阿芳上海餛飩

营业中

休息中

是日剛好路過佐敦覓食唔想同人地迫特登搵間少人啲ge餐廳入去坐咁岩見到呢間主打食上海餛飩同餃子既餐廳就入去挑下機我地叫咗個menu 推介ge 洋蔥豬肉餃子併年糕 ($42) 同埋薺菜豬肉餛飩湯麪配拍青瓜 ($53)留意返, 呢間舖堂食係唔支持雙拼, 所以自己一個食就淨係每次可以試一款餃子同餛飩上台時既兩碗賣相差唔多唔重覆po 相喇雖然一個叫餛飩一個叫餃子, 但其實個皮好似無乜分別湯底方面用咗櫻花蝦落去襯, 清清地, 算係幾好味餡料方面洋蔥豬肉暫時未係出面見過, 雖然造法對我黎講算新不過食落就真係平平無奇. 薺菜豬肉亦都係一樣, 家常的味道. 但唔會話超級好味個人反而鍾意佢ge 麪條, 爽口得嚟有啲彈牙造工唔似一般ge上海麪咁粗糙, 比較幼細, 好易入口至於個湯年糕就普普通通啦, 有得揀佢個湯麪會較為出色個小食拍青瓜都做得好食夠好爽口, 味道恰到好處唔會覺得太辣/ 太鹹值得推介堂食一般都會送一杯大麥茶, 茶味夠濃ge , 不過如果飲晒想添飲就要另外比錢喇不過你問我其實如果成本唔貴, 可以比啲客人添飲1-2 杯會比較吸引啲好似普通餐廳咁, 一般都可以refill 

這家小店位於佐敦一條不起眼的街內，今天獨自一人再來這裏品嚐。聽說這裏是正宗的上海年糕和雲吞。我叫了菜肉雲吞和四喜烤麩。先上來的是四喜烤麩，裏面有冬菇、毛豆和烤麩。味道甜甜的，很好吃，尤其是烤麩的口感，我也很喜歡。唯一其他上海店的烤麩用手撕的方法，此店卻用切的方法，和傳統有點兒不一樣。雲吞上來了，湯頭很清，有蔥花、蝦皮，喝上一口，很清甜。雲吞的皮很薄，餡料也很足，味道10分好。我尤其喜歡這家的年糕，有咬勁，配上清甜的湯一起吃，很是美味。

年廿九過年前，完成手頭上的工作已是2:30pm，路過呀芳餛飩，決定走進醫醫肚。其實呀芳餛飩早年前已試過，但每次都是吃白菜豬肉，未知為何，筆者從未注意到洋蔥餃，直至有次朋友告知，每每走進佐敦都會過來吃一下，於是紀錄在案，今天終於可以過來拜會一下了。門口玻璃躺門，中英日Manu 對照，清楚易明，而且選擇多樣化，大胃口和小吃也照顧得到。2:30pm 時段，避開了繁忙時段，吃得比較舒服。筆者選擇望到㕑房的位置坐下來，看著㕑房煮食時的蒸氣上升，感覺很自在。另一旁的小巷子，看見店員落力地包著餛飩。最後決定點了輕食餐:洋蔥豬肉餛飩(四隻)麵，另配四喜烤麩$51~四喜烤麩:上海人喜歡做一大鍋作前菜，烤麩、香菇、木耳等，加入醬油及其他調味料，煮得入味。甜甜的，淡淡的麻油味惹人喜愛。洋蔥豬肉餛飩麵~當店員端上來的時候，第一眼便看到碗的中央部分有幾隻貌似櫻花蝦米，感覺相當良好。葱加上小小的蝦米仔，再配上辣油，味美。麵質爽韌度有口感 ，下次要試試配年糕如何。紫洋蔥的爽脆配豬肉，對於一個葱怪來說，真是相當吸引，終於明白朋友為何對它情有獨鍾。整體來說:套餐有彈性，還送上大麥茶一杯，比其他食店的茶膽或清水，來得有誠

基上每次路過而又想水餃 一定會去呢間最喜歡食佢地既洋蔥水餃又香又甜佢既水餃款式 我覺得都特別，如 玉豆、薺菜、洋蔥等個人口味比較偏向清一啲呢度既水餃湯都清甜而且有櫻花蝦一直都好喜歡💕不過今次去係有啲失望😞食左幾粒都係有一少粒一少粒硬塊適逢生痱滋 食得特別小心起初以為一粒 點知隨後幾粒都係咁本著想唔好到間好食既食點變差 於是同職員講一位年長既職員即係話冇可能架wor ！（我都係平述 食完果幾粒既感覺姐 反應都幾大下 跟住另一位年輕職員就過來了。 解）另一位年輕人職員 就過黎真係了解跟住佢地換左另一款水餃而數量與我所淨的相同但結果都係有硬塊 其實唔止我一個食到啲硬塊坐對面的食客都食到有最後想指出的是如果食客唔反映意見遇不滿就走了以後都不來 那只是食店我損失如反映後有跟進改善則會客似雲來

