阿爺八鮮鍋

营业中

休息中

我地都鐘意打邊爐，今次我就搵左間打邊爐既放題，主打海鮮放題，9點後入座仲有85折，我地就揀左9點先黎食😎2.5小時河鮮海鮮雞煲火鍋放題（$398，85折）我地一坐低，職員就話社交平台打卡有盤刺身送，有野送梗係打卡啦，盤刺身總共有5款，都幾新鮮🍣食完刺身就開始呢度既放題啦，首先佢地已經安排好一連串既食物，由一壺湯開始，我飲既係椰子雞湯，幾清甜，之後就上左碟小食，門鱔連骨魚皮，雖然係連骨，但係可以連骨食，脆卜卜咁，就咁食又得，等打邊爐放湯都得😁跟住就慢慢進入戲肉，黎到食雞煲既時候，佢同打邊爐食既有d唔同，佢係乾身冇辣汁既，個雞煲炒得幾有鑊氣，又夠香，食完佢地就收走，唔係用番呢個煲黎打邊爐架🐥湯底佢地都有唔同選擇，我地揀左豬骨湯，跟住就係上最正既龍蝦海鮮盤，呢個海鮮盤夠曬犀利，有蝦，有蟹，扇貝，鮑魚，同埋龍蝦，全部係佢個魚缸即撈上黎比客人食，夠曬新鮮，隻蟹仲要爆曬膏咁，好靚，淨係呢盤都值回票價🦞🦀🦐食完佢地既送盤，有個小遊戲抽獎，人人有份，我當日就抽中左一袋提子，抽提子大大粒，好甜，有得又食又拎好正🍇打邊爐除左海鮮最緊要梗係肥牛，佢地用安格斯牛肉，無論色澤定脂肪都好靚，估唔到任食有呢個質素，

放題打邊爐就成日食😆任食海鮮火鍋你哋又食過未😮？今次嚟到阿爺八鮮鍋食痛風餐😂🫣早鳥優惠$298就可以任食海鮮牛肉超抵！+$20仲可以任飲野飲同啤酒😮佢哋哩個任食開始可以食份細份雞煲開個胃先😆 雞煲雖然唔係主角 但都唔差 雞肉夠嫩夠入味！如果想直接食海鮮都可以同職員講唔食雞煲都得😆 另外佢哋會送壺時令燉湯今次係蟲草花雞湯 雞湯清甜唔油膩 味道適中唔會覺得鹹 有驚喜好飲喎😮 佢哋仲會送份刺身拼盤添😮 到主角海鮮打邊爐🫨 霸王海鮮盤隆重登場😮 海鮮盤有澳龍 膏蟹 虎蝦 扇貝同鮑魚 食完哩份未完 除咗有多款安格斯牛 雞豬之外 仲有多種海鮮蟶子 珍珠蠔 蜆 海蜇 龍躉等等海鮮都可以任食🫨今次真係食得超滿足！💬 整體🧀🧀🧀🧀佢地方唔算好大似私房菜嘅feel！任食嘅時間絕對足夠食到你飽😆同埋餐廳好得意會有抽獎環節😆我今次抽到餅乾😂 另外除咗基本任食嘅海鮮之後 佢地每日都有額外可加購嘅其他新鮮活海鮮同刺身😮 例如原條象拔蚌、貴妃蚌、桶蠔等限定海鮮。

今日約左個大胃王老死食飯聚聚, 呢間阿爺八鮮鍋係食海鮮雞煲放題. 啱曬佢. 上到去安排左卡位, 非常好坐位寬敞好坐.   店員即介紹有咩食. 先介紹任食雞煲, 有好幾種選擇  - 泰式酸辣、韓式芝士、四川麻辣同花膠雞 . 我哋就楝左泰式酸辣雞煲, 姐姐仲提醒我地可以食完再試其他味雞煲都得.之後就上左一壺老火燉湯. 超清甜好味. 飲唔停手. 泰式酸辣雞煲 好開胃酸酸甜甜. 份量又剛好. 跟住就上刺身拼盤, 每日都會用當日時令, 非常新鮮！食完就上湯底同超級海鮮盤 龍蝦,海蟹, 海蝦,鮑魚,扇貝 全部都勁新鮮. 肉質彈牙鮮甜.手切安格斯牛肉 超好食. 牛味濃油花平均. 仲有任食嘅火鍋配料 有成40幾50樣多.  特別要提幾種配料真係一定要叫, 海鮮類: 鮑魚，招牌手打黑松露墨魚滑牛類: 牛胸爽,牛骨髓,安格斯牛肉豬類: 本地黃沙豬潤同埋本地鮮豬粉腸真係超高質， 呢個價錢食到呢D野真心超值。 撞啱今晚老闆做大特價攞左４條象拔蚌賣到$188/條.  我地即刻搶購一條刺身上超正勁鮮.  仲有呢排老闆仲攪埋抽獎活動送大禮。 氣氛超好又食又玩。 每位$368可以任食2.5小時  加$20仲可以任飲啤

