陳財記

营业中

休息中

媽媽自看到別人介紹後就嚷著說想來吃豬雜湯！是一種很懷舊的味道，點小的也滿大碗的。另外點了湯浸西洋菜，非常好味！不過要說, 這家店好像是老闆一人打理。當日沒有老闆以外的伙計幫忙，準備開店, 準備食物, 落單, 送茶, 收拾, 就他一個人。所以...要不是在他開店就來吃的話，你可能會等很久呢~我們吃的中途已有人等得不耐煩走了~避開12點半午餐時間, 一早11點半來等他開店就是了！

忘記帶眼鏡，揸車行錯路，順其天意，求其喺上環泊低架車揾食，行咗成條海味街都無 「茶記」，反而見到街市上面嘅熟食中心～上上上。一推門真係眼前一亮，依家啲熟食中心咁鬼靚嘅，因為當時係4點幾，有啲都收工或者落咗場，唯一選擇只有佢哋～陳財記，唔好理，真係肚餓（未食晏）。叫咗『考牌』二味～一係乾炒牛河，二係～椒鹽肉排。乾炒牛河～夠晒鑊氣，略嫌油份多咗啲，味道以我嘅要求～水準以上，雖然油多咗，我都幫唔手清碟。椒鹽肉排～難得下面墊左好多條芥蘭，影之前已經食咗幾條，講返啲豬扒，一口咬落去，好鹹，唔係偏鹹，係真係好鹹，餸飯至頂得順，但係啲豬扒係好味嘅，起碼唔係硬，唔「鞋」，係好食嘅，只係個廚落料重手左，起碼好過係醃得太鹹，二樣唔同。二口子當午餐，即炒～埋單$130街坊生意價錢，算喺咁。除咗食物同環境，我會睇多啲嘢，你可以叫呢啲喺大排檔，佢哋辣椒油果個不鏽鋼罌，乾淨過所有茶餐廳包括我屋企果個～難得。第二，通常去呢類熟食中心，最驚係去洗手間，入呢個之前都戰戰兢兢，點知同大堂一樣，乾淨企理～👍以上純粹個人意見，並沒有收受任何利益。回頭度～6/10不過我真係路過，除非過嚟買海味😂😂

陳財記的菜餚不僅新鮮美味, 還保持了傳統中菜的精髓, 食材的選擇上乘, 無論是中式小炒還是海鮮, 都能讓人感受到廚師的用心。份量充足, 價格來說非常合理, 感覺物超所值。菜單選擇豐富，良好的服務：優質的服務體驗也增加了整體的價值感，讓顧客在享受美食的同時，感受到賓至如歸的氛圍。Chen Cai Kee's dishes are not only fresh and delicious, but also maintain the essence of traditional Chinese cuisine. The selection of ingredients is excellent. Whether it is Chinese stir-fry or seafood, you can feel the chef's care. The portions are ample and the prices are very reasonable, making it a great value for money. Rich menu choices, good service:

五個長者衰去幫襯，點知啲伙記只係俾四張有背凳，一張無背圓凳，當時客人唔多，有背凳亦大把，我們多番要求，伙記態度衰到不得了，堅持唔俾，算了罷，我們繼續點菜吃飯，都未食完，伙記不停收碟抹抬，擺明趕客，唔怪之得港人都北上去也，我以後也不會再幫襯🤬🤬

