阿瑪港澳門餐廳 (已結業)

今早入机场做嘢，同机场嘅同事嚟咗呢度食个早餐。 我叫咗个<韩风辛口芝士＞低脂奶汤公仔面，配叉烧同蛋。 先讲个面，已经浸到胀晒咁济， 我宁愿食生面都唔想食呢啲发胀晒嘅面。 另外叉烧应该都系隔夜嘅，啲肉好实，咬唔开， 黐晒牙。 另外个韩风芝士其实就系啲辣嘅芝士粉放喺面， 芝士同韩风辣味，完全系风马牛不相及。另外呢度嘅伙计严重不足，因为我碗面少咗只蛋! 我想追讨返只蛋嚟阿姐都唔得闲理我，要同收银讲。嚟澳门餐厅食韩风面，都怪自己衰啰。