阿詩瑪壹菌 (已結業)

早前發現呢間太古既阿詩瑪雲南菜好好食，所以間唔使都會黎幫襯下。今日好彩見到老闆得閒傾左2句，先個原來佢地做埋今個月都唔做啦。 屹立左係太古廿幾年，無奈都要結業，好慘呀。 係香港好食既雲南菜真係買少見少。食過佢先知呢類特色菜唔係全清一色麻辣，都仲有好多道地既真正味道。希望可以好快會再開返啦，因為老闆真係好用心經營，亦拍到好好既大廚。其實之前試過佢既米線真係超正，同出面既真係冇得比，米線好嫩滑，肉味又夾，好味到連湯都可以飲晒。 老闆話佢地好多食材都會自己做，好似酸菜，豆腐，冰粉...等等。 係呢啲唔同既細節位同小食都咁用心做，就睇得出佢地對菜色既熱誠。今晚最高光既係黃金蝦球，櫻花蝦炒飯，金磚豆腐，菇菌雞煲，冰粉，滋芭，真係越食越多野，真係要再黎食多幾次先得啦。

太古城食嘢出名貴，上星期去完消防嘉年華，見到依家門面都正常，價錢好似合理，就入去食啦。舖頭好大好多張枱，四個人都要搭枱，呢個都唔係問題，由於佢哋人手不足，明明有位，又話未入得，入到想叫個嘢食，又冇人理，企晒起身終於有人嚟，以為佢幫我落單，點知等咗好耐都冇，隔離遲過我哋入嘅人客都已經啲嘢嚟齊晒，我哋仲未嚟，睇返 order , 原來入單時間，都唔係我哋叫嗰個時間🫣至於味道，當然同個價錢成正比， 60至80左右1個餐，

香辣雞絲涼拌米線🍜 真心講句我本身好抗拒食涼拌米線，我一定一定唔會嗌🫣 今日男朋友嚟揾我食飯，我一如既往咁叫返我之前介紹過嘅口水雞，佢嗰醬微辣得嚟好嘢味🤓 真係好好味🤤 但原來原來嗰涼拌米線嗰醬係口水雞嘅醬，仲有雞絲🤓 簡直滿足晒我所有願望😂 因為自己唔太中意食飯，但佢嗰口水雞真係幾好飯，所以次次嚟都會叫口水雞飯🦥 不過由今日開始可以轉目標🎯 可以自己揀2餸($72)或者3餸($79)😎 雖然佢賣相比較普通，但呢嗰撈汁真係好正，同埋佢都夠大碗架🤤

曾在2020年4月15日和11月15日為阿詩瑪寫過食評📄一次是劣評👎一次是為其平反的正評👍客觀的說，部分劣評不一定是攻擊性的，有些劣評是真心善意，希望食肆有所改善而能夠繼續幫襯的☺️2023年3月5日用OpenRice 外賣點餐🥡取餐時間沒有遲，很準時就出到餐，拿餐給我的女職員很有禮貌👍為這次食評提高了服務分數📈1. 銀杏馬蹄炒萵荀 - 吃到一半不對路，明顯是不夠新鮮，食材部份呈現黑色(請看圖片🖼️)，再也無法吃下去😖2. 雲腿松茸炒飯 - 炒飯不錯，飯粒分明，但又不乾硬，少少咸香味道，份量不少，足夠兩人用👌如果是廚師覺得這樣也可以給客人食，有機會老闆是不知情的🤫是有點冤枉，但也責無旁貸😵‍💫真心喜歡阿詩瑪的菜式，可惜。。。又不知要隔多久才敢再幫襯了🤷🏻‍♀️

這間餐廳是全香港為數不多有正宗過橋米線既鋪頭，雖然好想試，但索價一百以上，令人卻步。退而求其次，選擇了午巿套餐既兩餸小鍋米線（竹笙+腩肉），連一杯飲品，不過埋單連茶錢加一都大概$90了。講返米線，質感正常，竹笙煮得偏熟，幾乎溶爛，腩肉除了切片均勻，味道跟坊間米線店差不多，幸好酸辣湯味道很對胃口，酸得黎有種厚度，辣度適中。鋪頭除左米線，其實重主打小菜，其他食客一般都係叫餸食飯。總括，米線算係我中意嘅味道，但價錢係大概連鎖店嘅兩倍，性價比唔係好高。