約咗幾年都約唔到齊人，決定無論幾多人都好，點都要約一次出嚟。有人提議去返呢度，話佢重新開返，於是就決定舊地重遊，地點決定咗，枱一早book好咗，終於成事我係最尾先join 呢個group嘅人, 佢哋一齊經歷嘅嘢似乎比我多好多，有啲而家都仲做緊同事呢外表上大家都冇乜點變過，但係食量方面就大減咗好多囉。其實約食飯有啲人會覺得食唔係重點，但係見到你又食減肥藥又話戒食澱粉令到本身想食多兩啖都好似唔係幾好意思咁 ，再加上我哋有一半人冇到，所以食嘅氣氛似乎冇之前咁開心。佢哋有部份就跟返以前曾經嚟過叫過嘅菜式copy，例如有椒鹽鮮魷啦「呢個必叫嘅」，仲有粟米魚肚羹、鹹菜豬肚湯、肉絲炒麵。今次新加嘅菜式就有菠蘿咕嚕肉（佢哋之前過咗嗌嘅會係西檸雞，雖然都係酸酸甜甜）、瑤柱豆苗（以前年紀仲細點會嗌菜啊）同埋小炒王 （特別嘅小炒王，佢嘅魷魚唔係配菜，而係做咗主角，好似另外嗌咗半碟椒鹽鮮魷加咗落去咁）原先我係想食菠蘿生炒骨多啲有啲骨選吓好過啖啖肉，不過嚟到都係變咗咕嚕肉🤪全部嘢食，佢哋話同以前大致上都差唔多，可能冇之前咁濃味喎。我都覺得幾唔錯，而且性價比高。裝修咗嘅大排檔，其實大致上都冇乜點改動 佢哋話係個廁

材料差勁， 老闆賺到盡， 仲要畀面色你睇， 好似話你知，你唔嚟我有大把客 嗰啲大老闆面色， 冇下次。大家唔好做水魚!只想好心提醒下大家! 完全明白點解香港人唔肯消費。 實在覺得離曬大譜， 不吐不快。

潮湧香江百年，味遊「潮州巷」。潮州滷漢導遊，見證心所在、家所在的英雄歲月。人去樓無，變成皇后街熟食中心。無明顯招牌，有巷一條，由電車路找自動電梯，入此隱世爆炒飯店。宜先遊「海味街」（皇后大道東西）、「南北行」（文咸西街）、「中藥街」（高陞街），你才明白三街人流交滙，催生這條潮州橫町出現。其實只剩下曾記棵品，本文介紹是茶檔爆炒店。茶檔是茶餐廳的先祖，更有風味 ，此店是西營盤古早味茶檔，晚餐變成爆炒店，是冷氣充足和潔淨的歷史博物館。近年多了年青人、內地人和外國人來嚐爆炒店，嚐古早味，文化味遊是當前香港美食主流。推介是海鮮和鑊氣餸兩大主打。伴啤酒的是炸大腸，考驗鑊氣。海鮮孖寶是薑葱蠔煲，亦有火爆本色。蒸粉絲扇貝厚重，粉絲很多。南乳燒雞亦是爆炸餸，此店各款均不濃咸少油，能留住街坊客，星期一晚亦9成滿。要批評是清湯腩過份清淡，宜加白胡椒。白蘿蔔太硬，未足時間煲稔。稍有潮州風味是沙爹牛河，帶來絲絲回憶。

繼續病嘅日子食乜好？今日萬無目的地行咗去皇后街熟食市場，本身想買啲濃味嘢食，入去去見到陳財記今日午餐有魚方肉碎蠔仔粥，要熱飲60蚊有找，都幾抵食！味道都唔錯。唯一係人比較多，大家背貼背食飯咁滯🫢所以我外賣返公司食，做自閉仔唔好傳染人啦！

係上環上完堂去左皇后街熟食市場搵食,一去到見到呢個招牌已知道係老字號雖然環境就係街市麻麻地加拿,好在星期六唔多人,希望味道補得返啦~我自己就好鐘意食潮州野所以點左個蠔仔粥$57雖然等得耐左小小,(可能係即煮掛)但一食落口又真係幾OK 蠔仔夠肥美，一咬落去成口生蠔味出哂黎,加上個方魚都好夠香,美中不足粥底偏清,不過我後天幫佢補救加少少秘製辣椒油吊一吊過味 完美陳財記地址 :上環德輔道西38號皇后街熟食市場1樓CF1-3號舖電話號碼:25480407

OMG! The pig intestines here is just amazing! It tastes so clean yet flavourful. I could taste all the work they put in it. Cleaning all the intestines, marinating, seasoning and frying. SO good! This is a must try, even if you normally don't eat intestines. Trust me! Their fried chicken and most of their stir fries are worth trying too. All skilfully prepared. I just highlight the pig intestine cause I got so impressed.

