阿瑪港澳門餐廳 (已結業)

臨飛之前要食一餐先上機，雖然知道機場裡面嘅餐廳唔會平得去邊，就揀間茶餐廳。點知呢一間阿瑪港澳門餐廳嘅質素係咁差，仲以為會有間平又抵嘅！今轉食咗個也快餐，諗住快快脆食完就走，我叫咗一杯特飲，等咗半個鐘先枱面！而且樓面冇waiter serve 客人，要落單都有難度，更莫講我要追單先有杯飲品！嘢飲就冇問題，但係特餐都好難食，水煮意粉還好啦，只係菜得一條，就收人80蚊，要用呢個價錢去食，我會想飲個茶都好過！

未食過啲咁難食嘅餐廳架！以為開喺機場都應該有返咁上下質素，點知原來唔係㗎！一睇個餐牌以為有好多嘢食，點知叫乜都話冇，曬咗好多時間去嗌嘢食！啲嘢食又係咁漏單，催左幾次都未到，杯嘢飲等到食完成個飯都未黎😡啲嘢食嚟到，超難食！我叫咗個刀削麵，啲面黐埋晒成舊嘢咁，唔知以為佢未煮熟，好似食緊啲粉團落口，湯麵個湯又咸到阿媽都唔認得！拌麵乾到好似沙漠咁，諗住落啲辣椒油落去，點知辣椒油入面有舊膠，差啲食咗落肚呀！ ！千祈唔好嚟食呢間野呀！又貴又唔抵，仲要難食，服務又差！😡😡😡😡😡😡😡😡😡

落單落錯曬，又漏單又落錯，叫人黎改單又等得耐，明明餐廳冇咩人都要搞好耐。嘢食唔好食，一條意粉一邊軟一邊硬，意大利汁原來係茄汁黎。粉皮又乾又唔好食，牛肉湯麵個湯鹹到癲。失望！

入座安排已經差到爆，落單時個男侍應不停催，野食都未叫完就已經係咁問野飲，仲要落錯哂單，我地叫5碗麵全部黎錯哂！😡食物唔好食，珍珠奶茶d珍珠黏埋哂一舊機場仲有其他選擇，呢間真係試都唔駛試！

食完再睇返食評原來呢2年全部都係負評伏到暈點左2個餐, 餐牌上寫包湯包飲品主菜好快黎到, 湯和飲品一直沒有, 成間餐廳眼見得3個待應, 落ORDER傳菜執枱都係佢地, 見其他食客叫D待應佢地都唔理, 成列卡枱食完D碗具冇人執, 心知不妙, 但伏已中, 諗住俾齊食物就埋單走人點知排隊收銀諗住落ORDER俾佢叫湯和飲品, 個收銀女人同我講話真係俾唔到我, 咩意思, 勁氣憤! 你俾唔齊我叫既食物我點埋單呢.. 最後嘈多次先死死地氣送飲品黎, 埋單仲要收加一服務費!以前遇過D服務差既食肆都冇諗過寫食評, 呢間仲要係機場, 影衰晒香港!

係機場T2想食早餐，諗住試下入面d間隔板好高，d 店員又被動正常一個女仔 舉高手 都係冇可能畀人睇到隔離枱有位女士企身大嗌 唔該啲人先至識得反應成間店已經冇乜人佢哋都係唔會主動去嗰個餐牌畀你攞到餐牌 我見到價錢仲諗住會有好嘢食我揀沙牛麵配奶油多士多士又凍又少煉奶沙牛麵食食下有陣甜味沙嗲汁完全唔入味啲牛肉一浸落水 啲沙嗲汁就冇曬女友叫左雲吞刀削麵個麵未煮熟啲麵係幾條幾條分開 我不如去食香口膠雲吞散開曬我仲要好似海底撈咁樣 慘就慘在海底撈啲嘢滾㗎 仲好過呢間嘢咁簡單 兩個麵 都煮成咁...好後侮 入咗嚟食

今早入機場做嘢，同機場嘅同事嚟咗呢度食個早餐。 我叫咗個<韓風辛口芝士＞低脂奶湯公仔麵，配叉燒同蛋。 先講個麵，已經浸到脹曬咁濟， 我寧願食生麵都唔想食呢啲發脹曬嘅麵。 另外叉燒應該都係隔夜嘅，啲肉好實，咬唔開， 黐曬牙。 另外個韓風芝士其實就係啲辣嘅芝士粉放喺面， 芝士同韓風辣味，完全係風馬牛不相及。另外呢度嘅伙計嚴重不足，因為我碗麵少咗隻蛋! 我想追討返隻蛋嚟阿姐都唔得閒理我，要同收銀講。嚟澳門餐廳食韓風麵，都怪自己衰囉。