同事連續三日都食阿詩瑪😂 我日日聽佢講搞到我都想試下佢有乜咁特別🤭 同事一如既往咁食佢嘅金牌小鍋米線😂 偷食咗少少，又無乜特別，但令我驚喜嘅絕對係佢嘅金牌口水雞🤤 聽落可能誇張咗，但呢間係我食過最好食嘅口水雞，雞嫩之餘，仲有嗰醬汁調校得啱啱好🤤 同埋自己本身唔係好食得辣，佢做到嗰種味，但我又唔覺得辣‼️佢令原本唔中意食飯嘅我成功食咗一碗飯🤭🤭 真係好有驚喜😚佢啲小食就不過不失，如果lunch time 12:45前埋單有9折，姐係免加一，正常一個餐$88，加$3茶錢，有主菜、小食及飲品，計返$100/一個人，如果用呢個口水雞嘅質素我願意俾🤭🤭

今晚朋友提意食特色啲既民族菜，就黎左阿詩瑪食雲南菜。 原來係香港搵到啱食啲既雲南菜都唔易，呢間真係食得過。坐底店員都好好招呼，仲介紹我地食左個小食拼盤，水煮魚，同黃金水晶蝦酥。 仲有好幾機都係好少有地方食到既餸。小食拼盤都好足料又新鮮，一邊傾計真係一邊食唔停。 釀茄子好鮮嫩，炸蓮藕都好正。 最驚喜係黃金水昌晶蝦酥，好鬆脆，蝦又大隻又彈牙，而且鍋巴又非常吸引，佢炸物得黎又唔油利，食落唔會有罪惡感。松茸鮮雞珍菌天鍋又係好鮮味，雞好嫩滑，飲完特別暖身。水煮魚果然夠野味，辣度啱啱好，而且佢既魚滑得黎仲要冇骨。 黎呢度食辣真係冇錯。鍋巴手卷，同南乳雞翼都係招牌特色菜。 本來以為都係普通野，點知又真係做得幾精。 可以話佢地既雲南菜好有本身民族特色風味，但又可以就返啱香港人既口味。而最開心就係可以食呢個美味既玫瑰冰粉。 佢同一般甜品唔同，本身冰粉都係健康又美顏既食物，加上好少地方有得食，真係不能錯過。

咁啱今日嚟搵朋友食飯，佢話有一間米線好好食，咁就嚟試下但呢間野真係好隱蔽，我行嚟行去，搵左勁耐我黎搵到個門口，仲要向住廁所方向，推門再轉先搵到，要係後門入，前門係唔比人入😅😅我就叫左個撈米線，配韮菜餃加豬紅豬紅係偏實有啲鞋但勝在都幾多，餃子就普通，批發，不過不失撈米線就有啲失望，冇乜味，唔辣唔鹹唔酸，好淡朋友話個素鵝同小鍋米線好食，可惜素鵝賣哂，咁可能係我叫錯左啦，下次再嚟試下朋友食糖醋里脊肉，呢個反而唔錯，冧冧地，肥瘦適中，下次可再食

超級推薦這一家的酸菜魚真的讓人一吃難忘酸辣度剛剛好，而且湯有點酸甜酸甜😆😆魚片很多，不過不是每一次都是沒有魚腥味，偶爾還是會有，不過勝在湯底搭夠除了配菜有芽菜外還有薯粉耶，再配上一碗白飯真的超飽而且我覺得它家的茶也好喝，飯後一杯茶真的幫助消化🎈🎈記得還有一杯免費的飲品，奶茶是首推還可以價錢換特飲這樣吃一吃價格真的不貴，還有下午茶，更優惠，如果在附近上班我這裡簡直是飯堂吧。他家的小菜也很好吃

朋友生日，佢住東區，就想搵間近近地嘅餐廳幫佢慶祝。東區好食嘅餐廳我認識嘅唔多，但係阿詩瑪壹菌絕對係其中一間我會推介嘅餐廳。因為人少少可以叫嘅嘢食唔多，一個拼盤就可以包羅萬有。我哋叫咗個五福民族拼盤，包括白玉青瓜卷、宮廷醬茄子、燈影藕片、山珍腐皮卷、油雞樅蟹籽拌海蜇五個小食，每個味道完全唔同，完全冇重複，但係個個都精彩。我最鍾意食嘅係燈影藕片，佢可以將蓮藕切到咁薄嘅薄片，再加埋醬汁糖漿，香脆可口。主食係雲南野生菌鍋，我最鍾意食菇，呢個菌鍋完全吸收左雞湯嘅鮮味，除咗菇同雞食晒之外，個湯都係飲晒，最後飽到攬住個肚埋單。

