陳漢記 (已結業)

之前同朋友講開現在好難找到一間好食嘅牛腩河，朋友就推薦我去大埔陳漢記不過我覺得有點遠所以一直都沒有試，今日突然好想食牛腩可遠就遠啦去試一試，一点去到要排隊咁遠來到都要排啦，我最初以為得粉麵食原來有好多野食，不過我一心都係想食牛腩可當然就叫牛腩河啦老公就食咖哩牛腩飯，牛腩河一到見有好多餸第一時間飲啖湯試試湯底先~果然夠香濃牛腩唔韌好食再加點辣椒油老公個咖哩牛腩飯都好好食再加杯凍檸茶~正，我見有好多人食腸粉同炸雞髀可能好好食下次一定會再來試試其他

今日行過大埔呢一間陳漢記，見有啲肚餓， 而且lunch嘅時候亦都唔係太夠飽，咁就入去陳漢記叫左碗艇仔粥再加上個叉燒腸， 佢個腸粉到ok。就係啲師兄師姐講嘅玻璃腸，咁我覺得佢個腸粉皮都ok嘅，都唔係太差，行過嘅朋友都可以試下嘅。

天氣凍就會想吃煲仔飯，晚上黎到就已經要排長隊，好多人來吃等到差不多到你員工就會先問你要食咩，點完餐入到坐要等好耐，應該是即點即煮，我們就先叫可樂飲。臘味滑雞煲仔飯(HKD67) 料十足，有淋上醬油的話，吃到底會有飯焦，臘味好味，而且雞滑嫩。鳳爪排骨煲仔飯(HKD53)，鳳爪排骨就像平時酒樓食的味道，肉嫩，飯香。食物是沒問題，不過侍應態度好差，問多樣野就會被人話，問要等幾耐才上煲仔飯，態度回應不太好。

趁天口未有咁熱，嘆返個煲仔飯! 以前煲仔飯通常都想係大排檔食，例如油麻地附近都仲有地方食到。 不過想入鋪食得舒舒服服，非大埔陳漢記的煲仔飯莫屬! 煲仔飯最重要係飯煲得靚，飯底絕對係唔濕， 飯焦底香脆唔硬，咁先係正! 陳漢記食咁多次，幾乎次次水準都KEEP到必食窩蛋牛肉煲仔飯習慣一上台面等多一分鐘先揭蓋淋煲仔飯豉油淋完再蓋蓋等多2-3分鐘先開動!! 咁樣D飯先唔濕同埋飯焦會索到豉油味牛肉好滑，鮮甜的似味滲係D飯到! 就算好熱都好快一啖一啖咁食完!! 其實一煲的份量幾多，通常二人一齊食就會叫一個煲仔飯+一個粉麵 咁就剛剛好!!

夜媽媽係大埔想食宵夜，衣間粥舖相信好多大埔人都識，d粥夠大碗，價錢合理，而且選擇非常多，就算係粥同腸粉都好多款，夜晚仲有煲仔飯。是日叫左生滾鮮魚片粥，一碟牛肉腸粉同一條油炸鬼。腸粉好滑，都幾多牛肉，配埋個豉油好正。仲要有三大條，女仔一定食唔晒。油炸鬼外脆內軟，我就鐘意浸落個粥到一齊食，好好果。個粥睇相都見到好大碗，一個女仔應該淨係食碗粥都飽，好多魚，係咁食都仲有，個粥好有魚味，一食就知真係生滾，好香。

抗疫期間去大埔取口罩，一定去試陳漢記啦.........真的一試難忘。腸粉晶瑩通透，入口即溶，豬膶切幼絲，易吞、易食，簡直想再來一碟😋😋😋花蟹粥味道也不錯，一隻小蟹一碗粥，沒有碎骨，仲有🦀🦀蟹膏，幾十蚊碗簡直超值呀。腐乳通菜看似普通油菜，只需一口後便會整碟吃掉，香滑的腐乳從未食過，要叫菜的話可以一試。壓軸重頭戲的崩沙腩，有口感，嚼嚼下有咬口，不黏牙縫，每片刀功一流，一筷一口，配上樽裝可樂，將近日的悶氣也一一消取🤩🤩🤩