去玩搭飛機好少去Terminal 2，今次搭泰航check-in就要喺呢邊，見仲有時間梗係食埋個早餐先至過移民局上到一樓見到呢間澳門餐廳好似幾正咁，點知就中伏了，來到機場貴少少其實都預咗，點知你貴得來，啲食物完全唔掂驟眼睇好似都OK，點知坐落啲梳化根本就冇清潔過細心睇下，個電視機側邊啲塵多度嚇死你，不過朋友話費事行嚟行去，粗粗地都食啦⋯⋯點知食完真係好唔開心其實今時今日，做一間茶餐廳係咪真係咁難呢，一定唔會有下一次囉

不知所謂， 超級難食, 機場已經貴 ,食物外觀都好差 ,叫'了一個星洲炒米毫無味道， 只有兩隻蝦 ，味道極差！ 再叫了一個 芝士 焗魚飯, 更加不知所謂， 芝士 一啲味都冇 ， 根本冇芝士， 只見到一團 又稀有淺色的白色汁！！

一早送完機。諗住食個早餐 見到間間餐廳都爆。依家冇乜人，都心知不妙。但係諗住試下。 早餐嘅餐牌密密麻麻 ，睇咗好耐， 先諗到食乜嘢。 冇乜正常ge 茶餐廳早餐,揀選擇好似好多,但係早餐嚟講太heavy.卒之揀咗最基本嘅餐蛋治,同埋叉燒午餐肉公仔麵. 連兩杯飲嘢,一杯凍檸茶少冰少甜.個麵不知所謂，叉燒一陣雪味， 啲菜又黃又黑 。最簡單嘅三文治都唔掂，凍檸茶多冰都又甜到嘔 ！侍應個個都好似唔想做，未瞓醒咁！嬲到連相都唔記得影！

今日中午因工作需要去左呢間野食坐埋枱落想單冇人理落單好似殺佢老豆咁上餐湯個侍應好似第一日番工咁態度勁差咁話唔知我地要咩湯求其"不"左幾個比我地但事前完全冇問過我地要乜好啦上主菜份量味道溫度都算ok不過廚房竟然用熱感紙印order上菜見住張野黐住我碟飯嗰下即刻唔開胃個侍應好似我殺埋佢老母咁同我講唔夠手長呀幫幫手而家我唔要求酒店級殘廢餐服務但都唔好野野都仇人咁嘅口吻得唔得野性價比中上但奴隸級嘅服務自己諗

出發前成班食少少野先坐底叫左個肉片拉麵等左成10分鐘先來...以為會有好打食來到個樣...白雪雪一碗野1:肉片...有雪味好重。完全冇調調味。即食即螺番出來2:個麵...咩叫拉麵先...大佬...又係冇味...！個湯淡到呢😡😡😡😡😡😡😡😡跟本比豬都唔會果隻looo....!想叫人來...封佢鋪😤😤😤😤

因為工作關係要去機場2號客運大樓同客人開會，開完會正值午飯時間，係food court到周圍搵野食，行行下見到有間裝修好特別的茶餐廳，（門口擺了個大三巴擺設），見咁特別就走入去試下。餐牌上有好多是日快餐，假如快餐唔合你心水，你可以選擇其他套餐或公仔麵套餐 ，由於我太肚餓， 於是就點咗葡國咖喱牛腩反。可能食飯時間太多人樓面侍應都比較忙要等好耐先上到菜， 上菜後我呷一啖葡國咖哩汁，發覺香及味度及牛腩都有待改善。1）椰香唔夠2）牛腩肉都比較un 及‘鞋‘ 總結： 大大碟葡式咖哩牛腩飯醫肚非常好，但講味道真係有待改善。

林住開開心心去旅行前，係機場度搵D野食先去坐飛機.....點知.....未出發先中伏....討厭（要用國語講）先講食物: 簡簡單單點咗個紅燒豬軟骨湯麵 + 珍珠奶茶, D豬軟骨係硬嘅， 個湯嘅感覺, 好似一包味精粉, 但係用雙倍嘅水去沖咁, 淡而無味, D麵正常珍珠奶茶: 珍珠正常✔, 但係最鑊係d奶茶， 甜到入完開唔到眼服務態度: 係令我最接受唔到，搵個阿姐攞多個碗仔，佢竟然同我講好忙呀， 完全唔理我 ,咁我跟住咪自己攞囉... 面對依間餐廳我真係認輸啦

垃圾 落左兩個麵餐等左半個鐘都有趕時間上機千祈唔好黎又貴叫佢跟單 員工喔完就算當無聽過 叫左成四五個員工先有個應 跟完又仲要黎錯野 落單個陣講明一個奄列一個炒奶 等完一大輪又話今日無奄列員工態度認真麻麻原本黎錯野漏單真係好少事 但最後錯漏百岀真係食到好燥