店名：阿詩瑪，門面好有民族特色！美麗的雲南姑娘～淒美的愛情故事！傳說中的阿詩瑪已經化身在雲南的石林中～我細個時睇過內地啲‘阿詩瑪’歌舞劇，人靚歌美，哈尼民族啲經典故事，久久流傳……今日，初次淺嚐，唔知呢度啲 ‘阿詩瑪’ 味道會唔會也能讓人流連忘返？ 午餐時間，以套餐為主，價格還算適中👇🏿我哋一行3人，試食如下：1）雲南過橋米線 ：HKD88.- 冇嘢飲（午餐價）’過橋米線‘ 啲特色係：上菜時，將各種易熟的食材（包括薄切的肉片魚片等等）及煮熟的米線，分碟擺放，配一碗滾熱的高湯，由食客餐前，自行將食材落入滾熱啲高湯中，燙熟食用。 今日，上菜的阿姐好熱情，推車到檯邊，問都冇問，就直接向湯碗中撥入食材……好彩我制止得住，同阿姐講：我哋自己來！（但圖中9宮格第二格d肉片已經被阿姐撥入湯碗，我都沒睇清楚落入d係咩肉😅…）整體來講，食材中有一隻蝦，好有彈性，幾片雞肉和豬肉，湯底還有兩片鹹火腿，整個湯像雞湯，油亦鮮，適合浸泡食材。呢一大碗過橋米線食落肯定飽！味道也ok！ 80/100分2）米飯午餐套餐： 自選主菜+小菜+湯+米飯 HKD88.-/套 我哋撿咗：- 滇池酸菜魚（主菜）配

因為太耐冇去食，唔肯定星期六多唔多人，所以早一晚喺app book位，星期六同媽媽去食番個lunch後尾發覺，真係book位會好啲，一入去坐低冇耐，就不停有人入座。講番食物先，原本想食過橋米線，不過媽媽想食其他菜式，唯有下次至食過橋米線嚕呢次午餐叫咗4樣菜式，首先係涼拌茄子同貓耳朵，涼拌菜式而言，算係ok，茄子幾多汁，又唔怕太軟身，好味！不過貓耳朵呢，就可以濃味番少少。另外叫咗個海鮮炒飯同羊肚菌黃耳燴素千層。個炒飯呢，材料足，份量多，但炒飯而言就略為唔夠鑊氣，但味道係好嘅～而羊肚菌黃耳燴素千層呢，味道好好，我比較鍾意呢味菜式，味道清新，菇菌類好多，仲有萵筍等食材，外面又有腐皮包住，好味！廚房出餐快，侍應們送餐又快，服務又好，態度親切，所以覺得呢次午餐都食得幾開心。

D野食又油又甜，一係冇味，四佰幾二人餐，除咗個湯叫做入得口，其他不知所謂。🙃蟹子土豆絲-冇味🫣🫣🫣唔知咩茄子-又咸又甜又油（唔知想點）🫣🫣🫣夫妻肺片-冇味（連辣味都冇，得d油浸住）🫣🫣🫣紅燒肉 - 太甜，個汁好似水咁，夠肉又肥，簡直垃圾🤬🤬🤬🤬🤬松茸雞湯-全晚最正常氣鍋雞 - 冇對比冇傷害，但早兩日先去深水埗食完某小店，再食哩間，真心完全比下去🫣🫣🫣糖水- 雪蓮子桃膠湯水 （都係以難食結尾）總結：一定唔會再去～完🙃🙃🙃🙃🙃

今天不想外出晚餐，便走到這裏看看有什麼合意的食物。還沒到晚餐時間，可訂購下午茶。下午茶套餐選擇頗多，還免費送一杯熱飲，那就决定在這裏買外賣回家。最終選了金牌小窩米綫，加了一份肥牛和水蜜桃綠茶。要等待約十五分鐘，付款取票後到商場逛逛消磨時間。拿到外賣食品。湯和米綫分開裝上，那就不怕米綫浸泡在湯內太久已變得糊了。金牌小窩米綫的湯底，酸酸辣辣的，香麻味道頗濃。肥牛份量也不算少，米綫配上香麻酸辣的海底惹味。水蜜桃綠茶味道較甜。

呢間比較似係茶餐廳川菜，同雲南菜差別好大，基本上見唔到係雲南餐廳隨處可見嘅菠蘿飯、烤魚、涼粉。如果只係食米線OK，但晚餐好勉強。兩個人買單800蚊，不如食商場樓上任何一間連鎖餐廳好過。唯一滿意係佢提供嘅綠茶，有糯米香味。