是日想食得清清地，即刻諗起玻璃腸粉！陳漢記以煲仔飯、玻璃腸粉最出名平日門口會排長龍，今日落雨唔洗排隊即刻叫我的最愛「玻璃蝦腸」x2🤤5分鐘有得食（伙食好nice, 會笑笑口吹下水）腸粉皮薄 滑 無粉粒、蝦肉爽 有調味1分鐘清一碟 豬膶腸粉、好濃豬膶味 唔鞋 無沾豉油會覺得淡口少少趁熱食！腸粉真係一流 略嫌油太多皮蛋瘦肉粥+鵝腸粥綿足料，鵝腸肥瘦一時時另會比辣椒豉油沾鵝腸食滑雞排骨煲仔飯+臘腸15分鐘有得食飯粒夠乾身、唔會濕淰淰飯焦脆卜卜，但可以再香口d水準正常無咩驚喜，無咗平時煲仔飯熱呼呼、香氣撲鼻個feel 加兩杯凍飲埋單$240 兩人略貴但可接受

同事話呢間陳漢記好出名，於是我哋嚟呢度食下午茶。.首先我哋叫咗一份炸兩，腸粉皮好薄，見得到裏面嘅油炸鬼，咬落去油炸鬼香脆，整體令人滿意。.我哋仲叫咗一份雞翼配薯條嘅茶餐。雞翼調味正常，好香脆。但另一方面，薯條熱度不足，較為失色。

星期日去踩單車 🚴前，來呢間鋪食嘢補充能量。 佢哋好期待食煲仔飯，結果去到發現 六點先供應。🤣.於是乎我地點咗粥同腸粉 兩個人share～.🌸鵝腸百葉粥 HKD | 53第一次食鵝腸百葉粥 感覺幾唔錯下。因為兩樣都係我鍾意食嘅～ 鵝腸同百葉都係比較爽口，粥好好味～.🌸豬潤腸粉 HKD ｜28豬潤好淋～配醬油 啱啱好夠味。味道ok，冇咩太大特別。.🌸凍杏仁霜 HKD｜18貴⋯ 而且味道一般般。.總體而言 粥唔錯 會再來食粥。同埋下次試煲仔飯

夜晚經過陳漢記，見佢今次唔使排隊所以又食咗呢間野。第二次食陳漢記餐廳，服務質素冇改善過，夥計都係咁串由於是夜晚10:30才入去食嘢 ，因此沒有套餐優惠，價錢略小貴。一碗白粥價值$20，本人覺得不值。今次嘗試了田雞臘腸煲仔飯，飯焦都幾好食如果臘腸可以切片就更加好。叉燒腸的叉燒都多，唔錯唔錯不過豉油落得太多了。今次仲單點左鹹肉糭，入邊冇什麼料整體而言，我覺得如果要排隊的話就可以不需要考慮呢一間，如果間中想食下茶餐廳都可以嘗試下

