢地好似唔多想理人咁嘅？🤣

餐廳主打通心米線，仲有開胃酸辣湯底，自己揀餸/已配好又得，多種小食配搭選擇添。叫左酸辣炸醬辣腩肉蓮藕粉(套餐$43)，人氣豬骨雞湯通心米線(套餐$41)，套餐有飲品。每碗既份量都超級多，男仔食都超級飽。炸醬醃得入味，肥瘦適中。原本湯麵已經配有腐竹、酸菜、韭菜，好豐富。蓮藕粉好少見而且特別，透明狀，唔係一夾就會散個種，同米粉差唔多粗度。因為走辣，所以湯底以酸味為主，好開胃，唔係死酸個種。估唔到會有咁多配料，鋪滿成個碗面，仲要每件秀珍菇、肉片都係大大件。湯底用豬骨煲成，清甜。d湯儲存左係通心米線中間，所以邊食邊飲到d湯。成碗麵好健康。如果鍾意飲湯/揀酸辣湯底，叫通心米線就最好不過。整體，食物好快就送上，好多人叫外賣，而落單都好方便，直接用marker畫上menu，抹一抹就甩，環保。會再食，因為menu上面仲有幾款特色麵呀，特別係招牌麵未食。

一向幫襯開呢間桂林粉，佢的脆皮燒肉粉真係好好味，再之前叫左個豬扒飯，同樣大大塊炸豬扒同勁多蔥油，好香口又唔太熱氣。今次叫了兩個一人餐，真係估佢唔到餃子老友粉係餃子同粉分開上，餃子係一大碗有6隻權頭咁大的，有兩個口味，而佢招牌桂林粉又係勁大碗好足配料裝到滿哂，以為實食唔哂啦，但係佢個老友粉同平時食開的燒腩肉通心米線係兩個唔同既湯抵，係好好味，加左豆鼓的湯抵真係未見過，連d菜同蕃茄都勁入味，索哂湯抵的味，食下食下就食左一大碗。餃子呢，有韮菜同粟米餃，韮菜比較野味，但食下食下都係因為太飽剩番一隻，真係抵食好味夾大件，之後個日係冇食晚飯既，因為好飽😂至於另一個餐，木耳絲都好出色，大大碟好健康，豬扒面保持大塊，非常好食。雖然裝修一般但食物質數價錢真係超值！

晚市依然禁堂食, 今晚自己一個開餐, 天氣又凍, 想食碗熱辣辣嘅粉暖一暖胃, 所以就過嚟附近嘅小店買外賣～呢一間舖頭好似喺馬鞍山開咗好耐㗎喇～▶️酸辣炸醬辣腩肉蓮藕粉叫咗大辣, 多酸菜 湯同埋個粉會係自動分開上嘅～ 大辣真係好辣🌶️🌶️🌶️但係又好惹味😆酸酸地好開胃, 會不停食～會有埋配菜：腐皮, 韭菜～腩肉都醃得好入味, 唔會係普通豬腩肉得個肥肉冇味嗰啲～ 蓮藕粉食落有啲似薯粉, 但係質地就淋咗啲, 可能因為始終都係外賣啦～外賣自取做緊特價減HK$5 (我都係畀錢嗰陣先至知🤣), 埋單連一杯熱檸茶HK$40, 價錢合理～我自己去鋪頭落單, 大約六點半, 平日, 大概等咗8分鐘～

此商場門口附近，對面燒味常常排隊，惟此店座位不多，比較擠迫。這種鍋燒脆皮肉，之前在元朗試過，容易吃膩。這次隔了許久沒吃，終於來了又試了個鍋燒脆皮肉通心米線。通心米線，浸湯可能吸湯更好，但有得選，我通常都較喜歡吃撈米線。結果，米線都偏林偏軟，完全沒有彈力。辣，都是放旁邊的，味道挺為嗆辣的。鍋燒肉，皮夠脆，肥瘦均勻，不算太肥，肥肉較香送細細碗湯，沒甚麽味道，不過吃撈米線比較乾都可以濕一濕。凍檸茶反而味道不錯，檸味夠鮮香，茶味亦算是夠濃，但調味較甜，連我都覺得太甜的話，肯定是偏甜了

通常都叫外賣，預左要等半個鐘。但今次落完單45分鐘返去才同我講漏左單，又要等過，仲要返到去有碗湯漏晒（已唔係第一次）。如果用外賣埋app叫可能快啲，因為佢會先做晒呢啲單，就算你落order先。試過下午茶時間去食，叫碗麵加杯飲料，但飲料收番正價，睇到隔離枱張單都係收正價，即寫就話下午茶優惠，但實際係無嘅。應該唔會再幫襯。

佢d粉都幾大碗 叫咗兩個粉，一個就係脆肉通心粉，另一個就係蓮藕粉。佢嘅脆肉係依度相對出名嘅食物，所以我都幾期待，兩碗野黎到，都覺得個份量幾多，重點係連d餸都好多，絕對夠飽！！！通心粉幾好食，蓮藕粉都幾爽，伙記冇介紹錯，係個脆肉冇想像中咁好食，個皮有d硬。

自從將一啲做得唔好嘅夥記趕走咗之後，而家正常好多，態度同味道都好好多👍特別推薦佢哋嘅口水雞丶 同埋所有乾撈嘅面都非常之好食👍 而且價錢實惠。喺呢啲小店入麵食物質素服務態度丶衛生程度我都會畀中上級。👍