陳家菜 @Freshlane (樂基商業中心) (已結業)

陳家菜 @ Freshlane📍上環疫情之下晚市禁堂食，同事介紹上環附近有一個地方係專做外賣，只要用手機落order就得，好方便。Freshlane仲可以自取好多間唔同餐廳嘅外賣，幾有新意😆糖醋魚柳呢日唔想成日食咕嚕肉，就叫咗糖醋魚柳。魚柳好大件，炸漿唔厚，魚肉冇骨夠嫩滑🥰 糖醋酸酸甜甜好惹味，加埋菠蘿、三色椒同洋蔥好開胃。滷水拼盤呢個滷水拼盤份量好多，好足料。有滷水牛𦟌、豬大腸、鵝掌、豬腩肉、雞腎等等😆 全部配料都好入味，送飯一流。

昨晚家人不想煮飯，睇到呢間新開ge試一下。鵝翼又香又入味，水煮牛肉香辣惹味。又貼心，叫了麻辣雞煲，看圖片有芫茜，可以叫佢走左佢。👍椒鹽豆腐，好正，番到屋企仲好脆，又好味👍👍花膠飽魚雞，兩隻飽魚，花膠又淋又入味。感覺CP值幾高。

真係見識少，原來上環有間「Freshlane」，集合左十幾間不同既食店專做外賣平台，上到去見到一大排locker, 要黎放完成左既外賣，落完order 見到螢幕顯示你單既號碼就到果個locker 自己拎，都幾得意。而家禁堂食，岩哂要叫外賣返屋企食既人。今次叫左個一人麻辣雞煲同滷水拼盤。麻辣雞煲-味道都ok, 有少少辣，乾身唔係好油滷水拼盤-有鵝掌、鵝翼、豬腩肉、金錢肚、腎…都有好多款仲有2個白飯，送飯一流👍🏻

依家疫情，成日都冇得出街食。外賣係好好選擇，今次依間餐廳我都係外賣app到叫，佢地主要係做外賣，係唔同嘅平台有唔同嘅優惠😆😆大家有興趣可以去睇下.今次叫咗3個餸加兩個飯！第一個係雞煲，係屋企都可以食到雞煲，你話係咪好正先。份量大概係一至二人份，其實一個人都可以食得曬🤣🤣味道夠辣夠麻，重有少少配菜。椒鹽九肚魚味道夠，香口嘅，不過份量有啲少，唔係好夠喉😂😂😂最後重有滷水拼盤，咩都有啲，可以樣樣試少少。最鍾意滷大腸！

今日返工好累，又唔想煮飯，就決定叫外賣，呢間餐廳係共享廚房，無堂食，全部都係外賣既。當然可以用送餐平台送到屋企啦。非常方便首先我地叫左個菠蘿生炒骨，呢個味道非常好，可以做出呢個水準真係好唔錯，可以比美勝過於酒樓，呢個價錢食到住家菜呢個水準真係十分滿足。另一個餸係麻辣雞煲，呢個對我黎講唔算太辣，但友人就覺得有啲辣，見人見志啦，辣度好客觀嘅。呢款味道都唔錯，用黎送飯食一流。呢道既味道真係優勝過好多大酒樓，而且服務態度又好好，真係值得一試。

疫情之下，夜晚6點後禁堂食，只可以外賣🍴🛍自從做左人妻之後，幾乎晚晚都係屋企煮 好少出街食飯。不過有時真係唔想諗煮咩🤯今日經過上環呢頭見到有間外賣專門店好似幾吸引❣️ 一於買啲小菜返去加餸啦😋天氣凍凍地，心血來潮想食辣野，於是揀左川菜暖下胃☺️到步後，見到一排locker仔 好似順豐櫃 不過係放外賣既 好有特色❣️而且一個地方集合哂唔同餐廳既外賣 方便客人自取👍🏻只需要預先order餐，然後去取餐處自取就可以啦，好方便!麻辣鵝腎🌶🦢💲38第一次食鵝腎，其實口感同鴨腎差唔多🤣鵝腎都幾厚身，外脆內腍，入口甘香🤤 加入麻辣風味，適量芝麻，滋味無窮😋送飯一流吖👍🏻四川麻辣水煮魚片配白飯🌶🐟💲88未開外賣盒已經聞到陣陣麻辣香氣😜食得辣既朋友可以一試🌶😋 水煮魚鍋配料豐富，當中有木耳、青瓜、豆卜、娃娃菜同埋主角魚片。魚柳無腥味，無魚骨👍🏻鮮味得黎有咬口份量都幾多，兩個人食都幾飽。鮮鳳梨咕嚕肉配白飯🐷💲98食唔到辣既朋友，餐廳都有其他唔辣既小菜選擇✖️🌶 食完辣野要食下酸甜野中和下先得😋 咕嚕肉係我平時必點嘅小菜之一🥰外脆內軟，肉質嫩滑 酸酸甜甜 好開胃👍🏻配料有🫑、🧅同🍍。值得一讚既係菠蘿唔係罐頭菠蘿，