最近好想瘋狂食海鮮🐟🦐🦞🦀🦑一於捉埋奴才爸同我去食餐勁既🤭我地揀左間可以任食海鮮既火鍋🤤先食雞煲，再揀湯底打邊爐食海鮮🤤每枱仲有一壺是日靚湯，滋補下潤一潤個人，應間打邊爐食雞煲都冇咁熱氣🤭另外like👍🏻 & share社交平台即送刺身拼盤，我地梗係唔執輸即做🤭刺身全部都好新鮮，特別係赤蝦好爽甜彈牙🤩花膠雞煲🐓份量唔會好大，岩晒又想食雞煲又想打邊爐既你，可以留返個肚狂食海鮮🤩海底我地揀左椰子雞湯，清清地岩晒淥海鮮，唔洗怕湯底太濃蓋過海鮮味道👍🏻龍蝦海鮮盤全部都係生猛活海鮮，店員都有提醒我地海鮮最好先食，即劏即食唔怕放耐左肉質變削👍🏻龍蝦夠晒鮮味彈牙，仲有好多膏🤤🤤大青蟹爆晒膏🤩肉質鮮甜😋仲有元貝鮑魚同蝦🤤🤤手切肥牛🐂每片厚薄都好均一，刀功幾好🤭牛味濃郁🤤厚度剛好，食落有咬口得黎唔會靭😋我地仲叫左沙白、蟶子，海鮮方面全部都好新鮮，皆因有個大魚缸養住，落單先即叫即劏👍🏻🤤🤤🤑 人均消費：～$450🤩 推薦指數：8 / 10📍 餐廳資料：阿爺八鮮鍋 (尖沙咀)尖沙咀金馬倫道48號中國保險大廈1樓A&B號舖☆.。.:*・°☆.。.:*・°☆.。.:*・°☆.。.:*喜歡我的食評請Like &

黎呢到打邊爐認真豐富，因為佢主打河鮮海鮮雞煲樣樣齊火鍋放題，每位$368可以任食2.5小時，如果7點前離座嘅話，每位只需$298，真係好抵食👍🏻想任飲指定啤酒或者各式飲品嘅話，每位+$20就得座位好闊落，唔會好逼，食得舒服😉大大個魚缸放海鮮調味醬料飲品有紙包茶類、汽水、同埋罐裝飲品提供入座後，會先送上幾款餐前送盤，最後先打邊爐，記得LIKE同SHARE SOCIAL MEDIA，仲有龍蝦鮑魚送😎門鱔連骨魚皮：香脆惹味，作為餐前小食一流😄時令燉湯：今日係椰子雞湯，飲落去幾足料，清甜滋潤😋特色雞煲：佢有幾款口味可以選擇，我地揀左花膠雞煲，雞件炒得幾惹味，花膠幾有口感👍🏻日式廚師推介：安排左幾款刺身俾我地，冇雪藏味，幾鮮甜下😁龍蝦海鮮盤：擺盤夠晒精緻吸引，有龍蝦、鮑魚、扇貝、海蝦、蟹，而且仔細D睇嘅話會見到D龍蝦鮑魚仲郁緊，真係勁新鮮😍所以食落去D肉質都好彈牙，鮮甜無比🤤手切安格斯牛肉：油花比例幾好，肉嫩而且牛味香濃😋大合照🤩火鍋配料佢用九宮格盤送上，睇落豐富又吸引🥰牛類選擇方面，有安格斯牛肉、爽脆牛柏葉、牛胸爽、牛骨髓、新鮮滑牛肉。有唔同部分可以食，特別推介安格斯牛肉👍🏻火鍋配料選擇都幾多

