陳家菜 @Freshlane (樂基商業中心) (已結業)

2021年12月22日 星期三今日係西營盤早左收工準備放聖誕節，原本諗住買定餸返屋企煮飯咁啱行過呢一間大廈，見到裡面原來有唔少外賣食肆，一直都無發現到，只要預先點左餐，等一陣間之後就可以上去自行取貨，十分方便，突然間就諗不如買外賣返屋企食就算，可以省卻買餸煮飯既時間，所以就戰戰兢兢上左去上到去見到好似提貨點咁，有好多智能櫃，指示好清晰，而且夠晒整潔最後我選擇咗陳家菜呢一間餐廳，因為想食雞煲，冬天之下食就最正，而且仲可以揀唔辣，符合晒老婆既要求，最重要係雞煲好難自己係屋企整到，因為要包含好多配料同調味料，加上整得好食難度十分高最後我仲加多左個菜同小食添拎返到屋企已經急不及待咁打開個雞煲，想試下咩味，估唔到仲係有煙出，暖暖地唔需要加返熱就食得，目測已經見到有好多配料，雞就佔左絕大多數，試食其中一舊發現非常入味，食得到有花椒、八角既味，雞肉仍然保持嫩滑，而且啖啖肉唔多骨，醬汁食完都唔口渴，用嚟送飯一流！！小食方面有黑椒蜜汁雞翼，黑椒同蜜糖味配合得岩岩好，而且煎得好香脆，食落去幾惹味最後加多一個菜，用左蒜蓉黎炒，菜睇落去完全唔黃，加上唔老，所以食落口係爽脆既，而且水份好足夠，食完兩個人都已經飽

今次又有好介紹，港島區有福了，原來依家有全新叫外賣平店，有超過二十間餐廳，全部即叫即造，唔會凍冰冰同勁快手👍🏻凍凍地小編就叫左陳家菜試下，港式小炒煲仔菜，麻辣小食及各式滷水。藥膳雞煲白飯兩碗落完單之後行過到去已經即刻攞得，岩岩好👍🏻湯頭清甜好飲，飲落去非常舒服，配料非常足料有齊，黨參、紅棗、枸杞、龍眼肉，仲有半隻雞，完全唔油，而且雞肉嫩滑，雞隻食得出係新鮮雞👍🏻另外叫左個椒鹽雞翼新鮮炸開，返到屋企仲有脆口感，不錯👍🏻

屋企人偶爾不想煮飯，就唯有外賣返屋企食，見到外賣app上有間幾特別的住家菜，就點了來吃，發現原來外賣都可以唔頹的😋！雖然可以用外賣app送餐，但想去行下，所以選擇了自己pickup，原來餐廳是在freshlane內，入面仲有好多其他餐廳！（個人覺得呢個cloud kitchen concept都幾特別，仲可以比我地多左好多食物選擇）由於天冷的關係，點了個藥膳醉雞煲，非常暖胃☺️一打開已聞到陣陣藥膳香味，入面有當歸、黨參同半隻雞，啖啖真材實料，味道濃香甘甜。而且雞肉是好有咬口的，雞皮亦非常嫩滑滷水拼盤都非常多款式，有鵝翼、豬大腸、豬耳、雞腎等，款款都好入味。特別喜歡豬大腸軟嫩香濃，還有豬耳全部都是脆骨，比較少肥下次再來食住家菜！