星期日晚又係時候搵下高質外賣店原來上環Freshlane集合左好多唔同餐廳既外賣自取平台今日揀左呢間陳家菜食小炒新推出: 鮮鳳梨咕嚕肉 ($98)咕嚕肉一向都係賣飛佛平時啲咕嚕肉用既係梅頭肉店主用左五花腩做咕嚕肉幾有咬口又唔會好肥加埋新鮮菠蘿、三色椒同洋蔥好開胃秘製啫雞煲 ($86)出面雞煲多數都係一大鍋二至三人份量呢度有一人份量既雞煲就啱哂我😋仲可以揀辣同唔辣我今日就揀左唔辣既雞煲雞件醃得好入味啲汁送飯一流平時夜晚唔食飯既我都食左大半碗**店家仲有提供其他種類既菜式，有麻辣、水煮同滷水有機會要試埋其他

放工經過西營盤，冇堂食嘅夜晚又要買外賣，經過呢間freshlane一個地方可以自取好多間餐廳既野食，野食會擺係速遞自提櫃。第一次試下幫襯呢間陳家菜，全部都係客飯套餐為主。今晚叫左「滷水拼盤客飯」同「藥膳醉雞煲」，醉雞煲都幾足藥材料，有黨參、紅棗、枸杞、半隻雞、龍眼肉、雞隻鮮嫩，浸著個湯返屋企凍左啲，整返熱好食啲。另外滷水拼盤客飯，有豬耳、鵝翼、豬耳、雞腎，入味又濃，每樣有齊岩岩好，唔怕悶，如果再多啲汁更正😆呢排無晚市堂食，下次可以食埋其他外賣款式

Omicron的疫情嚴峻，依家又無得出街食dinner，又無時間煮飯，唯有買外賣返屋企食。見到公司附近有樓上外賣食肆，原來有好多間，第一次見呢種專做外賣的食肆。今晚想食中菜，所以揀左食呢間陳家菜。叫左麻辣雞煲，好耐無食過，味道調得好香，加少少辣，係我鍾意的味道，好啱送飯！我地仲order左豬頸肉，切得好薄，同埋完全唔會燶，比較健康。本身豬頸肉無咩味，所以仲有跟泰式辣醬同埋韓式燒烤醬，我個人鍾意韓式燒烤醬多啲。2個人2味小菜，簡單美味的一餐。第一次食呢度呢啲專做外賣的食肆，可能因主要靠食物吸引客人，所以味道都唔錯👍🏻

#上環 @chan_chanskitchen😪今日去上環開完會已經6pm, 無得堂食, 外賣返屋企慢慢嘆! 路過見到一個綠色 Fresh Lane banner, 之前已經聽過呢間公司, 今日決定一試🤤! 接近20間公司進駐, 今次就先搵其中一間試試!🛵可以用外賣 App 送餐, 亦可以自取! 一格格 Locker 取貨, 好方便車手! 是日天氣同心都有點寒🥶, 來個辣雞煲暖暖吧! 因為我係自取, 所以喺 Openrice 睇相再經Whatsapp 落單, 棃咗大慨15分鐘就有得攞! 入口喺內街, 樓梯上一樓就見到就見到一整排 Locker 及中央廚房門口! 🐥秘製麻辣雞煲、秘製啫雞煲, 2份都係例牌, 咁就可以試多啲唔同味啦! 返到屋企加熱後嘅雞都幾嫩滑, 味道惹味, 食完唔口渴! 麻辣都真係幾辣, 唔食得辣嘅, 記住要少辣囉! 🍢滷水拼盤 ~ 有牛肚、腩肉、豬腸、鵝腎、鵝翼、豬耳等等, 好豐富呢! 滷味滷得入味, 口感仍在, 又唔會過咸, 最欣賞豬腸及鵝腎, 好出色! 豬腸軟滑仍有咬口, 鵝腎唔會硬, 好爽口, 正!