ෆ⃛ 阿爺八鮮鍋 ෆ⃛之前同屋企人食過旺角個間佢哋覺得幾高好諗住再去，點知已經結咗業😿得返尖沙咀店，平日5點至七點半$368/位喔🪸♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 花膠雞煲 ♪一去到就即上雞煲，口味都有好幾款選擇，好似泰式酸辣、韓式芝士、四川麻辣同花膠雞🐥我哋就楝左花膠雞煲，花膠都有好多舊，而且厚切有咬口 雞就半隻份量炆到好淋好入味呢🧚🏻ᗦ↞︎◃︎ 值quota指數: ✿✿✿✿ / 5 超級海鮮盤 ♪ 食完雞煲之後就可以開始打邊爐，湯底都有好幾款選擇，有辣有唔辣🌶️同屋企人就揀養生啲嘅椰子雞煲♞上咗湯底之後就隨即上埋個海鮮盤，入面有龍蝦、虎蝦、元貝、蟹、鮑魚同蠔🦪其中龍蝦同虎蝦都有驚喜，非常新鮮彈牙🦐ᗦ↞︎◃︎ 值quota指數: ✿✿✿.5 / 5 任食海鮮同埋火鍋配料 ♪對佢印象最深刻係可以任食唔同種類嘅海鮮，好似鮑魚、蝦、蠔、蟹、龍躉、白鱔等，全部都好新鮮！我哋鮑魚同白鱔都encore左好幾次⛲️除咗海鮮之外，安格斯牛同招牌手打蟹子蝦滑都大推🎖️前者嫩滑有牛味，後者爽彈足料(˶‾᷄ ⁻̫ ‾᷅˵)ᗦ↞︎◃︎ 值quota指數: ✿✿✿✿ / 5✎

雖然到咗夏天，但係仲係好想打邊爐見到呢間海鮮放題邊爐 同朋友試吓佢一坐低店員首先會問咗你想食咩味道嘅雞煲先雞煲超級惹味 份量一啲都唔馬虎之後就送咗一壺老火湯過嚟老火湯好鮮甜 飲得出好俾心機飲完湯就送咗一盤好大嘅刺身嚟竟然有超大隻超多膏嘅毛蟹 其他刺身都非常唔錯食完咁多嘢，終於入正題送咗盤限定嘅海鮮拼盤入邊有大大隻龍蝦包魚扇貝聖子同埋肉蟹等等食完咁多仲唔夠，仲可以任食生猛海鮮而且佢啲牛肉都唔錯飲品都係任飲 有好少見嘅椰汁性價比幾高👍🏻

Bookmark咗好耐要去食！宜家Like n Share社交平台仲送龍蝦🦞同鮑魚刺身，加$20任飲啤酒+飲品**********前菜~揀咗花膠雞煲，花膠大大塊又厚身，掛住食唔記得影低🙈，雞煲仲可以無限添加~日式廚師推介係刺身拼盤，當日有象拔蚌、赤蝦、魷魚、鮑魚等等…食材非常新鮮，象拔蚌爽脆👍🏻赤蝦蝦膏bid哂出嚟！鮑魚刺身勁大隻，切到好多片！~門鱔連骨魚皮，比傳統魚皮硬啲~手切安格斯牛肉，肉味濃郁！~時令燉湯用茶壺🫖裝住，用個金杯仔飲，預咗造型得意之外，入面嘅椰子雞湯好足料，十分滋潤！飲多兩啖就唔熱氣啦😆-💥重頭戲💥新升級霸王海鮮拼盤🦐🦞🦀🐟🦑活海鮮！幾缸活海鮮任叫，海蝦🦐、蟶子、鮑魚、肉蟹🦀、珍珠蠔🦪都有得叫，而且高質！蟶子肉飽滿，淥完都仲係大大隻；肉蟹肉質鮮甜，仲有蟹膏。鮑魚嚟到都仲識得郁，真係好新鮮；珍珠蠔唔腥龍蝦🦞鮮甜，原汁原味唔使蘸醬汁-火鍋配料~新鮮龍躉片🐟：魚肉白雪雪好新鮮，魚皮充滿膠質，好彈牙~A4豆腐紙：個名勁得意，放落湯底好似隱形咁，夾埋夾埋就好似腐竹咁，幾好食，索哂椰子雞湯汁~ 招牌手打黑松露墨魚滑🦑：口感彈牙，淡淡黑松露嘅味道，唔會太嗆味-甜品木瓜乳酪