新一年其中一個願望係無飯煮婦😛因為買切洗煮真係已經玩足幾個鐘🤦🏻‍♀️港女很累呢期我發現到呢間西環美味外賣推介🥡陳家廚房💁🏻‍♀️可以電話📞同各大外賣平台都可以落單，方便快捷👍🏻小店主要提供中式私房菜，主要係川菜口味，有麻辣系列、滷水系列、主菜、涼拌菜、飯麵類⋯⋯今日兩個人首先揀左滷水拼盤，好香既滷水味，拼盤差唔多有齊咁多款餸，有雞翼、牛肚、牛𦟌、腩肉、雞腎、豬耳！每樣都有啲就唔怕悶啦！第二樣揀左麻辣香鍋（少辣），下單時可選擇辣度，而配料亦都可以自己選擇！不過今次我就任由廚師發板，有龍蝦丸、牛丸、腩肉、薯仔、牛肚！醬汁調教適中，香口得黎唔會過濃過辣！餸菜都好彈牙！最後就麻辣雞煲，天氣凍食雞煲好暖胃🥰同樣可以自己揀要約幾多人份量同辣度！少辣已經好惹味！雞肉全部入曬味😆送酒/飯一流😋雖然返屋企需要一段時間，但係只要用微波爐加熱一下就可以了🙃輕輕鬆鬆就可以食到美味私房菜！

今日屋企冇人煮飯，決定簡簡單單叫個外賣返屋企食～上網望一望外賣Apps，搵到呢一間餐廳 主打外賣小菜 一於就叫兩個餸返屋企啦！我哋叫咗枝竹羊腩煲同雞煲，白飯兩碗例湯兩碗～落完單之後過到去已經即刻攞得，效率非常高！枝竹羊腩煲冬天食呢個真係好滋補，非常暖胃，羊肉食起上嚟冇乜羶味，羊腩鮮嫩多汁 配上枝竹可中和羊肉 ， 非常好食！雞煲有好多雞件 配上洋蔥🧅，秘製醬汁味道有點辣，又刺激，送飯一流！例湯清甜好飲，飲落去非常舒服依家外賣小店價錢不貴，員工態度非常好👍，值得再嚟！

做冬想加餸，依家外賣話咁快就到。西環陳家菜 @ Freshlane，專做外賣港式小炒煲仔菜，也有麻辣小食及各式滷水。想隨時隨地加餸，或者深宵睇波肚餓，打開個apps落單，唔洗幾耐，外賣好快可送到家中。講番呢餐冬至加左咩餸沙嗲金菇肥牛煲到大排檔必點菜式，送到黎屋企時仲係熱辣辣，沙嗲又香又惹味，粉絲吸收晒沙嗲汁，超過癮，牛肉同金菇份量都多，成個煲同去大排檔食簡直無分別-滷水拼盤有 雞翼雞翼尖腩肉大腸 同埋豬耳，當然自己想揀邊部位食都得，懶人就揀大集匯吧！雞翼同翼尖都啖啖肉，腩肉肥瘦分明，最正係滷水滷得入味唔過喊，又唔會好重藥材味。-涼拌麻辣牛肚絲牛肚絲超爽口，有麻有辣層次分明卻又唔會食到孖潤腸，加埋我最愛的芫荽，小小地好好食ar😍

🐮滷水拼盤諗唔到揀邊樣就揀拼盤，咩都有🤣牛展，鵝掌，豬耳，牛肚，每款都好入味，又唔太鹹🤩 🐔蔥油雞本身想試口水雞，但係怕辣嘅我選擇咗蔥油雞🤭 好香蔥味，醬油鮮甜，咁樣做法嘅雞，肉質嫩滑😍 配飯食一流!!椒鹽雞粒好香椒鹽味，外面仲有少少脆，細細粒咁食左都冇罪惡感😇最啱送酒🍻今次我係外賣自取，不過各大外賣平台都有，可以慳返等外賣嘅時間😚陳家菜 @ Freshlane (樂基商業中心)📍上環德輔道西103號樂基商業中心1樓Kitchen 6

今日心很累，放工後唔想再自己煮飯食；係上環搵到呢間外賣，咁就一於買返屋企慢慢嘆…最後同老公叫咗四樣嘢，連埋兩個白飯，我哋都食得好滿足；首先有兩個小食：椒鹽雞翼同炸花枝其實炸物一般由整好計開始，盡快食用一定最香口；但我哋經過一輪長時間車程返到屋企都依然香脆，真係難得！至於肥牛粉絲煲同羊腩煲，雖然無咗堂食個煲熱住，但依然都係食落暖笠笠架！沙嗲肥牛粉絲煲：絕對係下飯之選！香濃沙嗲搭配肥牛粉絲索晒汁吸晒味！係呢個冬日雖則唔算話好凍，但有呢啲煲類暖下個胃都係食得好開心舒服😌羊腩煲：好足料！羊腩份量夠晒多！好抵食😋拎到返屋企食都仍然食得出夠火候去煮！冬天緊係必點羊腩煲🥰誠意推薦！🔄