疫情之下晚市禁堂食，就去左附近買外賣，發現一間Frshlane專係做外賣，一個地方可以自取好多間唔同餐廳嘅外賣，而且好似速遞自提櫃咁既方式幾有新意🙃麻辣雞煲🐓雞既醬汁唔錯，三色椒加洋蔥，辣度啱啱好，唔會太麻唔會太辣😀滷水拼盤🍱豬大腸、牛柏葉、鵝掌、豬腩肉、雞腎、豬耳，拼盤非常豐富，味道正常，難得可以一次過食到好多款滷水，好少餐廳可以做到😀餐廳外賣仲有好多款陳家菜唔同選擇，價錢合理，味道正常。

突如其來的晚市沒有堂食，又不想煮飯唯有點外賣吧😢。使用外賣平台點餐挺方便的，這次在網上外賣平台選購了中菜，餐廳有多款小菜選擇，也有一人餐可選，就隨便點了兩個來試試看吧🙈。-💥滷水拼盤 HKD$108，這個滷水拼盤色澤挺深色的，看似很濃郁的賣相🤩。拼盤有三款食物，包括豬腩肉、牛肚及牛。用了獨門配料做滷水汁，味道濃郁不太咸，食材挺入口的，而且口感腍身🤤。-💥麻辣雞煲 HKD$86，打開已聞到很香的味道，看到雞肉份量挺多的，另有三色椒及洋蔥等配料 。雞肉肉質嫰滑，味道濃郁挺惹味的。吃的時候散發著少少辣味，用2來拌飯不錯的。-

💛❤️💛IG@hat.t.y心血來潮好想食辣🌶每星期嘅都有幾晚好想食辣🥺雖然冇咗堂食，但都阻唔到Hatty想食辣嘅衝勁！啱啱就喺上環外賣咗麻辣嘢🤪當然喺電話落單外賣都得啦！小店主打川味菜式，價錢唔貴($4x-$6x)😚❤️麻辣燙❤️隨便一撈已經有滿滿配料，配料好豐富🤤有椰菜花、單骨雞翼🐣、金針菇、蟹柳、薯仔🥔等等😋單骨雞翼食用方便，唔使落手都好易脫骨，薯仔份量好多，所以一個人食完一碗都已經好有飽足感🤰🏻麻辣燙好香，而且辣得過癮，冬天食完呢個真係會暖晒🔥🧡麻辣雞煲🧡未食已經聞到麻辣香味，雞肉肉質嫩滑，麻辣又惹味，食多幾碗白飯🍚都得呀😆其實雞肉嘅份量都幾多，仲有洋蔥三色椒作為配菜，可以話係色香味俱全😎留意到佢仲有滷水系列，下次食埋佢先！📍陳家菜 @ Freshlane (樂基商業中心)📍上環德輔道西103號樂基商業中心1樓Kitchen 6

收工攰攰地，唔想再煮野食，見到上環有間freshlane，一個地方可以自取好多間唔同餐廳嘅外賣，又幾特別。天氣涼涼地，最鍾意食啲煲類🍲上到去又幾特別，一格格好似啲速遞自取櫃咁😂.麻辣雞煲🐓冬天食雞煲就最啱，熱辣辣🔥暖笠笠。我唔食得太辣，小辣啱啱好，麻辣好惹味🤤配料好似洋蔥🧅同椒，索晒醬汁，撈飯一流。.滷水拼盤呢個拼盤好豐富，有豬大腸、牛柏葉、鵝掌、豬腩肉、腎同埋豬耳，大雜燴一次過可以食到好多款滷水，滿足。

陳家菜唔想煮飯但又唔想出街食上網搵到間餐廳專做外賣小菜 -陳家菜係正我老公公司附近 一於就試下😆可以打電話📲/係各大外賣平台落單唔洗企喺度選擇困難諗食咩🙈揀完仲要等到天荒地老🥸依家超方便 一程車嘅時間選擇好食乜去到就直接拎外賣返得屋企對於愛好食辣既我 見有川菜梗係要揀啦😆麻辣香鍋可以自己選擇辣度同埋配料~~揀咗午餐肉 薯仔 娃娃菜五花腩肉 豆卜 牛丸 全部都係最愛食既餐肉好入味 辣中透香又夠軟熟五花腩肉肥瘦適中 夠晒香口豆卜薯仔等配菜都好出色餸飯一流牛丸超級彈牙 好爽口最推介嘅配菜炆雞好嫩滑 芋頭帶出更加有層次嘅口感同雞肉互相配合得宜 香味更加濃郁餃子直頭又係食到停唔到口皮薄餡靚 就咁單獨都可以食好多隻有得自己揀餸選擇真係好彈性而且價錢非常合理絕對抵過喺自己屋企煮飯啊味道就更加唔使講好食之餘返到屋企仲係暖暖地唔使返叮咁耐損失食物質素值得推介大家試一下無論大家鍾唔鍾意食辣都可以根據自己喜好同口味總有一款啱你食🤤