黎到尖沙咀呢頭，朋友係附近返工，之後佢介紹我黎食呢間平民上海餛飩店。佢話次次去都勁多人食，因為鋪入邊面積吾算大，好采今日去到仲有位。我就叫左個有既招牌玉豆豬肉餛飩麵（$42）黎試下，仲有奉送大麥茶，上菜速度都快。入面有六粒餛飩，雖然睇落平平無奇，賣相好一般，但食落有住家既感覺。而且個湯底有好香既櫻花蝦味道... 食落都幾健康，因為都算清淡。吾重口味之餘想一食再食 整體來說：價錢合理，味道好食，值得再去

粟米豬肉水餃麵 $42水餃🥟有六隻！餃子皮口感煙韌，呈半透明既狀態👍🏻內餡肉大多汁，咬一啖啲汁噴曬出黎🙈🙈豬肉餡份量多，豬肉肉質結實🐷唯一不足之處係肉既比例較粟米多，導致餃子味道唔夠清甜🌽上海麵🍜似幼版烏冬🤔食落有少許韌度。略嫌麵條煮得太耐淋身左少少，如果煮既時間拿捏得好啲會更好😋湯底落左麻油🍾味道鹹左少少，湯底唔算太油。面頭有細蝦乾🦐提鮮整體而言，餃子🥟好味🤤係無任何期望下，出乎意料地好食🤩👏🏻有別於其他餐廳厚實既餃子皮，哩到既皮帶咬口又唔會太厚👍🏻成碗餃子麵都做得幾出色，食完有口渴既感覺，有家既味道💯平凡中帶點驚喜👩🏻‍🍳會再訪😇美味度👅： 7.5/10性價比💸： 7.5/10Encore👩🏻‍🍳： 8/10

行過呢間舖頭好多次，次次都全場爆滿，由於唔想等位，所以一直都無機會試到。今日做完運動去搵食，咦，竟然好lucky 有位，唔使問阿貴一於推門入去啦我地三個人叫左三碗野+三個小食，講堅，全部野都好好食喎粟米豬肉餛飩，韭菜豬肉餛飩，皮薄餡靚，啖啖肉建議一定要加小食五香牛𦟌：夠淋夠入味糖醋排骨：用左豬軟骨整，好特別，又係夠淋夠入味五香燻魚：又係夠淋夠入味，唔會食樹皮咁款每人都係54蚊咋，抵唔抵呢？晚餐來咖返到屋企一d 都唔口渴，唔怪得成日爆場啦Yeah~ 下次做完又多一個選擇啦P.S. 我地決定要試曬附近的食店

愛食餛飩的我，平時屋企媽咪都會自己包，而我一食都會食三四十隻今晚經過佐敦，又見到阿芳，就入去試試先！價錢一般，唔太貴都唔係平，就叫左個平時好少會整的玉豆豬肉餛飩試下。平身都想食麵，但麵得六隻，都係叫淨餛飩先黎到賣相一般，但好香麻油味，又唔見佢落左好多！個湯好鮮，佢仲落左Ｄ蝦皮（之前返大陸果陣買過一包蝦皮，平時食麵落Ｄ都好正ＧＡ！）餛飩好食，玉豆豬肉少見，食完真係發現無揀錯！又鮮又甜！最後差Ｄ想飲曬個湯十分推介！

剛剛經過佐敦，便去了這間平民上海餃子店，我點了一份韭菜豬肉米線加蒜泥白肉，我朋友點了洋蔥豬肉餃子米線。上菜時間很快，大概5至10分鐘便有得食，餃子十分新鮮，米線也很彈牙，跟餐還送了一杯麥茶，唯一有點失望的是那一份蒜泥白肉，不算是什麼特別。侍應態度很好亦很禮貌，會再來的。