經外賣平台落單叫左間位於上環既中式小菜，除左飯麵，仲有唔少川味涼拌菜同麻辣小食，冬天食少少辣野，個人都暖啲。外賣自取既地方係樂基商業中心旁邊，轉個彎，從側門樓梯進入，上一層就到。秘製雞煲可以揀不同既辣度，今次叫左唔辣，更能突出醬汁既味道。雞煲用左半隻雞，有不同部位，雞肉幾滑而且幾入味，係非常適合配飯既小菜。涼拌青瓜青瓜好爽口，帶少少辣，幾唔錯。涼拌皮蛋辣得嚟好惹味，好鐘意個口感，呢個小菜值得一試。

因為中午吃太飽的關係，晚上也吃不下飯了，跟家人說了一下，就叫我去買點外賣回來吃，剛好看到這間新開的，就打算試試是怎樣的！滷水拼盤拼盤挺大的一份，內裡有爽中帶嫩的牛𦟌，帶點軟糯的鵝掌，爽脆的鵝腎和豬耳，軟糯香滑的腩肉和彈牙的牛肚，每款都滷得非常入味，吃起來又不會太鹹，味道剛好！蔥油雞這個是有點像廣東的做法，將蔥油和醬油混合，然後再淋上雞上面，吃起來蔥香十足，醬油又挺香的，而且因為蔥油的關係，感覺雞肉吃起來更嫩滑，雞味挺濃的，配飯吃挺不錯！椒鹽雞中翼椒鹽基本上很多香港人都喜歡吃，我都不例外，炸得外脆內嫩的雞翼，再配上非常惹味的椒鹽粉，既鹹香，又帶點蒜味和辣味，吃起來真的非常過癮！蜜汁烤豬肋骨因為等太久的關係，店員贈送的，吃起來鹹鹹甜甜的，蜜汁味挺香，而且豬肋骨的肉汁挺多！

托呀姨嘅福❤️今晚加料有餸🤣原本諗住外賣唔寫啦😋點知到訓教前仲有陣麻香味🤪不得了！食物秘製麻辣雞煲 - 必試送餸一流！我個人唔係好食辣都勁掛住雞煲🤣🤣🤣呢個餸食完係會令你條脷👅先有辣嘅味，後有又麻又酸嘅刺激🎢撈飯一流🤓麻辣豬耳 - 必試應該係一樣汁秘制？🙈又係先辣後麻！但因為係豬耳！勁爽！我食咗2舊，已經俾人搶晒😵‍💫超好食！愈食愈開胃！🤪涼拌牛肚 - 必試呢個係凍嘅！個牛肚勁爽脆！同埋都有好多舊❤️❤️❤️椒鹽雞翼 - 小朋友之選🧒🏻👦🏻頭先個啲辣野實在唔岩小朋友食🤣🤣所以一開蓋已經俾卡樂b偷食一舊🤓好香椒鹽味，外面仲有小小脆脆口感！入面啲雞肉又嫩又入味…最後因為唔夠雞翼😵‍💫2兄弟爭食下次嗌多份先得蜜汁烤豬肋骨 - 媽咪之選呢個好好食😋又可以令小朋友安靜嘅食物🤣就係揸住一枝骨密密咬🙈我就可以快快脆脆食其他野🤪呢個其實啲用好冧，因為連骨，所以肉味香濃。其實啜下枝骨，你又會發現佢個蜜味都仲有！滷水拼盤 - 小朋友之選好香嘅醋味❤️魚仔餅勁愛呢個，一個2歲人仔，剪啲腩肉俾佢，食到一碗仔飯😋叻叻☺️特別資訊原來呢間野自取係要係後巷行樓梯上一樓，而呢到係好多間餐廳廚房。啲車手就會係呢到好似智能櫃咁簽到