5點半去到，飲杯凍奶茶走甜，麻麻哋茶味奶味都唔夠，比較浠，依個時間，只有我一個客，叫我兩次，要我座係條柱則邊，櫈底係去水渠口。睇吓其他嘢，牛仔骨128元。半隻南乳吊雞120元。

睇完蔡瀾的介紹過來試試，豬雜湯普普通通，53蚊大碗，四件豬紅，四件豬肚，兩件豬粉腸，豬肺，湯水普通，所有食物正正常常。但令人印象深刻係服務態度，直頭呼呼喝喝，行埋去啱啱想order，個女人大大聲話，要等成四五個字wo，等唔等？比佢喝完我真係想唔食，不過算數，就睇下你咩料。結果大概8分鐘上得，試過之後覺得普通，耳邊聽到店家繼續大聲話客人，咁多位唔坐，你坐果邊？(話客人個位坐得唔好) 唉，食物普通唔緊要，態度可以搭救，但態度都差，咁就祝你好運。

上環宜家除左Soho Area一帶，都無乜嘢食，尤其係out of office hours就更加嚴重，難得仲有間像樣嘅稀有小炒，梗係要好好珍惜，食多D🍽<沙爹牛肉飯>沙爹牛何謂港式重要標誌性菜品，又早餐開始可以食到落晚餐，襯出前一丁到白米飯都得，每一間都有各自各嘅風味特色，牛肉炒得嫩滑唔韌，每一塊都大大塊，同菜心一齊炒，健康又味美🥤<凍鴛鴦>加埋個人習慣餐飲，好味要Keep住來支持保存上環小炒尚有的一席位

今天去開上環嗰邊，之前喺YouTube話陳財記啲嘢好食又抵，就想去試吓午餐。見到佢哋午餐嘅列表有八九款，咁叫咗個蘿蔔牛腩飯，佢一送過嚟望到個賣相已知賴嘢。點解？碟飯差不多全部都係牛腩碎，份量極少。差唔多全部都係蘿蔔咁滯。本身有時都會喺屋企煮蘿蔔牛腩，咁唔講份量試吓啲味道，啲牛腩基本上只係烚熟撈啲汁上去，仲有好大陣雪藏牛，無處理嘅騷味😖😖😖當然實有人話四十幾$50快餐，唔通比啲酒店質素你咩，但係冇可能咁差呀？加埋杯凍嘢飲$51 ，如果係西營盤同上環，我諗呢個價錢可以有其他更好嘅選擇！你問我會唔會再去我好肯定100%話俾你聽唔會！

嗰晚我地想去西環碼頭吹海風，途經上環皇后街熟食市場，男朋友仔說不如去咗醫肚先。當時七點左右，都已經有啲肚餓了，男朋友仔嘅提議真係我嘅及時雨呀！上到去唔算太多枱食客，有些店鋪冇開檔，但係又想食中式嘢，咁就得陳財記可以幫襯。打開餐牌睇下先，價錢定位都幾高下，感覺比一般大牌檔貴。咁我地就點咗方魚肉碎蠔仔粥（大鍋）、金銀蛋浸時菜、同埋脆皮百味豆腐啦！過咗五分鐘，一鍋熱辣辣嘅蠔仔粥出現啦！我嘩咗一聲，因為見到粥入面嘅蠔仔比起出面食嗰啲大隻好多呀！我幾乎未食過咁大粒蠔仔嘅蠔仔粥，蠔仔嘅份量仲好多添。除咗巨蠔之外，裡面仲有肉碎、蝦米同方魚，仲有些冬菜同葱花，真材實料！如果收這個價錢有咁嘅質素，我就覺得很抵食啦！另外，脆皮豆腐真係皮脆內嫰，正！而金銀蛋浸時菜嘅份量都幾多喎！總括來說，CP值比起深水埗某出名大牌檔要高許多！希望可以keep住水準，有機會經過再嚟食啦！