餛飩餃子係日日新鮮自家包製，總共有六款口味，餛飩有玉豆/白菜/薺菜豬肉，餃子有洋蔥/韮菜豬肉同素菜甘筍，套餐可以配湯年糕或者上海麵今日唔太肚餓，所以叫咗輕食餐 - (細)洋蔥豬肉餃子湯年糕配蒜泥白肉，送大麥茶，價錢只係43蚊，女仔食絕對夠飽，性價比高餃子好足料飽滿，洋蔥同豬肉比例啱啱好，口感豐富，個皮厚薄適中，湯底有麻油、葱同櫻花蝦，味道比較清淡，所以我會另加辣油調味，年糕都ok，幾煙韌，而蒜泥白肉就太鹹啦，我唔太推薦，餃子就非常好食

鋪頭好細，係會有d迫。但係佢嘅雲吞好味到痴線！佢係𠴱種好清淡嘅上海菜肉雲吞，唔係出面𠴱d好重味精好重味好多肥肉好油嘅雲吞/餃子。雲吞涵切得好細好細，入口之後唔洗點咬；每粒雲吞都包到接近一模一樣。如果唔想食得咁肥膩，「阿芳」會係你不二之選！而小食方面，我個人覺得糖醋排骨最好食，佢係用豬軟骨做，味道唔錯，不過如果可以無咁甜同埋無咁油就更好(不過糖醋排骨點都肥仔，我又無理由要求咁多)。我每個星期有幾日都去食架，個阿姐都認得我記得我食咩😂。真係好好食。食咗呢度之後食唔返出面𠴱d。佢有得俾你買生雲吞或餃子返屋企自己淥黎食，但我試過，結果時間掌握得唔好，結果無哂個shape，攪到個皮好易爛，所以都係係佢度食就最好。

呢間舖頭我已經食左好多年，自從我帶過洋蔥控既另一半來食洋蔥餃後，佢就不能自拔地愛上呢間小店！以前係金巴利道時，大家已經成日去食，但自從搬咗入新界區之後，就好少出現喺九龍區，所以我地成日都掛住呢間鋪頭嘅味道，一旦出九龍，就會搵機會去呢度幫襯適逢又去開九龍塘做facial，facial後都只係18:30，就約埋另一半去開餐！例牌點左2碗淨洋蔥豬肉餃、拍青瓜及醉轉彎，今次額外再叫多份四喜烤麩！食物一上枱就忍唔住即刻開動，食到一半先記得影相上湯有小蝦米，同餃子味道匹配，餃子有好香洋蔥味，又好爽口；拍青瓜好爽脆，辣辣地好惹味，食到停唔到口；醉轉彎不過不失，但四喜烤麩味道偏甜！以前套餐會送豆漿，依家就送大麥茶！舖頭仲可以外賣生餃子，但我覺得都係堂食的上湯配餃子味道比較夾！

有日中午同事帶了我們來吃飯，自此就喜歡上這裡了!第一次吃年糕麵，起初怕會吃到很濟，但原來一小片一小片的吃，配上鮮甜的湯底，很快就會吃光光。年糕做得挺好，不會像粉團似的，也不會痴牙。配菜是排骨，酸溜溜的非常開胃。肉醃得很入味，肉質鬆軟，豐富的骨膠原更添滋味。平靚正!

同老婆去佐敦搵野食，見到有餛飩食，諗住清清地，決定一試！一入門就見到入面有兩位姨姨不斷包緊餃，證明一定係自家製！我地都唔係好肚餓，所以叫左一個薺菜淨餃同一個洋蔥淨餃。湯底好濃郁，有少量櫻花蝦吊味。餃子大小適中，唔係好肚餓既話絕對夠食。餃子皮薄，豬肉香味足夠。洋蔥餃真係特別推薦！原來洋蔥配餃子係咁香口！跟餐重有一杯大麥菜，雖然賣相同平日茶餐廳既茶一樣，但味道係唔同的😂惟一有少少美中不足既係，店內大部分係射燈，照到個人有少少暈暈地🙈

今日又忙到2點半，即沖去白加士街揾嘢食。平時食開佢哋午餐，淨叫韭菜豬肉餃子淨食$46有10粒餃！今次下午茶餐$35就食到，但得4粒餃，不過就配小食。我早一個星期試過雞絲粉皮，覺得麻麻哋，所以就試手拍青瓜，但呢兩款小食唔係好特別，唔推介喇。韮菜餃子一如以往好好味，足料又新鮮，每日新鮮包。清湯底好清甜，好鐘意呢個湯底呀！但唔知有冇味精。我最後都飲哂成碗湯！以前送豆漿，宜家送麥茶，我反而唔係好鐘意麥茶嘅味道。