早幾日見凍凍地，搵到呢間屋企附近嘅外賣店，原來有幾個網上外賣平台都有同呢度合作，見近近地，我就選擇咗去自取。呢度有個取餐櫃位，平時打電話嚟order完，按返時間過嚟攞就得，好方便！古法羊腩煲～呢度所有食物都係即叫即熱，羊腩又淋又惹味，整得乾淨👍🏻返到屋企，媽咪已經攞定個煲出嚟😄，自己加啲支竹，煮完醬汁依然香濃，配飯好正！黑椒蜜汁雞翼～雞翼好juicy又入味，攞到返屋企都仲keep到個熱度，外脆內有汁，黑椒味唔算重，而且香香甜甜，小朋友都啱食。個餐配埋佢哋嘅自家製杭菊飲品，微甜又清香。仲有番薯薑糖水，好啱呢個天氣！

而家外賣店方式越黎越多不同，今日叫左間新開既中菜私房菜。菜單睇落想以私房菜方式做，電話同外賣平台都可以落單。滷水拼盤滷得好入味，裡面有鵝掌、豬耳、豬大腸等，佢幾好，落完單佢問番我地有冇咩唔食得，佢會調整配料份量。麻辣香鍋一打開外賣盒已嗅到勁香，配菜自已簡，我簡左幾款試下，味道有孜然同麻辣味，食辣鍋當然要食麻辣味。佢既辣味唔錯，唔係死辣個款，又香又夠辣。椒鹽雞中翼🐔炸得唔錯，岩岩好既感覺。外面炸得好脆，但裡面仲保留到肉汁😋

前晚太早食晚餐7點又開始餓屋企人坐言起行去咗訂野食外賣包裝非常企理包得好密實涼拌尖椒皮蛋 Cold Tossed Green Chili Pepper with Preserved Egg皮蛋份量都幾多香得黎唔死辣作為前菜好開胃椒鹽雞中翼 Salt and Pepper Chicken Wings通常外賣一定唔叫椒鹽怕椒鹽炸物會淋曬一pat pat今次意外地個椒鹽雞翼仲係脆脆地調味恰好 唔會太重手又食到香香椒鹽味 外賣質素好優質滷水鵝翼 Marinated Goose Wing滷水牛肚 Marinated Beef Tripe簡單來說入味 烹調時間恰到好處牛肚洗得乾淨 冇異味煮的酥而不爛，軟嫩彈牙選麻辣香鍋 Chilly Pot 鍋底由十種四川香料和醬汁烹調而成，可揀麻辣或孜然（後來睇網站先知）今次食咗麻辣味揀咗以下小食 ：龍蝦丸、鵝掌、木耳、油麥菜、豬肉丸、雞蛋、鵝腎、豆卜、青瓜等等一碟菜滿足全家人口味如果晚餐時段送白飯應該單單汁都可以添多幾碗白飯冬天夜晚食辣野成個人暖笠笠大滿足

用訂餐平台在這間外賣店點了好幾款小食，外賣店主要做川菜，有麻辣系列、川味涼拌菜，還有唔辣嘅滷水系列和其他特色小食最喜歡麻辣牛肚絲，特地點了小辣多麻， 味道調教得剛剛好， 微辣程度可接受，又香又麻，還有滿滿的蒜香味， 牛肚絲爽口又吸味， 這個好食椒鹽雞中翼炸得酥脆非常，雞翼唔肥唔油，雞皮非常薄， 基本上和炸皮混成一體， 而且有很多炸蒜粒，香口又惹味鹵水拼盤有鴨掌、鴨翼、牛展、牛肚和豆腐， 鹵水夠濃夠香，鴨掌鴨翼肉質柔軟， 不過略嫌鹵水汁浸得未夠入味