上星期同朋友食完覺得哩間唔錯, 食兩個半鐘包左好多野, 有刺身+雞煲+時令燉湯+海鮮盤!!刺身又幾新鮮, 油甘魚好肥美又厚切。酸辣泰式雞煲幾特別, 酸酸甜甜唔辣, 細細煲過左個雞煲癮就開始食海鮮~用得海鮮做招徠果然質素唔差, 海鮮夠新鮮, 而且種類比坊間放題要多。尤其正既係龍蝦, 啖啖肉又結實彈牙, 仲有鮑魚, 帶子都係鮮味又厚肉。另外跟左份安格斯牛都幾鮮嫩。仲有好多野食可以任點, 手工丸/餃, 不過黎得就叫盡海鮮同河鮮啦！

打邊爐黎講,呢間任飲任食得黎keep到個水準。成個體驗都好特別,首先食左個雞煲先,有得選唔同既味道,我地選了花膠雞煲,花膠吸晒雞煲既汁,好正,香菜又好香,雞同個汁好夾。我地fb like左佢地既專頁,送左一客刺身比我地,有海螫、海膽等,味道唔錯,樣樣都試到。仲有一壺湯比我地飲,都幾好飲架!主菜好驚為天人,有龍蝦、活鮑魚等,好豪華,而且唔似放題水平,有返咁上下水準。任食既部份都有海鮮,質素都唔差,好似九宮格咁上,店員又會不時幫我地執野,好抵食又好味。

這間火鍋店有大量海鮮、蔬菜、雞、牛、豬選擇,還有雞煲、湯、刺身任君選擇,同朋友聚會時我就冇咁擔心人地唔岩食,今次我同朋友都叫到自己中意食既野。呢間店既味道好好,係埋位置好有空間感之餘仲望到街景,同埋好近mtr。雞煲好惹味,湯就好滋補、刺身鮮甜。呢個質素絕對對得住個價錢。生菜好新鮮。呢度食完個雞煲就可以點野食,好中意好別緻既擺盤,樣樣野食都好岩食。牛頸隻切到好薄,入口即溶,呢度有蟹同埋脆鯇魚,肉質結實、清爽脆口,打邊爐一流。

$368/ 2.5小時任食🔶海鮮拼盤 龍蝦件大大隻，新鮮彈牙！推薦！海蟹唔會多碎骨，肉多又有膏，個個都食得好滿足！海蝦同帶子都食得出係新鮮貨，簡單伴少少鼓油&蒜頭已經好正🌟讚好餐廳主頁 會送刺身拼盤 赤蝦好正！🔶 雞煲3選1口味：我點了麻辣小辣，雞件量多，大小適中，沒有碎骨，而且好入味，惹味開胃🔶燉湯係港人好熟悉既湯水，味道清甜，打bino時飲碗湯格外健康🥰🔶活海鮮//見餐廳個缸有幾款海鮮，叫咗4隻貴妃蚌，新鮮沒有沙//蜆// 煮完縮細咗但仍然脹卜卜//蟶子仔// 都係沒有沙，肉質唔會霉//海蟹海蝦鮑魚// 同海鮮拼盤的質素一樣，沒有因為是任食就俾次貨，抵讚//龍躉 鯇魚 白膳片// 厚薄適中，肉質實在，唔錯🔶 招牌手打蟹子蝦滑蝦肉比例高，啖啖蝦肉，真材實料！推薦！🔶 招牌手打黑松露墨魚滑彈牙程度不比蝦滑，但仍然好好味🔶牛骨髓算少見，但口感唔係人人鍾意，大家可以叫半份試一試🔶牛胸爽即係牛心旁邊的牛白肉，煮得耐就會香脆啲，我就喜歡滾幾下就食，都推薦大家試下！🔷服務店員人手足夠，超級友善，反應快，會keep住清理枱面