困咗自己喺屋企🏡咁多人日，終於有藉口比自己喺weekend出嚟唞一唞🤪 每年我哋都會去 #林村許願樹 走一走，逛吓 #大埔 嘅 #小店，最後總係會去到 三小姐晚飯小菜「整幾味」先返出九龍... 可惜撞正今年佢哋大裝修，我哋唯有轉呔去「陳漢記」試吓佢哋馳名嘅 #煲仔飯🍚仲以為呢排大家都怕怕，一定少咗人出街食飯，點知舖內舖外一樣 #人山人海，我哋喺門口排咗差唔多40分鐘先有位坐😅好彩喺排隊嘅時間，#伙記 已經幫我哋寫咗 #兩煲飯，到我哋坐低嘅時候加埋其他小食，好快就可以開餐喇🥳 先上枱嘅係 #及第粥，粥底煲得好綿、配料有 #豬潤、#肉丸、#粉腸 等都好新鮮呀👍🏻 反而叫嚟配粥嘅 #鮮蝦腸粉 就認真麻麻， 或者因為係我哋將碟腸粉放得太耐、外皮做得唔夠細滑😅 見兩煲飯仲未嚟，我哋又口癢起嚟，叫咗半份(6粒) #鯪魚球 嚟做 #餐前小食，加埋 啲 #蜆芥 一啖一口，正呀喂👍🏻講到主角 #煲仔飯，#臘腸滑雞 做得好好👉🏻 雞肉唔會煮得太老， 加上特製 #豉油加以攪拌， 真係比一般嘅茶餐廳出色👍🏻 反而另一個 #白鱔煲仔飯 啲 #鱔片 就真係腥咗啲，我就唔識欣賞喇😅 最後我就叫咗杯 #熱檸樂煲薑，#

大埔老字號 香港地道風味 據說它的煲仔飯是香港數一數二的 當晚差不多9 點多還是需要排隊等位 看來名氣很大 我們也很期待～🤩.🍲田雞白鱔煲仔飯 $81超期待的煲仔飯 田雞和白鱔的份量很足 鋪滿了整個煲仔飯 但可惜火候未夠 飯粒不夠乾身 食到底時只有少量飯焦 而醬油也是敗筆 不夠鹹 沒能帶出白鱔的鮮味. ⠀⠀⠀⠀⠀⠀⠀ ⠀⠀⠀⠀⠀⠀⠀🦐鮮蝦腸粉 $23陳漢記另一招牌菜就是即叫即做布拉腸 皮薄餡靚 晶瑩剔透的腸粉 包著大大隻的鮮蝦 難怪它家的腸粉又叫做玻璃腸粉 但同樣地敗筆也是出在醬油身上....🥦腐乳通菜 $19普通的白烚通菜再鋪上腐乳醬 不過不失 但越食越鹹....總結: 有點名大過實 覺得真的不需要專程到大埔排隊吃這家的煲仔飯🌚.⠀⠀⠀⠀⠀⠀⠀ ⠀⠀⠀⠀⠀⠀⠀ ⠀⠀⠀

不知所謂! 今晚點左個豬潤粥外賣，竟然食到兩條魚骨，原本想卑生病的小孩子食，好彩拒地無胃口無食，否則梗骨便不堪設想，完全是離嗮譜，以後唔會再幫櫬!! Totally ridiculous!

陳漢記墨魚丸以前細個係大埔食過炸墨丸想搵番以前個味所以走左入去陳漢記試試佢呢到墨魚丸魚味比較重 咬落口有小小次超彈牙魚蛋唔係唔好食 不過唔係我細個食過隻味炸完超辣口 重有沙律醬點點炸墨丸算Ok la

聖誕節晚上沒有去叫聖誕大餐，反而去大埔食陳漢記，平時都要排長龍，諗住今日聖誕節，啲人應該都會出去食聖誕大餐，唔會食中餐，應該唔會太多人，不過事實係都有好多人排隊，要排成半個鐘先有位。今次分別點了公司臘味煲仔飯、滑雞牛肉潤腸煲仔飯、炸兩、白灼魚皮同腐乳通菜。先講煲仔飯，公司臘味當中包括了臘腸、潤腸同臘肉，都幾香，但如果有埋臘鴨應該會更加香；另一個滑雞牛肉加潤腸，啲雞都真係幾滑，牛肉片亦幾大塊，而且都有幾多件雞同牛肉，整體份量都幾多。同時亦都叫咗碟炸兩，不過就一般，無咩特別；反而碟腐乳通菜幾有驚喜，啲腐乳真係幾香，配合埋通菜真係幾好食。白灼魚皮就都算爽口，但無咩味道，係要靠豉油先有啲味。