約咗朋友去尖沙咀打邊爐食宵夜，一入到去火鍋舖就見到好似海鮮酒樓咁有好多活海鮮，就知冇揀錯！打邊爐前有炸魚皮同雞湯，湯底濃郁暖胃，唔係雞精味！雞煲有得揀芝士、麻辣或者花膠，我哋揀咗花膠，雞調味恰當，足料，花膠又厚又大塊。刺身拼盤有赤貝，魷魚，甜蝦同鮑魚。刺身好新鮮，尤其要大讚個鮑魚，好大嚿，店員話有足一頭！記得like/share左社交平台！我哋揀咗椰子雞湯（另外仲有沙嗲同麻辣）湯底清甜，好啱煮海鮮！首先上的係海鮮拼盤，有原隻龍蝦、大大隻鮑魚、元貝、生蠔、蝦同蟹，仲送咗一碟手切牛。全部海鮮都好新鮮，尤其要大推隻蟹，好多膏，蟹肉都好鮮甜！手切牛夠厚身同有肉味！火鍋係任食，梗係encore咗蟹、鮑魚同蝦啦！仲叫左鱔片、蝦滑、魚滑、牛肉、萵筍、菜⋯樣樣食材都好新鮮同大份，非常滿足！任飲嘅嘢飲選擇都好多（汽水、啤酒、梳打水同茶）隔籬枱抽獎贏咗，送一大碟哈密瓜，好好氣氛！火鍋店定期有唔同優惠，記得留意社交平台～

花膠雞煲🐓一開始係會先食個雞煲，今次叫咗花膠雞煲，估唔到真係有幾片厚身花膠，食落有膠質，好驚喜，雞件都煮得入味，唔食辣嘅人不妨揀依款～刺身拼盤🦐like 社交平台就會送一客刺身，有大大隻赤海蝦之餘，仲有大大隻鮑魚，感覺賺咗！海鮮河鮮🦞海鮮盤嘅亮點係龍蝦同埋蟹，龍蝦肉同埋蟹肉都好鮮甜又有少少膏，鮑魚彈牙，蟶子、扇貝等貝類都洗得好乾淨，食唔到有沙，白鱔片同埋龍躉片都好食，魚肉連皮都有彈性，海鮮河鮮都係新鮮又有水準嘅👍手切安格斯牛🥩其他配料叫咗紫菜響鈴、蟹子蝦滑飲品都係任飲，但係就要叫侍應攞，唔係自取嘅，不過侍應嘅服務好好，上菜加湯都好快手～

「阿爺八鮮鍋」由鬧市旺角搬到尖沙咀後人氣不減，2.5 小時海鮮雞煲火鍋放題保證令食客捧腹而回，今天帶同愛吃海鮮的男友到訪-19:30 前離座每位 $368，另收取加一服務費，可享用新升級霸王海鮮盤、多款特色雞煲、時令燉湯、日式廚房推介、特色湯底及多款飲品；Like & Share 指定社交平台即送刺身拼盤一份-海鮮有原隻游水鮑魚、蟶子、龍躉片、龍躉頭腩及海蟹等；河鮮有多款鮮活魚；更有提供雞牛豬、蔬菜及大量火鍋配料-時令燉湯五指毛桃湯有祛濕功效，適合今個多雨水的夏季，足料清甜；刺身四款皆新鮮爽甜，珍寶鮑魚爽滑彈牙；餐前奉上門鱔連骨魚皮-雞煲點選花膠雞，加入大量新鮮芫茜及紫洋蔥，花膠軟滑帶彈性，雞肉嫩滑惹味，調味恰到好處不會過份濃膩-湯底點選椰子雞鍋，加入紅棗及杞子等材料，滋潤養顏，椰子香濃郁-海鮮盤有龍蝦、海蟹、大蝦、扇貝、鮑魚及蠔肉；龍蝦鮮爽彈牙帶大量蝦膏；海蟹鮮甜肉嫩，蟹膏甘香；大蝦厚肉爽甜，扇貝大粒而肉厚緊緻，鮑魚同樣爽滑彈牙-火鍋食材推介有軟嫩帶牛香的手切安格斯牛肉、坊間少有的魚標及飽滿足料的鮮蝦鳳城水餃等；餐後奉上什果乳酪作結